පසුගිය පුවත්
ශ්‍රීමත් ජෝන් කොතලාවල ආරක්ෂක විශ්වවිද්‍යාල රෝහ‍ලේ
ඉදිරි කටයුතු පිළිබඳ සාකච්ඡාවක් ජනපති ප්‍රධානත්වයෙන්
ශ්‍රීමත් ජෝන් කොතලාවල ආරක්ෂක විශ්වවිද්‍යාල රෝහ‍ලේ කටයුතු විධිමත්ව ඉදිරියට පවත්වාගෙන යාම පිළිබඳ සාකච්ඡාවක් ජනාධිපති රනිල් වික්‍රමසිංහ මහතාගේ ප්‍රධානත්වයෙන් අද (30) පෙරවරුවේ ජනාධිපති කාර්යාලයේ දී පැවැත්විණි.
යුද හමුදාවේ නව මාණ්ඩලික ප්‍රධානි වෙත පත්වීම් ලිපිය පිරිනැමේ
යුද හමුදා නියෝජ්‍ය මාණ්ඩලික ප්‍රධානී මේජර් ජෙනරල් චන්න වීරසූරිය 61 වැනි යුද හමුදා මාණ්ඩලික ප්‍රධානී ලෙස යුද හමුදාපති ලුතිනන් ජෙනරල් විකුම් ලියනගේ අතින් ඊයේ (නොවැ 29) දින යුද්ධ හමුදාධිපති කාර්යාලයේදී සිය පත්වීම් ලිපිය ලබාගන්නා ලදි.
නවසීලන්ත මහ කොමසාරිස් ආරක්ෂක ලේකම් හමුවෙයි
ශ්‍රී ලංකාවේ නවසීලන්ත මහ කොමසාරිස් අතිගරු මයිකල් ඇපල්ටන් මැතිතුමා අද (නොවැ 29) බත්තරමුල්ලේ පිහිටි ආරක්ෂක අමාත්‍යාංශයේ දී ආරක්ෂක ලේකම් ජෙනරල් කමල් ගුණරත්න හමුවිය.
නීතිවිරෝධී මෝර වරල් සහිත ධීවර යාත්‍රාවක් වෙරළාරක්ෂක නිලධාරීන්ගේ අත්අඩංගුවට
නීතිවිරෝධී ලෙස ලබා ගත් මෝර වරල් සන්තකයේ තබාගෙන සිටි බහුදින ධීවර යාත්‍රාවක් සහ ධීවරයින් හය දෙනෙකු ශ්‍රී ලංකා වෙරළාරක්ෂක දෙපාර්තමේන්තුව විසින් පසුගිය සෙනසුරාදා (26) අත්අඩංගුවට ගෙන ඇත.
ආරක්ෂක සේනා මූලස්ථාන - යාපනය නිවාස අවශ්‍යතා සහිත පවුලක් වෙත
නව නිවසක්
ආරක්ෂක සේනා මූලස්ථාන - යාපනය විසින් ක්‍රියාත්මක කරනු ලබන නිවාස ඉදිකිරීමේ ප්‍රජා සත්කාරක ව්‍යාපෘතියේ තවත් පියවරක් වශයෙන් 55 වන සේනාංකයේ 551 වන බලසේනාවේ භටපිරිස් විසින් පුලෝලි - බටහිර පේදුරුතුඩුව ප්‍රදේශයේ දැඩි ආර්ථික දුෂ්කරතා මධ්‍යයේ දිවි ගෙවන පවුලක් සඳහා නව නිවසක් ඉදිකර දෙන ලදී. නව නිවස ආරක්ෂක සේනා ආඥාපති - යාපනය මේජර් ජෙනරල් චන්දන විජයසුන්දරගේ ප්‍රධානත්වයෙන් පසුගිය බදාදා (23) පැවති උත්සවයකදී නිවාස ලාභි පවුල වෙත භාර දෙනු ලැබූහ.
යුද හමුදාවේ මැදිහත්වීමෙන් පුනරීන් සිවිල් වැසියන්ට ඇස් කණ්නාඩි
ශ්‍රී ලංකා යුද හමුදාවේ සම්බන්ධීකරණයෙන් විදේශගත ශ්‍රී ලාංකිකයෙකු වන ඕස්ට්‍රේලියානු ‘නෙත්සරණ’ පදනමේ ලකී ගුණතිලක මහත්මිය විසින් පෙනීමේ දුර්වලතා ඇති සිවිල් වැසියන් 1500 කට අධික පිරිසකට ඇස් කණ්ණාඩි ප්‍රදානය කිරීම පසුගියදා පුනරීන් මධ්‍ය මහා විද්‍යාලයේ සිදු කරන ලදී.
