පසුගිය පුවත්
ශ්‍රී ලංකාවේ උපායමාර්ගික පිහිටීම ආර්ථික සුරක්‍ෂිතතාව සඳහා
යොදා ගැනීම සම්බන්ධයෙන් සාකච්ඡාවක්
ජාතික ආරක්‍ෂක අධ්‍යයන ආයතනයේ මෙහෙයවීමෙන්
ආරක්‍ෂක අමාත්‍යංශය යටතේ ක්‍රියාත්මක, ජාතික ආරක්‍ෂක අධ්‍යයන ආයතනය විසින් සංවිධානය කල "ඉන්දියන් සාගර කලාපය තුල ශ්‍රී ලංකාවේ උපායමාර්ගික භූගෝලීය පිහිටීම යොදාගනිමින් මෙරට ආර්ථික සුරක්‍ෂිතතාව ප්‍රවර්ධනය කිරීම" යන තේමාව යටතේ කාලෝචිත වටමේස සාකච්ඡාවක් ඊයේ (දෙසැ. 05) දින ආරක්‍ෂක අමාත්‍යාංශයේදී පැවැත්විණ.
UNHCR හි නිලධාරීන් පිරිසක් ආරක්‍ෂක ලේකම් හමුවෙයි
එක්සත් ජාතීන්ගේ සරණාගතයින් පිළිබඳ මහ කොමසාරිස් කාර්යාලයේ ආසියා සහ පැසිෆික් කලාපීය ආරක්‍ෂක සේවා ප්‍රධානි Karen Whiting මහත්මිය ඇතුළු නියෝජිත පිරිසක් පසුගිය අඟහරුවාදා (දෙසැ 03) ආරක්‍ෂක අමාත්‍යාංශයේදී ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.
ආරක්‍ෂක අමාත්‍යාංශය ‘2023 රාජ්‍ය අංශයේ හොඳම වාර්ෂික වාර්තාව
සහ ගිණුම්’ සඳහා වන ලෝකඩ සම්මානය දිනා ගනී
2023 රාජ්‍ය අංශයේ හොඳම වාර්ෂික වාර්තාව සහ ගිණුම්’ සඳහා වන ලෝකඩ සම්මානය අඛණ්ඩව දෙවන වරටත් දිනා ගැනීමට ආරක්‍ෂක අමාත්‍යාංශය සමත් වී ඇත.
ආරක්‍ෂක ලේකම්වරයා 2024 වර්ෂයේ වෙළඳසේවා පිහිනුම් ශූරතාවලියේ
ප්‍රධාන ආරාධිත අමුත්තා ලෙස සහභාගී වෙයි
තර්ස්ටන් විද්‍යාලයීය ජල ක්‍රීඩා සමාජය විසින් අඛණ්ඩව 15 වැනි වරටත් සංවිධානය කරන ලද කීර්තිමත් ජනාධිපති අභියෝගතා කුසලාන වෙළඳසේවා පිහිනුම් ශූරතා තරඟාවලිය - 2024 පසුගියදා (දෙසැ. 01) තර්ස්ටන් විද්‍යාලීය පිහිනුම් සංකීර්ණයේදී පැවැත්විණි.
ආරක්‍ෂක අමාත්‍යංශ සුභසාධක සංගමය සංවිධානය කරනු ලැබූ වාර්ෂික ලේ දන්දීමේ ව්‍යාපාරයේ දි අමාත්‍යාංශ කාර්ය
මණ්ඩලය රුධිරය පරිත්‍යාග කරයි
ආරක්‍ෂක අමාත්‍යංශයේ සුභසාධක සංගමය විසින් වාර්ෂිකව සංවිධානය කරනු ලබන ලේ දන්දිමේ වැඩසටහනක් අද (නොවැ 29) දින ආරක්‍ෂක අමාත්‍යාංශ පරිශ්‍රයේදි සිදු කරනු ලැබූ අතර, එහිදි අමාත්‍යංශ කාර්ය මණ්ඩලයේ විශාල පිරිසක් ලේ පරිත්‍යාග කිරීමට ස්වේච්ඡාවෙන් ඉදිරිපත් වූහ.
