නවතම පුවත්
ජනාධිපතිතුමාගේ හජ් සුබ පැතුම් පණිවිඩය
ආධ්‍යාත්මික හා ලෞකික වශයෙන් ජයග්‍රහණය ලැබීමට නම් මිනිසා ආත්මාර්ථයෙන් මිදී පරිත්‍යාගයෙන් සහ සහජීවනයෙන් දිවි ගෙවීමට හුරු පුරුදු විය යුතුය.
ශ්‍රී ලංකාවේ ඇමරිකා එක්සත් ජනපද තානාපති කාර්යාලයෙන් සන්නද්ධ හමුදාවන් වෙත උපකරණ පරිත්‍යාගයක්
ඇමරිකා එක්සත් ජනපදය හා ශ්‍රී ලංකාව අතර පවතින ශක්තිමත් රාජ්‍ය තාන්ත්‍රික සබඳතාවයේ 76 වැනි සංවත්සරය සනිටුහන් කරමින් එක්සත් ජනපද රජයේ අනුග්‍රහය යටතේ මෙරට එක්සත් ජනපද තානාපති කාර්යාලය විසින් ශ්‍රී ලංකා සන්නද්ධ හමුදා වෙත පසුගිය බදාදා (ජුනි 12) දින තාක්ෂණික උපකරණ තොගයක් ලබා දුන් බව ශ්‍රී ලංකා ගුවන් හමුදා මාධ්‍ය අංශය සඳහන් කරයි.
ආරක්‍ෂක අමාත්‍යාංශයේ සේවා වනිතා ඒකකය මගින් ගංවතුරින් විපතට පත්
අමාත්‍යාංශ සේවකයන් වෙත මුල්‍ය ආධාර ලබාදෙයි
පසුගිය දින වල දිවයිනට බලපෑ අයහපත් කාලගුණ තත්වය නිසා ඇති වූ ගංවතුරෙන් විපතට පත් අමාත්‍යාංශ කාර්ය මණ්ඩල සාමාජිකයින්ට සහයක් වීමේ අරමුණින් ආරක්‍ෂක අමාත්‍යාංශයේ සේවා වනිතා ඒකකය ඔවුන් වෙත මූල්‍ය දායකත්වයක් ලබා දුන්නේය.
රට වෙනුවෙන් දිවි පිදූ වීරෝධාර රණවිරු පවුල්වල සාමාජිකයින්ගේ හා විශ්‍රාමික /වෛද්‍ය හේතූන් මත විශ්‍රාම ගැන්වූ යුද හමුදා සාමාජිකයන්ගේ සුභසාධන හා පරිපාලන කටයුතු පිළිබඳව සොයාබැලීමේ 6 වන වැඩසටහන ආරක්‍ෂක රාජ්‍ය අමාත්‍යවරයාගේ ප්‍රධානත්වයෙන් පැවැත්වේ
විශ්‍රාමික / වෛද්‍ය හේතූන් මත විශ්‍රාම ගැන්වූ හමුදා සාමාජිකයන්ගේ සහ යුද්ධයේදී ජීවිත පරිත්‍යාග කල රණවිරුවන්ගේ පවුල්වල සාමාජිකයන්ගේ සුභසාධනය සහ පරිපාලන කටයුතු සම්බන්ධව සොයා බැලීම සඳහා ශ්‍රී ලංකා යුද හමුදාව විසින් සංවිධානය කරනු ලබන විශේෂ වැඩසටහන් මාලාවේ තවත් එක් අදියරක් අද (ජූනි 08), මින්නේරිය පාබල පුහුණු මධ්‍යස්ථානයේදී පැවැත්වුණු අතර, එම උත්සවයේ ප්‍රධාන ආරාධිතයා ලෙස ආරක්‍ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා සහභාගි විය.