රඹෑව රණවිරුවන්ට හෙළවිරු සුවධරණී සුවසායන වැඩසටහනක්
හෙළවිරු සුව ධරණී සුව සායන වැඩසටහනෙහි අනුරාධපුර දිස්ත්‍රික් ප්‍රථම වැඩසටහන රඹෑව රණවිරු ගම්මානයේදී පසුගියදා සාර්ථකව පවත්වන ලදී.
P 627 නෞකාව විජයබාහු නමින් අධිකාරියට පත් කිරීම ජනපති ප්‍රදානත්වයෙන්
සාගර කලාපයේ පොදු සමුද්‍රීය අභියෝග ජය ගැනීම උදෙසා හවුල්කාරිත්වය ශක්තිමත් කිරීමේ සහ වර්ධනය කිරීමේ අරමුණින් ඇමෙරිකා එක්සත් ජනපද වෙරළාරක්ෂක දෙපාර්තමේන්තුව විසින් ශ්‍රීලංකා නාවික හමුදාව වෙත ලබාදුන් P 627 ගැඹුරු මුහුදු ආවේක්ෂණ නෞකාව “නාවික නෞකා විජයබාහු" නමින් අධිකාරියට පත් කිරීමේ උත්සවය ජනාධිපති රනිල් වික්‍රමසිහ මහතාගේ ප්‍රධානත්වයෙන් අද (22) පස්වරුවේ කොළඹ වරාය, නැගෙනහිර පර්යන්තයේ දී සිදු විය.
51 වැනි බංගලාදේශ සන්නද්ධ හමුදා දින උත්සවය ආරක්ෂක ලේකම්ගේ ප්‍රධානත්වයෙන්
ආරක්ෂක ලේකම් ජෙනරල් කමල් ගුණරත්න, ඊයේ (නොවැ 21) සවස කොළඹ ෂැංග්‍රිලා හෝටලයේදී පැවැති 51 වැනි බංගලාදේශ සන්නද්ධ හමුදා දින උත්සවයේ ප්‍රධාන ආරාධිත අමුත්තා වශයෙන් සහභාගී විය.
යුද හමුදාව මඩු ප්‍රදේශයේ ඉදිකරන ලද නව නිවසක් සහ මඩකලපුවේ පාසල් ක්‍රීඩා පිටියක් ජනතා අයිතියට පත් කෙරේ
වන්නි දිස්ත්‍රික් ලේකම් කාර්යාලයේ මූල්‍ය ප්‍රතිපාදන මත යුද හමුදාව විසින් මඩු පෙරියපණ්ඩිවිරිච්චාන් ප්‍රදේශයේ පවුලක් සඳහා නව නිවසක් ඉදිකර පසුගියදා ඔවුන් වෙත එය පවරා දෙන ලදී.
ශ්‍රී ලංකාවට සුනාමි අවදානමක් නැහැ - කාලගුණ විද්‍යා දෙපාර්තමේන්තුව
ඉන්දීය සාගරයේ දකුණු සුමාත්‍රා ප්‍රදේශයේ අද (නොවැ 18) පස්වරු 7.07 ට වාර්තා වූ 6.8 ක ප්‍රබල භූ කම්පනය හේතුවෙන් ශ්‍රි ලංකාවට සුනාමි අවදානමක් නොමැති බව කාලගුණ විද්‍යා දෙපාර්තමේන්තුවේ ජාතික සුනාමි පූර්ව අනතුරු ඇඟවීමේ මධ්‍යස්ථානය ප්‍රකාශ කරන ලදී.
නාවික හමුදාව ශ්‍රී ජයවර්ධනපුර විශ්වවිද්‍යාලයේ දන්ත වෛද්‍ය පීඨයට රසායනාගාර පහසුකම් පිරිනමයි
ආරක්ෂක අමාත්‍යාංශයේ අනුමැතිය මත නාවික හමුදාවේ දන්ත වෛද්‍ය සේවා අධ්යක්ෂ මණ්ඩලය විසින් ශ්‍රී ජයවර්ධනපුර විශ්වවිද්‍යාලයේ දන්ත වෛද්‍ය පීඨයේ උපාධි අපේක්‍ෂකයින් හුරුකරවීමේ වැඩසටහනක් පසුගියදා කොළඹ නාවික මහ රෝහලේදී පැවැත්විණි.
