පසුගිය පුවත්
ශ්‍රී ලංකාවේ සහ මාලදිවයිනේ ප්‍රංශ තානාපති
වෙරළාරක්‍ෂක දෙපාර්තමේන්තුවේ මූලස්ථානයට
ශ්‍රී ලංකාවේ සහ මාලදිවයිනේ ප්‍රංශ තානාපති අතිගරු Jean-François Pactet මැතිතුමා පසුගියදා (මාර්තු 25) මාතර, මිරිස්ස හි පිහිටි ශ්‍රී ලංකා වෙරළාරක්‍ෂක දෙපාර්තමේන්තු මූලස්ථානය වෙත පැමිණි බව එම දෙපාර්තමේන්තුවේ මාධ්‍ය අංශය වාර්තා කරයි.
ආරක්ෂක මාණ්ඩලික ප්‍රධානී කෙන්යානු ජාතික ආරක්ෂක විද්‍යාලය සහ
සාම සාධක පුහුණු මධ්‍යස්ථානය වෙත පැමිණේ
කෙන්යාවේ ආරක්ෂක මාණ්ඩලික ප්‍රධානී ජෙනරල් Francis Omondi Ogolla විසින් සිදු කල ආරාධනයකට අනුව දැනට කෙන්යාවේ නිල සංචාරයක නිරත වෙමින් සිටින මෙරට ආරක්ෂක මාණ්ඩලික ප්‍රධානී ජෙනරල් ශවේන්ද්‍ර සිල්වා, පසුගිය මාර්තු 26 වන දින කෙන්යානු ජාතික ආරක්ෂක විද්‍යාලයේ නිරීක්ෂණ චාරිකාවක නිරත විය.
උණුසුම් කාලගුණ තත්ත්වය පිළිබඳ අවවාදාත්මක නිවේදන මධ්‍යයේ ඉදිරියේදී
ඇති විය හැකි වර්ෂාව පිළිබඳව ද පුරෝකථනය කෙරේ
කාලගුණ විද්‍යා දෙපාර්තමේන්තුව අද (මාර්තු 28) උදෑසන නිකුත් කරන ලද නවතම අනාවැකියට අනුව, බස්නාහිර, දකුණ, සබරගමුව, මධ්‍යම, ඌව සහ වයඹ පළාත්වල පස්වරු 2.00 න් පමණ පසු වැසි හෝ ගිගුරුම් සහිත වැසි ඇති විය හැකි බව සඳහන් වේ.
ඉන්දියන් සාගර කලාපයේ සමුද්‍රීය පාර්ශවකරුවන් දැනුවත් කිරීමේ
දෙදින වැඩසටහන කොළඹදී සාර්ථකව නිම වෙයි
ඉන්දීය සාගර කලාපයේ සමුද්‍රී පාර්ශවකරුවන්ගේ දැනුවත්භාවය වැඩි දියුණු කිරීමේ වැඩසටහනක් පසුගියදා කොළඹදී පැවැත්විණි. එක්සත් ජාතීන්ගේ මත්ද්‍රව්‍ය හා අපරාධ පිළිබඳ කාර්යාලය සහ ශ්‍රී ලංකා නාවික හමුදාව එක්ව සංවිධානය කරනු ලැබූ මෙම දෙදින වැඩසටහන පසුගිය අඟහරුවාදා (මාර්තු 26) කොළඹ සිනමන් ග්‍රෑන්ඩ් හෝටලයේදී පැවැත්වූ බව නාවික හමුදා මාධ්‍ය අංශය වාර්තා කරයි.
ඉලුක්පිටිය කනිෂ්ඨ විද්‍යාලයේ අභිනව දෙමහල් ගොඩනැගිල්ල සිසු අයිතියට
ශ්‍රී ලංකා යුද්ධ හමුදා සාමාජිකයන්ගේ විශේෂඥ දැනුමෙන් සහ ශ්‍රම දායකත්වයෙන්, කොටපොල ඉලුක්පිටිය කනිෂ්ඨ විද්‍යාලයේ අභිනවයෙන් ඉදිකරන ලද දෙමහල් ගොඩනැගිල්ල පසුගිය සඳුදා (මාර්තු 25) පැවති චාම් උත්සවයකින් අනතුරුව එම පාසලේ බලධාරීන් වෙත භාර දීම සිදු කෙරිණ. ජාතික ආරක්‍ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්යය මණ්ඩල ප්‍රධානී සාගල රත්නායක මැතිතුමා මෙම උත්සවයේ ප්‍රධාන ආරාධිත අමුත්තා ලෙස සහභාගී වූ බව යුද්ධ හමුදා මාධ්‍ය අංශය වාර්තා කරයි.