ආරක්‍ෂක නියෝජ්‍ය අමාත්‍යවරයා අම්පාර ප්‍රදේශයේ ගංවතුර ආපදා සහන කටයුතු නිරීක්‍ෂණය කරයි
දිවයිනට බලපෑ අයහපත් කාලගුණික තත්ත්වය හේතුවෙන් ආපදාවට ලක්වූ අම්පාර දිස්ත්‍රික්කයේ, ගංවතුර නිසා ඇති වී ඇති වත්මන් තත්ත්වය නිරීක්‍ෂණය කිරීමේ සහ ඊට අදාළව දැනට ක්‍රියාත්මක සහන මෙහෙයුම් අධීක්‍ෂණය කිරීමේ අරමුණින් ආරක්‍ෂක නියෝජ්‍ය අමාත්‍ය මේජර් ජෙනරල් අරුණ ජයසේකර (විශ්‍රාමික), ඊයේ (නොවැ. 28) දින අම්පාර ප්‍රදේශයේ සංචාරයක නිරත විය.
යාපනය අර්ධද්වීපයේ ආපදා සහන මෙහෙයුම්
ආරක්‍ෂක ලේකම්වරයාගේ නිරීක්‍ෂණයට
දිවයිනට බලපා ඇති අයහපත් කාලගුණික තත්ත්වය හේතුවෙන් යාපනය අර්ධද්වීපයේ ආපදාවට ලක්වී ඇති ජනතාව වෙනුවෙන් සිදුකෙරෙමින් පවතින ආපදා සහන සැලසීමේ කටයුතු පිළිබඳව සොයා බැලීම සඳහා ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) අද (නොවැ 28) දින එම ප්‍රදේශයේ සංචාරයක නිරත විය.
මන්නාරම ප්‍රදේශයේ ආපදාවන්ට ලක් වූ ජනතාව වෙනුවෙන් සැලසෙන සහන කටයුතු පිළිබඳ ආරක්‍ෂක නියෝජ්‍ය අමාත්‍යවරයාගේ අවධානය
දිවයිනට බලපා ඇති වර්ෂාධික කාලගුණ තත්ත්වය හේතුවෙන් මන්නාරම ප්‍රදේශයේ ඇති වී තිබෙන ආපදා තත්ත්වය පිළිබඳ සොයා බැලීමට හා ඒ වෙනුවෙන් අවශ්‍ය සහන සැලසීමේ කටයුතු නිරීක්‍ෂණය කොට කඩිනමින් ක්‍රියාත්මක කිරීමේ අරමුණින් ආරක්‍ෂක නියෝජ්‍ය අමාත්‍ය මේජර් ජෙනරල් අරුණ ජයසේකර (විශ්‍රාමික) ඊයේ (නොවැ 26) දින සවස එම ප්‍රදේශයේ හදිසි සංචාරයක නිරත විය.
දිවයිනට බලපා ඇති තද වැසි සහ තද සුළං සහිත කාලගුණික තත්වයේ වැඩිවීමක් අපේක්ෂා කෙරේ
බෙංගාල බොක්ක ප්‍රදේශයේ පවතින පීඩන අවපාතය හේතුවෙන් දිවයිනේ ප්‍රදේශ රැසකට බල පා ඇති තද සුළං සමඟ පවතින අධික වර්ෂාව තව දුරටත් තීව්‍ර වනු ඇතැයි අපේක්ෂා කෙරේ.
බංග්ලාදේශ ජනරජයේ 53 වැනි සන්නද්ධ හමුදා දින සැමරුම් උත්සවය
ආරක්‍ෂක ලේකම්ගේ ප්‍රධානත්වයෙන්
බංග්ලාදේශ ජනරජයේ 53 වැනි සන්නද්ධ හමුදා දින සැමරුම් උත්සවයේ ප්‍රධාන ආරාධිත අමුත්තා ලෙස ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්ත (විශ්‍රාමික) ඊයේ (නොවැ 25) දින සන්ධ්‍යාවේ කොළඹ ෂැංග්‍රිලා හෝටල් පරිශ්‍රයේදී පැවැත්විණි.
