නවතම පුවත්
ශ්‍රී ලංකා මුහුදු සීමාවේ අනවසර ධීවර කටයුතු සිදුකල ඉන්දීය ධීවරයින් නාවික හමුදා භාරයට ගැනීමට යාමේදී ඇති වූ තත්ත්වය පිළිබඳ
ආරක්‍ෂක අමාත්‍යාංශය මාධ්‍ය සාකච්ඡාවක් ඔස්සේ කරුණු පැහැදිලි කරයි
ශ්‍රී ලංකා මුහුදු සීමාවේ අනවසර ධීවර කටයුතු සිදුකල ඉන්දීය ධීවරයින් නාවික හමුදා භාරයට ගැනීමට යාමේදී ඇති වූ තත්වය පිළිබඳ කරුණු ඉදිරිපත් කිරීමේ අරමුණින් ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා සහ නාවික හමුදාපති වයිස් අද්මිරාල් කාංචන බානගොඩ ගේ ප්‍රධානත්වයෙන් අද (ජන.29) දින ආරක්‍ෂක අමාත්‍යංශයේදී මාධ්‍ය සාකච්ඡාවක් පැවැත්විණි.
ඇමරිකා එක්සත් ජනපද තානාපති කාර්යාලයේ ආරක්‍ෂක උපදේශක,
නියෝජ්‍ය ආරක්‍ෂක අමාත්‍යවරයා හමු වෙයි
කොළඹ පිහිටි ඇමරිකා එක්සත් ජනපද තානාපති කාර්යාලයේ ආරක්‍ෂක උපදේශක, ලුතිනන් කර්නල් Anthony C. Nelson ඇතුළු නිලධාරීන් පිරිසක් අද (ජන. 29) දින උදෑසන නියෝජ්‍ය ආරක්‍ෂක අමාත්‍ය මේජර් ජෙනරල් අරුණ ජයසේකර (විශ්‍රාමික) හමුවිය.
දිවිපිදු රණවිරුවන්ගේ පවුල්වල සාමාජිකයින්ගේ සහ රණක්‍ෂිතයට පත් රණවිරුවන්ගේ
සුබසාධන කටයුතු හා ගැටළු පිළිබඳ සොයා බැලීමට පත්කල කමිටුවේ ප්‍රගතිය සමාලෝචනය කෙරේ
මව්බිමේ භෞමික අඛණ්ඩතාවය ආරක්‍ෂා කිරීම වෙනුවෙන් සටන් වැද දිවිපිදු රණවිරුවන්ගේ පවුල්වල සාමාජිකයින්ගේ හා රණක්‍ෂිතයට පත් රණවිරුවන්ගේ සුබසාධනය සහ ප්‍රතිලාභ සම්බන්ධව පවතින ගැටලු නිරාකරණය කිරීම පිළිබඳව සොයාබැලීම සඳහා පත්කරන ලද කමිටුවේ ප්‍රගතිය සමාලෝචනය කිරීමේ සිව්වන සාකච්ඡා වාරය 2025 ජනවාරි මස 28 වනදා ගරු ආරක්‍ෂක නියෝජ්‍ය අමාත්‍ය විශ්‍රාමික මේජර් ජෙනරාල් අරුණ ජයසේකර මැතිතුමාගේ ප්‍රධානත්වයෙන් පැවැත්විණි.
ශ්‍රී ලංකාවේ මියන්මාර තානාපති කාර්යාලයේ ආරක්‍ෂක උපදේශක
ආරක්‍ෂක ලේකම්වරයා හමුවෙයි
ශ්‍රී ලංකාවේ මියන්මාර තානාපති කාර්යාලයේ ආරක්‍ෂක උපදේශක බ්‍රිගේඩියර් ජෙනරල් Zaw Moe Lwin අද (ජන 28) දින ශ්‍රී ජයවර්ධනපුර කෝට්ටේ ආරක්‍ෂක අමාත්‍යාංශයේ දී ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.
ශ්‍රී ලංකා ගුවන් හමුදාවේ 20 වැනි ගුවන් හමුදාපතිවරයා
එයාර් වයිස් මාර්ෂල් වාසු බන්දු එදිරිසිංහ
අතිගරු ජනාධිපති අනුර කුමාර දිසානායක මැතිතුමා විසින් ශ්‍රී ලංකා ගුවන් හමුදාවේ අභිනව ගුවන් හමුදාපතිවරයා ලෙස එයාර් වයිස් මාර්ෂල් වාසු බන්දු එදිරිසිංහ, WWV, RWP, RSP and Three bars, USP, Fndu (China), psc, qhi පත් කරන ලදි.