ත්‍රිවිධ හමුදා පුහුණු විෂය මාලාවට ජාතික මිනිස් ජාවාරම් විරෝධී කාර්ය සාධක බලකාය තැනැත්තන් වෙළඳාම පිළිබඳව පුහුණු විෂයමාලාවට ඇතුළත් කිරීමට සැලසුම් කර ඇත’ - ආරක්‍ෂක ලේකම්
‘අපගේ සන්නද්ධ හමුදාවන් දේශසීමා ආරක්‍ෂාව සම්බන්ධයෙන් සහ දේශසීමා හරහා සිදුවන තැනැත්තන් වෙළඳාම් වැළැක්වීම සඳහා ප්‍රමුඛ කාර්යභාරයක් ඉටු කරනු ලබයි. තවද, තැනැත්තන් වෙළඳාම නිසා පීඩාවට පත්වන්නන් පුනරුත්ථාපනය කිරීමේ සහ නැවත සමාජගත කිරීමේ වැඩසටහන් සඳහා සන්නද්ධ හමුදාවන්ගෙන් ලැබෙන මැදිහත්වීම මෙරට මිනිස් ජාවාරම් විරෝධී ක්‍රියාවලියේ තීරණාත්මක සාධකයකි.
මාධ්‍ය නිවේදනය
ආරක්‍ෂක අමාත්‍යාංශය යටතේ ක්‍රියාත්මක කෙරෙන ජෙනරාල් ශ්‍රීමත් ජෝන් කොතලාවල ආරක්‍ෂක විශ්වවිද්‍යාලය වෙත වෛද්‍යවේදි හා ශල්‍ය වෛද්‍යවේදි උපාධි පාඨමාලාව සඳහා සිවිල් සිසුන් බඳවා ගැනීම සම්බන්ධ තොරතුරු සහ ඒ හා අදාල සත්‍ය කරුණු මෙම මාධ්‍ය නිවේදනය මගින් මහජනතාව වෙත දැනුවත් කෙරේ.
ඉතිහාසයේ ප්‍රථම වරට සෞදි අරාබි රජය ශ්‍රී ලංකා ත්‍රිවිධ හමුදා සාමාජිකයින්ට නොමිලේ හජ් වන්දනා කිරීමට අවස්ථාව ලබා දෙයි
මෙරට ඉතිහාසයේ ප්‍රථම වරට සෞදි අරාබි රජය විසින් මෙම වසරේදී (2024) ත්‍රිවිධ හමුදාවේ සේවයේ නියුතු මුස්ලිම් සාමාජිකයින් වෙත වාර්ෂික හජ් වන්දනාව සඳහා නොමිලේ අවස්ථාව සලසා තිබේ.
“2024 වසරේ ශ්‍රී ලංකාවේ ආර්ථික ස්ථාවරත්වය: ඉදිරි දැක්ම සහ අවදානම් ඇගයීම” තේමාව යටතේ පවත්වනු ලැබූ වට මේස සාකච්ඡාවට ප්‍රධාන ආරාධිත අමුත්තා ලෙස
ආරක්‍ෂක ලේකම් සහභාගී වෙයි
ජාත්‍යන්තර මූල්‍ය අරමුදල සමඟ, ගිවිසුම්ගත වැඩසටහන ක්‍රියාත්මක කිරීමෙන් වසරකට පසු ශ්‍රී ලංකාවේ ආර්ථික තත්ත්වය පිළිබඳ ඇගයීම සඳහා සංවෘත වට මේස සාකච්ඡාවක් පසුගියදා පවත්වන ලදි. ශ්‍රී ජයවර්ධනපුර කෝට්ටේ ආරක්‍ෂක අමාත්‍යාංශයේ නන්දිමිත්‍ර ශ්‍රවණාගාරයේදී පසුගිය බ්‍රහස්පතින්දා (ජුනි 06) පැවැති මෙම සාකච්ඡාවේ ප්‍රධාන ආරාධිත අමුත්තා ලෙස ආරක්‍ෂක ලේකම් ජෙනරල් කමල් ගුණරත්න සහභාගි විය.
