පසුගිය පුවත්
SInhala.
යුද හමුදා 70 වන සංවත්සර සැමරුමට සමගාමීව මහනුවර ශ්‍රී දළඳා මාළිගාවේදී ආගමික වතාවන් සිදුකරයි
ශ්‍රී ලංකා යුද්ධ හමුදාව සිය 70 වන යුද්ධ හමුදා දිනය එලඹෙන ඔක්තෝම්බර් මස 10 වෙනි දින සමරනු ලබයි.
නව පත්වීම් ලත් උපාධිධාරී ගුරුවරුන් වෙනුවෙන් නායකත්ව පුහුණු වැඩසටහන්
උතුරු නැගෙනහිර පළාත්වල අලුතින් බඳවා ගන්නා ලද උපාධිධාරී ගුරුවරුන් සඳහා ‘නායකත්වය, ධනාත්මක ප්‍රවේශයන් හා ආකල්ප’ පිළිබඳ දින පහක පුහුණු වැඩසටහන් මාලාවක් ශ්‍රී ලංකා යුද්ධ හමුදාව විසින් මෑතකදී පවත්වන ලදී.
ජනපති මැදිහත් වීමෙන් ආබාධිත රණවිරුවන්ට දිවි ඇති තෙක් වැටුප්
යුද තත්ත්වය හේතුවෙන් ආබාධිත වූ රණවිරුවන්ට දිවි ඇති තෙක් වැටුප් ගෙවීමට ආරක්ෂක අමාත්‍යවරයා ලෙස ජනාධිපති ගරු මෛත්‍රීපාල සිරිසේන මැතිතුමා ඉදිරිපත් කළ කැබිනට් සංදේශයට කැබිනට් මණ්ඩලයේ අනුමැතිය හිමි ව තිබේ.
රුපියල් මිලියන 750ක් වටිනා මත්ද්‍රව්‍ය සහ පුපුරණ ද්‍රව්‍ය හඳුනාගැනීමේ අති නවීන උපකරණ චීන රජයේ පරිත්‍යාගයක් ලෙස ශ්‍රී ලංකාවට.
රුපියල් මිලියන 750ක් වටිනා මත්ද්‍රව්‍ය සහ පුපුරණ ද්‍රව්‍ය හඳුනාගැනීමේ අති නවීන යන්ත්‍ර ඇතුළු සෝදිසි කිරීමේ උපකරණ චීන රජයෙන් ශ්‍රී ලංකාවට පරිත්‍යාග කර තිබෙන අතර එම උපකරණ චීන තානාපති Chang Xueyuan මහතා විසින් අද (27) පෙරවරුවේ ජනාධිපති කාර්යාලයේ දී ජනාධිපති ගරු මෛත්‍රීපාල සිරිසේන මැතිතුමා වෙත නිල වශයෙන් භාර දෙනු ලැබීය.
ගංවතුරෙන් විපතට පත්වූවන්ට හමුදා සහාය
පසුගිය දින කිහිපය තුළ ඇති වූ අයහපත් කාලගුණ තත්වය හේතුවෙන් දිවයිනේ ප්‍රදේශ විශාල ප්‍රමාණයක ගංවතුර හා නායයෑම් වාර්තා විය.
ආබාධිත රණවිරු සංවිධාන නියෝජිතයින් ආරක්ෂක අමාත්‍යංශයේ අතිරේක ලේකම් (ආරක්ෂක) හමුවෙයි.
සමස්ත ලංකා දිවිපිදු හා ආබාධිත රණවිරු එකමුතුවේ සාමාජිකයින් අද දින (සැප්තැම්බර් 25) ආරක්ෂක අමාත්‍යංශයේ අතිරේක ලේකම් (ආරක්ෂක) අනුරාධ විජේකෝන් මහතා ආරක්ෂක අමාත්‍යංශ ශ්‍රවණාගාරයේදී හමුවිය.
