පසුගිය පුවත්
ශෝක පණිවිඩය
එක්සත් ජාතීන්ගේ සංවිධානයේ නිරායුධකරණය පිළිබඳ හිටපු නියෝජ්‍ය මහලේකම් සහ ශ්‍රී ලංකාවේ ප්‍රවීණතම රාජ්‍ය තාන්ත්‍රිකයෙකු වන ජයන්ත ධනපාල මැතිතුමාගේ අභාවය පිළිබඳව ආරක්‍ෂක අමාත්‍යාංශය සිය ශෝකය ප්‍රකාශ කරයි.
රණවිරු කොඩිය සඳහා වරාය, නාවික සහ ගුවන් සේවා අමාත්‍යවරයා සහ වරාය අධිකාරියේ සභාපති දායකත්වය දක්වයි
රණවිරු සේවා අධිකාරිය මගින් ක්‍රියාත්මක අරමුදල් සම්පාදනය කිරීමේ ක්‍රියාදාමයෙහි රණවිරු කොඩි අලෙවියෙහි එක් අවස්ථාවක් ලෙස ශ්‍රී ලංකා වරාය, නාවික සහ ගුවන් සේවා අමාත්‍ය ගරු. නිමල් සිරිපාල ද සිල්වා මැතිතුමා සහ ශ්‍රී ලංකා වරාය අධිකාරියේ සභාපති කීත් ද බර්නාඩ් මහතා වෙත රණවිරු කොඩිය පිළිගැන්වීම අද දින (29) සිදුකරන ලදි.
යුද හමුදාව විසින් පොළොන්නරුවේ ඩෙංගු මර්දන වැඩසටහනක්
පූනානි ප්‍රදේශයේ පිහිටි 23 වන පාබල සේනාංකයට අයත් ශ්‍රී ලංකා යුද හමුදාවේ 234 වන පාබල බලසේනාවේ භඨ පිරිස් විසින් පොළොන්නරුව සහ තදාසන්න ප්‍රදේශවල ඩෙංගු මර්දන වැඩසටහනක් පසුගියදා පවත්වන ලදි.
රෝගී වූ ධීවරයෙකු රැගෙන ඒමට නාවික හමුදාවේ නෞකාවක්
ගාල්ලට ඔබ්බෙන් වූ දකුණු මුහුදු ප්‍රදේශයේ ධීවර කටයුතුවල නිරතව සිටියදී රෝගාතුර වූ බහුදින ධීවර යාත්‍රාවක සිටි ධීවරයෙකු ශ්‍රී ලංකා නාවික හමුදාව විසින් අද (මැයි 26) ගොඩබිමට රැගෙන එනු ලැබීය.
විදේශ කටයුතු අමාත්‍යතුමන්ගෙන් සහ විදේශ කටයුතු අමාත්‍යාංශයෙන්
රණවිරු කොඩියට දායකත්වයක්
රණවිරු සේවා අධිකාරිය මගින් ක්‍රියාත්මක අරමුදල් සම්පාදනය කිරීමේ වැඩසටහනෙහි රණවිරු කොඩි අලෙවියෙහි තවත් එක් අවස්ථාවක් ලෙස විදේශ කටයුතු අමාත්‍ය අලී සබ්රි මහතා වෙත හා විදේශ කටයුතු අමාත්‍යංශයේ ලේකම් අරුණි විජේවර්ධන මහත්මිය ඇතුළු කාර්ය මණ්ඩලය වෙත රණවිරු කොඩිය පිළිගැන්වීම අද දිනයේ සිදුකරන ලදි.
