පසුගිය පුවත්
සිවිල් ආරක්ෂක දෙපාර්තමේන්තුව විසින් සොයිසාපුර ප්‍රදේශවාසින් වෙත එළවළු ලබා දෙයි
සිවිල් ආරක්ෂක දෙපාර්තමේන්තුව ඊයේ මොරටුව සොයිසාපුර ප්‍රදේශයේ ප්‍රදේශවාසින් වෙත සහන මිලට එළවළු ලබා දී ඇත.
සිවිල් ආරක්ෂක දෙපාර්තමේන්තුවේ අධ්‍යක්ෂක ජෙනරාල් රියර් අද්මිරාල් ආනන්ද පිරිස්ගේ මගපෙන්වීම මත COVID-19 ව්‍යාප්ත වීම වැළැක්වීම සඳහා රජය විසින් පනවා ඇති ඇඳිරි නීති කාලසීමාවේදී මහජනතාව අතර ආහාර සහන බෙදා හැරීම CSD විසින් ආරම්භ කර ඇත.
ශ්‍රී ලංකා ගුවන් හමුදාව බණ්ඩාරනායක ජාත්‍යන්තර ගුවන්තොටුපල විශබිජහරණයට ලක්කරයි
ශ්‍රී ලංකා ගුවන් හමුදාවේ රසායනික, ජීව විද්‍යාත්මක, විකිරණ න්‍යෂ්ටික හා පුපුරන ද‍්‍රව්‍ය අංශය (Chemical Biological Radiological Nuclear and Explosive Wing) හදිසි ප්‍රතිචාර දැක්වීම පිළිබඳ ඒකකය විසින් ශ්‍රී ලංකාවේ බණ්ඩාරනායක ජාත්‍යන්තර ගුවන්තොටුපලේ (BIA) ගුවන් යානා යාත්‍රාoගණය විෂබිජහරණය කිරීමේ මෙහෙයුමක් දියත් කරන ලදි.
යුද්ධ හමුදා නිරෝධායන මධ්‍යස්ථාන වල නිරෝධායනය වූ තවත් 288 දෙනෙකු ඉන් පිටව යයි
දියතලාව, රන්ටැඹේ, පෙරියකාඩු, බෝගොඩ සහ පල්ලෙකැලේ යන නිරෝධායන මධ්‍යස්ථාන වල දින 14 ක නිරෝධායන ක්‍රියාවලිය සම්පූර්ණ කිරීමෙන් පසු 288 දෙනෙකු අද දින () සිය නිවෙස් බලා පිටව ගියහ.
එලයන්ස් ඉන්ෂුවරන්ස් ලංකා සමාගම විසින් COVID-19 රෝග පරීක්ෂා කිරීම සඳහා කොතලාවල ආරක්ෂක විශ්වවිද්‍යාල රෝහලට රුපියල් මීලියන 4 ක් වටිනා යන්ත්‍රයක් පරිත්‍යාග කරයි.
රෝහලේ COVID-19 පරික්ෂා කිරීමේ පහසුකම් සැලසීම සඳහා එලයන්ස් රක්ෂණ ලංකා සමාගම High Performance Real Time Quantitative PCR (RT-qPCR) යන්ත්‍රයක් මිලදී ගැනීමට කොතලාවල ආරක්ෂක විශ්වවිද්‍යාල (KDU) රෝහලට මූල්‍ය පරිත්‍යාගයක් කර ඇත.
රණවිරු සේවා අධිකාරිය වෙත අත් වැසුම් සහ මුහුණු ආවරණ පරිත්‍යාගයක්
COVID - 19 පැතිරීම පාලනය කිරීමට රජය ගෙන ඇති පියවරට සහය දක්වමින් Metallurgical Corporation of China Ltd විසින් අත්වැසුම් සහ මුහුණු ආවරණ තොගයක් අද (අප්‍රේල් 02) දින රණවිරු සේවා අධිකාරිය වෙත පරිත්‍යාග කර ඇත. රණවිරු සේවා අධිකාරියේ සභාපති මේජර් ජෙනරාල් (විශ්‍රාමික) නන්දන සේනාධීර වෙත අත්වැසුම් සහ මුහුණු ආවරණ යුගල 4000 ක ප්‍රමාණයක් පැවති කෙටි උත්සවයක දී භාර දී තිබේ.