වෙරළාරක්ෂක දෙපාර්තමේන්තුවේ නව අධ්යක්ෂ ජෙනරාල් ආරක්ෂක රාජ්‍ය අමාත්‍යවරයා හමුවෙයි
ශ්‍රී ලංකා වෙරළාරක්ෂක දෙපාර්තමේන්තුව වෙත අභිනවයෙන් පත් වූ අධ්යක්ෂ ජෙනරාල් රියර් අද්මිරාල් පූජිත විතාන ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා අද (නොවැ 16) කොළඹ පිහිටි ඔහුගේ කාර්යාලයේදී හමුවිය.
ඔඩ්ඩුසුඩාන් ප්‍රදේශයේ පවුලකට යුද හමුදාවෙන් නව නිවසක්
යුද හමුදාව විසින් ඔඩ්ඩුසුඩාන් ප්‍රදේශයේ දැඩි ආර්ථික දුෂ්කරතා ඇති පවුලකට ඉදිකල නව නිවසක් පසුගියදා එම පවුල වෙත භාර දෙනු ලැබීය.
යුද හමුදා භට පිරිස් කැලණි ගඟේ අවහිරතාවයක් ඉවත් කරති
කැලණි ගඟේ මාපිටිගම, නවගමුව ‘පොඩි පාලම’ අවට ඇතිවූ අවහිරයක් ඉවත් කිරීමට ශ්‍රී ලංකා යුද හමුදා භට පිරිස් සෙනසුරාදා (නොවැ 12) කටයුතු කරන ලදී.
සන්නද්ධ හමුදා අනුස්මරණ දින උත්සවය ආරක්ෂක ලේකම්ගේ ප්‍රධානත්වයෙන්
සන්නද්ධ හමුදා අනුස්මරණ දින උත්සවය අද (නොවැ. 13) කොළඹ විහාර මහා දේවී උද්‍යානයේ පිහිටි යුද ස්මාරකය අසලදී පැවැත්විණි.
රටේ සුරක්ෂිත පැවැත්ම වෙනුවෙන් ආරක්ෂක අංශයන්හි සහ
උපාය මාර්ගික නිපුණතාවල වැදගත්කම ජනපති පෙන්වාදෙයි
අපනයනය ඉලක්ක කරගත් තරගකාරී ආර්ථිකයක් ශ්‍රී ලංකාවේ අපේක්ෂාව වන බැවින් එහිදී ත්‍රිවිධ හමුදාවේ ආරක්ෂක කුසලතා සහ උපායමාර්ගික කුසලතා ප්‍රයෝජනයට ගත යුතු බවත් ඒ සඳහා ප්‍රතිපාදන ඉහළ නැංවීමේ වැදගත්කමත් ජනාධිපති රනිල් වික්‍රමසිංහ මහතා අවධාරණය කළේය .
නව වෙරළාරක්ෂක අධ්යක්ෂ ජෙනරාල් ආරක්ෂක ලේකම් හමුවෙයි
ශ්‍රී ලංකා වෙරළාරක්ෂක බලකායේ නව අධ්යක්ෂ ජෙනරාල් රියර් අද්මිරාල් පූජිත විතාන අද (නොවැ 11) ආරක්ෂක අමාත්‍යාංශයේ දී ආරක්ෂක ලේකම් ජෙනරල් කමල් ගුණරත්න හමුවිය.
රණවිරු සේවා අධිකාරියෙන් ආයුර්වේද වෛද්‍ය සායන වැඩසටහක්
ආයුර්වේද දෙපාර්තුමේන්තුව සහ රණවිරු සේවා අධිකාරිය එක්ව දීප ව්‍යාප්තව ක්‍රියාත්මක කරනු ලබන "හෙළ විරු සුව ධරණී" සුව සායන සුව සේවා වැඩසටහන් මාලාවේ සමාරම්භක උළෙල අද (නොවැම්බර් 10) කෑරගල රණවිරු ගම්මානයේදී දේශීය වෛද්‍ය රාජ්‍ය අමාත්‍ය ගරු සිසිර ජයකොඩි මහතාගේ ප්‍රධානත්වයෙන් පවත්වන ලදී.
