නවතම පුවත්
නව ආරක්ෂක රාජ්‍ය අමාත්‍යවරයා මිහිදු සෙත් මැදුරේ නිරික්ෂණ චාරිකාවක
ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මහතා අද (සැප් 14) ශ්‍රී ජයවර්ධනපුර කෝට්ටේ පිහිටි ජාතික රණවිරු ස්මාරකය වෙත පුෂ්පෝපහාර දක්වා ජාතියේ රණවිරුවන්ට උපහාර දැක්වීය.
රණවිරු පවුලකට නව ඉඩමක්
ශ්‍රී ලංකා යුද හමුදාවේ සේවයේ යෙදී සිටියදී දිවිපිදූ මහේෂ් පද්මකුමාර රණවිරුවාගේ බිරිඳ වන ගම්පහ දිස්ත්‍රික්කයේ මිනුවන්ගොඩ ප්‍රදේශයේ පදිංචි ඩී.ඩී සමන්ති කුමාරි ප්‍රනාන්දු මහත්මිය වෙත පර්චස් 10.20 ක ඉඩමක් රණවිරු සේවා අධිකාරිය විසින් පසුගියදා පරිත්‍යාග කරන ලදී.
හම්බන්තොට රෝහලට යුද හමුදා සෙබළුන්ගෙන් ලේ දන්දීමක්
මධ්‍යම ආරක්ෂක සේනා මූලස්ථානයට අයත් යුද හමුදා භට පිරිස් විසින් පසුගියදා රෝහල් බලධාරීන්ගේ ඉල්ලීමකට අනුව හම්බන්තොට දිස්ත්‍රික් රෝහලේ රුධිර සංචිත පවත්වා ගැනීම සඳහා ලේ දන්දීමේ වැඩසටහනක් පවත්වන ලදී.
.jpg)
ගුවන් හමුදා නව මාණ්ඩලික ප්‍රධානී පත් කෙරේ
ජනාධිපති ගරු රනිල් වික්‍රමසිංහ මැතිතුමා විසින් එයාර් වයිස් මාර්ෂල් උදේනි රාජපක්ෂ ශ්‍රී ලංකා ගුවන් හමුදාවේ මාණ්ඩලික ප්‍රධානී ලෙස 2022 සැප්තැම්බර් 12 දින සිට ක්‍රියාත්මක වන පරිදි පත් කර ඇත.
ගුවන් හමුදාවෙන් ආයුර්වේද වෛද්‍ය සායනයක් කොළඹදී
ශ්‍රී ලංකා ගුවන් හමුදාව විසින් දේශීය වෛද්‍ය ක්‍රම ප්‍රවර්ධනය කිරීම සඳහා ගුවන් හමුදාපති එයාර් මාර්ෂල් සුදර්ශන පතිරණ මහතාගේ ප්‍රධානත්වයෙන් ගුවන්පුර ගුවන් හමුදා රෝහලේ ආයුර්වේද වෛද්‍ය සායනයක් පසුගියදා ආරම්භ කරන ලදී.
යාපනයේ තරුණයින් වෙනුවෙන් යුද හමුදාව පාපන්දු තරඟයක් සංවිධානය කරයි
යුද හමුදා භට පිරිස් විසින් පසුගියදා සංවිධානය කරන ලද සුහද පාපන්දු තරඟයක් යාපනය යොවුන් කණ්ඩායම සහ ක‌ඩෙයිකාඩු යොවුන් කණ්ඩායම අතර ක‌ඩෙයිකාඩු පාපන්දු පිටියේදී යාපනය ආරක්ෂක සේනා ආඥාපති මේජර් ජෙනරල් චන්දන විජයසුන්දරගේ ප්‍රධානත්වයෙන් පැවැත්විය.
නාවික හමුදා සංවිධානයෙන් දෘශ්‍යාබාධිතයන් සඳහා ඇස් කණ්ණාඩි
ශ්‍රී ලංකා නාවික හමුදාව විසින් සංවිධානය කරන ලද ඇස් කණ්ණාඩි පරිත්‍යාග කිරීමේ වැඩසටහනක් පසුගියදා පුල්මුඩේ මූලික රෝහලේදී පැවැත්වූ අතර එහිදී ප්‍රදේශයේ වෙසෙන දෘෂ්‍යාබාධිත පුද්ගලයින් 125 කට අධික පිරිසකට කණ්ණාඩි ප්‍රදානය කිරීම සිදුවිය.
