නවතම පුවත්
COVID-19 එන්නත්කරණය වේගවත් කරන්න - ජනාධිපති
කොවිඩ් එන්නත ජනතාවට ලබාදීම සහ ගෙන්වීම යන පියවර දෙකම වේගවත් කරන්නැයි ජනාධිපති ගෝඨාභය රාජපක්ෂ මැතිතුමා නිලධාරීන්ට උපදෙස් දෙයි. කෙටි කාලයක් තුළ හැකි උපරිමයෙන් එන්නත් ලබාදීම කළ යුතු බව දෛනිකව රැස්වෙන කොවිඩ් කමිටුව සමඟ අද (07) පෙරවරුවේ ජනාධිපති කාර්යාලයේ පැවති සාකච්ඡාවේදී ජනාධිපතිතුමා අවධාරණය කළේය.
ගුවන් හමුදා පිහිනුම් ශූරයා ඇගයීමට
මෑතකදී ආසියානු දිගු දුර පිහිනුම් වාර්තාව පිහිටුවූ ශ්‍රී ලංකා ගුවන් හමුදාවේ කෝප්‍රල් රොෂාන් අබේසුන්දර ආරක්ෂක ලේකම් ජෙනරාල් කමල් ගුණරත්න (විශ්‍රාමික) ආරක්ෂක අමාත්‍යාංශයේදී අද (මැයි 6) හමුවිය.
මාධ්‍යවේදී රාජපක්ෂ රචිත ග්‍රන්ථ කිහිපයක් ආරක්ෂක ලේකම් වෙත පිළිගැන්වේ
ජ්‍යෙෂ්ඨ මාධ්‍යවේදියෙකු හා කතුවරයකු වන ඩී එස් එන් රාජපක්ෂ මහතා, ඔහු විසින් රචිත පොත් තුනක් ආරක්ෂක අමාත්‍යාංශ පරිශ්‍රයේ දී ආරක්ෂක ලේකම් ජෙනරාල් කමල් ගුණරත්න (විශ්‍රාමික) වෙත අද (මැයි 6) දින පිළිගැන්වීය.
ජාතික රණවිරු කොඩිය ජනාධිපතිට පළඳවයි
රණවිරු සැමරුම් මාසය ප්‍රකාශයට පත් කරමින් ජාතික රණවිරු කොඩිය ජනාධිපති ගෝඨාභය රාජපක්ෂ මැතිතුමා වෙත පැළඳවීම අද (04) පෙරවරුවේ ජනාධිපති කාර්යාලයේ දී සිදුවිය.
ත්‍රස්තක්‍රියා හේතුවෙන් මියගිය රණවිරුවන්ගේ යැපෙන්නන් හට පහසුකම් සැලසීම සඳහා කැබිනට් අනුමැතිය
ත්‍රස්තක්‍රියා හේතුවෙන් මියගිය රණවිරුවන්ගේ යැපෙන්නන් හට ජීවිත කාලය පුරාවට වැටුප් හා දීමනා ලබාදීම සඳහා කැබිනට් අනුමැතිය ලබා දී ඇති බව ආරක්ෂක ලේකම් ජෙනරල් කමල් ගුණරත්න (විශ්‍රාමික) අද පැවසිය.
දෙදින නිල සංචාරයකින් පසු චීන ආරක්ෂක ඇමති දිවයිනෙන් පිටත් වේ
චීන රාජ්‍ය මන්ත්‍රී සහ ආරක්ෂක අමාත්‍ය ජෙනරල් වෙයි ෆෙන්ග්හි සිය දෙදින නිල සංචාරය නිමකිරීමෙන් පසු අද (අප්‍රේල් 29) දින උදෑසන බණ්ඩාරනායක ජාත්‍යන්තර ගුවන්තොටුපලෙන් පිටත්ව ගියේය.