ශ්‍රී ලංකා නාවික හමුදාව විසින් නිෂ්පාදනය කරන ලද ජල පිරිපහදු යන්ත්‍ර 1000ක්
මේ වන විට සාර්ථකව ස්ථාපනය කරයි
ශ්‍රී ලංකා නාවික හමුදාව විසින් සිදු කරනු ලබන ඉතා වැදගත් සමාජ සත්කාරයක් වන නව ප්‍රතිආශ්‍රැති ජල පිරිපහදු මධ්‍යස්ථාන (RO plant) ස්ථාපිත කිරීමේ ව්‍යාපෘතියේ වැදගත් සන්ධිස්ථානයකට ළඟා වෙමින් ඊයේ (ජුනි 05) ගල්ගමුව පාළුකඩවල ශ්‍රී සුමන විද්‍යාලයේ 1000 වැනි ජල පිරිපහදු යන්ත්‍රය සාර්ථකව ස්ථාපනය කරන ලදී.
ආසියානු කලාපීය රසායනික අවි සම්මුතිය හා සම්බන්ධ රාජ්‍යයන්හි ජාතික අධිකාරීන්වල නිලධාරින්ගේ 22 වැනි කලාපීය සමුළුව පැවැත්වේ
ආසියානු කලාපීය රසායනික අවි සම්මුතිය හා සම්බන්ධ රාජ්‍යයන්හි ජාතික අධිකාරීන්වල නිලධාරින්ගේ 22 වැනි කලාපීය සමුළුව 2024 මැයි මස 29 සිට 31 දින දක්වා උස්බෙකිස්තානයේදී පැවැත්වුණු අතර, මේ සඳහා ශ්‍රී ලංකාව නියෝජනය කරමින් ආරක්‍ෂක අමාත්‍යාංශය යටතේ පවතින රසායනික අවි සම්මුතිය ක්‍රියාත්මක කිරීමේ ජාතික අධිකාරියේ අධ්‍යක්‍ෂ රියර් අද්මිරාල් (ආචාර්ය) රවී රණසිංහ සහභාගී විය.
ආපදාවට ලක් වූ පුද්ගලයන්ට සහන සැලසීම සඳහා ගනු ලබන ඉදිරි ක්‍රියාමාර්ග පිළිබඳ
රාජ්‍ය නිළධාරින් සමඟ ආරක්‍ෂක රාජ්‍ය අමාත්‍යවරයා සාකච්ඡා කෙරේ
නිරිතදිග මෝසම් තත්ත්වය හේතුවෙන් උද්ගත වූ අයහපත් කාලගුණික තත්වයේ බලපෑමෙන් අවතැන් වූවන්ට සහන සැලසීම සඳහා රජය විසින් ගනු ලැබූ ක්‍රියාමාර්ගවල වත්මන් ප්‍රගතිය සමාලෝචනය සහ ඉදිරි පියවරයන් සබැඳිව සොයා බැලීම සම්බන්ධයෙන් විශේෂ සාකච්ඡාවක් අද (ජූනි 05) දින ආරක්‍ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමාගේ ප්‍රධානත්වයෙන් ජාතික ආපදා කළමනාකරණ මධ්‍යස්ථානයේදී පැවැත්විණ.
ආපදා සහන කටයුතු සදහා එක්සත් ජාතින්ගේ නියෝජ්‍ය ආයතන වෙතින් හා
රාජ්‍ය නොවන සංවිධාන වෙතින් සහයෝගය ලබා ගැනිමට ආරක්‍ෂක රාජ්‍ය අමාත්‍යවරයා එම සංවිධාන සමඟ සාකච්ඡා කරයි
අයහපත් කාලගුණය හේතුවෙන් විපතට පත් ප්‍රජාවන්ට උපකාර කිරීම සඳහා දැනට ක්‍රියාත්මක ගලවා ගැනීමේ සහ ආපදා සහන මෙහෙයුම් පිළිබඳව දැනුවත් කිරීමට ආරක්‍ෂක රාජ්‍ය අමාත්‍ය ගරු. ප්‍රමිත බණ්ඩාර තෙන්නකෝන් මැතිතුමා එක්සත් ජාතීන්ගේ නියෝජිතායතන සහ රාජ්‍ය නොවන සංවිධාන නියෝජිතයන් සමඟ අද (ජුනි 05) කොළඹ පිහිටි ඔහුගේ කාර්යාලයේදී හමුවක් පැවැත්වීය.