මත්ද්‍රව්‍ය සඳහා ඇති ඉල්ලුම ඉහළයි - ශ්‍රී ලංකා නාවික හමුදාපති වයිස් අද්මිරාල් ද සිල්වා
ශ්‍රී ලංකා නාවික හමුදාව ජාත්‍යන්තර මත්ද්‍රව්‍ය තොගයක් සොයා ගෙන ඇති බව අනාවරණය කරයි. එය රු. බිලියන 12.5 ක ඉහළ වටිනාකමක් ගනි.
ශ්‍රී ලංකා නාවික හමුදාව මාර්තු 28 වන දින ඉන්දියානු සාගරයේ ජාත්‍යන්තර මුහුදේ ධීවර යාත්‍රාවක ප්‍රවාහනය කරමින් තිබූ අයිස් (ICE) මත්ද්‍රව්‍ය කිලෝග්‍රෑම් 500 ක් ඇතුළු මත්ද්‍රව්‍ය ටොන් එකක් පමණ රාජසන්තක කළේය.
COVID-19 තර්ජනය මධ්‍යයේ, ජාතික ආරක්ෂාව පවත්වා ගැනීම සඳහා ආරක්ෂක හමුදාවන් දැඩි අවධානයෙන් - ආරක්ෂක ලේකම්
- ජාතික ආරක්ෂාවට එරෙහි තර්ජනයක් ඇතිවීම වැළැක්වීම සඳහා සියලු බුද්ධි අංශ ශක්තිමත් කර ඇති බව පවසයි.
සමස්ත ලෝකයම COVID-19 භීතියෙන් ගිලී සිටින අතර, වෛරසය පාලනය කිරීම සඳහා ගත හැකි සෑම පූර්වාරක්ෂක පියවරක්ම ගන්නා ශ්‍රී ලංකා රජය, ජාතික ආරක්ෂාව පවත්වා ගැනීම සඳහා මත්ද්‍රව්‍ය ජාවාරම් , ත්‍රස්තවාදය සහ අන්තවාදයට එරෙහිව සටන් කිරීමට දැඩි පියවර ගෙන ඇති බව ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න පැවසීය.
අටළුගම සහ අකුරණ සම්පුර්ණයෙන් මුද්‍රා තැබේ.
කළුතර අටළුගම සහ මහනුවර දිස්ත්‍රික්කවල අකුරණ මුළුමනින්ම හුදෙකලා ප්‍රදේශ ලෙස ප්‍රකාශයට පත් කර ඇති අතර නැවත දැනුම් දෙන තුරු මෙම ගම්මාන දෙකට ඇතුළුවීමට හෝ පිටවීමට කිසිවෙකුට අවසර නොමැත.
අත්‍යවශ්‍ය සේවා මුවාවෙන් ඇඳිරි නීතිය උල්ලංඝණය කරන පුද්ගලයන්ට නීතිමය ක්‍රියාමාර්ග
අත්‍යවශ්‍ය සේවාවන් හැරුණු විට දිස්ත්‍රික්ක අතර සංචාරය කිරීම සම්පූර්ණයෙන්ම තහනම් කර ඇති අතර අත්‍යවශ්‍ය සේවා මුවාවෙන් නීති උල්ලංඝනය කරන පුද්ගලයන් හට නීතිය දැඩි ලෙස ක්‍රියාත්මක කරන බව ජනාධිපති මාධ්‍ය අංශය පවසයි.
අධි අවදානම් කලාපවල ඇඳිරි නීතිය හෙට දිනයේත් එලෙසම පවතින අතර අනෙකුත් ප්‍රදේශවල ඇදිරිනීතිය හෙට දින ලිහිල් කරනු ඇත
අධි අවදානම් කලාපවලට (කොළඹ, ගම්පහ,කළුතර , පුත්තලම, මහනුවර සහ යාපනය) පනවා ඇති ඇඳිරි නීතිය තවදුරටත් දැනුම් දෙන තුරු නොවෙනස්ව පවතින අතර හෙට (අප්‍රේල් 1) දින අලුයම 6.00 ට අනෙකුත් සියලුම දිස්ත්‍රික්කවල ඇඳිරි නීතිය ඉවත් කර නැවත එදිනම සවස 2.00 ට නැවත පනවන බව ජනාධිපති මාධ්‍ය අංශය පවසයි.