චීන - ශ්‍රී ලංකා ද්විපාර්ශ්වික සාකච්ඡාව සාර්ථකව නිමාවේ
චීන රාජ්‍ය මන්ත්‍රී සහ ආරක්ෂක අමාත්‍ය ජෙනරල් වෙයි ෆෙන්ග්හිගේ නිල ශ්‍රී ලංකා සංචාරයට සමගාමීව ශ්‍රී ලංකාව සහ මහජන චීන සමූහාණ්ඩුව අතර ද්විපාර්ශ්වික සාකච්ඡාවක් අද (අප්‍රේල් 28) දින කොළඹ ෂැන්ග්‍රිලා හෝටලයේදී පැවැත්විණි.
චීන ආරක්ෂක ඇමති දිවයිනට
චීන රාජ්‍ය මන්ත්‍රී සහ ආරක්ෂක අමාත්‍ය ජෙනරල් වෙයි ෆෙන්ග්හි (Wei Fenghe) මහතා දෙදින නිල සංචාරයක් සඳහා අද (අප්‍රේල් 27) දින ශ්‍රී ලංකාවට පැමිණියේය.
මත්ද්‍රව්‍ය ජාවාරම් වළල්ල අක්‍රීයයි - ආරක්ෂක ලේකම්
පාස්කු ඉරිදා බෝම්බ ප්‍රහාර වැනි ඛේදජනක සිදුවීම් නැවත රට තුල ඇතිවීම වැළැක්වීම සඳහා සියලු බුද්ධි අංශ ප්‍රතිසංවිධානය කර ඇති බව ආරක්ෂක ලේකම් ජෙනරල් කමල් ගුණරත්න (විශ්‍රාමික) ඊයේ (අප්‍රේල් 21) දින ප්‍රකාශ කරන ලදී.
රණවිරුවන් සඳහා නැවුම් බලාපොරොත්තු සමඟ සුභ නව වසරක්
ආරක්ෂක ලේකම් ජෙනරල් කමල් ගුණරත්න (විශ්‍රාමික) අද (අප්‍රේල් 19) දින සිංහල හා දෙමළ අලුත් අවුරුද්දෙන් පසුව චාරිත්‍රාණුකුලව වැඩ ආරම්භ කිරීමට පෙර ආරක්ෂක අමාත්‍යාංශයේ කාර්ය මණ්ඩලය අමතමින් කියා සිටියේ “සෞභාග්‍යයේ දැක්ම ප්‍රතිපත්ති ප්‍රකාශනයට අනුව ජාතික ආරක්‍ෂාව තහවුරු කරමින් කාර්යක්‍ෂමව වැඩ කිරීමට සහ රජයේ සංවර්ධන ක්‍රියාවලිය සඳහා උපරිම දායකත්වය ලබාදීමට අප සැවොම අධිෂ්ඨාන කර ගත යුතුය” යනුවෙනි.
චීන තානාපති ආරක්ෂක සේවා විද්‍යාලයේ සංචාරයක
ආරක්ෂක ලේකම් ජෙනරල් කමල් ගුණරත්න (විශ්‍රාමික) හා චීන නියෝජිතයින් පිරිසක් සමග අද (අප්‍රේල් 9) දින කොළඹ මැලේ වීදියේ පිහිටි ආරක්ෂක සේවා විද්‍යාලයේ සංචාරයක නිරත විය.
.png)
ආරක්ෂක ලේකම් රණවිරු සේවා අධිකාරියේ සංචාරයක
ආරක්ෂක ලේකම් ජෙනරල් කමල් ගුණරත්න (විශ්‍රාමික) අද (27) දින රණවිරු සේවා අධිකාරියේ සාමාජිකයින් අමතමින් රණවිරුවන්ගේ පවුල් සඳහා ආරක්ෂක අමාත්‍යාංශයේ පූර්ණ සහයෝගය ලබාදෙන බවට පොරොන්දු විය.
