අමාත්‍යාංශය
2024 නොවැම්බර් මස 25 දිනැති අංක : 2412/08 දරණ ආරක්‍ෂක අමාත්‍යංශයේ කාර්යයන් හා කර්තව්‍යයන් පිලිබඳ ගැසට් නිවේදනය
01.විෂය පථය
ජාතික ආරක්‍ෂාව තහවුරු කිරීම ප‍්‍රමුඛව ශ්රී ලංකාව ඒකීය ස්වෛරී රාජ්‍යයක් ලෙස ජනතා අභිලාෂයන් සුරක්‍ෂිත ලෙස තහවුරු කිරීම
02.විෂයන් හා කාර්යයන්
1. රජය මගින් ක්රියාත්මක කරනු ලබන ජාතික ප්‍රතිපත්ති මත පිහිටා ආරක්‍ෂාව, ආපදා කළමනාකරණය සහ ප්‍රතිචාර පිළිබඳ විෂයයන්ට සහ අමාත්‍යාංශය යටතේ ඇති දෙපාර්තමේන්තු, ව්‍යවස්ථාපිත ආයතන හා රාජ්‍ය සංස්ථාවන්හි විෂයයන්ට අදාළ ප්‍රතිපත්ති, උපායමාර්ග, වැඩසටහන් සහ ව්‍යාපෘති සම්පාදනය කිරීම, ක්රියාත්මක කිරීම, පසු විපරම් කිරීම හා ඇගයීම.
2. අමාත්‍යාංශ විෂයය පථයට අයත් වන මහජන සේවාවන් කාර්යක්‍ෂමව හා මහජන හිතකාමී අයුරින් ලබාදීම.
3. නාස්තිය හා දූෂණය පිටු දකිමින් අමාත්‍යාංශයේ කාර්යභාරය ඉටු කිරීම සහතික කිරීමට ඉවහල් වන ආකාරයට නවීන කළමනාකරණ ක්‍රම හා තාක්‍ෂණය යොදා ගනිමින් සියලුම ක්‍රම සහ විධි ප්‍රතිසංස්කරණය කිරීම.
4. ජාතික ආරක්‍ෂාව තහවුරු කිරීම.
5. අභ්‍යන්තර ආරක්‍ෂාව පවත්වාගෙන යාම.
6. රාජ්‍ය හා අභ්‍යන්තර ආරක්‍ෂාව තහවුරු කිරීම සඳහා පවත්නා වූ ඒකාබද්ධ බුද්ධි යාන්ත්‍රණය විශ්වාසවන්ත හා කාර්යක්‍ෂම ලෙස වැඩි දියුණු කිරීම.
7. ජාතික ආරක්‍ෂක උපදේශක මණ්ඩලය පිහිටුවීම හා ක්රියාත්මක කිරීම.
8. ආගන්තුක හමුදාවන් හා සබඳතා පවත්වාගෙන යාම.
9. ජාත්‍යන්තර මානුෂීය මෙහෙයුම් සඳහා සහයෝගය ලබාදීම.
10. පුපුරණ ද්‍රව්‍ය, ගිනිඅවි, පීඩාකාරී ආයුධ සහ රසායනික අවිවලට අදාළව වගකීම් ඉටුකිරීම.
11. ප්‍රදීපාගාර නඩත්තුවට අදාළව වගකීම් ඉටුකිරීම (වරාය අධිකාරිය සතු ප්‍රදීපාගාර හැර).
12. ආරක්‍ෂක සේවයේ පුද්ගලයන් සඳහා ආරක්‍ෂක අධ්‍යාපනය හා පශ්චාත් සේවා අධ්‍යාපනය ලබාදීම.
13. ආරක්‍ෂක සේවයේ පුද්ගලයන් සඳහා උසස් අධ්‍යාපනය ලබාදීම.
14. පුද්ගලික ආරක්‍ෂක සේවා සම්බන්ධ කටයුතු.
15. විද්‍යාව, තාක්‍ෂණය සහ නවෝත්පාදන සමග ජාතික ආරක්‍ෂාව පිළිබඳ දැනුම ඒකාබද්ධ කිරීමෙන් ආරක්‍ෂක අංශයේ විශිෂ්ටත්වය ඉහළ නැංවීම.