සිංගප්පූරුවේ පැවති 21 වන ආසියානු ආරක්‍ෂක සමුළුව සඳහා
ශ්‍රී ලංකා නාවික හමුදාධිපති සහභාගී වෙයි
උපාය මාර්ගික අධ්‍යයනය සඳහා වූ ජාත්‍යන්තර ආයතනයේ සංවිධායකත්වයෙන් (International Institute for Strategic Studies - IISS), 2024 මැයි මස 31 වන දින සිට 2024 ජුනි මස 02 වන දින දක්වා සිංගප්පූරුවේ ෂැන්ග්‍රිලා හෝටල් පරිශ්‍රයේදී පැවති 21 වන ආසියානු ආරක්‍ෂක සමුළුව (21st Asia Security Summit - IISS Shangri-La Dialogue) සඳහා ශ්‍රී ලංකා නාවික හමුදාධිපති, වයිස් අද්මිරාල් ප්‍රියන්ත පෙරේරා සහභාගී විය.
ආරක්‍ෂක රාජ්‍ය අමාත්‍යවරයාගේ මුලපිරිමෙන් විශ්‍රාමික ත්‍රිවිධ හමුදා සාමාජිකයින් හට සහ රණවිරු පවුල්වල සාමාජිකයින් හට විදේශ රැකියා ලබාදීමේ වැඩසටහන ආරම්භ වේ
ආරක්‍ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා කම්කරු හා විදේශ රැකියා අමාත්‍ය ගරු මනූෂ නානායක්කාර අමාත්‍යතුමා සමග සිදුකල සාකච්ඡාවේ ප්‍රතිඵලයක් ලෙස විශ්‍රාමික ත්‍රිවිධ හමුදා හා රණවිරු පවුල්වල සාමාජිකයින් වෙත විදේශ රැකියා ප්‍රමාණයක් ලබාදීමේ වැඩසටහන පිලිබඳ ත්‍රිවිධ හමුදා නිලධාරීන් දැනුවත් කිරීමට ආරක්‍ෂක රාජ්‍ය අමාත්‍යවරයාගේ ප්‍රධානත්වයෙන් ඊයේ (ජූනි 04) එතුමාගේ කාර්යාලයේදී රැස්වීමක් පවත්වන ලදි.
ලෝක පරිසර දිනය
භූමිය සහ පරිසර පද්ධතිය යථා තත්ත්වයට පත් කිරීම සඳහා ජෛව විවිධත්වය ආරක්‍ෂා කිරීමේ සහ දේශගුණික විපර්යාසවලට එරෙහිව සටන් කිරීමේ සාමූහික ප්‍රයත්නය බලාත්මක කරමු.
ඇමරිකා එක්සත් ජනපද පැසිෆික් කලාපීය හමුදා ඒකකයේ නියෝජ්‍ය අණදෙන ජෙනරාල් (මූලෝපාය සහ සැලසුම්) මෙරට ආරක්‍ෂක ලේකම්වරයා හමුවෙයි
ඇමරිකා එක්සත් ජනපද පැසිෆික් කලාපීය හමුදා ඒකකයේ නියෝජ්‍ය අණදෙන ජෙනරාල් (මූලෝපාය සහ සැලසුම්) මේජර් ජෙනරල් ස්කොට් ඒ වින්ටර්, අද (ජුනි 04), ශ්‍රී ජයවර්ධනපුර කෝට්ටේ පිහිටි ආරක්‍ෂක මූලස්ථාන සංකීර්ණයේ දී ආරක්‍ෂක ලේකම් ජෙනරල් කමල් ගුණරත්න හමුවිය.