නව ආරක්ෂක රාජ්‍ය අමාත්‍යවරයා සිය ධූරයේ වැඩ භාර ගනී
නවතමයෙන් පත්වූ ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා අද (සැප් 12) කොළඹ ආපදා කළමනාකරණ මධ්‍යස්ථාන පරිශ්‍රයේ පිහිටි ආරක්ෂක රාජ්‍ය අමාත්‍යාංශයේ දී පැවති චාම් උත්සවයකදී ආගමික ආශිර්වාද මධ්‍යයේ සුබ මොහොතින් සිය ධූරයේ වැඩ භාර ගන්නා ලදි.
මඩකලපුව විනයගර් විද්‍යාල ක්‍රීඩා පිටිය ඉදිකරීම යුද හමුදාවෙන්
මඩකලපුව / මෑන් වෙස්ට් පාවත්කොඩිච්චේන විනයගර් විද්‍යාලයේ ක්‍රීඩා පිටිය ඉදිකිරීම සඳහා ශ්‍රී ලංකා යුද හමුදාව ඉංජිනේරු සහ තාක්ෂණික දායකත්වය පසුගියදා ලබා දුන්නේය.
යුද හමුදා කාන්තා බිම් බෝම්බ ඉවත් කරන්නන් යුද හමුදාපතිගේ ඇගයීමට
බිම් බෝම්බ ඉවත් කරන්නන් 54 දෙනෙකුගෙන් යුත් පළමු කාන්තා කණ්ඩායමට ප්‍රවීණතා සහතික ප්‍රදානය කිරීම බ්‍රහස්පතින්දා (සැප් 08) දින යුද හමුදා මූලස්ථානයේ දී පැවැත්විණි.
කඩුවෙල ප්‍රදේශයේ සහන මෙහෙයුම් සඳහා යුද හමුදා භට පිරිස්
කඩුවෙල බෝමිරිය ප්‍රදේශයේ කැලණි ගං ඉවුර දෙපස වැලි කොට්ට විශාල ප්‍රමාණයක් ඇතිරීමෙන් සිදුවීමට තිබූ ගංවතුර හානිය වළක්වා ගැනීමට ශ්‍රී ලංකා යුද හමුදා සෙබළුන් විසින් පසුගියදා කටයුතු කරන ලදී.
යුද හමුදාවෙන් මන්නාරම කලපු තීරය පිරිසිදු කිරීමේ වැඩසටහනක්
යුද හමුදා භට පිරිස් විසින් ප්‍රජා ව්‍යාපෘතියක් ලෙස තල්ලඩි සිට මන්නාරම පාලම දක්වා කලපු තීරය පිරිසිදු කිරීමට පසුගියදා ශ්‍රමදානයක් සංවිධානය කරන ලදී.
තායිලන්තයේ රෝදපුටු ටෙනිස් තරගාවලියේ අනුශූරතාව
ශ්‍රී ලංකා යුද හමුදාවට
තායිලන්තයේ පතායා හි පැවති විවෘත රෝදපුටු ටෙනිස් ද්විත්ව ශූරතාවලියේ (ITF 2) විවෘත යුගල ඉසව්වේ අනුශූරතාව 4 වන ශ්‍රී ලංකා කාලතුවක්කු රෙජිමේන්තුවේ මාණ්ඩලික සැරයන් D.S.R. ධර්මසේන විසින් පසුගියදා දිනා ගන්නා ලදි.