වන්නි ශ්‍රී ලංකා ගුවන් හමුදා කඳවුරේ නිරෝධායන මධ්‍යස්ථානයේදී නිරෝධායනයට ලක් වූ තවත් පුද්ගලයින් 206 දෙනෙකු සිය නිවෙස් වලට
වන්නි ශ්‍රී ලංකා ගුවන් හමුදා කඳවුරේ නිරෝධායන මධ්‍යස්ථානයේදී නිරෝධායනයට ලක් වූ තවත් පුද්ගලයින් 206 දෙනෙකු සිය නිවෙස් වලට
රු. මිලියන 12,500 වටිනා මෙතෙක් ලබා ඇති විශාලතම මත්ද්‍රව්‍ය තොගය නාවික හමුදාව විසින් අත්අඩංගුවට
ශ්‍රී ලංකා නාවික හමුදාවේ ගැඹුරු මුහුදු ආවේක්‍ෂණ නෞකාවක් වන ශ්‍රී ලංකා නාවික නෞකා සයුර (SLNS SAYURA) මගින් 2020 මාර්තු 28 (සෙනසුරාදා) දින උදෑසන 0930 පැයට පමණ ශ්‍රී ලංකාවේ දකුණු වෙරළේ සිට නාවික සැතපුම් 463ක් පමණ දුරකදී (දළ වශයෙන් 835km පමණ) මත්ද්‍රව්‍ය ප්‍රවාහනය කරමින් සිටි යාත්‍රාවක් අත් අඩංගුවට ගන්නා ලදි.
දෙවන COVID-19 ආසාධිතව මියගිය දෙවන පුද්ගලයාගේ අවසන් කටයුතු සිදු කෙරේ
COVID-19 ආසාධිතව මියගිය දෙවන පුද්ගලයාගේ දේහය ඊයේ (මාර්තු 30) දින මීගමුව මහජන ආදාහනාගාරයේ දී මහජන සෞඛ්‍ය නිලධාරීන් ඉදිරියේ ආදාහනය කරන ලදී.
මියගිය පුද්ගලයා මීගමුව රෝහලෙන් ප්‍රථිකාර ලබමින් සිටි පුද්ගලයෙකි.
සිංගප්පූරුවේ ශ්‍රී ලංකා මහ කොමසාරිස් කාර්යාලය සති දෙකකට වසා දැමේ
සිටි COVID-19 ආසාධිතයකු සොයා ගැනීමත් සමග සිංගප්පූරුවේ ශ්‍රී ලංකා මහ කොමසාරිස් කාර්යාලය ඊයේ (මාර්තු 30) දින සිට සති දෙකක කාලයක් වසා දමා තිබේ.
දිවයින පුරා ඖෂධ බෙදා හැරීම තැපැල් දෙපාර්තමේන්තුව වෙතින්
රජයේ රෝහල්හි සායනවලදී නිකුත්කරන ඖෂධ බලාපොරොත්තුවෙන් සිටින අය සඳහා ශ්‍රී ලංකා තැපැල් දෙපාර්තමේන්තුව හරහා රට පුරා ඖෂධ බෙදා හැරීම ඊයේ දින සිට ආරම්භ කරන ලදී.
ඇඳිරි නීති අවසරපත් නිකුත් කිරීම අත්‍යවශ්‍ය සේවාවන් සඳහා පමණි - පොලිසිය
අත්‍යවශ්‍ය සේවා යටතේ මාධ්‍යයට ඇඳිරි නීති බලපත්‍ර ගත හැකිය.
දිස්ත්‍රික් වෛද්‍ය නිලධාරී සහ මහජන සෞඛ්‍ය පරීක්ෂකගේ නිර්දේශය යටතේ බරපතල තත්ත්වයන් යටතේ සිටින රෝගීන් සහ අත්‍යවශ්‍ය සේවා හැර කිසිවෙකුට ඇඳිරි නීති අවසරපත් නිකුත් නොකරන බව පොලිසිය පවසයි.
හෙට දිනට පෙර ලියාපදිංචි වීමෙන් වැළකී සිටින අය අත්අඩංගුවට - නියෝජ්‍ය පොලිස්පති අජිත් රෝහණ
විදේශ රටවල සිට මාර්තු 16 දිනෙන් පසු මෙරටට පැමිණි පුද්ගලයින් හෙට (අප්‍රේල් 1) දින දහවල් 12 ට පෙර ලියාපදිංචි විය යුතු බව නියෝජ්‍ය පොලිස්පති අජිත් රෝහණ පැවසීය.
නිරෝධායන ක්‍රියාවලිය සාර්ථකව අවසන් කල 321 දෙනෙකු සිය නිවෙස් බලා පිටත් වේ
නිරෝධායන ක්‍රියාවලියට ලක් වූ පුද්ගලයින් 321 දෙනෙකුගෙන් යුත් තවත් කණ්ඩායමක් අද (මාර්තු 31) දින නිරෝධායන මධ්‍යස්ථාන වල සිට සිය නිවෙස් බලා පිටත් වීමට නියමිතය.