අයහපත් කාලගුණික තත්වය හේතුවෙන් ආපදාවට ලක් වූ පුද්ගලයන්ට සහන සැලසීමේ කටයුතු අඛණ්ඩව ඉදිරියටත් - ආරක්‍ෂක රාජ්‍ය අමාත්‍ය
දැනට ලැබී ඇති සංඛ්‍යාලේඛන වලට අනුව, පසුගිය දින වල පැවති ආපදා තත්වය හේතුවෙන් ප්‍රාදේශීය ලේකම් කොට්ඨාශ 262ක පවුල් 33422කට අයත් පුද්ගලයන් 130021 කට අධික ප්‍රමාණයක් ආපදාවට ලක්ව, පුද්ගල මරණ 26ක් සහ තුවාල ලැබීම් 41ක් වාර්තා වී ඇති බවත්, ඇතැම් ප්‍රදේශ වල දැනටත් පවතින ගංවතුර තත්වයන් හේතුවෙන් අද දින උදැසන වන විට සුරක්ෂිත මධ්‍යස්ථාන 116ක් තුල පවුල් 2368ක පුද්ගලයන් 9248ක් රඳවා සිටින බවත්
ශ්‍රී ලංකා යුද හමුදා සහ නාවික හමුදා භට පිරිස් ආපදා සහන සහ ගලවා ගැනීමේ
මෙහෙයුම් සිදුකරයි
ගංවතුර සහ නායයෑම් හේතුවෙන් විපතට පත් ජනතාවට සහන සැලසීම සඳහා ශ්‍රී ලංකා යුධ හමුදාව සහ නාවික හමුදාව ගලවා ගැනීමේ සහ ආපදා සහන සැලසීමේ කණ්ඩායම් කිහිපයක් යොදවා ඇත.
ආපදාවට පත්ව සිටි ධීවරයින් හය දෙනෙකු මුදා ගැනීමෙන් අනතුරුව ශ්‍රී ලංකා නාවික හමුදාව විසින් සුරක්‍ෂිතව ගොඩබිමට රැගෙන එයි
ඉන්දියන් සාගරයේ දකුණු කලාපයේ ආපදාවට ලක්ව සිටි ශ්‍රී ලාංකික ධීවරයින් හය දෙනෙකු ගලවා ගැනීමේ මෙහෙයුමකින් අනතුරුව ශ්‍රී ලංකා නාවික හමුදා යාත්‍රාවක් මගින් පසුගිය ඉරිදා (ජුනි 02) සාර්ථකව ගොඩබිමට රැගෙන එනු ලැබීය. ආපදාවට ලක් වන අවස්ථාවේ දෙවුන්දරට දකුණින් නාවික සැතපුම් 480 (කිලෝමීටර් 889) පමණ දුරින් යාත්‍රා කල MT Tonegawa නම් වෙළඳ භාණ්ඩ ප්‍රවාහන නෞකාව මගින් මුලින්ම මෙම ධීවරයින් මුදා ගෙන ඉන් අනතරුව නාවික හමුදාව වෙත භාර දී ඇති බව නාවික හමුදා මාධ්‍ය අංශය ප්‍රකාශ කරයි.
ගංවතුර තත්වය හේතුවෙන් ආපදාවන්ට ලක්වූවන්ට සහන සැලසීම සඳහා ගත යුතු පියවරයන් පිළිබඳව ආරක්‍ෂක රාජ්‍ය අමාත්‍යවරයා රත්නපුර දිස්ත්‍රික් ලේකම් කාර්යාලයේදී රාජ්‍ය නිලධාරීන් සමඟ සාකච්ඡා කරයි
රත්නපුර දිස්ත්‍රික්කයේ ඇතැම් ප්‍රදේශ වලට ඇති වී තිබෙන ගංවතුර තත්වය හේතුවෙන් ආපදාවට ලක්වුවන්ට සහන සැලසීම පිළිබඳ සාකච්ඡාවක් ආරක්‍ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමාගේ හා පළාත් සභා හා පළාත් පාලන, පරිසර රාජ්‍ය අමාත්‍ය ගරු ජානක වක්කුඹුර මැතිතුමාගේ ප්‍රධානත්වයෙන් රත්නපුර දිස්ත්‍රික් ලේකම් කාර්යාලයේදී අද (ජුනි 02) පැවැත්විණ.
