පසුගිය පුවත්
මාලි රාජ්‍යයේ ශ්‍රී ලංකා සාම සාධක භටපිරිස්හි සේවය ඇගයේ
මාලි රාජ්‍යයේ එක්සත් ජාතීන්ගේ නියෝජිතයන්ට ආරක්ෂාව ලබාදීම, භාණ්ඩ සහ සිවිල් වැසියන්ගේ ජීවිතමෙන්ම වාහනවල ආරක්ෂාව තහවුරු කරමින් ශ්‍රී ලංකා සංග්‍රාමික රථ ආරක්ෂක භට කණ්ඩායම විසින් සිදුකරන සේවය, මාලි රාජ්‍යයේ එක්සත් ජාතින්ගේ සාම සාධක බලකායේ ( මිනුස්මා ) ආඥාපතිගේ ඇගයීමට ලක්විය.
වවුනියා ආයුර්වේද රෝහල යුද හමුදා සහයෙන් අතරමැදි ප්‍රතිකාර මධ්‍යස්ථානයක් බවට පත්කෙරේ
ශ්‍රී ලංකා යුද හමුදා භටපිරිස් විසින් වවුනියාවේ සිද්ධි ආයුර්වේද රෝහල සියළු වෛද්‍ය පහසුකම් සහිත කොවිඩ් -19 රෝගීන් 100 ක් සඳහා ප්‍රතිකාර කළහැකි නව අතරමැදි ප්‍රතිකාර මධ්‍යස්ථානයක් ලෙස පරිවර්තනය කර සෞඛ්‍ය බලධාරීන්ට භාර දී තිබේ.
පාකිස්තාන මහකොමසාරිස් ආරක්ෂක ලේකම් හමුවෙයි
ශ්‍රී ලංකාවේ පාකිස්තාන මහකොමසාරිස් අතිගරු මේජර් ජෙනරල් මුහම්මද් සාද් හතාක් මහතා අද (ජුනි 22) දින ආරක්ෂක ලේකම් ජෙනරල් කමල් ගුණරත්න (විශ්‍රාමික) මහතා ශ්‍රී ජයවර්ධනපුර පිහිටි ආරක්ෂක අමාත්‍යාංශ පරිශ්‍රයේදී හමුවිය.
යුද හමුදාව ,මඩකලපුව ශික්ෂණ රෝහලේ රසායනාගාරය පුළුල් කිරීමට දායක වෙයි
කොවිඩ්-19 වෛරසය ආසාදිතයන්ගේ සායනික පරීක්ෂණ සිදුකිරීම සඳහා මඩකලපුව ශික්ෂණ රෝහලේ රෝග විනිශ්චය කිරීමේ පරීක්‍ෂණාගාරය ඉඩපහසුකම් සහිතව සකස්කිරීමට ශ්‍රී ලංකා යුද හමුදාව මෑතකදී දායක විය.
යුද හමුදාව විසින් කොළඹ ශ්‍රී ලංකා ප්‍රදර්ශන හා සම්මන්ත්‍රණ මධ්‍යස්ථානය අතරමැදි ප්‍රතිකාර මධ්‍යස්ථානයක් බවට පත්කෙරේ
ශ්‍රී ලංකා යුද හමුදාව විසින් කොළඹ ශ්‍රී ලංකා ප්‍රදර්ශන හා සම්මන්ත්‍රණ මධ්‍යස්ථානය අතරමැදි ප්‍රතිකාර මධ්‍යස්ථානයක් බවට පරිවර්තනය කර සෞඛ්‍ය බලධාරීන් වෙත භාර දෙන ලදි .
ජාත්‍යන්තර යෝගා දිනයේ සමාරම්භක වැඩසටහන
ජාත්‍යන්තර යෝගා දිනය සනිටුවන් කරමින් පැවති හත්වන වැඩසටහනේ ප්‍රධාන දේශණය ආරක්ෂක ලේකම් ජෙනරල් කමල් ගුණරත්න (විශ්‍රාමික) විසින් අද (ජුනි) දින වීඩියෝ තාක්ෂණය ඔස්සේ පවත්වන ලදී.
නික්මයන, ශ්‍රී ලංකාවේ බ්‍රසීල තානාපති කාර්යාලයේ නියෝජ්‍ය ප්‍රධානී ආරක්ෂක ලේකම් හමුවෙයි
ශ්‍රී ලංකාවේ බ්‍රසීල තානාපති කාර්යාලයේ නියෝජ්‍ය ප්‍රධානී වින්ස්ටන් ඇලෙක්සැන්ඩර් සිල්වා මහතා සිය ධූර කාලය සම්පූර්ණ කර නික්ම යාමට ප්‍රථම ආරක්ෂක ලේකම් ජෙනරල් කමල් ගුණරත්න ( විශ්‍රාමික ) අද (ජූනි21) දින ආරක්ෂක අමාත්‍යාංශයේ දී හමුවිය.
