පසුගිය පුවත්
.jpg)
සෞඛ්‍ය අංශයේ වැඩ වර්ජනය හේතුවෙන් දීපව්‍යාප්ත රෝහල්වල දෛනික කටයුතු අඛණ්ඩව සිදුකරගෙන යාමට යුද්ධ හමුදාවේ දායකත්වය
දිවයින පුරා රජයේ රෝහල්වල වෘත්තීය සමිති විසින් ඉල්ලීම් කිහිපයක් මුල්කර ගනිමින් ක්‍රියාත්මක කරනු ලබන වැඩ වර්ජනය හේතුවෙන් අඩාළ වූ රෝහල් කටයුතු බාධාවකින් තොරව පවත්වාගෙන යාම සඳහා ආරක්ෂක අමාත්‍යංශය වෙතින් සිදුකළ ඉල්ලීමකට ප්‍රතිචාර දක්වමින් යුද්ධ හමුදාධිපති ලුතිනන් ජෙනරල් විකුම් ලියනගේ ආර්ඩබ්ලිව්පී ආර්එස්පී එන්ඩීයූ ගේ උපදෙස් මත 2024 පෙබරවාරි මස 13 දින යුද්ධ හමුදා භටපිරිස් සිය දායකත්වය ලබාදෙනු ලබයි.
'යුග යුග' කෘතිය එළිදක්වයි
යුධ හමුදා පොලිස් හේවා බළකායේ කර්නල් දිලිප සේරසිංහ විසින් රචිත “යුග යුග” ග්‍රන්ථය ඊයේ (පෙබ. 09) වන දින රජයේ ප්‍රවෘත්ති දෙපාර්තමේන්තු ශ්‍රවණාගාරයේ දී ආරක්ෂක ලේකම් ජෙනරල් කමල් ගුණරත්නගේ ප්‍රධානත්වයෙන් එළිදැක්විය.
ආරක්ෂක රාජ්‍ය අමාත්‍ය කොතලාවල ආරක්ෂක විශ්වවිද්‍යාලයේ සංචාරයක
ආරක්ෂක රාජ්‍ය අමාත්‍ය ගරු. ප්‍රමිත බණ්ඩාර තෙන්නකෝන් මැතිතුමා අද (පෙබ 8) ජෙනරල් ශ්‍රීමත් ජෝන් කොතලාවල ආරක්ෂක විශ්වවිද්‍යාලයේ නිරීක්ෂණ චාරිකාවක නිරත විය.
මාලදිවයින් ආරක්ෂක ප්‍රධානි ආරක්ෂක ලේකම් හමුවෙයි
මාලදිවයින් ආරක්ෂක ප්‍රධානී ලුතිනන් ජෙනරල් අබ්දුල් රහීම් අබ්දුල් ලතීෆ් අද (පෙබ 8) ශ්‍රී ජයවර්ධනපුර කෝට්ටේ ආරක්ෂක මූලස්ථාන සංකීර්ණයේදී ආරක්ෂක ලේකම් ජෙනරල් කමල් ගුණරත්න හමුවිය.
දකුණු සුඩානයේ එක්සත් ජාතීන්ගේ සාම සාධක රාජකාරි සඳහා 10 වන යුද්ධ හමුදා වෛද්‍ය කණ්ඩායම දිවයිනෙන් පිටත්ව යයි
එක්සත් ජාතීන්ගේ සාමසාධක රාජකාරි සඳහා දකුණු සුඩානයේ ක්‍රියාත්මක කරන දෙවන මට්ටමේ රෝහලේ රාජකාරී භාරගැනීම සඳහා ශ්‍රී ලංකා යුද්ධ හමුදා වෛද්‍ය බලකායේ 10 වන යුද්ධ හමුදා වෛද්‍ය කණ්ඩායම අඟහරුවාදා (පෙබරවාරි මස 06) දින උදෑසන මෙරටින් පිටත්ව යනු ලැබීය.
ජාතික ආරක්ෂක අධ්‍යයන ආයතනය මගින් ජාතික ආරක්ෂාව පිළිබද කථිකාව පවත්වයි
ආරක්ෂක අමාත්‍යාංශය යටතේ ස්ථාපිත සහ ක්‍රියාත්මක කෙරෙන ජාතික ආරක්ෂාව පිළිබඳ ප්‍රමුඛතම අධ්‍යයනායතනය වන ජාතික ආරක්ෂක අධ්‍යයන ආයතනය, “මැදපෙරදිග වෙනස්වන කලාපීය ගතිකත්වය: රතු මුහුදේ ඊශ්‍රායල-හමාස් ගැටුමෙන් ශ්‍රී ලංකාවට ඇඟවුම්” යන මැයෙන් ආරක්ෂක කථිකාවතක් සංවිධානය කරන ලදි. 2024 පෙබරවාරි 07 (බදාදා) උදෑසන 1000 සිට 1200 දක්වා මහජන ආරක්ෂක අමාත්‍යාංශ ශ්‍රවණාගාරයේදී මෙම වැඩසටහන පැවැත්විණි.