ශ්‍රී ලංකා ගුවන් හමුදාව සහ ආතර් සී ක්ලාක් ආයතනය
අවබෝධතා ගිවිසුමකට අත්සන් තබයි
ශ්‍රී ලංකා ගුවන් හමුදාව සහ නවීන තාක්‍ෂණය පිළිබඳ ආතර් සී ක්ලාක් ආයතනය (ACCIMT) අතර තාක්‍ෂණික උපදේශන සහ සහයෝගීතාව, පුහුණුව, දත්ත හුවමාරුව, ඒකාබද්ධ පර්යේෂණ සහ සංවර්ධන සහයෝගීතාව සහ සම්පත් ලබා ගැනීම සඳහා වන අවබෝධතා ගිවිසුමක් පසුගියදා අත්සන් කරනු ලැබිය.
අපට ගෝලීය වශයෙන් වගකීමක් තිබෙනවා - රාජ්‍ය අමාත්‍ය තෙන්නකෝන්
"ඇති විය හැකි ස්වභාවික සහ අනෙකුත් හදිසි ආපදාවන්ට මුහුණදීම සඳහා නිසි සැලැස්මක් තිබීම සහ එවැනි විපත්වලට මුහුණ දෙන අනෙකුත් රටවලට ද සහය විය හැකි වන පරිදි අපගේ හැකියාවන් වර්ධනය කර ගැනීම අත්‍යවශ්‍ය වේ". ආරක්ෂක රාජ්‍ය අමාත්‍ය ගරු. ප්‍රමිත බණ්ඩාර තෙන්නකෝන් මැතිතුමා මෙම අදහස් දැක්වුයේ මත්තේගොඩ පිහිටි යුධ හමුදා රසායනික, ජීව විද්‍යාත්මක, විකිරණ විද්‍යාත්මක සහ න්‍යෂ්ටික ප්‍රතිචාර රෙජිමේන්තුවේ සංචාරයක නිරත වෙමිනි.
රසායනික අවි සම්මුතිය ක්‍රියාත්මක කිරීම සඳහා වන ජාතික අධිකාරිය මගින් පවත්වනු ලැබු වැඩසටහනට ආරක්ෂක ලේකම්වරයා සහභාගී වෙයි
විනාශකාරී ආයුධ ව්‍යාප්තිය වැළැක්වීම කෙරෙහි අවධානය යොමු කිරීමේ වැදගත්කම පිළිබඳ, රසායනික අවි සම්මුතිය ක්‍රියාත්මක කිරීම සඳහා වන ජාතික අධිකාරිය විසින් ආරක්ෂක අමාත්‍යාංශයේ ඉහළ නිලධාරීන් දැනුවත් කිරීම සදහා පවත්වනු ලැබූ වැඩසටහනක් අද (මාර්තු 26) ආරක්ෂක ලේකම් ජෙනරල් කමල් ගුණරත්නගේ ප්‍රධානත්වයෙන් ආරක්ෂක අමාත්‍යාංශයේදී පැවැත්විණි.
ඉන්දුනීසියානු තානාපති ආරක්ෂක ලේකම් හමුවෙයි
ඉන්දුනීසියානු තානාපතිනි, අතිගරු Dewi Gustina Tobing මැතිණිය අද (මාර්තු 25) ශ්‍රී ජයවර්ධනපුර, කෝට්ටේ ආරක්ෂක මූලස්ථාන සංකීර්ණයේ දී ආරක්ෂක ලේකම් ජෙනරල් කමල් ගුණරත්න හමුවිය.
ආරක්ෂක ලේකම්වරයා ආරක්ෂක මූලස්ථාන සංකීර්ණයේ
ඉදිකිරීම් කටයුතු නිරීක්ෂණය කරයි
ආරක්ෂක ලේකම් ජෙනරල් කමල් ගුණරත්න අද (මාර්තු 25) අකුරේගොඩ ආරක්ෂක මූලස්ථාන සංකීර්ණයේ කරගෙන යනු ලබන ඉදිකිරීම් කටයුතු වල ප්‍රගතිය නිරීක්ෂණ කිරීමේ චාරිකාවක නිරත විය.