මිලියන 52 ක් වටිනා ගංජා තොගයක් නාවික හමුදා භාරයට
මත්ද්‍රව්‍ය ජාවාරම් මැඩපැවැත්වීමේ මෙහෙයුම් අඛණ්ඩව ක්‍රියාත්මක කරමින් ශ්‍රී ලංකා නාවික හමුදාව විසින් කේරළ ගංජා කිලෝ 174 ග්‍රෑම් 50 ක් සහ ඩිංගි යාත්‍රාවක් සමඟ සැකකරුවන් දෙදෙනෙකු අත්අඩංගුවට ගෙන තිබේ.
නාවික හමුදාව, ජපාන ස්වයං ආරක්ෂක සාගරික බලකාය සමඟ අභ්‍යාසයක
ජපාන සමුද්‍රීය ස්වයං ආරක්ෂක බලකායේ පුහුණු නෞකා දෙකක් දින තුනක සංචාරයක් සඳහා ශ්‍රී ලංකාවට පැමිණ, ශ්‍රී ලංකා නාවික හමුදාව සමඟ පුහුණු නාවික අභ්‍යාසයක් සිදුකරන ලදි.
මුහුදේ පාවෙමින් තිබූ ගංජා තොගයක් නාවික හමුදා භාරයට
හලාවත මුක්කු තොඩුවාව වෙරළ ආසන්නයේ මුහුදේ පාවෙමින් තිබූ කිලෝ 23 ග්‍රෑම් 100ක් පමණ වන ගංජා තොගයක් නාවික හමුදාව විසින් අද (ජුනි 20) දින සොයා ගෙන ඇත.
හදිසියේ ඇතිවූ ලැව් ගින්නක් යුද හමුදා මැදිහත්වීමෙන් නිවා දැමේ
බණ්ඩාරවෙල දෝව ප්‍රදේශයේ අඹදන්ඩේගම කඳුවැටියේ හටගත් ලැව් ගින්නක් නිවාදැමීමට යුද හමුදා මධ්‍යම ආරක්ෂක සේනා මූලස්ථානය යටතේ පිහිටි 112 බලසේනාවේ භට පිරිස් විසින් කටයුතු කරන ලදි.
ආරක්ෂක අමාත්‍යංශයේ අනුග්‍රහයෙන් ආබාධිත යුද හමුදා නිලධාරියෙකුට නව නිවසක්
ආරක්ෂක අමාත්‍යාංශයේ සහ යුද හමුදාවේ මූල්‍ය සහයෝගය ඇතිව මතුගම ප්‍රදේශයේ පදිංචි ආබාධිත රණවිරුවෙකු වෙත අලුතින් ඉදිකරන ලද නිවසක් මෑතකදී භාරදෙන දෙන ලදි.
ලකඹර සුරකින ශ්‍රී ලංකා ගුවන් හමුදාව
අප මාතෘභූමියේ පැවැති ත්‍රස්තවාදය සම්පූර්ණයෙන්ම අවසන් කිරීමට ශ්‍රී ලංකා ගුවන් හමුදාව කටයුතු කළ අතර කලාපීය වශයෙන් අපේ රට ඉදිරියට ගෙනයෑම සඳහා විවිධ වැඩසටහන් ක්‍රියාත්මක කරමින් සිටී. අද වන විට ජාතියේ ආරක්ෂාව වෙනුවෙන් සෘජුවම දායක වනවා සේම රටේ ආර්ථික සමෘද්ධිය වෙනුවෙන් ද අනුපමේය මෙහෙවරක් ඉටුකරන ශ්‍රී ලංකා ගුවන් හමුදාව එදා මෙදා තුර තම මාතෘභූමිය වෙනුවෙන් ඉටුකර තිබෙන කාර්යභාරය අතිමහත්ය.
සීදූව අතරමැදි ප්‍රතිකාර මධ්‍යස්ථානය වෙත ආධාර රැසක්
සීදූව අතරමැදි ප්‍රතිකාර මධ්‍යස්ථානය සහ එහි ප්‍රතිකාර ලබන රෝගීන්ගේ ප්‍රයෝජනය සඳහා ශ්‍රී ලංකා යුද හමුදාවට පරිත්‍යාගශීලීන්ගෙන් පරිත්‍යාගය රැසක් ලැබුණි.
අන්තර් පළාත් සංචරණ සීමා තවදුරටත්
ජුනි 21 වන දින අලුයම 4 සිට සංචරණ සීමා ලිහිල් කිරීමට තීරණය කර ඇති බව ජනාධිපති මාධ්‍ය අංශය පවසන අතර අන්තර් පළාත් සංචරණ සීමාවන් ලිහිල් නොකරන ලෙස ජනාධිපති ගෝඨාභය රාජපක්ෂ විසින් නිලධාරීන්ට උපදෙස් ලබා දී ඇතිබවද එහි සඳහන් වේ.