ගංවතුරෙන් විපතට පත් ජනතාවට නාවික හමුදා සහාය
අයහපත් කාලගුණයෙන් පසු රට පුරා ඇතිව තිබෙන ගංවතුර තත්ත්වයට ප්‍රතිචාර දක්වමින් නාවික හමුදා ක්ෂණික ප්‍රතිචාර දැක්වීමේ, මුදවා ගැනීමේ සහ සහන සැළසීමේ ඒකකය (4RU) සහ නාවික හමුදා කිමිදුම් අංශයේ සහන සැළසීමේ කණ්ඩායම් ගාල්ල දිස්ත්‍රික්කයේ තවලම, බද්දේගම, උඩුගම, පෝද්දල, ඉමදුව, නාගොඩ යන ප්‍රදේශවල සහ කළුතර දිස්ත්‍රික්කයේ බුලත්සිංහල, වලල්ලාවිට යන ප්‍රදේශවල මෙන්ම මාතර දිස්ත්‍රික්කයේ අකුරුස්ස ඇතුළු ප්‍රදේශ රැසක මේවන විට ස්ථානගත කර ඇත.
ආබාධිත රණවිරු සංවිධාන නියෝජිතයින් සහ පූජ්‍ය අතුරලියේ රතන හිමි ආරක්ෂක අමාත්‍යාංශයේ අතිරේක ලේකම් (ආරක්ෂක) හමුවෙයි.
කොටුව දුම්රිය ස්ථානය ඉදිරිපිට උපවාසයේ නිරත රණවිරු සංගම් නියෝජිතයින් සහ පූජ්‍ය අතුරලියේ රතන හිමි අද සවස (සැප්තැම්බර් 24) ආරක්ෂක අමාත්‍යංශයේ අතිරේක ලේකම් (ආරක්ෂක) අනුරාධ විජේකෝන් මහතා ආරක්ෂක අමාත්‍යංශ ශ්‍රවණාගාරයේදී හමුවිය.
ආරක්ෂක මාණ්ඩලික ප්‍රධානී විසින් රාජකීය විද්‍යාල රණවිරු අනුස්මරණ ස්මාරකය විවෘත කරයි
කොළඹ රාජකීය විද්‍යාල භූමියේ නැවත ස්ථානගත කරන ලද රණවිරු අනුස්මරණ ස්මාරකය අද (සැප්තැම්බර් 23) විවෘත කිරීමේ උත්සවය සඳහා ආරක්ෂක මාණ්ඩලික ප්‍රධානී අද්මිරාල් රවීන්ද්‍ර විජේගුනරත්න මහතා සහභාගී විය.
‘දියකාවා යුද අභ්‍යාසය - 2019’සාර්ථකව අවසන් වේ
ශ්‍රී ලංකා යුද්ධ හමුදාව විසින් සංවිධානය කරනු ලබන වාර්ෂික ක්ෂේත්‍ර යුද අභ්‍යාසය “දියකාවා යුද අභ්‍යාසය අදියර 10 – 2019” සදුදා දින (සැප්තැම්බර් 23) ත්‍රිකුණාමලය කුච්චවේලි හිදී අවසන් අභ්‍යාසය වන ‘Critical Engagement’ පුහුණු මෙහෙයුමෙන් ලෙස අවසන් විය.
ත්‍රිවිධ හමුදා, පොලිස් සහ සිවිල් ආරක්ෂක දෙපාර්තමේන්තු සංගීත කණ්ඩායම්වලට උපහාර
පසුගිය දා පවත්වන ලද ‘උදාරයි ඔබ’ සංගීත ප්‍රසංගය සදහා දායකත්වය ලබාදුන් ත්‍රිවිධ හමුදා, පොලිස් සහ සිවිල් ආරක්ෂක දෙපාර්තමේන්තු සංස්කෘතික සහ සංගීත කණ්ඩායම්වලට උපහාර දැක්වීමේ උත්සවයක් ආරක්ෂක අමාත්‍යාංශ ශ්‍රවණාගාරයේදී පැවැත්විණි.
