පසුගිය පුවත්
කොතලාවල ජාතික ආරක්ෂක විශ්වවිද්‍යාල පනත
නිදහස් අධ්‍යාපනයට බාධාවක් නොවේ
ජෙනරල් ශ්‍රීමත් සර් ජෝන් කොතලාවල ආරක්ෂක විශ්වවිද්‍යාලයේ කථිකාචාර්යවරුන්ගෙන් 90% ක් සිවිල් අයවලුන් වන අතර එබැවින් කොතලාවල ආරක්ෂක විශ්වවිද්‍යාල පනත මගින් රටේ නිදහස් අධ්‍යාපනයට කිසිදු බාධාවක් ඇති නොවන බව, ආරක්ෂක ලේකම් ජෙනරල් කමල් ගුණරත්න (විශ්‍රාමික) ඊයේ (ජූලි 22) දින පැවසීය.
කිලිනොච්චිය සිවිල් වැසියන් සඳහා නිවාස 3ක් යුද හමුදාවෙන්
සහජීවනය ප්‍රවර්ධනය කිරීම සහ කිලිනොච්චි හි සිවිල් වැසියන්ගේ ජීවන තත්ත්වය නංවාලීම අරමුණු කරගනිමින් ශ්‍රී ලංකා යුද හමුදා භට පිරිස් විසින් අඩු ආදායම්ලාභි පවුල් තුනක් සඳහා මෑතකදී තවත් නව නිවාස තුනක් ඉදිකර ඔවුන්ට භාර දෙන ලදි.
ගංජා කිලෝ 107 ට වැඩි ප්‍රමාණයක් වෙත්තලකේණිහිදී නාවික හමුදා භාරයට
ශ්‍රී ලංකා නාවික හමුදාව විසින් ඊයේ (ජුලි 22) දින වෙත්තලකේනි, කඩේයිකාඩු වෙරළ ප්‍රදේශයේ සිදුකරන ලද පාමුර සංචාරයකදී කේරළ ගංජා කිලෝ 107 ග්‍රෑම් 840 ක පමණ ප්‍රමාණයක් සමග සැකකරුවෙකු නාවික හමුදා භාරයට ගෙන ඇත.
දකුණු කොරියානු තානාපති ආරක්ෂක ලේකම් හමුවෙයි
ශ්‍රී ලංකාවේ කොරියානු ජනරජයේ තානාපති අතිගරු වුන්ජින් ජියොන්ග් මහතා ප්‍රථම වරට අද (ජූලි 22) දින ශ්‍රී ජයවර්ධනපුර කෝට්ටේ පිහිටි ආරක්ෂක අමාත්‍යාංශයේදී ආරක්ෂක ලේකම් ජෙනරල් කමල් ගුණරත්න (විශ්‍රාමික) මහතා හමුවිය.
ගම නැගුමට අත්වැලක්
තණමල්විල ප්‍රදේශයේදී පැවති 'ගම සමග පිළිසඳරක්' වැඩසටහනේදී පාසැල් වල පහසුකම් නංවාලීම සඳහා ජනාධිපතිතුමන් ලබාදුන් උපදෙස් පරිදි යුද හමුදාව විසින් පාසල් ක්‍රීඩාංගන දෙකක් අලුත්වැඩියා කර මෑතකදී සිසුන් වෙත ලබා දෙන ලදි.
කාබනික පොහොර නිෂ්පාදනයට යුද හමුදාවෙන් නව නිපැයුමක්
කාබනික පොහොර නිෂ්පාදනය සඳහා අවශ්‍ය ශාක පත්‍ර සහ අතු කුඩා කැබලි බවට පත් කිරීම සඳහා යන්ත්‍රයක් ( Agri Shredder PP1) යුද හමුදාව විසින් මෑතකදී නිෂ්පාදනය කරන ලදී.
ශ්‍රී ලංකා වෙරළාරක්ෂක පුහුණුවීම් සඳහා ජාත්‍යන්තර සහය
මත්ද්‍රව්‍ය සහ අපරාධ සම්බන්ධ එක්සත් ජාතීන්ගේ කාර්යාලයේ ගෝලීය සමුද්‍ර අපරාධ වැඩසටහන (UNODC) විසින් පවත්වන ලද පුහුණු පාඨමාලාව (VBSS) ශ්‍රී ලංකා වෙරළාරක්ෂක සාමාජිකයින් 16 දෙනෙකු විසින් මෑතකදී මිරිස්ස උසස් පුහුණු මධ්‍යස්ථානයේ දී සාර්ථකව නිම කරන ලදි.
පූනරින් යුද හමුදා කඳවුරෙන් මසකට කාබනික පොහොර ටොන් 30 ක්
රජයේ කාබනික පොහොර නිෂ්පාදන ක්‍රියාවලියට සහය වෙමින් ගොවීන් සඳහා කාබනික පොහොර නිෂ්පාදනය ඉහළ නැංවීම සඳහා කිලිනොච්චිය ආරක්ෂක සේනා මූලස්ථානය විසින් පූනරින් ජයපුරම් හි 663 වන බලසේනා මූලස්ථාන කදවුරේ කාබනික පොහොර සැකසුම් මධ්‍යස්ථානයක් මෑතකදී ආරම්භ කරන ලදී.