සංචරණ සීමා ඉවත්කිරීම පිළිබඳ තීරණය
දැනට පනවා ඇති සංචරණ සීමා ජුනි 21 දින අලුයම 4.00 ට ඉවත් කරන බව යුද හමුදාපති ජෙනරල් ශවේන්ද්‍ර සිල්වා පැවසීය.
යුද හමුදාව කාබනික පොහොර නිෂ්පාදනය අරඹයි
යුද හමුදාවේ නැගෙනහිර ආරක්ෂක සේනා මූලස්ථානයට අයත් 5 වන ශ්‍රී ලංකා කාන්තා බලකායේ භට පිරිස් විසින්, කඳවුර හා අවට ඇති අපද්‍රව්‍ය හා කසළ යොදා ගනිමින් කාබනික පොහොර කිලෝග්‍රෑම් 60,000 ක් නිෂ්පාදනය කර ඇත.
රුපියල් මිලියන 39 ක් වටිනා ගංජා තොගයක් නාවික හමුදා භාරයට
ශ්‍රී ලංකා නාවික හමුදාව විසින් කයිට්ස්, කරම්පන් වෙරළ ප්‍රදේශයේදී කිලෝ 130 ග්‍රෑම් 760 ක් පමණ වන ගංජා තොගයක් සමග සැකකරුවන් දෙදෙනෙකු සහ ඩිංගි යාත්‍රාවක් ඊයේ (ජූනි 17) දින අත්අඩංගුවට ගෙන ඇත.
චීන ආරක්ෂක උපදේශක ආරක්ෂක ලේකම් හමුවෙයි
ශ්‍රී ලංකාවේ චීන තානාපති කාර්යාලයේ ආරක්ෂක උපදේශක ජ්‍යෙෂ්ඨ කර්නල් වන් ඩොන්ග් අද (ජූනි 17) දින ආරක්ෂක අමාත්‍යංශයේ දී ආරක්ෂක ලේකම් ජෙනරල් කමල් ගුණරත්න (විශ්‍රාමික) හමුවිය.
නීතිවිරෝධී වියළි කහ සහ බීඩි කොළ තොගයක් නාවික හමුදා භාරයට
ශ්‍රී ලංකා නාවික හමුදාව විසින් මන්නාරම, කොන්තම්පිඩ්ඩි සහ සිලාවතුර, අරිප්පු යන වෙරළබඩ ප්‍රදේශවලදී වියළි කහ කිලෝ 370 ග්‍රෑම් 600 ක් සහ බීඩි කොළ කිලෝ 294 ග්‍රෑම් 100 ක් ඊයේ (ජූනි 16) දින අත්අඩංගුවට ගෙන තිබේ.
යුද හමුදාව නීති විරෝධි ගංජා වගාවක් වටලයි
ශ්‍රී ලංකා යුද හමුදා 20 වන ශ්‍රී ලංකා සිංහ රෙජිමේන්තුවේ භට පිරිස් විසින් තණමල්විල ප්‍රදේශයේ පවත්වාගෙන ගිය ගංජා වගාවක් මෑතකදී වටලන ලදී.
දෝව ප්‍රදේශයේ ඇතිවූ ලැව්ගින්න යුද හමුදා දායකත්වයෙන් මැඩපැවැත්වේ
බණ්ඩාරවෙල දෝව ප්‍රදේශයේ වැවේගොඩ කඳුවැටියේ මෑතකදී හදිසියේ ලැව් ගින්නක් හටගත් අතර වනජීවී නිලධාරීන් විසින් සිදුකල ඉල්ලීමකට අනුව යුද හමුදා 112 බලසේනාවේ භට පිරිස්වල සහයෝගයෙන් එම ලැව් ගින්න මැඩපවත්වන ලදී.
අයෝග්‍යව ඇති යුද හමුදා වාහන ප්‍රතිනවීකරණය කෙරේ
අලුත් වාහන ගෙන්වීම සඳහා වැයවන විශාල විදේශ විනිමය ප්‍රමාණයක් ඉතිරි කරමින් අයෝග්‍ය තත්ත්වයේ තිබූ යුද හමුදාවට අයත් වාහන සමූහයක් ප්‍රතිනවීකරණය කර ඇති අතර ආරක්ෂක මාණ්ඩලික ප්‍රධානී සහ යුද හමුදාපති ජෙනරල් ශවේන්ද්‍ර සිල්වා විසින් ඊයේ (ජූනි 16) දින යුද හමුදා මූලස්ථානයේදී එම වාහන පරික්ෂා කරන ලදී.