යුද හමුදා මාණ්ඩලික ප්‍රධානී ආරක්ෂක රාජ්‍ය අමාත්‍යවරයා හමුවෙයි
ශ්‍රී ලංකා යුද හමුදා මාණ්ඩලික ප්‍රධානී මේජර් ජෙනරල් හරින්ද්‍ර පීරිස්, ආරක්ෂක රාජ්‍ය අමාත්‍ය ගරු. ප්‍රමිත බණ්ඩාර තෙන්නකෝන් මැතිතුමා අද (පෙබ. 07) කොළඹ පිහිටි ඔහුගේ කාර්යාලයේදී හමු විය.
දකුණු සුඩානයේ එක්සත් ජාතින්ගේ සාමසාධක රාජකාරී සඳහා යොදවා සිටි
9 වන යුද්ධ හමුදා වෛද්‍ය බලකා කණ්ඩායම රාජකාරී නිමාවෙන් පසුව දිවයිනට පැමිණෙයි
එක්සත් ජාතින්ගේ සාමසාධක මෙහෙයුම් යටතේ දකුණු සුඩානයේ ක්‍රියාත්මක වන දෙවන මට්ටමේ රෝහලේ රාජකාරී සඳහා යොදවා සිටි නිලධාරීන් 09 දෙනෙකු සහ සෙසුනිලයින් 43 දෙනෙකුගෙන් සමන්විත ශ්‍රී ලංකා යුද්ධ හමුදා වෛද්‍ය බලකායේ 9 වන කණ්ඩායම සඳුදා (පෙබරවාරි මස 05) දින උදෑසන දිවයිනට පැමිණෙන ලදී.
රණවිරු සේවා අධිකාරියේ නව සභාපති රාජකාරී අරඹයි
රණවිරු සේවා අධිකාරියේ 10 වන සභාපති ලෙස පත් කරනු ලැබූ මේජර් ජෙනරල් නිශාන්ත මානගේ (විශ්‍රාමික), 2024 පෙබරවාරි මස 2 දින කොළඹ පිහිටි සිය කාර්යාලයේදී නිල වශයෙන් එම ධුරයේ රාජකාරි අරඹන ලදි. අනතුරුව සභාපතිවරයා විසින් සියලු නිලධාරීන් අමතා විශේෂ සාකච්ඡාවක් ද පවත්වනු ලැබීය.
ඉන්දීය ආරක්ෂක කළමනාකරණ විද්‍යාලයේ නියෝජිත පිරිසක්
ආරක්ෂක ලේකම් හමුවෙයි
කොමදෝරු සුනිල් කුමාර් ප්‍රමුඛ ඉන්දීය ආරක්ෂක කළමනාකරණ විද්‍යාලයේ (College of Defence Management) නියෝජිත පිරිසක් අද (පෙබ 05) ආරක්ෂක අමාත්‍යාංශයේදී ආරක්ෂක ලේකම් ජෙනරල් කමල් ගුණරත්න හමුවිය.
76 වන ජාතික නිදහස් දින සැමරුම ජනපති ප්‍රධානත්වයෙන් අභිමානවත්ව
76 වන ජාතික නිදහස් දින සැමරුම “හදමු අලුත් රටක්” යන තේමාව යටතේ ජනාධිපති රනිල් වික්‍රමසිංහ මහතාගේ ප්‍රධානත්වයෙන් අද (04) පෙරවරුවේ කොළඹ ගාලු මුවදොර පිටියේදී අභිමානවත්ව පැවැත්විණි.
76 වන නිදහස් දිනය අභිමානයෙන් සමරමු
76 වන නිදහස් දිනය අභිමානයෙන් සමරමු
ඉන්දීය නාවික හමුදාවට අයත් ‘INS Karanj’ සබ්මැරීනය නිල සංචාරයක් සඳහා
කොළඹ වරායට සේන්දු වෙයි
ඉන්දීය නාවික හමුදාවට අයත් ‘INS Karanj’ සබ්මැරීනය නිල සංචාරයක් සඳහා අද දින (2024 පෙබරවාරි 03) උදෑසන කොළඹ වරායට සේන්දු වූ අතර, ශ්‍රී ලංකා නාවික හමුදාව විසින් එම සබ්මැරීනය නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.