16. ශ්රී ලංකාවේ අනන්‍ය ආර්ථික කලාපයේ (EEZ) ආරක්‍ෂාව සහ ස්ථාවරත්වය සහතික කිරීමට හැකිවන පරිදි ශ්රී ලංකා නාවික හමුදාව හා වෙරළාරක්‍ෂක බළකාය තාක්‍ෂණිකව යාවත්කාලීන කර අදාළ නීති බලගැන්වීම.
17. ගලවාගැනීමේ මෙහෙයුම් සහ වෙරළ ආරක්‍ෂක සේවය පරිපාලනය කිරීම.
18. උදර්පණයට අදාළ කටයුතු.
19. වයෝවෘද්ධ රණචිරුවන් හා ආබාධිත සොල්දාදුවන් පිළිබඳ කටයුතු.
20. කාලගුණය හා දේශගුණය පිළිබඳ සේවාවන් සැපයීම.
21. කාලගුණ විද්‍යාත්මක සමීක්‍ෂණ හා පර්යේෂණ සිදුකිරීම.
22. නායයෑම් ආපදා කළමනාකරණය සහ ඊට අදාළ පර්යේෂණ හා සංවර්ධන කටයුතු සිදුකිරීම.
23. ස්වාභාවික ව්‍යසන පෙරයිම් කිරීම භා ඒ පිළිබඳ අදාළ අංශ හා ආයතන දැනුවත් කිරීම.
24. ස්වාභාවික ව්‍යසන සහ මිනිසා විසින් සිදුකරනු ලබන ව්‍යසන පිළිබඳ දැනුවත් කිරීමේ වැඩසටහන් සම්බන්ධීකරණය කිරීම.
25. ස්වාභාවික ව්‍යසන සහ මිනිසා විසින් සිදුකරනු ලබන ව්‍යසනවල දී ගලවාගැනීමේ මෙහෙයුම් ක්රියාත්මක කිරීම.
26. ස්වාභාවික ව්‍යසනවලට ඔරොත්තු දෙන පරිදි (ප්‍රත්‍යස්ථ) ඉදිකිරීම් ප්‍රවර්ධනය සහ තාක්‍ෂණික මාර්ගෝපදේශ සැපයීම.
27. නිවාස හා ඉදිකිරීම් යන අංශ සඳහා යෝග්‍ය තාක්‍ෂණයට අදාළ පර්යේෂණ හා සංවර්ධන කටයුතු දිරිගැන්වීම.
28. වර්ධනය වන තරඟකාරි වෙළඳපොළ තුළ, පොදු යහපත සුරකිමින් විදුලි සංදේශ කර්මාන්තයේ තිරසර සංවර්ධනය ප්‍රවර්ධනය කිරීම සඳහා විදුලි සංදේශ කටයුතු නියාමනය කිරීම.
29. සමුද්‍රීය ජල අවකාශීය දත්ත පැවතීම සහතික කිරීම තුලින් ශ්රී ලංකාවේ අනන්‍ය ආර්ථික කලාපය තුළ ජාතික සහ ජාත්‍යන්තර සමුද්‍රක ආරක්‍ෂාව තහවුරු කිරීම.
30. අමාත්‍යාංශය යටතේ ඇති ආයතනයන්ට පැවරී ඇති අනෙකුත් සියලුම විෂයයන්ට අදාළ කටයුතු.
31. අමාත්‍යාංශය යටතේ ඇති සියලුම ආයතන අධීක්‍ෂණය කිරීම.