මේජර් ජෙනරල් අරුණ ජයසේකර (විශ්‍රාමික) ආරක්‍ෂක නියෝජ්‍ය
අමාත්‍යවරයා ලෙස වැඩ භාර ගනී
ආරක්‍ෂක නියෝජ්‍ය අමාත්‍යවරයා ලෙස මේජර් ජෙනරල් අරුණ ජයසේකර (විශ්‍රාමික) කොළඹ ආපදා කළමනාකරණ මධ්‍යස්ථානයේ පිහිටි සිය කාර්යාලයේදී අද (නොවැ 25) දින වැඩ භාර ගන්නා ලදී. එහිදී අතිගරු ජනාධිපති අනුර කුමාර දිසානායක මැතිතුමාගේ සහභාගීත්වය මෙම අවස්ථාවට සුවිශේෂීත්වයක් ගෙන දුන් අතර ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) ද මෙම අවස්ථාවට එක්ව සිටියේය.
ආපදා කළමනාකරණයේදී ආයතන ව්‍යුහ ශක්තිමත් කිරීම පමණක් ප්‍රමාණවත් නොවේ ;
බිම් මට්ටමට විසඳුම් ගෙන යාමේ යාන්ත්‍රණ ඇති කිරීමට කටයුතු කළ යුතුයි
ආපදා කළමනාකරණයේදී ආයතන ව්‍යුහ ශක්තිමත් කිරීම පමණක් ප්‍රමාණවත් නොවන බවත් බිම් මට්ටමට විසඳුම් ගෙන යාමේ යාන්ත්‍රණ ඇති කිරීමට කටයුතු කළ යුතු බවත් ජනාධිපති අනුර කුමාර දිසානායක මහතා ප්‍රකාශ කළේය.
ශ්‍රී ලංකා ගුවන් හමුදාව සහ ඇමරිකා එක්සත් ජනපද මොන්ටානා ජාතික ආරක්‍ෂක බළකාය එක්ව සිදුකල රසායනික, ජීව විද්‍යාත්මක, විකිරණ විද්‍යාත්මක සහ න්‍යෂ්ටික විශේෂඥ හුවමාරු පුහුණු වැඩසටහන සාර්ථකව නිමා වෙයි
ශ්‍රී ලංකා ගුවන් හමුදාව සහ ඇමරිකා එක්සත් ජනපද මොන්ටානා ජාතික ආරක්‍ෂක බළකාය එක්ව රසායනික, ජීව විද්‍යාත්මක, විකිරණ විද්‍යාත්මක සහ න්‍යෂ්ටික ප්‍රතිචාර මෙන්ම පුපුරණ ද්‍රව්‍ය නිෂ්ක්‍රීය කිරීම සහ වරාය ආශ්‍රිත ප්‍රතිසාධනය පිළිබඳ විශේෂඥ දැනුම හුවමාරු කර ගැනීමේ අරමුණින්, පසුගිය නොවැම්බර් 18 සිට 22 දක්වා කටුනායක ගුවන් හමුදා මුලික කඳවුරේදී පැවැත්වූ පුහුණු වැඩසටහන සාර්ථකව අවසන් වූ බව ගුවන් හමුදා මාධ්‍ය අංශය ප්‍රකාශ කරයි.
ශ්‍රී ලංකා නාවික හමුදාව සහ මාලදිවයින් වෙරළාරක්‍ෂක බලකාය එක්ව
දියත් කල මෙහෙයුමකින් අයිස් මත්ද්‍රව්‍ය සහ කොකේන් ප්‍රවාහනය කරමින් සිටි
ශ්‍රී ලාංකික ධීවර යාත්‍රාවක් අත්අඩංගුවට
ශ්‍රී ලංකා නාවික හමුදාව සහ මාලදිවයින් වෙරළාරක්‍ෂක බලකාය අතර සාර්ථක ඒකාබද්ධ බුද්ධි හුවමාරු මෙහෙයුමක ප්‍රතිඵලයක් ලෙස පසුගියදා (නොවැ. 23) අයිස් මත්ද්‍රව්‍ය (crystal methamphetamine) කිලෝග්‍රෑම් 344 ක් සහ කොකේන් කිලෝග්‍රෑම් 124 ක් රැගත් ශ්‍රී ලාංකික ධීවර යාත්‍රාවක් මාලදිවයින් රජයට අයත් අනන්‍ය ආර්ථික කළාපය තුළදී අත්අඩංගුවට ගැනීමට හැකි වූ බව ශ්‍රී ලංකා නාවික හමුදා මාධ්‍ය අංශය ප්‍රකාශ කරයි.
