නවතම පුවත්
ඉන්දියානු ආරක්ෂක උපදේශක ආරක්ෂක ලේකම් හමුවෙයි
ශ්‍රී ලංකාවේ ඉන්දීය මහ කොමසාරිස් කාර්යාලයේ ආරක්ෂක උපදේශක ලෙස කටයුතු කරන කපිතන් අශෝක් රාඕ සිය ධුරයේ රාජකාරී අවසන් කිරීමට නියමිත බැවින් අද අමාත්‍යාංශ පරිශ්‍රයේදී ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න හමුවිය.
ශ්‍රී ලංකා නාවික හමුදාවේ 24 වන නාවික හමුදාපති : වයිස් අද්මිරාල් නිශාන්ත උලුගේතැන්න
ගෝඨාභය රාජපක්‍ෂ ජනාධිපතිතුමන් විසින් අද දින (ජූලි 15) සිට බලපැවැත්වෙන පරිදි වයිස් අද්මිරාල් නිලයට උසස් කරනු ලැබූ වයිස් අද්මිරාල් නිශාන්ත උලුගේතැන්න 24 වන ශ්‍රී ලංකා නාවික හමුදාපතිවරයා ලෙස පත්කර තිබේ.
විශ්‍රාම යන නාවික හමුදාපති ආරක්ෂක ලේකම් හමුවයි
විශ්‍රාම යන නාවික හමුදාපති අද්මිරාල් පියල් ද සිල්වා අද දින (ජූලි 14) අමාත්‍යාංශ පරිශ්‍රයේදී ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න හමුවිය.
විශ්‍රාම යන නාවික හමුදාපති විශිෂ්ඨ සේවාවක් ඉටු කල ආදර්ශමත් නිලධාරියෙකි - ආරක්ෂක ලේකම්
ශ්‍රී ලංකා නාවික හමුදාපති වයිස් අද්මිරාල් පියල් ද සිල්වාගේ නායකත්වය යටතේ මුහුදේ දී මෙරට විශාලතම මත්ද්‍රව්‍ය තොගය අත්අඩංගුවට ගැනීමට සමත් වූ බව ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න පැවසීය.
ත්‍රස්තවාදයට යළිත් ඉඩක් නොමැත - ආරක්ෂක ලේකම්
බෙදුම්වාදය ප්‍රචාරය කරන්නන් ත්‍රස්තවාදය යළිත් වරක් ඇති කිරීමට උත්සාහ කළ නමුත් කිසිවෙකුටත් ජාතික ආරක්ෂාව අනතුරේ හෙලීමට රජය ඉඩ නොදෙන බව ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න පැවසීය.
හෙට සිට නැව් තුල ජනනය වන අපද්‍රව්‍ය ඉවත් කිරීම MEPA මගින් නිරීක්‍ෂණයට
ශ්‍රී ලංකා නාවික හමුදාව, ශ්‍රී ලංකා වෙරළාරක්‍ෂක බලකාය, මධ්‍යම පරිසර අධිකාරිය, ශ්‍රී ලංකා රේගුව, ශ්‍රී ලංකා වරාය අධිකාරිය, පොලීසිය සමග එක්ව සමුද්‍රීය පරිසර ආරක්‍ෂණ අධිකාරිය (MEPA) හෙට සිට රට තුළ නැව් තුල ජනනය වන අපද්‍රව්‍ය ඉවත් කිරීමේ ක්‍රියාවලිය පරීක්‍ෂා කිරීමට නියමිතය.
ආබාධිත සොල්දාදුවෙකු සඳහා ඉදිකරන ලද නිවස ආරක්ෂක ලේකම් විසින් එම සොල්දාදුවා වෙත භාර දෙයි
කුරුණෑගල ගොකරැල්ල ප්‍රදේශයේ ආබාධිත සොල්දාදුවෙකු වෙනුවෙන් ඉදිකරන ලද නිවසක් අද දින (ජුලි 04) ආරක්ෂක ලේකම් විසින් එම ආබාධිත සොල්දාදුවා වෙත භාර දෙන ලදි.