සිවිල් ආරක්ෂක දෙපාර්තමේන්තු ශිල්පීය දායකත්වයෙන් ඉදිකළ
නාමිණිඔය ශ්‍රීමත් මොන්ටි ගොපල්ලව ආදර්ශ ප්‍රාථමික විද්‍යාලයේ
අභිනව දෙමහල් ගොඩනැඟිල්ල සිසු අයිතියට
ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමාගේ ඉල්ලීමකට අනුව, මධ්‍යම පළාත් සභාවේ රුපියල් මිලියන 7.6 ක අරමුදල් මඟින් මප/විල්/නාමිණිඔය ශ්‍රීමත් මොන්ටි ගොපල්ලව ආදර්ශ ප්‍රාථමික විද්‍යාලයේ අභිනවයෙන් ඉදිකළ දෙමහල් ගොඩනැගිල්ල 2024 මාර්තු මස 25 වන දින සුභ මොහොතින් ආරක්ෂක රාජ්‍ය අමාත්‍යවරයාගේ සුරතින් විවෘත කර සිසු අයිතියට පත් කෙරිණ.
උපන්දින සුබ පැතුම්
ගරු ආරක්ෂක රාජ්‍ය අමාත්‍ය, ආරක්ෂක ලේකම් සහ කාර්‍ය මණ්ඩලය
යාපනය ප්‍රදේශයේ ගොවීන් වෙත ඉඩම් අක්කර 235 ක් නැවත පවරාදෙයි
ශ්‍රී ලංකා යුද්ධ හමුදාව විසින් පලාලි අධි ආරක්‍ෂිත කලාපයේ පිහිටි තවත් ඉඩම් අක්කර 235ක් එහි හිමිකරුවන් වෙත පවරාදීමේ උත්සවය අතිගරු ජනාධිපති රනිල් වික්‍රමසිංහ මැතිතුමන්ගේ ප්‍රධානත්වයෙන් ඉකුත් සිකුරාදා (මාර්තු මස 22) දින පැවැත්විණි.
ආපදා කළමනාකරණ මධ්‍යස්ථානයේ නව අධ්යක්ෂ ජෙනරාල්
මේජර් ජෙනරල් උදය හේරත් (විශ්‍රාමික)
ආපදා කළමනාකරණ මධ්‍යස්ථානයේ අධ්යක්ෂ ජෙනරාල් ලෙස මේජර් ජෙනරල් උදය හේරත් (විශ්‍රාමික) පත් කර ඇත.
රණවිරුවන්ගේ සුබසාධනය වෙනුවෙන් කළ හැකි සෑම දෙයක්ම කරනවා - ආරක්ෂක ලේකම්
ආබාධිත රණවිරුවන්හට ඔවුන්ගේ ජීවිත කාලය පුරාවටම සහ ඔවුන්ගේ කලත්‍රයන්ගේ ජීවිත කාලය පුරාවටම වැටුප් ගෙවීමට තීරණය කිරීම සහ රණවිරුවන් සහ ආබාධිත රණවිරුවන්ගේ වැටුප් සම්බන්ධ ගැටලු මඟහරවා ගැනීමට පියවර ගැනීම ජීවිත පරිත්‍යාග කළ රණවිරුවන් වෙනුවෙන් ගත් සුබසාධන වැඩසටහන් අතර වැදගත් තීරණයකි. අද (මාර්තු 21) කොළඹ ටවර් හෝල් රඟහලේදී රණවිරුවන් සහ ඔවුන්ගේ පවුල්වල සාමාජිකයින් විශාල පිරිසක් අමතමින් ආරක්ෂක ලේකම් ජෙනරල් කමල් ගුණරත්න පැවසීය.
ආරක්ෂක රාජ්‍ය අමාත්‍යවරයා ආරක්ෂක සේවා අණ හා මාණ්ඩලික විද්‍යාල
ශිෂ්‍ය නිලධාරීන් අමතයි
ආරක්ෂක රාජ්‍ය අමාත්‍ය ගරු. ප්‍රමිත බණ්ඩාර තෙන්නකෝන් මැතිතුමා පසුගිය බදාදා (මාර්තු 20) දින ආරක්ෂක සේවා අණ හා මාණ්ඩලික විද්‍යාලීය ශිෂ්‍ය නිලධාරීන් අමතනු ලැබීය.