ලාංකික ශිෂ්‍යභට බාලක බාලිකාවන් පිරිසක් ඉන්දියානු ජනරජ
දින උළෙල සඳහා සහභාගි වෙයි
පසුගිය ජනවාරි 26 දා ඉන්දියාවේ නවදිල්ලි නගරයේ පැවැති ඉන්දියානු ජනරජ දින උළෙල සඳහා ඉන්දියානු ශිෂ්‍යභට බලකායේ අධ්‍යක්‍ෂ ජනරාල්වරයාගෙන් ලැබුණු ආරාධනයකට අනුව ජාතික ශිෂ්‍යභට බලකායේ අධ්‍යක්‍ෂක බ්‍රිගේඩියර් සුදන්ත ෆොන්සේකා ඇතුළු ශිෂ්‍යභට බලකායේ නිලධාරීන් තිදෙනකු හා ශිෂ්‍යභට බාලක බාලිකාවන් දොළොස් දෙනෙකු සහභාගී විය.
මාධ්‍ය නිවේදනය
2009.05.19 දිනට පෙර මෙරට පැවති යුද්ධයට සක්‍රියව දායකත්වය ලබාදී ත්‍රස්තවාදී ක්‍රියා හේතුවෙන් ආබාධිතව වෛද්‍ය හේතූන්මත විශ්‍රාම ගොස් සිටින ත්‍රිවිධ හමුදා සාමාජිකයින්, ඔවුන්ගේ වයස අවුරුදු 55 එළඹීමට පෙර මිය ගිය අවස්ථාවක දී, අදාල හමුදා සාමාජිකයාගේ වයස අවුරුදු 55 එළඹෙන දිනය දක්වා ඔවුන්ගේ යැපෙන්නන් වෙත වැටුප් හා දීමනා හිමිගැන්වීම සඳහා අංක අමප/23/2527/603/061 හා 2024.01.24 දිනැතිව අමාත්‍ය මණ්ඩලයේ අනුමැතිය හිමිව ඇත.
76 වන නිදහස් දින උත්සවයේ සූදානම ආරක්ෂක ලේකම්ගේ නිරීක්‍ෂණයට
එළඹෙන 76 වන නිදහස් දින සැමරුම් උත්සවයේ ආචාර පෙළපාලිය හා අනෙකුත් කටයුතු වල සූදානම අද (පෙබ. 02) ගාලු මුවදොර දී ආරක්ෂක ලේකම් ජෙනරල් කමල් ගුණරත්න විසින් නිරීක්‍ෂණය කරන ලදි.
කොතලාවල ආරක්ෂක විශ්වවිද්‍යාලය වෙත ස්වයංක්‍රීය මූලික අවි පුහුණු සිමියුලේටරයක්
ආරක්ෂක අමාත්‍යාංශයේ ආරක්ෂක පර්යේෂණ හා සංවර්ධන මධ්‍යස්ථානය විසින් පසුගියදා ජෙනරල් ශ්‍රීමත් ජෝන් කොතලාවල ආරක්ෂක විශ්ව විද්‍යාලයට පූර්ණ ස්වයංක්‍රීය අවි පුහුණු සිමියුලේටරයක් නිල වශයෙන් භාර දෙන ලදි.
ආරක්ෂක රාජ්‍ය අමාත්‍ය පාකිස්ථාන නාවික නෞකාවේ සංචාරයක
නිල සංචාරයක් සඳහා පසුගිය අඟහරුවාදා (ජන 30) ශ්‍රී ලංකාවට පැමිණි පාකිස්ථාන නාවික නෞකා PNS Saif වෙත පැමිණි ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා බදාදා (ජන 31) දින එහි නිරීක්ෂණ චාරිකාවක නිරත විය.