ඔස්ට්‍රේලියානු ජාතික දින සැමරුම් උත්සවය කොළඹ දී
ජනවාරි 26 වැනිදාට යෙදෙන ඔස්ට්‍රේලියානු ජාතික දිනය නිමිත්තෙන් කොළඹ ඔස්ට්‍රේලියානු මහ කොමසාරිස් කාර්යාලය විසින් ඊයේ (ජන 27) දින විචිත්‍රවත් සැමරුම් උත්සවයක් සංවිධානය කරන ලදි. මෙම අවස්ථාවට ප්‍රධාන ආරාධිත අමුත්තා ලෙස සෞඛ්‍ය හා ජනමාධ්‍ය අමාත්‍ය ගරු වෛද්‍ය නලින්ද ජයතිස්ස මැතිතුමා එක් විය.
එයාර් මාර්ෂල් උදේනි රාජපක්‍ෂ නියෝජ්‍ය ආරක්‍ෂක අමාත්‍යවරයා හමුවෙයි
නික්ම යන ශ්‍රී ලංකා ගුවන් හමුදාපති එයාර් මාර්ෂල් උදේනි රාජපක්‍ෂ ඊයේ (ජන 27) කොළඹ පිහිටි නියෝජ්‍ය ආරක්‍ෂක අමාත්‍යවරයාගේ කාර්යාලයේදී නියෝජ්‍ය ආරක්‍ෂක අමාත්‍ය මේජර් ජෙනරල් අරුණ ජයසේකර (විශ්‍රාමික) නිල වශයෙන් හමු විය.
විශ්‍රාම යන ගුවන් හමුදාධිපති ආරක්‍ෂක ලේකම් හමුවෙයි
සේවයෙන් විශ්‍රාම යන ගුවන් හමුදාපති එයාර් මාර්ෂල් උදේනි රාජපක්‍ෂ අද (ජන 27) දින ශ්‍රී ජයවර්ධනපුර කෝට්ටේ ආරක්‍ෂක අමාත්‍යාංශයේ දී ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.
ඉන්දීය මහ කොමසාරිස් කාර්යාලය 76 වැනි ජනරජ දිනය සමරයි
ශ්‍රී ලංකාවේ ඉන්දීය මහ කොමසාරිස් කාර්යාලය ඉන්දියාවේ 76 වැනි ජනරජ දිනය පසුගිය ඉරිදා (ජන 26) කොළඹ ඉන්දීය මන්දිරයේදී උත්කර්ෂවත් අයුරින් සමරනු ලැබීය.
ජාතික ආරක්‍ෂක විද්‍යායතනයේ සේනාවිධායක
නියෝජ්‍ය ආරක්‍ෂක අමාත්‍යවරයා හමුවෙයි
ජාතික ආරක්‍ෂක විද්‍යායතනයේ සේනාවිධායක මේජර් ජෙනරල් චමිල මුණසිංහ (විශ්‍රාමික) අද (ජන 27) කොළඹ පිහිටි නියෝජ්‍ය අමාත්‍යවරයාගේ කාර්යාලයේදී නියෝජ්‍ය ආරක්‍ෂක අමාත්‍ය මේජර් ජෙනරල් අරුණ ජයසේකර (විශ්‍රාමික) හමුවිය.
පාකිස්ථාන නාවික හමුදා විද්‍යාපීඨයේ දී ලබාගත් විශිෂ්ඨ ජයග්‍රහණය වෙනුවෙන්
නියෝජ්‍ය ආරක්‍ෂක අමාත්‍යවරයාගෙන් මධ්‍ය නිලධාරී තෙන්නකෝන් වෙත ප්‍රශංසා
පාකිස්ථානයේ කරච්චි නුවර පිහිටි පාකිස්ථාන නාවික හමුදා විද්‍යාපීඨයේ පසුගියදා පැවති 122 වන මධ්‍ය නිලධාරී පාඨමාලාවේ සහ 30 වන කෙටි සේවා නිලධාරී පාඨමාලාවේ විසිරයාමේ හා අධිකාරියට පත් කිරීමේ පෙළපාලියේදී එම පාඨමාලාවේ දක්‍ෂතම නිලධාරියාට හිමි ගෞරවනීය අසිපත හිමිකර ගැනීම වෙනුවෙන් ශ්‍රී ලංකා නාවික හමුදාවේ මධ්‍ය නිලධාරී විමුක්ති තෙන්නකෝන් වෙත නියෝජ්‍ය ආරක්‍ෂක අමාත්‍ය මේජර් ජෙනරල් අරුණ ජයසේකර (විශ්‍රාමික), සිය සුභාශිංසන පිරිනැමීය.