කර්නල් නලින් හේරත් ඉන්දියාවේ ආරක්ෂක සහ උපායමාර්ගික සමුළුව අමතයි
ඉන්දියාවේ ආරක්ෂක හා උපායමාර්ගික අධ්‍යයන අංශය සහ උසස් උපායමාර්ගික අධ්‍යයන මධ්‍යස්ථානය සමඟ එක්ව චීන විශ්ලේෂණ සහ උපායමාර්ග මධ්‍යස්ථානය විසින් සංවිධානය කරන ලද 3 වැනි ආරක්ෂක සහ උපායමාර්ගික සමුළුව මාර්තු 18 සහ 19 දිනයන්හිදී ඉන්දියාවේ පූනේ සාවිත්‍රිබායි ෆුලේ විශ්ව විද්‍යාලයේදී පැවැත්විණි.
ශ්‍රී ලංකා යුද හමුදාව ශූරයන් බවට පත්වෙයි
ශ්‍රී ලංකා ජාතික වුෂු සම්මේලනය විසින් මාර්තු 11 සිට 13 දක්වා මහරගම ජාතික යොවුන් මධ්‍යස්ථානයේදී සංවිධානය කරන ලද 18 වැනි ජාතික වුෂු තරගාවලියේ ශූරතාව මෙන්ම 84 වැනි සැතපුම් දෙකේ මුහුදු පිහිනුම් ශූරතාවලියේ සමස්ත ශූරතාවද හිමිකර ගනිමින් ශ්‍රී ලංකා යුද හමුදාව සූරයින් ලෙස කිරුළු පැළදිය.
යුධ පිටියේ දී රණවිරුවන් හා උරෙනුර ගැටෙමින් ඔවුන්ගේ සෞඛ්‍යය ගැන නිරන්තරයෙන් සැලකිලිමත් වෙමින්, චිත්ත ධෛර්යය ඉහළ නැංවීම ප්‍රසංශනීයයි - ආරක්ෂක ලේකම්
“විවිධාංගීකරණය තුලින් හමුදා වෛද්‍ය විද්‍යාවේ විශිෂ්ඨත්වය කරා ළඟාවීම” වැනි කාලෝචිත තේමාවක් මෙම වසරේ සන්නද්ධ සේවා වෛද්‍ය විද්‍යාලය තෝරාගෙන තිබීම පිළිබඳ මා අතිශයින් සතුටු වෙමි. හමුදා වෛද්‍ය විද්‍යාවේ විශිෂ්ඨත්වය ළඟා කරගැනීම හුදෙක් හමුදා වෛද්‍ය විද්‍යාව පිළිබඳ දැනුමෙන් හා කුසලතා වර්ධනය කිරීමෙන් පමණක් සාක්ෂාත් කරගත නොහැකි බව මා තරයේ විශ්වාස කරමි. නමුත් මෙවර ඔබ තෝරාගෙන ඇති තේමාව තුලින් ගම්‍ය වන ආකල්පමය හා චර්යාත්මක වෙනස ඇති කිරීමෙන් හා පෝෂණය කිරීමෙන් එය සඵල වන බව මාගේ විශ්වාසයයි.
පවතින වියළි කාලගුණික තත්වය සහ කැළෑ ගිනි ගැනීම් පිළිබඳව
ආරක්ෂක රාජ්‍ය අමාත්‍යවරයා මාධ්‍ය වෙත අදහස් දක්වයි
රටේ පවතින වියළි කාලගුණ තත්ත්වය හා වර්තමානයේ වැඩි වී ඇති කැලෑ ගිනි ගැනීම් පිළිබඳව මහජනතාව දැනුවත් කිරීමේ අරමුණෙන් ඊයේ (මාර්තු 13) ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා මාධ්‍ය සාකච්ඡාවක් පවත්වන ලදි.
උණුසුම් කාලගුණය පිලිබඳ කාලගුණ විද්‍යා දෙපාර්තමේන්තුව අනතුරු අඟවයි:
මිනිස් සිරුරට දැනෙන උෂ්ණත්වයේ ඉහල යාමක්
කාලගුණ විද්‍යා දෙපාර්තමේන්තුව මාර්තු 13 දින නිකුත් කරන ලද නවතම කාලගුණ අනාවැකියට අනුව අද (14) බස්නාහිර, සබරගමුව, වයඹ සහ දකුණු පළාත්වල ඇතැම් ස්ථානවල මිනිස් සිරුරට දැනෙන උෂ්ණත්වය, අවදානම් මට්ටමක් (ඇම්බර්) දක්වා ඉහළ යනු ඇතැයි අපේක්ෂා කෙරේ.