සාමය උදාකිරීමේදී සිවිල් ආරක්ෂක දෙපාර්තමේන්තුවේ කාර්යභාරය
ආරක්ෂක ලේකම්ගේ පැසසුමට
අද අපි භුක්ති විදින සාමය උදාකිරීම සඳහා ත්‍රිවිධ හමුදාව සහ පොලිසිය පමණක් නොව සිවිල් ආරක්ෂක දෙපාර්තමේන්තුව විශාල දායකත්වයක් ලබාදුන් බව ආරක්ෂක ලේකම් ජෙනරල් කමල් ගුණරත්න මොරටුව කටුබැද්දේ පිහිටි සිවිල් ආරක්ෂක දෙපාර්තමේන්තු මූලස්ථානයේ නිරීක්‍ෂණ චාරිකාවකට එක්වෙමින් අද (නොවැ 10) පැවසීය.
ජාත්‍යන්තර රතු කුරුස නියෝජිත කණ්ඩායමේ ශ්‍රී ලංකාවේ ප්‍රධානී ආරක්ෂක ලේකම් හමුවෙයි
ජාත්‍යන්තර රතු කුරුස සංවිධානයේ නියෝජිත පිරිසේ ශ්‍රී ලංකාවේ ප්‍රධානී Severine Chappaz මහත්මිය අද (නොවැ 09) ආරක්ෂක අමාත්‍යාංශයේ දී ආරක්ෂක ලේකම් ජෙනරල් කමල් ගුණරත්න හමුවිය.
නිවාඩු නොලබා සේවයට වාර්තා නොකර විදේශගතව සිටින හමුදා පුද්ගලයින්ට පොදු සමාකාලයක් ප්‍රකාශයට පත්කිරීම
නිවාඩු නොමැතිව සේවයට වාර්තා නොකර සිටින දැනට විදේශගත ත්‍රිවිධ හමුදා සාමාජිකයින් වෙත ද නැවත ඒකකය වෙත රපෝර්තු කිරිමකින් තොරව 2022.11.15 දින සිට 2022.12.31 දින දක්වා ප්‍රකාශයට පත්කර ඇති පොදු සමාකාලය තුලදී නීත්‍යානුකූලව සේවයෙන් ඉවත්වීම සඳහා ආරක්ෂක අමාත්‍යංශය විසින් අනුමැතිය ලබා දී ඇත.
ආරක්ෂක ලේකම් විසින් යුද හමුදා වෛද්‍ය බළකායේ
නව රෙජිමේන්තු නිලධාරී නිවස්නය විවෘත කෙරේ
වේරහැර පිහිටි යුද හමුදා වෛද්‍ය බලකායේ අභිනවයෙන් ඉදිකරන ලද ‘රෙජිමේන්තු නිලධාරී නිවස්නය’ අද (නොවැම්බර් 09) ආරක්ෂක ලේකම් ජෙනරල් කමල් ගුණරත්න විසින් විවෘත කරන ලදි.
යුද හමුදා සංවිධානයෙන් යාපනයේදී සුහද වොලිබෝල් තරගයක්
ක්‍රීඩාව ප්‍රවර්ධනය කිරීම සහ ආරක්ෂක අංශ සහ ප්‍රදේශයේ තරුණ ක්‍රීඩක ක්‍රීඩිකාවන් අතර සුහදතාවයේ සහ සහයෝගීතාවයේ සංකේතයක් ලෙස යුද හමුදාව විසින් පසුගියදා යාපනය මිරුසවිල්හිදී සුහද වොලිබෝල් තරගයක් සංවිධානය කරන ලදී.
මාලි රාජ්‍යයේ ශ්‍රී ලංකා අනුඛණ්ඩයේ වික්‍රමාන්විත මෙහෙයුම් සඳහා 'විශිෂ්ඨතා' පදක්කමක්
මාලි රාජ්‍යයේ බහුවිධ ඒකාබද්ධ ස්ථායිතාවය ඇති කිරීමේ මෙහෙ‍යුම (MINUSMA) යටතේ යොදවා ඇති ශ්‍රී ලංකා සංග්‍රාමික ප්‍රවාහන කණ්ඩායමේ සේවය කරන යුද හමුදා භට පිරිස් වෙත ඔවුන්ගේ විශිෂ්ට වික්‍රමාන්විත මෙහෙයුම් අගයමින් විශිෂ්ඨතා පදක්කම් පසුගියදා ප්‍රදානය කෙරිණි.