26 වැනි ASEAN කලාපීය සංසදයේ ආරක්‍ෂක විශ්වවිද්‍යාල/විද්‍යාල/අධ්‍යයන ආයතන ප්‍රධානීන්ගේ සමුළුව සාර්ථකව නිමාවට පත් වේ
කොතලාවල ආරක්‍ෂක විශ්වවිද්‍යාලයේ පූර්ණ සත්කාරකත්වය මත ASEAN ජාත්‍යන්තර සමුළුව ජනවාරි 22 සිට 25 දක්වා කොළඹ ගෝල්ෆේස් හෝටල් පරිශ්‍රයේදී
ආරක්‍ෂක අමාත්‍යාංශය Clean Sri Lanka ව්‍යාපෘතිය පිළිබඳ
තවදුරටත් දැනුවත් කිරීමේ වැඩසටහනක් පවත්වයි
"Clean Sri Lanka" ව්‍යාපෘතිය පිළිබඳව ආරක්‍ෂක අමාත්‍යාංශය යටතේ ඇති ආයතන වල ජ්‍යෙෂ්ඨ නිලධාරීන් දැනුවත් කිරීමේ සහ ඊට අදාලව ඔවුන්ගේ අදහස් හා යෝජනා ලබා ගැනීමේ වැඩසටහනක් අද (ජන 24) දින ආරක්‍ෂක අමාත්‍යාංශ පරිශ්‍රයේදී පවත්වන ලදී. අතිගරු ජනාධිපතිතුමාගේ උපදෙස් මත රජය විසින් ක්‍රියාත්මක කරනු ලබන මෙම මුලපිරීම ඔස්සේ දිළිඳුකම පිටුදැකිම, ඩිජිටල්කරණය ප්‍රවර්ධනය කිරීම සහ දූෂණයට එරෙහිව සටන් කිරීම ඇතුළු ප්‍රධාන සමාජ-ආර්ථික අභියෝගවලට විසඳුම් සෙවීම අරමුණු කරනු ලබයි.
ආරක්‍ෂක නියෝජ්‍ය අමාත්‍යවරයා ASEAN කලාපීය ආරක්‍ෂක විශ්වවිද්‍යාල, විද්‍යාල සහ අධ්‍යයන ආයතන ප්‍රධානීන්ගේ සමුළුවේදී ආරක්‍ෂක අධ්‍යාපනය
සහ කලාපීය සහයෝගීතාවයේ වැදගත්කම අවධාරණය කරයි
26 වැනි ASEAN කලාපීය ආරක්‍ෂක විශ්වවිද්‍යාල, විද්‍යාල සහ ආයතන ප්‍රධානීන්ගේ සමුළුවේදී ආරක්‍ෂක නියෝජ්‍ය අමාත්‍ය මේජර් ජෙනරල් අරුණ ජයසේකර (විශ්‍රාමික) විසින් සභාව අමතමින් වත්මන් ගෝලීය විෂමතාවයන්ට අනුගත වීම සහ කලාපීය ආරක්‍ෂාව ශක්තිමත් කිරීම සඳහා ආරක්‍ෂක අධ්‍යාපනයේ තීරණාත්මක කාර්යභාරය පිලිබඳ අවධාරණය කළේය.
සිවිල් ආරක්‍ෂක දෙපාර්තමේන්තුව සඳහා නව අධ්‍යක්‍ෂ ජනරාල්වරයෙක්
සිවිල් ආරක්‍ෂක දෙපාර්තමේන්තුවේ අධ්‍යක්‍ෂ ජනරාල් ලෙස අභිනවයෙන් පත් වූ මේජර් ජෙනරල් කේ.එච්.පී පාලිත ප්‍රනාන්දු (විශ්‍රාමික) පසුගිය 23 දින ආරක්‍ෂක අමාත්‍යාංශයේ දී ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) අතින් සිය පත්වීම් ලිපිය ලබා ගත්තේය.
ආරක්‍ෂක සේවා අණ හා මාණ්ඩලික විද්‍යාලයේ සේනාවිධායක
ආරක්‍ෂක ලේකම්වරයා හමුවෙයි
ආරක්‍ෂක සේවා අණ හා මාණ්ඩලික විද්‍යාලයේ සේනාවිධායක මේජර් ජෙනරල් ශාන්ත හේවගේ, ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) අද (ජන 22) දින ආරක්‍ෂක අමාත්‍යාංශයේදී හමුවිය.