සන්නද්ධ හමුදා අනුස්මරණ දින උත්සවය සහ පොපි මල් සැමරුම
ජනපති ප්‍රධානත්වයෙන්
සන්නද්ධ හමුදා අනුස්මරණ දිනය - 2024 ප්‍රධාන සැමරුම් උත්සවය සහ පොපි මල් සැමරුම සේනාධිනායක, ජනාධිපති අනුර කුමාර දිසානායක මහතාගේ ප්‍රධානත්වයෙන් කොළඹ විහාර මහාදේවී උද්‍යානයේ පිහිටි රණවිරු ස්මාරකය අභියසදී අද (24) පෙරවරුවේ පැවැත්විණි.
උපන්දින සුබ පැතුම්
අතිගරු ජනාධිපති තුමනි,
ඔබගේ උපන්දිනය සමරන මෙම සුවිශේෂී දිනයේදී, අපි ඔබට අපගේ හෘදයාංගම උපන්දින සුබ පැතුම් පිරිනමන්නෙමු.
එක අරමුණකින් වැඩ කර අප මාතෘභූමිය මීට වඩා
හොඳ රාජ්‍යයක් බවට පත් කිරීමට කැපවෙමු
එක අරමුණකින් වැඩ කර අප මාතෘභූමිය මීට වඩා හොද රාජ්‍යයක් බවට පත් කිරීමට එක්වෙමු යැයි සියලු රාජ්‍ය සේවකයන්ට තමා ආරාධනා කරන බව ජනාධිපති අනුර කුමාර දිසානායක මහතා පැවසීය.
ආරක්‍ෂක අමාත්‍යාංශයේ සේවා වනිතා ඒකකයේ
වාර්ෂික මහා සභා රැස්වීම පැවැත්වේ
ආරක්‍ෂක අමාත්‍යාංශයේ සේවා වනිතා ඒකකයේ වාර්ෂික මහා සභා රැස්වීම - 2024 සේවා වනිතා ඒකකයේ සභාපතිනී වෛද්‍ය රුවිනි රසිකා පෙරේරා මහත්මියගේ ප්‍රධානත්වයෙන් අද (නොවැ 22) අමාත්‍යාංශ ශ්‍රවණාගාරයේදී පැවැත්විණි.
වාර්ෂික සන්නද්ධ හමුදා අනුස්මරණ පොපි සැමරුම
අතිගරු ජනාධිපතිතුමාගේ ප්‍රධානත්වයෙන් නොවැම්බර් 24 දා
ශ්‍රී ලංකා සේවා මුක්ත භට සංගමය හා එම සංගමය යටතේ ක්‍රියාත්මක සන්නද්ධ හමුදා අනුස්මරණ පොපි කමිටුව විසින් වාර්ෂිකව සංවිධානය කරනු ලබන පොපි සැමරුම් උත්සවය, අතිගරු ජනාධිපති අනුර කුමාර දිසානායක මැතිතුමාගේ ප්‍රධානත්වයෙන් සම්භාවනීය අමුත්තන් රැසකගේ සහභාගිත්වයෙන් එළඹෙන නොවැම්බර් 24 දින කොළඹ විහාර මහා දේවි උද්‍යානයේ පිහිටා ඇති යුධ විරු ස්මාරකය අභියසදී පැවැත්වීමට සියලු කටයුතු සංවිධානය කොට තිබේ.