සෞඛ්‍ය අංශයේ වැඩ වර්ජනය හේතුවෙන් දීපව්‍යාප්ත රෝහල්වල දෛනික කටයුතු අඛණ්ඩව සිදුකරගෙන යාමට යුද්ධ හමුදාවේ දායකත්වය
දිවයින පුරා රජයේ රෝහල්වල වෘත්තීය සමිති විසින් ක්‍රියාත්මක කරනු ලබන වැඩ වර්ජනය හේතුවෙන් අඩාල වූ රෝහල් කටයුතු බාධාවකින් තොරව පවත්වාගෙන යාම සඳහා ආරක්ෂක අමාත්‍යංශය වෙතින් සිදුකළ ඉල්ලීමකට ප්‍රතිචාර දක්වමින් යුද්ධ හමුදාධිපති ලුතිනන් ජෙනරල් විකුම් ලියනගේ ආර්ඩබ්ලිව්පී ආර්එස්පී එන්ඩීයූ ගේ උපදෙස් මත මජනතාවට අත්‍යාවශ්‍ය වෛද්‍ය සේවාවන් බාධාවකින් තොරව පවත්වාගෙන යාම සඳහා අද (පෙබරවාරි මස 1) දින යුද්ධ හමුදා භටපිරිස් සිය දායකත්වය ලබාදෙනු ලබයි.
76 වන නිදහස් දින සැමරුමට සියල්ල සූදානම්
‘76 වැනි නිදහස් දින සැමරුම අපේ වටිනාකම් සහ සිරිත් විරිත් ලෝකය සමඟ බෙදා ගැනීමට අවස්ථාවක්’. 2024 පෙබරවාරි 04 වැනි දින අතිගරු ජනාධිපති රනිල් වික්‍රමසිංහ මැතිතුමාගේ ප්‍රධානත්වයෙන් කොළඹ ගාලු මුවදොරදී පැවැත්වෙන නිදහස් දින සැමරුම් උත්සවය සඳහා සියලු කටයුතු සූදානම් කර ඇති බව ස්වදේශ කටයුතු රාජ්‍ය අමාත්‍ය ගරු අශෝක ප්‍රියන්ත මැතිතුමා අද (ජනවාරි 31) පැවති මාධ්‍ය සාකච්ඡාවේදි ප්‍රකාශ කළේය.
ආරක්ෂක රාජ්‍ය අමාත්‍ය තෙන්නකෝන් 76 වන නිදහස් දින පැරෂුට් පුහුණු පෙරහුරුවේදී හදිසි අනතුරට පත් පැරෂුට් භටයින්ගේ සුවදුක් විමසයි
කොළඹ, ගාලු මුවදොර පිටියේ පැවති 76 වන නිදහස් දින සැමරුම් පෙළපාලි පෙරහුරුවට සමගාමීව පැවති පැරෂුට් පුහුණුවීම් අතරතුරදී සිදුවූ අනතුරින් තුවාල ලැබූ යුද්ධ හමුදා හා ගුවන් හමුදා පැරෂුට් භටයින්ගේ සුවදුක් විමසීම සඳහා ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා යුද්ධ හමුදා රෝහල වෙත හා කොළඹ ජාතික රෝහල වෙත පැමිණෙන ලදි.
ප්‍රතිකාර ලබමින් සිටින පැරෂුට් භටයින්ගේ සුවදුක් බැලීමට
ආරක්ෂක ලේකම් රෝහල් සංචාරයක
76 වැනි නිදහස් දින පෙරහුරුවේදී හදිසි අනතුරකට ලක්ව තුවාල ලැබූ පැරෂුට් භටයින්ගේ සුවදුක් විමසීම සඳහා ආරක්ෂක ලේකම් ජෙනරල් කමල් ගුණරත්න ජාතික රෝහලට සහ යුද හමුදා රෝහලට ගියේය.
‘PNS Saif’ කොළඹ වරායට
ශ්‍රී ලංකාවේ නිළ සංචාරයක් සඳහා පාකිස්ථාන නාවික හමුදාවට අයත් PNS Saif නෞකාව අද (ජනවාරි 30) කොළඹ වරායට සේන්දු විය.
ආරක්ෂක රාජ්‍ය අමාත්‍ය තෙන්නකෝන් රාජකීය නාවික හමුදාවට අයත්
‘HMS Spey’ නෞකාවේ සංචාරයක
නිල සංචාරයක් සඳහා ඉරිදා (ජනවාරි 28) ශ්‍රී ලංකාවට පැමිණි රාජකීය නාවික හමුදාවට අයත් HMS Spey නෞකාවේ සංචාරයක් සඳහා ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා ඊයේ (ජන. 29) සවස එක් විය.
‘HMS Spey’ කොළඹ වරායට
ශ්‍රී ලංකාවේ සංචාරයක් සඳහා රාජකීය නාවික හමුදාවට අයත් ‘HMS Spey’ නෞකාව ඉරිදා (ජනවාරි 28) කොළඹ වරායට සේන්දු විය.