ගංවතුරින් විපතට පත් ප්‍රජාවන්ට යුද හමුදා සහාය
ගංවතුරින් විපතට පත් දිවයිනේ ප්‍රදේශ කිහිපයක ශ්‍රී ලංකා යුද හමුදා භට පිරිස් ආපදා සහන කටයුතුවල නිරතව සිටින අතර, ගල්කුලම මහනොච්චිකුලම, හොරොව්පොතාන කිරි ඉබ්බා වැව සහ පලුගස්වැව සින්නසිට්ටිකුලම යන වැව් බැමිවල හානි වූ කොටස් පිළිසකර කිරීමට භට පිරිස් කඩිනමින් කටයුතු කළ බව යුද හමුදා මාධ්‍ය ආරංචි මාර්ග පවසයි.
පුද්ගලික අංශ ආරක්‍ෂක සේවාවන්හි කටයුතු නියාමනය
සඳහා විශේෂ සාකච්ඡාවක්
පුද්ගලික අංශයේ ආරක්‍ෂක සේවාවන්හි ක්‍රියාත්මක කෙරෙන වැඩපිළිවෙල හා ඒ සම්බන්ධයෙන් පවතින ගැටළු පිළිබඳ සොයා බැලීම මෙන්ම, එම සේවාවන් නියාමනය කිරීම සඳහා නිසි ක්‍රමවේදයක් ඇති කිරීමේ අරමුණින් පසුගිය සදුදා (ජන. 20) දින නියෝජ්‍යය ආරක්‍ෂක අමාත්‍යවරයාගේ කාර්යාලයේදී විශේෂ සාකච්ඡාවක් පැවැත්විණ.
දිවයිනට බලපා ඇති අධික වර්ෂාව හේතුවෙන් ඇති වී තිබෙන ආපදා තත්ත්වය පිළිබඳ දැනුවත් කිරීමේ මාධ්‍ය සාකච්ඡාවක් පැවැත්වේ
ආපදා හේතුවෙන් සිදු වන ජීවිත හානි වෙනුවෙන් මෙතෙක් ගෙවනු ලැබූ රුපියල් 250,000ක වන්දි මුදල රුපියල් මිලියනයක් දක්වා ඉහළ නැංවීමට රජයේ අනුමැතිය.
‘දේශගුණික විපර්යාස වලට ඔරොත්තු දීමේ බහු අදියර වැඩසටහන් ප්‍රවේශය’
ව්‍යාපෘතිය පිළිබඳව සාකච්ඡා කිරීමට ලෝක බැංකු නියෝජිත පිරිසක්
නියෝජ්‍ය ආරක්‍ෂක අමාත්‍යවරයා හමුවෙයි
කලාපීය අධ්‍යක්‍ෂ (මාලදිවයින, නේපාලය සහ ශ්‍රී ලංකාව) ඩේවිඩ් සිස්ලන් මහතා ප්‍රමුඛ ලෝක බැංකු කළමනාකාරීත්වයේ නියෝජිත පිරිසක් ජනවාරි 20 කොළඹ පිහිටි නියෝජ්‍ය අමාත්‍යවරයාගේ කාර්යාලයේදී නියෝජ්‍ය ආරක්‍ෂක අමාත්‍ය මේජර් ජෙනරල් අරුණ ජයසේකර (විශ්‍රාමික) හමුවිය.
ආරක්‍ෂක අමාත්‍යාංශ මහජන දිනයේදී රණවිරුවන්ට සහ රණවිරු පවුල්වල සාමජිකයින්ට සහන
විශ්‍රාමික හා රණක්‍ෂිතයට පත් රණවිරුවන්ගේ සහ පසුගිය යුධ සමයේ දිවිපිදූ රණවිරුවන්ගේ පවුල්වල සුභසාධනය වෙනුවෙන් කැපවීම යළි තහවුරු කරමින් ආරක්‍ෂක අමාත්‍යාංශය විසින් ජනවාරි 10 වැනි දින ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) ගේ ප්‍රධානත්වයෙන් අමාත්‍යාංශ පරිශ්‍රයේදී මහජන දින වැඩසටහන පවත්වන ලදි. අතිගරු ජනාධිපතිතුමන්ගේ මඟපෙන්වීම සහ ගරු නියෝජ්‍ය ආරක්‍ෂක අමාත්‍යවරයාගේ පූර්ණ අධීක්‍ෂණය යටතේ විශ්‍රාමික, රණක්‍ෂිතයට පත් යුද විරුවන්ගේ සහ දිවිපිදූ රණවිරුවන්ගේ පවුල්වල සාමාජිකයන් සඳහා පවතින ගැටලු සදහා සහන ලබාදීමට මෙහිදී කටයුතු සලසා තිබිණ.