ආරක්ෂක කටයුතු පිළිබඳ අමාත්‍යාංශයීය උපදේශක කාරක සභාව ජනාධිපති ගෝඨාභය රාජපක්ෂ මැතිතුමාගේ ප්‍රධානත්වයෙන්
ආරක්ෂක කටයුතු පිළිබඳ අමාත්‍යාංශයීය උපදේශක කාරක සභාව ජනාධිපති ගෝඨාභය රාජපක්ෂ මැතිතුමාගේ ප්‍රධානත්වයෙන් ශ්‍රී ජයවර්ධනපුර පාර්ලිමේන්තු සංකීර්ණයේ දී අද (08) රැස් විය. වත්මන් පාර්ලිමේන්තුව පත්වීමෙන් පසු උපදේශක කාරක සභාවේ ප්‍රථම රැස්වීම මෙයයි.
මහජන දිනයේ රණවිරු හමුව
රණවිරුවන්ගේ ගැටළු පිළිබඳව මහජන දිනයේදී ආරක්ෂක ලේකම්වරයා වෙත යොමු කෙරෙන අතර, ඒ අනුව රණවිරුවන් සහ ඔවුන්ගේ පවුල්වල සාමාජිකයින් පිරිසක් ආරක්ෂක ලේකම් ජෙනරල් කමල් ගුණරත්න (විශ්‍රාමික) මහතාව අද (අප්‍රේල් 07) දින ආරක්ෂක අමාත්‍යාංශයේදී හමුවිය.
ආරක්ෂක ලේකම් ආරක්ෂක සේවා විද්‍යාලයේ සංචාරයක
ආරක්ෂක ලේකම් ජෙනරල් කමල් ගුණරත්න (විශ්‍රාමික) අද (අප්‍රේල් 05) දින කොළඹ මැලේ වීදියේ පිහිටි ආරක්ෂක සේවා විද්‍යාලයේ සංචාරයක නිරතවිය.
ආගමික ආශිර්වාද මධ්‍යයේ සඳහිරු සෑයේ නිධන් වස්තු තැන්පත් කෙරේ
ශ්‍රී ලංකා ඉතිහාසයට නව පරිච්ඡේදයක් එක් කරමින්, ඓතිහාසික අනුරාධපුර පූජා නගරයේ ඉදිවෙමින් පවතින සඳහිරු සෑයේ හතරැස් කොටුවේ නිධන් වස්තු හා පූජනීය ධාතූන්වහන්සේලා තැන්පත් කිරීමේ පුන්‍යෝත්සවය මහා සංඝරත්නයේ ආගමික ආශිර්වාදය මධ්‍යයේ අද (මාර්තු 28) දින සඳහිරු සෑ පරිශ්‍රයේදී පැවැත්විණි.
රුසියානු තානාපති ආරක්ෂක ලේකම් හමුවෙයි
ශ්‍රී ලංකාවේ රුසියානු සමූහාණ්ඩුවේ තානාපති අතිගරු යූරි මැටේරි මහතා අද ( මාර්තු 26) දින අමාත්‍යාංශයේදී ආරක්ෂක ලේකම් ජෙනරල් කමල් ගුණරත්න (විශ්‍රාමික) මහතා හමුවිය.
සඳහිරු සෑයේ හතරැස් කොටුව සඳහා නිධන් වස්තු
ඩීපී ජයසිංහ සමූහ ව්‍යාපාරයේ ප්‍රධාන විධායක නිලධාරී ආචාර්ය දිල්ෂාන් ජයසිංහ මහතා අද (මාර්තු 26) දින පූජනීය සඳහිරු සෑයෙහි තැන්පත් කිරීම සඳහා නිධන් වස්තු රාශියක් භාර දුන්නේය.
'ශ්‍රී ලංකාවේ ජාතික ආරක්ෂාවට වරාය නගරයේ බලපෑම' පිළිබඳ ජාතික ආරක්ෂක අධ්‍යයන ආයතනයේ දේශනය
ජාතික ආරක්ෂක අධ්‍යයන ආයතනය විසින් සංවිධානය කරන ලද "ශ්‍රී ලංකාවේ ජාතික ආරක්ෂාවට වරාය නගරයේ බලපෑම" පිළිබඳ ප්‍රසිද්ධ දේශනයක් අද (මාර්තු 26) දින බත්තරමුල්ල ජාතික ආරක්ෂක අධ්‍යයන ආයතනයේදී පවත්වන ලදි.
