පසුගිය පුවත්
මහජන චීන සමූහාණ්ඩුව පිහිටුවීමේ 75 වැනි සංවත්සර උත්සවයට
ආරක්ෂක ලේකම්වරයා සහභාගී වෙයි
මහජන චීන සමූහාණ්ඩුව පිහිටුවීමේ 75 වැනි සංවත්සරය සැමරීම වෙනුවෙන් ඊයේ (සැප් 25) දින සන්ධ්යාවේ කොළඹ ෂැංග්රිලා හෝටලයේ පැවති උත්සවයට ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්රාමික) සහභාගි වූ අතර, එහි ප්රධාන ආරාධිත අමුත්තා ලෙස ගරු අමාත්ය විජිත හේරත් මැතිතුමා සහභාගි විය.
ශ්රී ලංකා නාවික හමුදාව විපතට පත් ඉන්දීය ධීවර යාත්රාවකට සහාය දක්වයි
යාන්ත්රික දෝෂයක් හේතුවෙන් ශ්රී ලංකා මුහුදු තීරයට ගසාගෙන පැමිණි ඉන්දීය බහුදින ධීවර යාත්රාවක්, ශ්රී ලංකා නාවික හමුදාවේ සහ වෙරළාරක්ෂක දෙපාර්තමේන්තුවේ මැදිහත්වීමෙන් එහි අවශ්ය අලුත්වැඩියා කටයුතු සිදුකිරීමෙන් අනතුරුව සිය මව්රට බලා යාමට අවශ්ය පහසුකම් සලසා දෙන ලදි.
තායිලන්ත ජාත්යන්තර ජූඩෝ ශූරතාවලිය - 2024 හීදී
ශ්රී ලංකා ගුවන් හමුදා ජූඩෝ ක්රීඩකයින් හට රන් සහ රිදී පදක්කම්
2024 තායිලන්ත ජාත්යන්තර ජූඩෝ ශූරතාවලියේ දී ශ්රී ලංකා ගුවන් හමුදා ජූඩෝ ක්රීඩකයින් දෙදෙනෙකු රන් හා රිදී පදක්කමක් දිනා ගත්හ. ගුවන් හමුදා සැරයන් දර්මවර්ධන කිලෝග්රෑම් 73 න් පහළ බර පන්තියේ රන් පදක්කම දිනාගත් අතර, කෝප්රල් අබේසිංහ කිලෝග්රෑම් 100 න් පහළ බර පන්තියේ රිදී පදක්කම දිනාගත් බව ගුවන් හමුදා මාධ්ය ආරංචි මාර්ග පවසයි.
ආරක්ෂක අමාත්යාංශයේ නව ලේකම්වරයා ලෙස
එච්.එස්. සම්පත් තුයියකොන්ත මහතා පත් කෙරේ
ආරක්ෂක අමාත්යාංශයේ නව ලේකම්වරයා ලෙස ගුවන් හමුදාවේ විශ්රාමික එයාර් වයිස් මාර්ෂල් එච්.එස්. සම්පත් තුයියකොන්ත මහතා පත් කර තිබේ.
ජාතිකත්වයෙන් සියලුදෙනා සාමුහිකව එක්ව මේ රට ගොඩනඟමු
ශ්රී ලංකාවේ 9 වන විධායක ජනාධිපතිවරයා ලෙස අනුර කුමාර දිසානායක මහතා අද (23) පෙරවරුවේ ජනාධිපති කාර්යාලයේ දී අගවිනිසුරු ජයන්ත ජයසූරිය මහතා ඉදිරියේ දිවුරුම් දුන්නේය.
එයාර් වයිස් මාර්ෂල් සම්පත් තුයියකොන්තා (විශ්රාමික) ආරක්ෂක ලේකම්වරයා
වශයෙන් සිය රාජකාරී අරඹයි
ආරක්ෂක අමාත්යාංශයේ නව ආරක්ෂක ලේකම්වරයා වශයෙන් එයාර් වයිස් මාර්ෂල් සම්පත් තුයියකොන්තා (විශ්රාමික) WWV, RWP and 2 bars, RSP and bar, USP, MMSc (Strat Stu- China), MSc (Def Stu) in Mgt, MSc (Def & Strat Stu), fndu (China), psc අතිගරු ජනාධිපති අනුර කුමාර දිසානායක මැතිතුමා විසින් පත් කොට ඇත.