03.අදාළ ආයතනික හා නෛතික රාමුව
|
1. ආරක්‍ෂක මාණ්ඩලික ප‍්‍රධානී කාර්යාලය 2. ශ්රී ලංකා යුද හමුදාව 3. ශ්රී ලංකා නාවික හමුදාව 4. ශ්රී ලංකා ගුවන් හමුදාව 5. රාජ්‍ය බුද්ධි සේවාව 6. සිවිල් ආරක්‍ෂක දෙපාරතමේන්තුව 7. ජාතික ශිෂ්‍යභට බලකාය 8. රසායනික අවි සම්මුතිය ක්රියාත්මක කිරීමේ 9. සර් ජෝන් කොතලාවල ආරක්‍ෂක විශ්වවිද්‍යාලය 10. ආරක්‍ෂක සේවා අණ හා මාණ්ඩලික විද්‍යාලය 11. ආරක්‍ෂක සේවා විද්‍යාලය 12. ආරක්‍ෂක පර්යේෂණ හා සංවර්ධන මධ්‍යස්ථානය 13. ජාතික ආරක්‍ෂක අධ්‍යයනය ආයතනය 14. ජාතික ආරක්‍ෂක විද්‍යායතනය 15. රක්නා ආරක්‍ෂක ලංකා සමාගම 16. ශ්රී ලංකා වෙරළාරක්‍ෂක දෙපාර්තමේන්තුව 17. ජාතික ආරක්‍ෂක අරමුදල 18. රණවිරු සේවා අධිකාරිය 19. අපි වෙනුවෙන් අපි අරමුදල 20. කාලගුණ විද්‍යා දෙපාර්තමේන්තුව 21. ව්‍යසන කලමනාකරණය සඳහා වූ ජාතික සභාව 22. ආපදා කලමනාකරණ මධ්‍යස්ථානය 23. ජාතික ආපදා සහන සේවා මධ්‍යස්ථානය 24. ජාතික ගොඩනැගිලි පර්යේෂණ සංවිධානය |
• ආරක්‍ෂක මාණ්ඩලික ප‍්‍රධානී පනත (2009 අංක 35) • යුධ හමුදා පනත (1949 අංක 17) • නාවික හමුදා පනත (1950 අංක 34) • ගුවන් හමුදා පනත (1949 අංක 41) • උදර්පණ නීතිය (1977 අංක 8) • පුපුරණ ද්‍රව්‍ය පනත (1956 අංක 21) • ගිනි අවි ආඥා පනත (1916 අංක 33) • වෙඩිපිටි සහ යුධ හමුදා පුහුණුවීමේ පනත (1951 අංක 24) • උපයෝගිතා හා පරිපූරක පනත (1985 අංක 40) • පීඩාකාරී අවි පනත (1966 අංක 18) • මුහුදු කොල්ලකෑම් පනත (2001 අංක 9) • ත‍්‍රස්තවාදය වැළැක්වීමේ පනත (1979 අංක 48) • මහජන ආරක්‍ෂක ආඥා පනත (1947 අංක 25) • රසායනික අවි සම්මුතිය පිළිබඳ පනත (2007 අංක 8) • ශ‍්‍රීමත් ජෝන් කොතලාවල රාජ්‍ය ආරක්‍ෂක අභ්‍යාස ආයතනය පනත (1981 අංක 68) • ආරක්‍ෂක සේවා අණ හා මාණ්ඩලික විද්‍යාලය පනත (2008 අංක 5) • ත‍්‍රස්තවාදී බෝම්බ ප‍්‍රහාර මැඩපැවැත්වීමේ පනත (1999 අංක 11) • සමුද්‍රීය සංතරණයේ ආරක්‍ෂාවට එරෙහිව සිදුකරනු ලබන නීති විරෝධි ක‍්‍රියා මැඩපැවැත්වීමේ පනත (2000 අංක 42) • පෞද්ගලික ආරක්‍ෂක නියෝජිතායතන පනත (1998 අංක 45) • වෙරළාරක්‍ෂක දෙපාර්තමේන්තු පනත (2009 අංක 41) • රණවිරු සේවා අධිකාරිය පනත (1999 අංක 54) • අපි වෙනුවෙන් අපි අරමුදල පනත (2008 අංක 6) • ජාතික ජලශාස්ත්‍රීය පනත (2024 අංක 7) • ශ්රී ලංකා ව්‍යසන කලමනාකරණ පනත (2005 අංක 13) • පුද්ගලනාශක බිම්බෝම්බ තහනම් කිරීම පනත (2022 අංක 3) • මෙම අමාත්‍යාංශය වෙත පැවරී ඇති විශයන් සහ කාර්යයන් මෙන්ම ක්රියාත්මක කල යුතු නීති සහ අණපනත් වලට අදාල අනෙකුත් සියලු ව්‍යවස්ථාවන් |