ආරක්ෂක ලේකම් ජාතික ආරක්ෂක විද්‍යාලයේ අලුත්වැඩියා කටයුතු නිරීක්ෂණය කරයි
ජාතික ආරක්ෂක විද්‍යාලයේ අධ්‍යයන වැඩසටහන් ආරම්භ කිරීමේ කටයුතු කඩිනම් කරන ලෙස ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න අද දින (ජුලි 03) එම විද්‍යාලයේ නිලධාරීන් වෙත උපදෙස් ලබා දුන්නේය.
ශාන්ත අන්තෝනි දේවස්ථානයේ ප්‍රතිසංස්කරණ කටයුතු කඩිනමින් අවසන් කරන බවට ආරක්ෂක ලේකම්වරයා සහතික වේ
පාස්කු ඉරිදා බෝම්බ ප්‍රහාරයෙන් දරුණු ලෙස හානි වූ කොච්චිකඩේ ශාන්ත අන්තෝනි දේවස්ථානය වෙත අද (ජුලි 01) දින ගිය ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න දේවස්ථානයේ ආරක්ෂාව තර කිරීම සඳහා කඩිනම් පියවර ගෙන තිබෙන බවත් කඩිනමින් ඉතිරි ප්‍රතිසංස්කරණ කටයුතු අවසන් කරන බවටත් සහතික විය.
පාතාලය, මත්කුඩු ජාවාරම හා අනෙකුත් නීතිවිරෝධී ක්‍රියා මැඩීමට ඉහල පොලිස් නිලධාරින් ක්‍රියා කල යුතුයි - ආරක්ෂක ලේකම්
මත්කුඩු ජාවාරම්, කප්පම් ගැනීම්, පාතාල ක්‍රියාකාරකම්, ගස් කැපීම්, ගණිකා මඩම්, වැලි ගොඩ දැමීම් සහ අනෙකුත් නීති විරෝධී ක්‍රියා මහා පරිමාණයෙන් සිදුවනවා නම් එම පළාත් භාර උසස් පොලිස් නිලධාරීන් නිල ඇඳුමක් ඇඳ සිටීම පිලිබඳව ලැජ්ජාවිය යුතු බව ආරක්ෂක ලේකම් (විශ්‍රාමික) මේජර් ජෙනරාල් කමල් ගුණරත්න පැවසීය.
නිවැරදි කාලගුණ අනාවැකි පළ කිරීම පිළිබඳව කාලගුණ විද්‍යා දෙපාර්තමේන්තුවට ආරක්ෂක ලේකම්ගේ ප්‍රශංසාව
කාලගුණ විද්‍යා දෙපාර්තමේන්තුව නිවැරදි කාලගුණ අනාවැකි ලබාගැනීම සඳහා නව උපකරණ, විශ්ලේෂණ මෘදුකාංග සහ පද්ධති ඉක්මනින් ලබා ගැනීමට නියමිත බව ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න මහතා පැවසීය.
රාජකාරියෙන් ඔබ්බට ගිය ආදර්ශවත් හැසිරීම වෙනුවෙන් පොලිස් නිලධාරීන් සිව් දෙනෙකුට මුදල් ත්‍යාග
ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න, පොලිස් නිලධාරීන් සිව්දෙනෙකුට සහ සිවිල් වැසියෙකුට අද දින (ජූනි 25) මුදල් ත්‍යාග හා සහතිකපත් ප්‍රදානය කළේ ඔවුන්ගේ රාජකාරියේ විශිෂ්ඨභාවය අගය කරමිනි.
ශ්‍රී ලංකාවෙන් මත්ද්‍රව්‍ය උවදුර තුරන් කරන බවට ආරක්ෂක ලේකම්වරයා සහතික වෙයි
ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න අවධාරණය කළේ දුෂිත ක්‍රියාකාරකම්, පාතාල අපරාධකරුවන් හා මත්ද්‍රව්‍ය ජාවාරම්කරුවන් සමඟ සහයෝගයෙන් කටයුතු කිරීම වැනි අකටයුතුකම් සඳහා බන්ධනගාර නිලධාරීන්, නිතිය ක්‍රියාත්මක කරන නිලධාරීන් හා වෙනත් නිලධාරීන් තමන්ට පැවරී ඇති බලතල අනිසි ලෙස යොදාගන්නේ නම් ඔවුන්ට එරෙහිව දඩුවම් ලබාදීම ප්‍රමාදයකින් තොරව සිදුකරන බවයි.