උතුරු මුහුදේදී තවත් ගංජා තොගයක් අත්අඩංගුවට
ශ්‍රී ලංකා නාවික හමුදාව සහ ශ්‍රී ලංකා වෙරළාරක්ෂක බලකාය විසින් රු. මිලියන 41 ක් වටිනා ගංජා කිලෝ 139 ක් සහ ග්‍රෑම් 100 ක්, යාපනයේ තොන්ඩමනාරු අසල මුහුදේ ඊයේ (ජූලි 19) සිදුකළ ඒකාබද්ධ මෙහෙයුමක දී අත්අඩංගුවට ගෙන ඇත.
ජීවි‍තක්‍ෂ‍යට පත් ගුවන් විරුවන්ට සෙත් පතා ආශිර්වාද පිංකමක්
ජිවිත පූජා කළ ගුවන් හමුදා රණවිරුවන්ට සෙත් පතා සර්වාගමික ආශිර්වාද පිංකම් මාලාවක් ගුවන් හමුදාපති එයාර් මාෂල් සුදර්ශන පතිරණ මහතාගේ ප්‍රධානත්වයෙන් කටුනායක ගුවන් හමුදා කඳවුරේදී ඊයේ පැවත්විණි.
යාපනයේ අයෝග්‍යව ඇති යුද හමුදා වාහන ප්‍රතිනවීකරණය කෙරේ
ශ්‍රී ලංකා යුද හමුදා විදුලි හා යාන්ත්‍රික ඉංජිනේරු භට පිරිස් විසින් අයෝග්‍ය තත්වයේ තිබූ යුද හමුදාවට අයත් වාහන සමූහයක් මෑතකදී නැවත භාවිතය සඳහා අලුත්වැඩියා කරන ලදි.
නාවික හමුදාවෙන් නව කිමිදුම් වාර්තාවක්
ශ්‍රී ලංකා නාවික හමුදාවේ විධාන කිමිදුම් නිලධාරි (නැගෙනහිර නාවික විධානය) කොමාණ්ඩර් නිශාන්ත බාලසුරිය සහ ඔහුගේ සහයක කිමිදුම්කරු ලෙස කටයුතු කල බල නැවි (කිමිදුම්) ඩබ්ඩබ්එන්පි සඳරුවන් විසින් ත්‍රිකුණාමලය නාවික තඨාකාංගනයේ අලියා දුපත අසල ගැඹුරු මුහුදේ මීටර් 100ක් කිමිදී නව කිමිදුම් වාර්තාවක් පසුගියදා පිහිටුවන ලදි.
යාපනය නාවට්කුලි ප්‍රදේශයේ ළමුන් සඳහා යුද හමුදාවෙන් පෙර පාසල් ගොඩනැගිල්ලක්
ප්‍රදේශයේ දෙමාපියන් විසින් සිදුකරන ලද ඉල්ලීමකට අනුව 52 වන සේනාංකයේ සහ 523 වන බලසේනාවේ භටපිරිස් ඉදිකරන ලද නාවට්කුලි ගම්මානයේ පෙර පාසල් ගොඩනැගිල්ල, යාපනය ආරක්ෂක සේනා ආඥාපති මේජර් ජෙනරල් ප්‍රියන්ත පෙරේරා විසින් මෑතකදී විවෘත කරන ලදී.
වසංගතය පාලනයට යුද හමුදාව යාපනය නගරය පිරිසිදු කරයි
කොවිඩ් - 19 වසංගතය තවදුරටත් පැතිරීම වැළැක්වීම සඳහා ශ්‍රී ලංකා යුද හමුදාව විසින් යාපනය නගරය මෑතකදී විෂබීජහරණය කර පිරිසිදු කරන ලදී.
නාවික හමුදාව තවත් ජල පිරිපහදු මධ්‍යස්ථානයක් එප්පාවල ස්ථාපනය කරයි
ශ්‍රී ලංකා නාවික හමුදාව විසින් එප්පාවල සිරි සම්බුද්ධ වීරසිංහාරාම විහාරස්ථාන පරිශ්‍රයේ ප්‍රතිආසෘත ජල පිරිපහදු මධ්‍යස්ථානයක් ජුලි මස 7 වන දින ස්ථාපනය කරන ලදී.