ශ්‍රී ලංකා නාවික හමුදා නෞකා සමූහයට අභිනවයෙන් එක්වූ පී 627 ගැඹුරු මුහුදු ආවේක්ෂණ නෞකාව ඇමරිකාවේ සියැටෙල් සිට කොළඹ බලා පිටත් වෙයි
ශ්‍රී ලංකා නාවික හමුදාව වෙත ඇමෙරිකා එක්සත් ජනපද වෙරළාරක්ෂක දෙපාර්තමේන්තුව මඟින් පසු ගිය 2021 ඔක්තෝබර් මාසයේදී නිල වශයෙන් භාර දෙන ලද පී 627 ගැඹුරු මුහුදු ආවේක්ෂණ නෞකාව, ශ්‍රී ලංකා නාවික හමුදා මෙහෙයුම් අවශ්‍යතාවලට ගැලපෙන පරිදි සිදුකල නවීකරණ කටයුතු වලින් පසු, ඇමරිකාවේ සියැටෙල් වරායේ සිට එහි නව නිවහන වන කොළඹ වරාය බලා 2022 සැප්තැම්බර් මස 03 වන දින ගමන් ඇරඹීය.
ඕස්ට්‍රේලියානු ඒකාබද්ධ නියෝජිතායතන කාර්ය සාධක බලකායේ දූත පිරිස ශ්‍රී ලංකා වෙරළාරක්ෂක දෙපාර්තමේන්තුවේ අධ්යක්ෂ ජෙනරාල් හමුවෙයි
රියර් අද්මිරාල් ජස්ටින් ජෝන්ස්ගේ නායකත්වයෙන් යුත් ඕස්ට්‍රේලියානු ඒකාබද්ධ නියෝජිතායතන කාර්ය සාධක බලකායේ (Australian Joint Agency Task Force) නියෝජිත පිරිසක් පසුගියදා (අගෝස්තු 31) මිරිස්ස වෙරළාරක්ෂක මූලස්ථානයේදී ශ්‍රී ලංකා වෙරළාරක්ෂක දෙපාර්තමේන්තුවේ අධ්යක්ෂ ජෙනරාල් රියර් අද්මිරාල් අනුර ඒකනායක හමුවිය.
සේවා මුක්ත සාමාජිකයින් සඳහා ස්ථිර කාර්යාල ගොඩනැගිල්ලක්
පිහිටුවීමට සැලසුම් කරනවා - ආරක්ෂක ලේකම්
ආරක්ෂක මූලස්ථාන පරිශ්‍රය තුළ ශ්‍රී ලංකා සේවා මුක්ත භට සංගමය සඳහා ස්ථිර කාර්යාල ගොඩනැගිල්ලක් පිහිටුවීමට සැලසුම් කර ඇති බව ආරක්ෂක ලේකම් ජෙනරල් කමල් ගුණරත්න අද (සැප් 4) පැවසීය.
පොලිසිය සහ ස්වාධීන අධිකරණයක් නොමැතිව
නීතියේ ආධිපත්‍ය සුරැකිය නොහැකියි
පොලිසිය සහ ස්වාධීන අධිකරණයක් නොමැතිව නීතියේ ආධිපත්‍ය සුරැකිය නොහැකි බව අවධාරණය කරන ජනාධිපති රනිල් වික්‍රමසිංහ මහතා, එම ආයතන දෙක ආරක්ෂා කර ගනිමින් ඉදිරියට යා යුතු බව අවධාරණය කළේය.
මාලදිවයින් ආරක්ෂක උපදේශක ශ්‍රී ලංකා ආරක්ෂක ලේකම් හමුවෙයි
කොළඹ, මාලදිවයින් ජනරජයේ මහ කොමසාරිස් කාර්යාලයේ සිය ධුර කාලය අවසන් කිරීමට නියමිත ආරක්ෂක උපදේශක කර්නල් ඉස්මයිල් නසීර් සහ නව ආරක්ෂක උපදේශක ලෙස පත් කරන ලද ලුතිනන් කර්නල් හසන් අමීර් අද (සැප් 02) ශ්‍රී ජයවර්ධනපුර කෝට්ටේ පිහිටි ආරක්ෂක අමාත්‍යාංශයේදී ශ්‍රී ලංකා ආරක්ෂක ලේකම් ජෙනරල් කමල් ගුණරත්න හමුවිය.