හමුදා සෙබළුන් ඝාතනය කිරීම සම්බන්ධ කරුණාගේ ප්‍රකාශය පිළිබඳ විමර්ශනය කරන ලෙස වැඩබලන පොලිස්පතිවරයා නියෝග කරයි
යුද්ධය පැවති කාලයේ එල්ටීටීඊය සමඟ සිටියදී හමුදා සෙබළුන් ඝාතනය කිරීම සම්බන්ධයෙන් හිටපු නියෝජ්‍ය අමාත්‍ය විනියාගමූර්ති මුරලිදරන් නොහොත් කරුණා අම්මාන් විසින් කල ප්‍රකාශය පිළිබඳව අපරාධ විමර්ශන දෙපාර්තමේන්තුව විසින් පූර්ණ පරීක්ෂණයක් ආරම්භ කිරීමට නියමිතය.
පාතාල අපරාධකරුවන්ට සහාය දෙන බන්ධනාගාර නිලධාරීන් අත්අඩංගුවට ගනු ඇත - ආරක්ෂක ලේකම්
බන්ධනාගාරය තුල දුෂිත ක්‍රියා වලින් සහ සිරගෙවල්වල වරදකරුවන් වූ පාතාල අපරාධකරුවන්ට සහාය විමෙන් වැළකි සිටින ලෙසත් එවැනි නිලධාරින් පිළිබඳ නිතිය ක්‍රියත්මක කරන නිලධාරින් විසින් මේ වන විටත් පරික්ෂණ ආරම්භ කර ඇති බවත් ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න බන්ධනාගාර නිලධාරීන්ට අනතුරු ඇඟවූවේය.
ආරක්ෂක අමාත්‍යාංශය ශ්‍රී ලංකා පොලීසියේ සේවය අතහැරයාමේ නියෝග ලබා සිටින පොලිස් නිලධාරීන් නැවත සේවයේ පිහිටුවීමට කටයුතු කරයි
රටේ නීතිය හා සාමය සුරක්ෂිත කිරීමේ ක්‍රියාවලිය වඩාත් ශක්තිමත්ව පවත්වාගෙන යාම සඳහා දැනට සේවය අතහැරයාමේ නියෝග ලබා සිටින පොලිස් විශේෂ කාර්ය බලකායද ඇතුළු ශ්‍රී ලංකා පොලීසියේ නිලධාරින් නැවත සේවයේ පිහිටුවීම පිලිබදව සලකා බැලීමට ආරක්ෂක අමාත්‍යාංශය තීරණය කර තිබේ.
.jpg)
ආරක්ෂක තත්ත්වය සමාලෝචනය කිරීම සඳහා ආරක්ෂක ලේකම් යාපනයේ සංචාරයක
යාපනයේ ආරක්ෂක තත්ත්වය සහ කොරෝනා වෛරසය පැතිරීම අවම කිරීම සහ උතුරු පළාත තුල යුද්ධ හමුදාවේ දායකත්වය පිළිබඳව නිරීක්ෂණය කිරීම සදහා ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න මෙම සංචාරය සිදු කර ඇත.
වෛරසය ආසාදිත රටවලින් සරණාගතයින් පැමිණීම වැළැක්වීම සඳහා නාවික හමුදාව දැඩි අවධානයෙන්
නව කොරෝනා වෛරස් වසංගතය ආරම්භයේ සිටම වෛරසය බලපෑ රටවලින් සරණාගතයින් පැමිණීම වැළැක්වීම සඳහා ශ්‍රී ලංකා නාවික හමුදාව රට පුරා විශේෂ මුහුදු මෙහෙයුම් ගණනාවක් දියත් කළ බව නාවික හමුදා මාධ්‍ය ප්‍රකාශක ලුතිනන් කමාන්ඩර් ඉසුරු සුරියබණ්ඩාර අද (16) දින පැවසීය.