සයිබර් අපරාධ මධ්යස්ථානය වෙත තැනැත්තන් වෙළෙඳාම් කිරීම සම්බන්ධව
තැනැත්තන් වෙළෙඳාමට එරෙහි ජාතික කාර්ය සාධක බළකායේ අනතුරු ඇඟවීම
තැනැත්තන් වෙළෙඳාමට එරෙහි ජාතික කාර්ය සාධක බළකාය විසින් මියන්මාරයේ සයිබර් අපරාධ කඳවුරු වලට විවිධ ආකාරයෙන් මිනිසුන් යොමු කිරීම් හී වැඩිවීමක් පිළිබඳව මහජනතාවට අනතුරු අඟවයි. විදේශයන්හි ආකර්ශණීය වැටුප් ලැබෙන රැකියා අවස්ථා ලබාදෙන බව පවසා තොරතුරු තාක්ෂණ දැනුම ඇති වෘත්තිකයන් ඉලක්ක කර ගනිමින් මිනිස් වෙළෙඳාම් සිදු කරන්නන් විසින් මෙය සිදු කරනු ලබන බවට කරුණු අවධාරණය කෙරේ.
කොළඹ සමුද්රීය සෙවීම් හා මුදවා ගැනීම් සම්බන්ධීකරණ මධ්යස්ථානයේ සම්බන්ධීකරණයෙන් මුහුදේදී අනතුරට පත් ධීවරයෙකු ගොඩබිමට රැගෙනවිත් ප්රතිකාර සඳහා යොමු කිරීමට
නාවික හමුදා සහය
ශ්රී ලංකාවට දකුණු දෙසින් වූ ගැඹුරු මුහුදේදී අනතුරට පත්වූ, මෙරට බහුදින ධීවර යාත්රාවක සිටි ධීවරයෙකු කොළඹ සමුද්රීය සෙවීම් හා මුදවාගැනීම් සම්බන්ධීකරණ මධ්යස්ථානයේ සම්බන්ධීකරණයෙන්, විදෙස් නෞකාවක් වෙත ලබාගැනීමෙන් අනතුරුව, අද දින (2024 සැප්තැම්බර් 18) ගොඩබිමට රැගෙනවිත් ප්රථිකාර සඳහා කොළඹ, ජාතික රෝහල වෙත යොමු කිරීමට නාවික හමුදාව විසින් කටයුතු කෙරිණි.
යුද හමුදාවේ නව මාණ්ඩලික ප්රධානී ආරක්ෂක ලේකම් හමුවෙයි
ශ්රී ලංකා යුද හමුදාවේ නව මාණ්ඩලික ප්රධානී මේජර් ජෙනරල් දිනේෂ් නානායක්කාර අද (සැප් 18) ශ්රී ජයවර්ධනපුර කෝට්ටේ ආරක්ෂක මූලස්ථාන සංකීර්ණයේ පිහිටි ආරක්ෂක අමාත්යාංශයේ ආරක්ෂක ලේකම් ජෙනරල් කමල් ගුණරත්න හමුවිය.
කර්නල් නලින් හේරත් ඉන්දියාවේ බුද්ධගයා-නාලන්දා
විද්වත් සැසියේ දී දේශනයක් පවත්වයි
"The Bodh Gaya-Nalanda Initiative on Shared Values, Shared Culture, and Futures" යන තේමාව ඔස්සේ සැප්තැම්බර් 12 දින සිට 14 දින දක්වා ඉන්දියාවේ දී පැවැති විද්වත් කථිකාව සඳහා ශ්රී ලංකාව නියෝජනය කරමින් සහභාගී වූ ආරක්ෂක අමාත්යාංශයේ අධ්යක්ෂ - මාධ්ය සහ මාධ්ය ප්රකාශක මෙන්ම ජාතික ආරක්ෂක අධ්යයන ආයතනයේ වැඩ බලන අධ්යක්ෂ ජෙනරාල් කර්නල් නලින් හේරත් විසින් එහිදී හරවත් දේශනයක් සිදුකරන ලදි.