ගැඹුරු මුහුදේ ආපදාවට පත් චීන ධීවර යාත්‍රාව සෙවීමේ සහ මුදවා ගැනීමේ මෙහෙයුම සඳහා ශ්‍රී ලංකා නාවික හමුදාව දායක වෙයි
ශ්‍රී ලංකාවට දකුණු දෙසින් වූ ඕස්ට්‍රේලියානු සෙවීම් සහ මුදවා ගැනීම් කලාපයට අයත් ගැඹුරු මුහුදේදී 2023 මැයි මස 16 වන දින පෙරලීයාමෙන් ආපදාවට පත් ‘LU PENG YUAN YU 028’ නමැති චීන ධීවර යාත්‍රාව සෙවීමේ සහ මුදවා ගැනීමේ මෙහෙයුම සඳහා දායකවීමට නාවික හමුදාධිපති, වයිස් අද්මිරාල් ප්‍රියන්ත පෙරේරා ගේ උපදෙස් පරිදි ශ්‍රී ලංකා නාවික හමුදාවට අයත්, ශ්‍රී ලංකා නාවික නෞකා විජයබාහු ගැඹුරු මුහුදු ආවේක්ෂණ නෞකාව, නාවික හමුදා කිමිදුම් කණ්ඩායමක් ද සමඟ ආපදාවට පත් චීන ධීවර යාත්‍රාව පිහිටි මුහුදු ප්‍රදේශය වෙත පිටත් කර හැරීමට ශ්‍රී ලංකා නාවික හමුදාව විසින් කටයුතු කෙරිණි.
රණවිරුවෙකු සදහා නව නිවසක්
රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්‍රාමික) විසින් සමීපතම මිතුරකුගෙන් සිදුකරන ලද විශේෂ ඉල්ලීමකට අනුව රණවිරු නාමයට ජාතියේ කෘතගුණ දැක්වීමක් වශයෙන් කොළඹ 07 හි පදිංචි හේමාල් මුණසිංහ සහ සරෝජනී මුණසිංහ යන මහත්ම මහත්මීන් විසින් රුපියල් ලක්ෂ 15ක තම පුද්ගලික ධන පරිත්‍යාගයෙන් නිවසක් නොමැති යුද්ධයේදී තුවාල ලබා සිටින රණවිරුවෙක් වෙත සෙවණක් ලබාදෙන්නට අනුග්‍රාහකත්වය දක්වන ලදී.
2.png)
මඩකලපුව සහ මන්මුනේ ඩෙංගු මර්දන වැඩසටහන් සඳහා
යුධ හමුදා භට පිරිස් දායක වෙති
රජයේ ඩෙංගු මර්දන වැඩසටහනට අනුකූලව මඩකලපුව සහ මන්මුනේ නගර පිරිසිදු කිරීමේ ව්‍යාපෘතියක් නැගෙනහිර ආරක්‍ෂක සේනා මූලස්ථානය යටතේ රාජකාරීන්හී නියුතු යුද්ධ හමුදා භට පිරිස් විසින් පසුගියදා සිදුකරන ලදි.
යුද්ධ හමුදාව පරිහරණය කළ ඉඩම් මුලතිව් සිවිල් වැසියන්ට
මුලතිව් දිස්ත්‍රික්කයේ යුධ මෙහෙයුම් සහ ආරක්‍ෂක අවශ්‍යතා සඳහා යුද හමුදාව විසින් භාවිතා කරන ලද ඉඩම් කට්ටි 8ක් සිවිල් වැසියන් වෙත ඉඩම් නිදහස් කිරීමේ ප්‍රතිපත්තියට අනුකූලව ශ්‍රී ලංකා යුද හමුදාව විසින් පසුගියදා නිදහස් කරන ලදි.
ජපාන - ලංකා මිත්‍රත්ව සංගමය වෙතින් ශ්‍රී ලංකා ගුවන් හමුදාවට
ගිනි නිවීමේ ආධාරක පරිත්‍යාගයක්
ගුවන් හමුදා මාධ්‍යවලට අනුව, ජපාන - ලංකා මිත්‍රත්ව සංගමය විසින් ශ්‍රී ලංකා ගුවන් හමුදාවට ගිනි නිවන මෝටර් රථයක් සහ අහස් ඉනිමං සහිත රථ දෙකක් පසුගිය සඳුදා (මැයි 22) දින පැවති උත්සවයකදී ප්‍රදානය කරන ලදි.