පැරණි සංඝාවාස ගොඩනැගිල්ලක් යුද හමුදාව ප්‍රතිසංස්කරණය කරයි
කැබිතිගොල්ලෑව ප්‍රදේශයේ පැවති ‘ගම සමග පිළිසඳරක්’ වැඩසටහනේදී අතිගරු ජනාධිපතිතුමන් ලබාදුන් උපදෙස් මත විහාරහල්මිල්ලෑව රජමහා විහාරස්ථානයේ පැරණි සංඝාවාස ගොඩනැගිල්ල ශ්‍රී ලංකා යුද හමුදා භටපිරිස් විසින් ප්‍රතිසංස්කරණය කරන ලදි.
නාවික හමුදාව අනතුරට පත් ධීවරයෙකු ගොඩබිමට රැගෙන එයි
මෙරටට අයත් බහු දින ධීවර යාත්‍රාවක සිටියදී තුවාල වූ ධීවරයෙකු ශ්‍රී ලංකා නාවික හමුදාව විසින් ඊයේ (ජූලි 18) දින ගොඩබිමට රැගෙන එන ලදි.
කිලිනොච්චියේ තවත් පවුලකට යුද හමුදාවෙන් නව නිවසක්
කිලිනොච්චිය ආරක්ෂක සේනා මූලස්ථානයට අයත් යුද හමුදා භට පිරිස් විසින් නව නිවසක් ඉදිකර වඩ්ඩකච්චි පෙරියකුලම් හි පදිංචි ශිවසාමි මුත්තු මහත්මියගේ පවුල වෙත මෑතකදී භාරදෙන ලදි.
ගෝලීය සංස්කෘතික බාලදක්ෂ ජම්බෝරියට - ජනපති එක්වෙයි
මෙවර පැවැත්වෙන ගෝලීය සංස්කෘතික බාලදක්ෂ ජම්බෝරියට Virtual තාක්ෂණය ඔස්සේ ජනාධිපති ගෝඨාභය රාජපක්ෂ මැතිතුමා එක්වෙයි.
සමුද්‍රීය ආරක්ෂාව සඳහා බහුදින යාත්‍රා නිරීක්ෂණ පද්ධතියක්
සමුද්‍රීය ආරක්ෂාව සඳහා ඉවහල් වන බහුදින යාත්‍රා නිරීක්ෂණ පද්ධතියක් ඕස්ට්‍රේලියානු රජයේ ආධාර මත ශ්‍රී ලංකාවට ලැබී ඇති බව ජනාධිපති මාධ්‍ය අංශය පවසයි.
පැරා ක්‍රීඩකයින්ගේ දක්ෂතා ඉහල නැංවීමට අවබෝධතා ගිවිසුමක්
ක්‍රීඩා සංවර්ධන වැඩසටහන යටතේ පැරා ක්‍රීඩක ක්‍රීඩිකාවන්ගේ කුසලතා වර්ධනය කිරීම සඳහා මෑතකදී ක්‍රීඩා අමාත්‍යාංශය, ක්‍රීඩා සංවර්ධන දෙපාර්තමේන්තුව සහ ජාතික ක්‍රීඩා කවුන්සිලයේ ජාතික පැරාලිම්පික් කමිටුව අවබෝධතා ගිවිසුමකට එළඹ තිබේ.
ඔලිම්පික් වරම් ලද නාවික හමුදා ක්‍රීඩිකාවට උසස්වීමක්
මෙවර ටෝකියෝ ඔලිම්පික් උළෙල සඳහා සුදුසුකම් ලබා ගත් නාවික හමුදාවේ නායක කාන්තා සංඥා ටෙහානි එගොඩවෙල නාවික හමුදාපති වයිස් අද්මිරාල් නිශාන්ත උළුගේතැන්න විසින් ඊයේ (16) දින සුළු නිලධාරී තනතුර දක්වා උසස් කරන ලදී.
යුද හමුදාවෙන් වියළි මිරිස් මෙට්‍රික් ටොන් 1 ක් වෙළඳපලට
ශ්‍රී ලංකා යුද්ධ හමුදා කෘෂිකර්ම හා පශු සම්පත් අධ්‍යක්‍ෂ මණ්ඩලය කන්දකාඩු, මැණික්ෆාම් සහ අන්ඩියාපුලියන්කුලම් යුද්ධ හමුදා ගොවිබිම්වල අක්කර 200 ක භූමි ප්‍රමාණයක මිරිස් වගා කර එහි ඵලදාව කුඩා වැවිලි භෝග වගා සංවර්ධනය, ආශ්‍රිත කර්මාන්ත හා අපනයන ප්‍රවර්ධන රාජ්‍ය අමාත්‍යාංශය වෙත මෑතකදී සංකේතාත්මකව භාර දෙන ලදි.
මිලියන 31ක් වටිනා ගංජා තොගයක් නාවික හමුදා භාරයට
යාපනය කන්කසන්තුරේ ප්‍රදේශයේ දී ගංජා කිලෝ 103 ග්‍රෑම් 750 ක් සහිත ඩිංගි යාත්‍රාවක් සමග සැකකරුවන් තුන්දෙනෙකු ඊයේ (15) දින නාවික හමුදාව විසින් අත්අඩංගුවට ගෙන ඇත.