චීන හමුදා ප්‍රතිපාදන යෝජනා ක්‍රමය යටතේ ආරක්ෂක අමාත්‍යාංශය වෙත
පුපුරණ ද්‍රව්‍ය නිෂ්ක්‍රීය කිරීමේ උපකරණ පරිත්‍යාගයක්
චීන හමුදා ප්‍රතිපාදන යෝජනා ක්‍රමය යටතේ ආරක්ෂක අමාත්‍යාංශය වෙත පරිත්‍යාග කරනු ලැබූ පුපුරණ ද්‍රව්‍ය නිෂ්ක්‍රීය කිරීමේ විශේෂ උපකරණ තොගයක් ශ්‍රී ලංකාවේ මහජන චීන සමූහාණ්ඩුවේ තානාපති කී ෂෙන්හොන්ග් (Qi Zhenhong) මහතා සහ ආරක්ෂක අමාත්‍යාංශයේ ලේකම් ජෙනරල් කමල් ගුණරත්න (විශ්‍රාමික) ඩබ්ලිව්ඩබ්ලිව්වී ආර්ඩබ්ලිව්පි ආර්එස්පී යූඑස්පී එන්ඩීසී පීඑස්සී එම්ෆීල් ගේ ප්‍රධානත්වයෙන් අද (මාර්තු මස 13) දින පෙරවරුවේ යුද්ධ හමුදා මූලස්ථානයේ පැවති උත්සවයකදී ශ්‍රී ලංකා යුද්ධ හමුදාව වෙත පරිත්‍යාග කෙරිණි.
ආරක්ෂක රාජ්‍ය අමාත්‍යතුමන් ආරක්ෂක සේනා මූලස්ථානය - යාපනය, භටපිරිස් අමතයි
ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මහතා පසුගිය සෙනසුරාදා (මාර්තු මස 09) දින ගුවන් හමුදා ‘Tattoo’ සංදර්ශනය නැරඹීමට හමුදා පලාලි ගුවන් තොටුපල වෙත සිදුකරනු ලැබූ නිල සංචාරය අතරතුරදී ආරක්ෂක සේනා මූලස්ථානය - යාපනය, භටපිරිස් ඇමතීය.
නාවික හමුදාව මඟින් නිෂ්පාදනය කරන ලද තැලසීමියා නික්ෂේපණ යන්ත්‍ර 15 ක් රෝගීන් වෙත ලබා දීම වෙනුවෙන් මහනුවර උසස් බාලිකා විද්‍යාලය වෙත භාර දෙයි
ශ්‍රී ලංකා නාවික හමුදාවේ සමාජ මෙහෙවර ව්‍යාපෘතිය යටතේ, නාවික හමුදා පර්යේෂණ හා සංවර්ධන ඒකකය මඟින් නිපදවන ලද තැලසීමියා නික්ෂේපණ යන්ත්‍ර 15 ක් අවශ්‍ය රෝගීන් වෙත ලබාදීම සඳහා මහනුවර උසස් බාලිකා විද්‍යාලයේ ‘Interact Club’ යන සංගමය වෙත සංකේතාත්මකව භාර දීම, 2024 මාර්තු මස මුල් සතියේදී එම විදුහල් පරිශ්‍රයේදී සිදු කෙරිණි.
නේපාලයේ පැවති ‘SHANTI PRAYAS – IV’ ක්‍ෂේත්‍ර පුහුණු අභ්‍යාස සඳහා මෙරට යුද්ධ හමුදා භටපිරිස් සහභාගී වෙයි
නේපාල සන්නද්ධ හමුදාව විසින් පවත්වනු ලබන ‘SHANTI PRAYAS – IV’ ක්‍ෂේත්‍ර පුහුණු අභ්‍යාසය, එක්සත් ජනපද ඉන්දු - පැසිෆික් විධානය (USINDOPACOM) යටතේ ඇති ගෝලීය සාම සාධන මෙහෙයුම් මුලපිරීම (GPOI) හි සම අනුග්‍රාහකත්වය යටතේ පෙබරවාරි මස 20 දින සිට මාර්තු මස 04 දින දක්වා නේපාලයේ බිරේන්ද්‍ර සාම සාධක මෙහෙයුම් පුහුණු මධ්‍යස්ථානයේදී පැවැත්විණි.