ජාතික රණවිරු සැමරුම වෙනුවෙන් දේශප්‍රේමී චිත්‍ර ශිල්පියෙකු විසින්
අඳින ලද ඒකල චිත්‍ර
දැනට ඉතාලියේ නේපල්ස් නුවර රැකියාවක නියුතු සෙනෙවිරත්න දසනායක කලාකරුවා රණවිරුවන්ට උපහාරයක් වශයෙන් චිත්‍ර ප්‍රදර්ශනයක් මැයි 21 වැනි දින ඉතාලියේ නේපල්ස් නුවර ශාන්ත අන්තෝනි ජාත්‍යන්තර පාසලේදී පවත්වන ලදි.
රටට සෙත් පතා සඳහිරු සෑය අභියස දී පිරිත් සජ්ඣායනාවක්
රටට, ජනතාවට, ජීවිත පරිත්‍යාග කල රණවිරුවන්ට සහ රණක්‍ෂිතයට පත් රණවිරුවන්ට ආශිර්වාද පතා වාර්ෂිකව පැවැත්වෙන ‘ජය පිරිත්’ සජ්ඣායනාව මහා සංඝරත්නය විසින් සඳහිරු සෑය අභියසදී ආරක්‍ෂක රාජ්‍ය අමාත්‍ය ගරු. ප්‍රමිත බණ්ඩාර තෙන්නකෝන් මැතිතුමා සහ ආරක්‍ෂක ලේකම් ජෙනරල් කමල් ගුණරත්නගේ සහභාගීත්වයෙන් සිදුකළ අතර, අද (21) උදෑසන මහ සංඝරත්නය වෙත දානමය පිංකම් සමඟින් එම ආගමික කටයුතු අවසන් කරන ලදි.
14 වැනි ජාතික රණවිරු දිනය
ජනාධිපති රනිල් වික්‍රමසිංහ මැතිතුමාගේ ප්‍රධානත්වයෙන්
14 වැනි ජාතික රණවිරු සැමරුම් උත්සවය සේනාධිනායක අතිගරු ජනාධිපති රනිල් වික්‍රමසිංහ මැතිතුමාගේ ප්‍රධානත්වයෙන් අද (මැයි 19) දින ශ්‍රී ජයවර්ධනපුර කෝට්ටේ ජාතික රණවිරු ස්මාරකය අභියසදී පැවැත්විණි.
දරුවන්ගේ ආරක්‍ෂාව සඳහා සමාජ බුද්ධි ඒකකයක් පිහිටුවීමට සැලසුම්
- ආරක්‍ෂක රාජ්‍ය අමාත්‍ය
මෑතකදී අවාසනාවන්ත ලෙස යෞවනයන් කිහිප දෙනෙකු සම්බන්ධයෙන් වාර්තා වූ නීති විරෝධී සිදුවීම් සම්බන්දයෙන් අවධානය යොමු කරමින් ,විශේෂයෙන්ම දරුවන්ගේ ආරක්‍ෂාව වෙනුවෙන් ‘සමාජ බුද්ධි ඒකකයක්’ පිහිටුවීමට සැලසුම් කර ඇති බව ආරක්‍ෂක රාජ්‍ය අමාත්‍ය ගරු. ප්‍රමිත බණ්ඩාර තෙන්නකෝන් මැතිතුමා ප්‍රකාශ කර සිටියේය.
ජාතික ආරක්‍ෂක සමුළුව - 2023 උත්කර්ෂවත් ලෙස පැවැත්විණි
ශ්‍රී ලංකා ජාතික ආරක්‍ෂක අධ්‍යයන ආයතනය විසින් සංවිධානය කරන ලද ජාතික ආරක්‍ෂක සමුළුව 2023 අද (මැයි 17) රත්මලාන ජෙනරල් සර් ජෝන් කොතලාවල ආරක්‍ෂක විශ්වවිද්‍යාලයේ පශ්චාත් උපාධි අධ්‍යයන පීඨ ශ්‍රවණාගාරයේදී උත්සවාකාරයෙන් ආරම්භ විය.