සිවිල් ආරක්ෂක දෙපාර්තමේන්තුව සිය අභිමානවත් 18 වන සංවත්සරය සමරයි
සිවිල් ආරක්ෂක දෙපාර්තමේන්තුව ප්රතිසංවිධානය කොට වසර 18ක් සපීරීම නිමිත්තෙන් වූ ප්රධාන සැමරුම් උත්සවය සිවිල් ආරක්ෂක දෙපාර්තමේන්තු අධ්යක්ෂ ජෙනරාල් එයාර් වයිස් මාර්ෂල් රොෂාන් බියන්විල (විශ්රාමික) ගේ ප්රධානත්වයෙන් 2024 සැප්තැම්බර් මස 13 වන දින කොළඹ සිවිල් ආරක්ෂක දෙපාර්තමේන්තු මූලස්ථාන පරිශ්රයේ දී පැවැත්විණ.
නව යුද හමුදා මාණ්ඩලික ප්රධානී පත් කෙරේ
ශ්රී ලංකා සිංහ රෙජිමේන්තුවේ මේජර් ජෙනරල් දිනේෂ් නානායක්කාර, සැප්තැම්බර් 16 දින සිට ක්රියාත්මක වන පරිදි ශ්රී ලංකා යුද හමුදා මාණ්ඩලික ප්රධානී වශයෙන් පත් කර ඇත.
මියන්මාරයේ සයිබර් අපරාධවලට යොදවා මිනිස් ජාවාරමට ගොදුරු වූ 20 දෙනෙකු තැනැත්තන් වෙළදාමට එරෙහි ජාතික කාර්ය සාධක බලකාය විසින් බේරා ගැනේ
තැනැත්තන් වෙළදාමට එරෙහි ජාතික කාර්ය සාධක බලකාය විසින් දියත් කරන ලද සාර්ථක ගලවා ගැනීමේ මෙහෙයුමක දී මියන්මාරයේ නීති විරෝධී ලෙස සයිබර් අපරාධවල යොදවා සිටි ශ්රී ලාංකිකයින් 20 දෙනෙකු අපරාධ කණ්ඩායමේ ග්රහනයෙන් මුදවා ගන්නා ලදි.
ජෙනරල් ගුණරත්නගේ 10 වැනි සාහිත්ය කෘතිය ‘රාජාලි සංදේශය’
නෙළුම් පොකුණේදී එළිදක්වයි
ආරක්ෂක ලේකම් ජෙනරල් කමල් ගුණරත්න විසින් රචනා කරන ලද කාව්ය 2579 කින් සමන්විත ශ්රී ලංකා සාහිත්ය ඉතිහාසයේ දීර්ඝතම කාව්ය සංග්රහය වන “රාජාලි සංදේශය” එළිදැක්වීම සැප් 06 දිනට යෙදුනු ඔහුගේ ජන්මදිනයේදීම කොළඹ නෙළුම් පොකුණ රඟහලේදී සිදු කෙරිණි.
පැරිස් පැරා ඔලිම්පික් ක්රීඩා උළෙලේ රිදී පදක්කම
ශ්රී ලංකා යුද හමුදා මලල ක්රීඩකයා දිනා ගනී
ශ්රී ලංකා යුද හමුදා බලලත් නිලධාරී II සමිත දුලාන් කොඩිතුවක්කු පැරිස් පැරා ඔලිම්පික් උළෙලේ පිරිමි F 44 හෙල්ල විසිකිරීමේ ඉසව්වෙන් රිදී පදක්කමක් දිනා ගැනීමට සමත් විය. ඉකුත් සඳුදා (සැප් 02) පැවති එම ඉසව්වේ මීටර 67.03 ක දුරක් විසි කරමින් ඔහු නව ලෝක වාර්තාවක් පිහිටුවා ඇති බව ශ්රී ලංකා යුද හමුදා මාධ්ය ආරංචි මාර්ග සඳහන් කරයි.
ශ්රී ලංකා ගුවන් හමුදාවේ විශේෂඥ දැනුමෙන් හා ශ්රම දායකත්වයෙන් ඉදිකළ
අපේක්ෂා රෝහලේ නව ළමා වාට්ටු සංකීර්ණය විවෘත කෙරේ
ශ්රී ලංකා ගුවන් හමුදාවේ තාක්ෂණික සහ ශ්රම දායකත්වයෙන් යුතුව ඉදිකරන ලද මහරගම අපේක්ෂා රෝහලේ ළමුන්ට ප්රතිකාර කිරීම සඳහා වෙන් වූ සිව්මහල් වාට්ටු සංකීර්ණය පසුගිය අඟහරුවාදා (සැප් 03) උත්සවාකාරයෙන් විවෘත කරන ලදී.