ශ්‍රී ලංකාව සහ මාලදිවයින සඳහා වන ජාත්‍යන්තර සංක්‍රමණික
සංවිධානයේ ප්‍රධානී ආරක්‍ෂක ලේකම් හමුවෙයි
ශ්‍රී ලංකාව සහ මාලදිවයින සඳහා වන ජාත්‍යන්තර සංක්‍රමණික සංවිධානයේ දූත මණ්ඩල ප්‍රධානී Kristin B. Parco මහත්මිය අද (නොවැ 20) දින ශ්‍රී ජයවර්ධනපුර කෝට්ටේ ආරක්‍ෂක මූලස්ථාන සංකීර්ණයේදී ආරක්‍ෂක ලේකම්, එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.
එයාර් වයිස් මාර්ෂල් සම්පත් තුයියකොන්තා (විශ්‍රාමික)
ආරක්‍ෂක අමාත්‍යාංශයේ ලේකම්වරයා ලෙස යලිත් වරක් පත් කෙරේ.
පසුගියදා පත් වූ නව රජය යටතේ අතිගරු ජනාධිපති අනුර කුමාර දිසානායක මැතිතුමා විසින් එයාර් වයිස් මාර්ෂල් සම්පත් තුයියකොන්තා (විශ්‍රාමික) ආරක්‍ෂක අමාත්‍යාංශයේ ලේකම්වරයා ලෙස අද (නොවැ 19) දින යළිත් පත් කරනු ලැබීය.
අප හමුවේ ඇති අභියෝගවලට සාර්ථකව මුහුණ දීමට නම්
සාම්ප්‍රදායික හමුදා චින්තකයකයෙකුගෙන් ඔබ්බට සිතිය හැකි
නායකයින් අවශ්‍ය වේ - ආරක්‍ෂක ලේකම්
“වර්තමානයේ අප සාම්ප්‍රදායික හමුදා අභියෝග මෙන්ම, සයිබර් ආරක්‍ෂාව හා සබැඳි තර්ජන, දේශගුණික විපර්යාස ගැටළු, ආර්ථික සුරක්‍ෂිතතාවය සහ තොරතුරු තාක්‍ෂණය ඔස්සේ යුද්ධය සමඟ ඡේදනය වන පරිවර්තනීය යුගයක ජීවත් වෙමින් සිටින්නෙමු. ඉන්දියන් සාගර කලාපය හරහා වැටි ඇති ගෝලීය සමුද්‍ර වාණිජ්‍යය සහ උපාය මාර්ගික තරඟකාරී මාර්ගයේ අතිශය වැදගත් සන්ධිස්ථානයක ශ්‍රී ලංකාව පිහිටා ඇත. ඒ අනුව, අප රට හමුවේ ඇති ඉදිරි අභියෝගවලට සාර්ථකව මුහුණ දීමට නම් සාම්ප්‍රදායිකත්වයෙන් ඔබ්බට සිතිය හැකි සහ නවීන ආරක්‍ෂක අභියෝගවල බහුමාන ස්වභාවය තේරුම් ගත හැකි හමුදා නායකයින් අවශ්‍ය වේ.
SAMIDARE නෞකාව කොළඹ වරායට පැමිණෙයි
ජපාන සමුද්‍රීය ස්වයං ආරක්‍ෂක බලකායට අයත්, SAMIDARE නෞකාව නිළ සංචාරයක් සඳහා පසුගිය ඉරිදා (නොවැ 17) කොළඹ වරායට සේන්දු විය.
ශ්‍රී ලංකා ගුවන් හමුදා සේවාමුක්ත භට සංගමයේ නියෝජිත පිරිසක්
ආරක්‍ෂක ලේකම් හමුවෙයි
ශ්‍රී ලංකා ගුවන් හමුදා සේවාමුක්ත භට සංගමයේ විධායක කමිටුවේ නියෝජිත පිරිසක් අද (නොවැ 13) ආරක්‍ෂක අමාත්‍යාංශයේදී ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.
COSATT හි අධ්‍යක්‍ෂ ආරක්‍ෂක ලේකම් හමුවෙයි
Consortium of South Asian Think Tanks (COSATT) හි අධ්‍යක්‍ෂ ආචාර්ය Nishchal N. Pandey අද (නොවැ 13) ශ්‍රී ජයවර්ධනපුර කෝට්ටේ ආරක්‍ෂක මූලස්ථාන සංකීර්ණයේදී ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.