සමුද්‍රීය නීති ක්‍රියාත්මක කිරීමේ හැකියාවන් වැඩි දියුණු කිරීම සඳහා ශ්‍රී ලංකා වෙරළාරක්ෂක දෙපාර්තමේන්තුවේ අවධානය
මත්ද්‍රව්‍ය සහ අපරාධ පිළිබඳ එක්සත් ජාතීන්ගේ කාර්යාලයේ (UNODC) ගෝලීය සමුද්‍රීය අපරාධ වැඩසටහනේ ජ්‍යෙෂ්ඨ උපදේශක ක්‍රේග් ලුන් මහතා ශ්‍රී ලංකා වෙරළාරක්ෂක දෙපාර්තමේන්තුවේ අධ්‍යක්ෂ ජෙනරාල් රියර් අද්මිරාල් අනුර ඒකනායක සමඟ 2021 වර්ෂය තුළ UNODC හි අනුග්‍රහයෙන් මිරිස්ස උසස් පුහුණු මධ්‍යස්ථානයේ ආරම්භ කිරීමට නියමිතව තිබූ පුහුණු පාඨමාලා පිළිබඳව පසුගිය දිනක සාකච්ඡා කරන ලදි.
සඳහිරු සෑයට නිධන් වස්තු පූජා කිරිමේ මහඟු අවස්ථාව තවත් දින 6ක් පුරා
අනුරාධපුර සඳහිරු සෑයේ තැන්පත් කිරීම සඳහා නිධන් වස්තු විශාල ප්‍රමාණයක් පසුගිය තෙදින තුළ ලැබී ඇති අතර එළඹෙන මාර්තු 27 වන දින තෙක් තවත් දින 6ක් පුරා රට පුරා බැතිමතුන්ට නිධන් වස්තු පූජා කිරීමට අවස්ථාව සලසා දී ඇත.
ශ්‍රි ලංකා බාලදක්‍ෂිකා සංගම් ධජය ආරක්ෂක ලේකම් වෙත පළඳවයි
ශ්‍රී ලංකා බාලදක්‍ෂිකා සංගමයේ 104 වන සැමරුම් ධජය, බස්නාහිර පළාත් කොමසාරිස් මිරානි දිසානායක විසින් ආරක්ෂක ලේකම් ජෙනරාල් කමල් ගුණරත්න (විශ්‍රාමික) වෙත අද (මාර්තු 22) අමාත්‍යාංශයේ දී පළඳවනු ලැබීය.
‘අපි වෙනුවෙන් අපි’ ව්‍යාපෘතිය යටතේ නිවාස සිහින සැබෑ වේ
ජාතියට කළ දැවැන්ත සේවය අගය කරමින් යුද හමුදා රණවිරුවන් දෙදෙනෙකු වෙත 'අපි වෙනුවෙන් අපි' අරමුදල සහ යුධ හමුදා ශ්‍රම දායකත්වය උපයෝගී කර ගනිමින් ඉදිකරන ලද නව නිවාස දෙකක් අද (මාර්තු 20) දින මාතර වැවහමන්දූව ප්‍රදේශයේදී හි පැවති උත්සවයකදී භාර දෙන ලදි.
‘සඳහිරු සෑය’ සඳහා නිධන් වස්තු භාර ගැනේ
නාඋයන ආරණ්‍ය සේනාසනයේ වැඩවසන අගුල්ගමුවේ ආරියනන්ද හිමියන් ප්‍රමුඛ මහා සංඝරත්නය විසින් සඳහිරු සෑයේ තැන්පත් කිරීම සඳහා නිධන් වස්තු විශාල ප්‍රමාණයක් ආරක්ෂක ලේකම් ජෙනරල් කමල් ගුණරත්න (විශ්‍රාමික) වෙත අද (මාර්තු 19) දින අමාත්‍යාංශයේදී භාරදීමට කටයුතු කෙරිණි.