යාපනය ප්‍රදේශයේ පාසැල් සිසුන්ට නව පාපැදි
යාපනය ආරක්ෂක සේනා මූලස්ථානය විසින් සෙනසුරාදා (21) දින පැවති උත්සවයකදී ප්‍රවාහන පහසුකම් නොමැතිවීම හේතුවෙන් පාසල් වෙත යෑමේ දුෂ්කරතාවන්ට මුහුණ දෙන ආර්ථික අපහසුතා ඇති පවුල්වල පාසල් යන දරුවන්ගේ අධ්‍යාපන කටයුතු සාර්ථකව සිදුකරගෙන යාම සදහා පාපැදි පරිත්‍යාග කර ඇති බව යුද හමුදා මාධ්‍ය වාර්තා කරයි.
යුධ හමුදා භටපිරිස් විසින් ශාකසාර උද්‍යානයක් පිරිසිදු කරයි.
බටහිර ආරක්ෂක සේනා මූලස්ථානය යටතේ සේවයේ නියුතු ශ්‍රී ලංකා හමුදා සෙබළුන් පිරිසක් විසින් මීගොඩ ‘ඔසු උයන’ පිරිසිදු කිරීම සඳහා යුද්ධ හමුදා සහයෝගය ඉල්ලීමකට ප්‍රතිචාර දක්වමින් බ්‍රහස්පතින්දා (සැප්තැම්බර් 19) ආක්‍රමණශීලි පැලෑටි සහ වල් පැලෑටිවලින් වැසී ගොස් තිබු ඔසු උයන පිරිසිදු කිරීම සදහා යුද්ධ හමුදා දායකත්වය ලබා දෙන ලදී.
වන්නි ප්‍රදේශයේ සිවිල් වැසියන් වෙනුවෙන් යුද හමුදාවෙන් සමාජ සුභසාධන ව්‍යාපෘති
වන්නි ප්‍රදේශයේ හමුදා භට පිරිස් විසින් සංවිධානය කරන ලද විශේෂ අක්ෂි සායනයකින් දෘශ්‍යාබාධිත සිවිල් වැසියන් 300 කට වැඩි පිරිසකට ප්‍රතිලාභ සැලසිණි.
අනතුරට පත් නාවිකයෙකු වෛද්‍ය ප්‍රථිකාර සඳහා ගොඩබිමට රැගෙන ඒමට නාවික හමුදා සහාය
ඉන්ධන නෞකාවක සිටි තුවාල ලැබු නාවිකයෙකු බ්‍රහස්පතින්දා (සැප්තැම්බර් 20) නාවික හමුදා වේග ප්‍රහාරක යාත්‍රාවක් මගින් ගොඩබිමට රැගෙන එන ලදී.
ත්රස්තවාදීන්ගේ මත්ද්‍රව්‍ය බෙදාහැරීමේ ස්ථානයක් වැටලීමේ පුහුණු මෙහෙයුම සාර්ථකව සිදු කරයි.
මේ වන විට ක්‍රියාත්මක වෙමින් පවතින ‘දියකාවා යුද අභ්‍යාසය - 2019’ යේ ත්රස්තවාදීන්ගේ මත්ද්‍රව්‍ය බෙදාහැරීමේ මධ්‍යස්ථානයක් වැටලීම සදහා බ්‍රහස්පතින්දා තවත් එක් සාර්ථක පුහුණු මෙහෙයුමක් සිදු කරන ලදී.
ඉන්දියානු නියෝජ්‍ය මහකොමසාරිස් ආරක්ෂක ලේකම් හමුවෙයි
ඉන්දියානු මහකොමසාරිස් කාර්යාලයේ නියෝජ්‍ය මහකොමසාරිස් විනෝද් කේ ජේකබ් මහතා (Vinod K Jacob) අද (සැප්තැම්බර් 20) දින ආරක්ෂක අමාත්‍යංශයේ ලේකම් ජෙනරාල් එස්.එච්.එස්.කෝට්ටෙගොඩ (විශ්‍රා) ඩබ්ඩබ්වී ආර්ඩබ්පි ආර්එස්පි වීඑස්වී යුඑස්පි එන්ඩිසී මහතා අමාත්‍යංශ පරිශ්‍රයේ දී හමුවිය.