ආපදාවලින් පීඩාවට පත් රටවලට සහාය වීම සඳහා ගෝලීය ප්‍රතිචාර දක්වන්නෙකු ලෙස ආපදා කලමණාකරණ මධ්‍යස්ථානය සංවර්ධනය කිරීමට රාජ්‍ය අමාත්‍යවරයා සැලසුම් කරයි
අපට අවශ්‍ය වන්නේ අපගේ ආපදා කළමනාකරණ අංශය ගෝලීය ප්‍රමිතීන්ට සමගාමීව දියුණු කිරීමට ය; එබැවින් ආපදාවලින් පීඩාවට පත් රටවලට සහය වීම සඳහා ගෝලීය ප්‍රතිචාර දක්වන්නෙකු ලෙස ආපදා කළමනාකරණ මධ්‍යස්ථානය සංවර්ධනය කිරීමට අපි අදහස් කරන අතර අප මෙය ප්‍රමුඛස්ථානයක් කර ගෙන තිබෙනවා යැයි ආරක්‍ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා අද (මැයි 17) කොළඹ පිහිටි ඔහුගේ කාර්යාලයේදී එක්සත් ජනපද ජාතික ආරක්‍ෂක බළකායේ නියෝජිත පිරිසක් සමඟ පැවති සාකච්ඡාවකදී පැවසීය.
වගා ආරක්‍ෂණය සඳහා ගිනිඅවි බලපත්‍ර නිකුත් කිරීමට තීරණය කර ඇති බව රාජ්‍ය ආරක්‍ෂක අමාත්‍ය ප්‍රමිත බණ්ඩාර තෙන්නකෝන් පවසයි.
වගා ආරක්ෂණ කටයුතු සඳහා ගිනිඅවි භාවිතය වෙනුවෙන් පෙර පැවති නීති සංශෝධනය කර ඇති අතර එම බලපත්‍ර නිකුත් කිරීම සඳහා තිබිය යුතු වගා භූමි ප්‍රමාණය අක්කර පහක් (05) දක්වා සංශෝධනය කිරීමට තීරණය කර ඇති බව රාජ්‍ය ආරක්‍ෂක අමාත්‍ය ප්‍රමිත බණ්ඩාර තෙන්නකෝන් මැතිතුමා පවසයි.
ඉන්දීය නාවික නෞකාවක් ත්‍රිකුණාමලයට
ඉන්දීය නාවික හමුදාවට අයත් ‘Batti Malv’ නෞකාව අඟහරුවාදා (මැයි 16) ත්‍රිකුණාමලය වරායට සේන්දු විය. ශ්‍රී ලංකා නාවික හමුදාවේ මාධ්‍යවලට අනුව, නාවික සම්ප්‍රදායන්ට අනුකූලව ශ්‍රී ලංකා නාවික හමුදාව විසින් මෙම නෞකාව පිළිගන්නා ලදී.
හමුදාවන්හි අනුමත සංඛ්‍යාව පවත්වා ගනිමින්
සම්මත හමුදාමය රාජකාරීන් සඳහා යෙදවීමට පියවර -
ශ්‍රී ලංකා ආරක්‍ෂක රාජ්‍ය ඇමති
එක්සත් ජනපද නියෝජ්‍ය සහකාර ලේකම් හමුවේ පවසයි
ශ්‍රී ලංකා හමුදාවන්හි ප්‍රමාණය ක්‍රමයෙන් සංඛ්‍යාත්මකව නිවැරදි, අනුමත ප්‍රමාණයට ගෙනවිත් සම්මත හමුදාමය රාජකාරීන් සඳහා යෙදවීමට පියවර ගනු ලබන බව ශ්‍රී ලංකාවේ ආරක්‍ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මැතිතුමා එක්සත් ජනපද රාජ්‍ය දෙපාර්තමේන්තුවේ දකුණු සහ මධ්‍යම ආසියානු කටයුතු කාර්යාංශය නියෝජ්‍ය සහකාර ලේකම් අෆ්රීන් අක්තර් (Afreen Akhter) මහත්මිය සමඟ පැවති සුහද සාකච්ඡාවකදී ප්‍රකාශ කළේය.