රතු මුහුදේ ගැටුම්කාරී තත්වය තවදුරටත් උග්ර වීම ඔස්සේ ගෝලීය ආර්ථිකයට සහ
ශ්රී ලංකාවට එමගින් වන බලපෑම් සබැඳිව ජාතික ආරක්ෂක අධ්යයන ආයතනය සාකච්ඡාවක
ආරක්ෂක අමාත්යාංශය යටතේ ක්රියාත්මක වන ජාතික ආරක්ෂාව පිළිබඳ ප්රමුඛතම අධ්යයන ආයතනය වන ජාතික ආරක්ෂක අධ්යයන ආයතනය විසින් “Widening Red Sea Conflict: Implications for the Global Economy and Sri Lanka” යන කාලීන තේමාව යටතේ සංවිධානය කරනු ලැබූ වට මේස සාකච්ඡාවක් පසුගියදා (සැප් 02) ආරක්ෂක අමාත්යාංශයේදී පැවැත්විණි. ජාතික බුද්ධි ප්රධානී මේජර් ජෙනරල් රුවන් කුලතුංග (විශ්රාමික) මෙම උත්සවයේ ප්රධාන ආරාධිත අමුත්තා ලෙස සහභාගි වූ අතර ආරක්ෂක ලේකම් ජෙනරල් කමල් ගුණරත්නගේ පුර්ණ අධීක්ෂණය සහ මඟපෙන්වීම යටතේ මෙම සාකච්ඡාව පැවැත්විණි.
ඉන්දීය ජාතික ආරක්ෂක විද්යාල නියෝජිත පිරිසක් ආරක්ෂක ලේකම් හමුවෙයි
ඉන්දීය රජයේ සම ලේකම් ශ්රී විජේ නේරා ප්රමුඛ ඉන්දීය ජාතික ආරක්ෂක විද්යාලයේ දූත පිරිසක් අද (සැප් 2) කෝට්ටේ ශ්රී ජයවර්ධනපුර ආරක්ෂක මූලස්ථාන සංකීර්ණයේ පිහිටි ආරක්ෂක අමාත්යාංශයේ දී ආරක්ෂක ලේකම් ජෙනරල් කමල් ගුණරත්න හමුවිය.
වව්නියාව දිස්ත්රික්කයේ ප්රතිසංස්කරණය කෙරුණු පළමු චෛත්යරාජයාණන් වහන්සේගේ
කොත නිරාවරණය කොට සම්බුදු සසුනට පූජා කිරීමේ පුණ්යෝත්සවය
ආරක්ෂක ලේකම්වරයාගේ ප්රධානත්වයෙන්
පසුගිය යුධ සමයේ පරිහානියට පත් වූ උතුරු පළාත තුල පිහිටා තිබෙන දහස් සංඛ්යාත බෞද්ධ සිද්ධස්ථාන අතුරින් වව්නියාව දිස්ත්රික්කය තුල පිහිටි සපුමල්ගස්කඩ රජ මහා විහාරයේ චෛත්යරාජයාණන් වහන්සේ පූර්ණ ප්රතිසංස්කරණ කටයුතු සිදුකිරීමෙන් අනතුරුව සම්බුදු සසුනට පූජා කිරීමේ පුණ්ය මහෝත්සවය,
යුද හමුදාව විසින් ඉදිකල CIMIC උද්යානයක් හා නව නිවාස කිහිපයක්
ප්රතිලාභීන් වෙත ලබා දෙයි
කිලිනොච්චි ප්රජාවගේ අධ්යාපනික හා සමාජීය අවශ්යතා සපුරාලීමේ අරමුණින් ශ්රී ලංකා යුද හමුදාව විසින් ඉදිකරන ලද CIMIC උද්යානය ප්රදේශවාසීන්ගේ ප්රයෝජනය සඳහා පසුගිය දා (අගෝස්තු 25) විවෘත කර ජනතා අයිතියට පත් කරන ලද බව යුද හමුදා මාධ්ය වාර්තා කරයි.