ආබාධිත රණවිරුවන්ගේ වැටුප් ගැටළු විසදීම සඳහා වන අනුකමිටු වාර්තාව අවසන් අදියරේ
ආරක්ෂක අමාත්‍යාංශ මාධ්‍ය කේන්ද්‍රය - කොල්ලුපිටිය, හිදී ඊයේ දින (සැප්තැම්බර් 18) ත්‍රිවිධ හමුදාවේ සහ පොලීසියේ ආබාධිත හා මියගිය රණවිරුවන්ට වැටුප් හා දීමනා වයස අවුරුදු 55න් පසුවද ගෙවීම පිළිබඳව දැනුම් දීම සඳහා විශේෂ මාධ්‍ය හමුවක් පවත්වන ලදී.
මාධ්‍ය ආයතන වල විකාශනය වන සාවද්‍ය ප්‍රවෘත්ති නිවැරදි කිරීම
අන්තර්ජාලය තුලින් සහ විද්‍යුත් හා මුද්‍රිත මාධ්‍ය ආයතන මගින් පාස්කු ඉරිදා ප්‍රහාරයට සමාන ප්‍රහාරයක් එල්ල කිරීමට යුද්ධ හමුදාවට සම්බන්ධ පිරිසක් සූදානම් වන බවට පුවතක් ප්‍රචාරය කරනු ලබයි.
“ජාතික සමුද්‍ර සම්පත් සුරැකීමේ සතිය” වෙනුවෙන් නාවික හමුදාවෙන් වෙරළ පිරිසිඳු කිරීමේ වැඩසටහනක්
ජාතික සමුද්‍ර සම්පත් සුරැකීමේ සතිය වෙනුවෙන් ශ්‍රී ලංකා නාවික හමුදාව විසින් අඟහරුවාදා (සැප්තැම්බර් 17) දින ගාලු මුවදොර වෙරළ පිරිසිඳු කිරීමේ වැඩසටහනක් සිදුකරන ලදී.
ඕස්ට්‍රේලියානු දූත පිරිස ආරක්ෂක ලේකම් හමුවෙයි
ඕස්ට්‍රේලියානු දූත පිරිස ආරක්ෂක අමාත්‍යාංශයේ ලේකම් ජෙනරාල් එස්.එච්.එස්.කෝට්ටෙගොඩ (විශ්‍රා) ඩබ්ඩබ්වී ආර්ඩබ්පි ආර්එස්පි වීඑස්වී යුඑස්පි එන්ඩිසී මහතා අද දින (සැප්තැම්බර් 18) අමාත්‍යාංශ පරිශ්‍රයේදී හමු විය.
වර්ෂා කාලගුණය තවදුරටත්
පවතින වැසි සහිත කාලගුණය තවදුරටත් ඉදිරියට පවතිනු ඇතැයි කාලගුණ විද්‍යා දෙපාර්තමේන්තුව අනාවැකි පළ කරයි.
සැක කටයුතු ධීවර යාත්‍රා හතරක් නාවික හමුදා බාරයට
ශ්‍රී ලංකාවට අයත් අනන්‍ය ආර්ථික කලාප සීමාවේ (EEZ) මුර සංචාරයේ යෙදි සිටි නාවික හමුදා නෞකාවකට මාලදිවයිනට අයත් මුහුදු සීමාව තුළ ධීවර කර්මාන්තයේ යෙදී සිටි ධනුජි, සුභ පැතුම් 4, ලක්ප්‍රිය දේහි සහ නලින් 10 යන ශ්‍රී ලංකා බහුදින ධීවර යාත්‍රාවන් 4 ක් නිරීක්ෂණය වී ඇත.
ඉන්දු-ලංකා ඒකාබද්ධ නාවික පුහුණු අභ්‍යාසයෙන් පසු ශ්‍රී ලංකා නාවික නෞකාවන් යලි දිවයිනට
ඉන්දු-ලංකා ඒකාබද්ධ නාවික පුහුණු අභ්‍යාසය 2019 සඳහා සහභාගී වීම සඳහා මෙරටින් පිටත්ව ගිය ශ්‍රී ලංකා නාවික නෞකාවන් පසුගිය සති අන්තයේ දී නැවත මෙරටට පැමිණියහ.