වෙරළාරක්ෂක දෙපාර්තමේන්තුවේ තෙල් කාන්දු ප්‍රතිචාර හැකියාවන් වැඩිදියුණු කිරීමට පියවර
ජ්‍යෙෂ්ඨ උපදේශක කෝජි සූචියා මහතා ප්‍රමුඛ ජපන් ජාත්‍යන්තර සහයෝගිතා නියෝජිතායතනයේ සහ ජපාන වෙරළාරක්ෂක බලකායේ නියෝජිතයින් පිරිසක් පසුගියදා මිරිස්සේ පිහිටි ශ්‍රී ලංකා වෙරළාරක්ෂක දෙපාර්තමේන්තුවේ මූලස්ථානය වෙත පැමිණ එහි අධ්යක්ෂ ජෙනරාල් රියර් අද්මිරාල් අනුර ඒකනායක සමග තෙල් කාන්දු ප්‍රතිචාර හැකියාව තවදුරටත් වැඩිදියුණු කිරීමේ මාර්ග පිළිබඳව සාකච්ඡාවක් සිදු කරන ලදී.
ජාතික වශයෙන් වැදගත් මෘදුකාංග විසදුම් කොතලාවල ආරක්ෂක විශ්ව විද්‍යාලයෙන්
කොතලාවල ආරක්ෂක විශ්වවිද්‍යාලයේ පරිගණක පීඨයේ අවසන් වසරේ සිසුන් ආරක්ෂක අමාත්‍යාංශයේ උපදෙස් මත ජාතික වශයෙන් වැදගත් වන මෘදුකාංග විසඳුම් තම අවසන් වසර පර්යේෂණ ව්‍යාපෘති ලෙස තෝරාගෙන ඇත.
යුද හමුදා භට පිරිස් කතරගම වැව් වේල්ල ප්‍රතිසංස්කරණය කරයි
ගම්වාසීන්ගේ සහ වාරිමාර්ග නිලධාරීන්ගේ ඉල්ලීම පරිදි යුද හමුදා භට පිරිස් විසින් සෙල්ල කතරගම කරවිල වැවේ වේල්ල ප්‍රතිසංස්කරණය කර පසුගියදා එය ගම්වාසීන් වෙත භාරදෙන ලදී.
කුඩා ගඟ ආශ්‍රිත ප්‍රදේශවල සුළු ගංවතුර තත්වයක් පිළිබඳ අනතුරු ඇඟවීමක්
පාලින්ද නුවර සහ බුලත්සිංහල ප්‍රාදේශීය ලේකම් කොට්ඨාශවලට අයත් කුඩාගඟ නිම්නයේ පහත් බිම් ප්‍රදේශවල සුළු ගංවතුර තත්වයක් ඇතිවීමේ හැකියාවක් ඇති බව ගංවතුර අනතුරු ඇඟවීමේ පණිවිඩයක් නිකුත් කරමින් වාරිමාර්ග දෙපාර්තමේන්තුව පවසයි.
නාවික හමුදා සහන කණ්ඩායම් හදිසි අවස්ථාවන් සඳහා සූදානමින්
දිවයිනේ බොහෝ ප්‍රදේශවලට ධාරානිපාත වර්ෂාව ආරම්භවීමත් සමඟ හදිසි ගංවතුර සහ නායයෑම් අනතුරු ඇඟවීම් සඳහා බලධාරීන් විසින් කාලගුණික උපදෙස් නිකුත් කර තිබේ.
නායයෑම් අනතුරු ඇඟවීම
SInhala.
තද වැසි ගැන අනතුරු ඇඟවීමක්
නායයාම් අවදානම් සහිත කඳුකර ප්‍රදේශවල වෙසෙන ජනතාවට සහ ගංගා ද්‍රෝණි ආශ්‍රිත පහත් බිම්වල වෙසෙන ජනතාවට විමසිලිමත්ව කටයුතු කරන ලෙස අධික වර්ෂාපතනය පිළිබඳ අනතුරු ඇඟවීමේ නිවේදනයක් නිකුත් කරමින් කාලගුණ විද්‍යා දෙපාර්තමේන්තුව ඉල්ලා සිටියි.