ශ්‍රී ලංකාව සියලු ජාතීන්ට ජීවත්වීමට සුදුසු සාධාරණ හා ආරක්ෂිත රටක් වනු ඇත - ආරක්ෂක ලේකම්
අනාගතයේ දී සියලු ප්‍රජාවන්ට සාධාරණ හා ආරක්ෂිත රටක ජීවත්වීම සඳහා මත්ද්‍රව්‍ය උවදුර, පාතාල ක්‍රියාකාරකම්, සංවිධානාත්මක අපරාධ සහ කප්පම් ගැනීම් ආදියෙන් තොර සමාජයක් ඇතිකරන බවට ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න සහතික විය.
යස්මින් සූකා සහ ITJP ට එරෙහිව මේජර් ජෙනරාල් සුරේෂ් සලේ නීතිමය පියවර ගනී
ශ්‍රී ලංකාවේ රාජ්‍ය බුද්ධි සේවා වත්මන් අධ්‍යක්ෂ මේජර් ජෙනරාල් සුරේෂ් තුවාන් සලේ, යස්මින් සූකා මහත්මිය සහ සත්‍ය හා යුක්තිය සදහා වන ජාත්‍යන්තර ව්‍යාපෘතිය වෙත එන්තරවාසියක් යැවීමට පියවර ගෙන තිබේ.
ජාතික හැදුනුම්පත් නිකුත් කිරීමේ ‘එක් දින සේවාව’ ජුනි 22 දින සිට නැවත ආරම්භ කෙරේ
කොරෝනා වසංගත තත්වය හේතුවෙන් තාවකාලිකව අත්හිටවා තිබු ජාතික හැදුනුම්පත් නිකුත් කිරීමේ ‘එක් දින සේවාව’ 2020 ජුනි 22 වන දින සිට නැවත ආරම්භ කිරීමට පුද්ගලයින් ලියාපදිංචි කිරීමේ දෙපාර්තමේන්තුව තීරණය කර ඇත.
නව විශේෂ කාර්ය බලකා අණදෙන නිලධාරි ආරක්ෂක ලේකම් හමුවෙයි
විශේෂ කාර්ය බලකායේ නව අණදෙන නිලධාරි ලෙස රාජකාරී භාරගත් නියෝජ්‍ය පොලිස්පති වරුණ ජයසුන්දර අද (ජුනි 15) දින උදෑසන ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න ආරක්ෂක අමාත්‍යංශයේදී හමුවිය.
හේලීස් ෆැබ්රික්ස් විසින් මුද්‍රිත රෙදි තොගයක් ශ්‍රී ලංකා යුධ හමුදාවට පරිත්‍යාග කරයි
හේලීස් සමූහය යටතේ පරිපාලනය කරන ප්‍රමුඛ පෙළේ පෞද්ගලික සමාගමක් වන හේලීස් ෆැබ්රික්ස් අද (ජූනි 12) දින ආරක්ෂක අමාත්‍යාංශයට මුද්‍රිත රෙදි තොගයක් පරිත්‍යාග කළේය.
සොල්දාදුවා සෑම විටම සොල්දාදුවෙකි - ආරක්ෂක ලේකම්
සොල්දාදුවන් ඉතා අභිමානයෙන් යුතුව සේවය කිරීමේ අවශ්‍යතාවය අවධාරණය කරමින් ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න පවසා සිටියේ සොල්දාදුවන්ට විශ්‍රාම ගත නොහැකි බවයි.
මොරටුව විශ්ව විද්‍යාල ඉංජිනේරු කණ්ඩායමක් පොදු ස්ථාන විෂබිජහරණය කල හැකි රොබෝ යන්ත්‍රයක් නිපදවයි
මොරටුව විශ්ව විද්‍යාලයීය ඉංජිනේරු කණ්ඩායමක් විසින් දේශීය ඉංජිනේරු තාක්ෂණය යොදාගෙන පොදු ස්ථාන විෂබිජහරණය කල හැකි දුරස්ථපාලකයක් මගින් ක්‍රියා කරන රොබෝ යන්ත්‍රයක් නිපදවා ඇත.