තෙල් කාන්දු ආපදා ප්‍රතිචාර දැක්වීමේ හැකියාව ශක්තිමත් කිරීමට
ශ්‍රී ලංකා සහ මාලදිවයින් වෙරළාරක්ෂක බලකා නිලධාරීන් සම්බන්ධ පුහුණුවක
ශ්‍රී ලංකා වෙරළාරක්ෂක බලකායේ නිලධාරින් නව දෙනෙකු ඇතුළුව ශ්‍රී ලාංකික නිලධාරීන් දස දෙනෙකුගෙන් සමන්විත කණ්ඩායමක් මාලදිවයිනේ වෙරළාරක්ෂක බලකායේ සහ මාලදිවයිනේ පරිසර ආරක්ෂණ නියෝජිතායතනයේ නිලධාරීන් පිරිසක් සමඟ අන්තර්ජාතික සමුද්‍රීය සංවිධානයේ පළමු සහ දෙවන මට්ටමේ පුහුණු සැසියක් සාර්ථකව නිම කරනු ලැබීය.
වැසි සහිත කාලගුණය තවදුරටත් - කාලගුණ දෙපාර්තමේන්තුව
කාලගුණ විද්‍යා දෙපාර්තමේන්තුව අද (ජන 20) උදෑසන නිකුත් කළ නවතම අනාවැකියේ සඳහන් පරිදි පවතින වැසි තත්ත්වය තවදුරටත් පවතිනු ඇත. උතුර, උතුරු-මැද, නැගෙනහිර, ඌව සහ මධ්‍යම පළාත්වල වැසි හෝ ගිගුරුම් සහිත වැසි ඇති විය හැකි බව එහි සඳහන් වේ. දිවයින පුරා පැතිර පවතින වර්ෂාපතනය හේතුවෙන් ගංගා ආශ්‍රිත පහත් බිම් කිහිපයක ගංවතුර ඇති විය.
අයහපත් කාලගුණික තත්වය හමුවේ පීඩාවට පත් මහජනතාවට සහන සැලසීම සඳහා නාවික හමුදා සහන කණ්ඩායම් සීරුවෙන්
දිවයිනට බලපා ඇති අයහපත් කාළගුණික තත්වය හමුවේ පීඩාවට පත්වන මහජනතාවට සහන සැලසීම සඳහා අනුරාධපුර දිස්ත්‍රික්කයේ පදවිය, බුද්ධන්ගල ප්‍රදේශය වෙත නාවික හමුදා ආපදා සහන කණ්ඩායම් දෙකක් (02) ස්ථානගත කිරීමට නාවික හමුදාව විසින් 2025 ජනවාරි මස 15 වැනි දින කටයුතු කෙරුණු අතර, මේ වන විට එම සහන කණ්ඩායම් බුද්ධන්ගල ප්‍රදේශයේ අධික වර්ෂාපතනය හේතුවෙන් ආපදාවටපත් මහජනතාවට අවශ්‍ය සහන සැලසීමේ මෙහෙයුම් සිදු කරමින් සිටියි.
දිවයින පුරා වී ගබඩා පිරිසිදු කිරීමේ මෙහෙයුම් සඳහා
ශ්‍රී ලංකා යුද්ධ හමුදා භටපිරිස්හි දායකත්වය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපති සහ සන්නද්ධ හමුදා සේනාධිනායක අතිගරු අනුර කුමාර දිසානායක මැතිතුමන්ගේ මඟපෙන්වීම මත දිවයින පුරා ක්‍රියාත්මක වන ‘ක්ලීන් ශ්‍රී ලංකා’ වැඩසටහනට සමගාමීව මහ කන්නයේ වී අස්වැන්න මිලදී ගැනීම සඳහා රජය වෙතින් වැඩසටහනක් ක්‍රියාත්මක කිරීමට නියමිතව ඇත. ඒ අනුව, වී මිලදී ගැනීමෙන් පසුව ගබඩා කිරීම සඳහා වී අලෙවි මණ්ඩලය සතු වී ගබඩාවන් 209 ක් භාවිතා කිරීමට ද රජය සැලසුම් කරමින් පවතී.