උතුරු මුහුදේදී ආපදාවට පත් ඉන්දීය ධීවර යාත්රාවක සිටි
ධීවරයින් 02 ක් නාවික හමුදාව විසින් බේරාගනියි
ශ්රී ලංකාවට උතුරු දෙසින්, කච්චතිව් දූපතේ සිට නාවික සැතපුම් 08 ක් පමණ (කිලෝ මීටර් 14 ක් පමණ) දුරින් වූ ඉන්දීය මුහුදු කලාපයේදී අනතුරට ලක් වූ ඉන්දීය ධීවර යාත්රාවක සිටි ධීවරයින් දෙදෙනෙකු (02) නිරුපද්රිතව බේරා ගැනීමට 2024 අගෝස්තු 27 දින නාවික හමුදාව විසින් කටයුතු කෙරිණි.
රියර් අද්මිරාල් කාංචන බානගොඩ
නාවික හමුදා මාණ්ඩලික ප්රධානී ලෙස පත් කෙරේ
ශ්රී ලංකා ප්රජාතාන්ත්රික සමාජවාදී ජනරජයේ ජනාධිපති සහ සන්නද්ධ හමුදා සේනාධිනායක ගරු රනිල් වික්රමසිංහ මැතිතුමා විසින් ශ්රී ලංකා නාවික හමුදාවේ නව මාණ්ඩලික ප්රධානී ලෙස රියර් අද්මිරාල් කාංචන බානගොඩ 2024 අගෝස්තු මස 16 වන දින සිට පත්කෙරුණු අතර, නාවික හමුදාධිපති වයිස් අද්මිරාල් ප්රියන්ත පෙරේරා විසින් ඊට අදාළ පත්වීම් ලිපිය රියර් අද්මිරාල් කාංචන බානගොඩ වෙත නිල වශයෙන් 2024 අගෝස්තු මස 26 වන දින නාවික හමුදා මූලස්ථානයේදී ප්රදානය කර, සිය සුභපැතුම් පිරිනැමීමට කටයුතු කෙරිණි.
සයිබර් ආරක්ෂක විධානය විසින් Aegis Lexicon - 2024 ජංගම දැනුවත් කිරීමේ වැඩසටහන
විදේශ කටයුතු අමාත්යාංශයේදී පවත්වයි
ආරක්ෂක අමාත්යාංශය යටතේ ඇති ආරක්ෂක සයිබර් විධානය විසින් Aegis Lexicon -2024 හි තෙවැනි සැසිවාරය පසුගියදා (අගෝස්තු 24) විදේශ කටයුතු අමාත්යාංශයේදී සාර්ථකව පවත්වන ලදී. මෙම සැසිය, ජාතියේ තීරණාත්මක ජාතික තොරතුරු යටිතල ව්යුහය ආරක්ෂා කිරීම කෙරෙහි විශේෂ අවධානයක් යොමු කරමින්, රාජ්ය අංශය පුරා සයිබර් ආරක්ෂාව පිළිබඳ දැනුවත්භාවය වැඩි දියුණු කිරීම අරමුණු කරගත් පුළුල් මුලපිරීමක කොටසකි.
ඉන්දීය නාවික හමුදාවට අයත් ‘INS Mumbai’ නෞකාව නිල සංචාරයක් සඳහා
කොළඹ වරායට පැමිණෙයි
ඉන්දීය නාවික හමුදාවට අයත් ‘INS Mumbai’ යුද නෞකාව නිල සංචාරයක් සඳහා අද දින (2024 අගෝස්තු 26) උදෑසන කොළඹ වරායට පැමිණි අතර, ශ්රී ලංකා නාවික හමුදාව විසින් එම නෞකාව නාවික හමුදා සම්ප්රදායානුකුලව පිළිගැනීමට කටයුතු කෙරිණි.
චීන යුද නෞකා තුනක් නිල සංචාරයක් සඳහා කොළඹ වරායට පැමිණෙයි
මහජන චීන විමුක්ති හමුදාවේ (Chinese People’s Liberation Army Navy) යුද නෞකාවන් වන “HE FEI”, “WUZHISHAN” සහ “QILIANSHAN” යන යුද නෞකා ත්රිත්වය නිල සංචාරයක් සඳහා අද දින (2024 අගෝස්තු 26) උදෑසන කොළඹ වරායට පැමිණි අතර, ශ්රී ලංකා නාවික හමුදාව විසින් එම නෞකාවන් නාවික හමුදා සම්ප්රදායානුකුලව පිළිගැනීමට කටයුතු කෙරිණි.