අප මාතෘ භූමිය වෙනුවෙන් දිවිපුද කල වීරෝධාර රණවිරුවන්ගේ පවුල්වල සමාජිකයින්ගේ හා විශ්‍රාමික /වෛද්‍ය හේතූන් මත විශ්‍රාම ගැන්වූ යුද හමුදා සාමාජිකයන්ගේ සුභසාධන හා පරිපාලන කටයුතු පිළිබඳව සොයාබැලීමේ තවත් වැඩසටහනක් ආරක්‍ෂක රාජ්‍ය අමාත්‍යවරයාගේ ප්‍රධානත්වයෙන්
විශ්‍රාමික / වෛද්‍ය හේතූන් මත විශ්‍රාම ගැන්වූ හමුදා සාමාජිකයන්ගේ සහ යුද්ධයේදී ජීවිත පරිත්‍යාග කල රණවිරුවන්ගේ පවුල්වල සාමාජිකයන්ගේ සුභසාධන සහ පරිපාලන කටයුතු සම්බන්ධව සොයා බැලීම සඳහා ශ්‍රී ලංකා යුද හමුදාව වෙතින් දීපව්‍යාප්තව සංවිධානය කරනු ලබන වැඩසටහනේ තවත් එක් වැඩසටහනක් අද (ජුනි 02) කුරුවිට ගැමුණු හේවා බලකායේ රෙජිමේන්තු මධ්‍යස්ථාන කඳවුරේදී පැවැත්විණ, එහි ප්‍රධාන ආරාධිතයා ලෙස ආරක්‍ෂක රාජ්‍ය අමාත්‍ය ගරු ප්‍රමිත බන්ඩාර තෙන්නකෝන් මැතිතුමා එක්වුනු අතර, මෙම වැඩසටහන් මාලාවේ තවත් එක් වැඩසටහනක් ආරක්‍ෂක සේනා මධ්‍යම බලප්‍රදේශය ආවරණ වන පරිදි ස්වේච්ඡා බලසේනා පුහුණු පාසල - දියතලාව කඳවුරේදී ඊයේ (ජුනි 01) දින පවත්වන ලදි.
රට වෙනුවෙන් දිවිපුද කල වීරෝධාර රණවිරන්ගේ පවුල්වල සමාජිකයින්ගේ හා විශ්‍රාමික /වෛද්‍ය හේතූන් මත විශ්‍රාම ගැන්වූ යුද හමුදා සාමාජිකයන්ගේ සුභසාධන හා පරිපාලන කටයුතු පිළිබඳව සොයාබැලීමේ වැඩසටහන ආරක්‍ෂක රාජ්‍ය අමාත්‍ය වරයාගේ ප්‍රධානත්වයෙන්
- “අප මාතෘ භුමියේ නිදහස වෙනුවෙන්, මේ රටේ සාමය වෙනුවෙන් ජිවිත පුද කල, සටන් වැද තුවාල ලැබූ රණවිරුවන් මෙන්ම ඒ් අයගේ පවුල්වල සාමාජිකයින් අපගේ මතකයේ හැමදාම රැදී ඉන්නවා, ඔවුන් කරපු උත්තරීතර කැප කීරීමට අපි හිස නමා ආචාර කරමු”.
අතිරේක ලේකම් (ආරක්‍ෂක) ලෙස හර්ෂ විතානාරච්චි පත් කෙරේ
ආරක්‍ෂක අමාත්‍යාංශයේ අතිරේක ලේකම් (ආරක්‍ෂක) ලෙස හර්ෂ විතානආරච්චි මහතා පත් කර ඇති අතර,ඔහුගේ නව තනතුරට අදාල පත් වීම ලිපිය ඊයේ සවස (මැයි 31) ආරක්‍ෂක ලේකම් ජෙනරල් කමල් ගුණරත්න අතින් ලබාගත්තේය.