නාවික හමුදා සහන කණ්ඩායම් ගංවතුර අවදානමට මුහුණදීමට සූදානම්
ගාල්ල සහ මාතර දිස්ත්‍රික්කවල ගංවතුර අවදානම් ප්‍රදේශවලට සහන කණ්ඩායම් යෙදවීමට ශ්‍රී ලංකා නාවික හමුදාව ඊයේ (14)කටයුතු කරන ලදී. පවතින අයහපත් කාලගුණය හමුවේ අවශ්‍ය විටෙක යෙදවීමට අමතර සහන කණ්ඩායම් සූදානම්ව සිටින බව ශ්‍රී ලංකා නාවික හමුදාව පවසයි.
ඕස්ට්‍රේලියාවෙන් ශ්‍රී ලංකාවට ගුවන් යානයක්
ඕස්ට්‍රේලියානු රජය විසින් එරට රාජකීය ගුවන් හමුදාවට අයත්ව තිබූ බීච්ක්‍රාෆ්ට් KA350 King Air ගුවන් යානයක් (ලියාපදිංචිය A32-673) ශ්‍රී ලංකා රජයට තිළිණ කරන බව දැනුම් දී තිබේ.
මාර්ග ආරක්‍ෂාව පිළිබඳ පාසල් මාර්ග ආරක්ෂණ සතියක් අධ්‍යාපන අමාත්‍යාංශය විසින් ප්‍රකාශයට පත් කර තිබේ.ශ්‍රී ලංකා වෛද්‍ය සංගමයේ මාර්ග අනතුරු වැළැක්වීම පිළිබඳ විශේෂඥ කමිටුව සහ අධ්‍යාපන අමාත්‍ය ආචාර්ය සුසිල් ප්‍රේම්ජයන්ත් මැතිතුමා සහ අධ්‍යාපන අමාත්‍යාංශ නිලධාරීන් අතර ඇති වූ සාකච්ඡාවක ප්‍රතිඵලයක් ලෙස, මැයි 12 සිට 16 දක්වා දිවෙන එක්සත් ජාතීන්ගේ ගෝලීය මාර්ග ආරක්ෂණ සතියට සමගා මීව පා සල් දරුවන් ඉලක්ක කරගත් මෙම මා ර්ග ආරක්ෂණ සතිය පැවැත්වේ.
හමුදාමය සහයෝගීතාව වැඩිදියුණු කිරීමට ඊජිප්තු තානාපතිගේ අවධානය
ඊජිප්තුවේ තානාපති, අතිගරු මජෙඩ් මුස්ලෙහ් (Maged Mosleh) මැතිතුමා අද (මැයි 12) කෝට්ටේ ශ්‍රී ජයවර්ධනපුර ආරක්‍ෂක අමාත්‍යාංශයේ දී ආරක්‍ෂක ලේකම් ජෙනරල් කමල් ගුණරත්න හමුවිය.
මොඛා (Mocha) දරුණු සුළි කුණාටුවක් දක්වා වර්ධනය වේ
බෙංගාල බොක්ක මුහුදු ප්‍රදේශයේ බහුදින ධීවර යාත්‍රා සඳහා රතු නිවේදනයක් නිකුත් කරමින් කාලගුණ විද්‍යා දෙපාර්තමේන්තුව ගිනිකොණ දිග බෙංගාල බොක්ක ප්‍රදේශයේ පවතින මොඛා සුළි කුණාටුව ඉතා දරුණු සුළි කුණාටුවක් දක්වා වර්ධනය විය හැකි බවට අනතුරු අගවයි. එය අද දින (මැයි 12) උදෑසන 05:30 වනවිට 13.20N සහ 88.10E ආසන්නයේ කේන්ද්‍රගත වී පැවතිණි.
ආසියාවේ සමගියට බාධා වන කිසිඳු කාර්යයක් සඳහා
ශ්‍රී ලංකාව අනුබල ලබාදෙන්නේ නෑ – ජනපති
ආසියාවේ ප්‍රථම සම්මන්ත්‍රණ ශාලාව වන කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාව ඉදිකර වසර 50ක් පිරීමේ උත්සවය ජනපති ප්‍රධානත්වයෙන්.