නවතම පුවත්
විදුලි සංදේශ නියාමන කොමිෂන් සභාවට නව අධ්‍යක්‍ෂ ජෙනරල්වරයෙකු පත් කෙරේ
විදුලි සංදේශ නියාමන කොමිෂන් සභාවේ නව අධ්‍යක්‍ෂක ජෙනරල් ලෙස ඕෂධ සේනානායක මහතා ආරක්ෂක අමාත්‍යාංශ ලේකම් මේජර් ජෙනරාල් (විශ්‍රාමික) කමල් ගුණරත්න WWV RWP RSP USP ndc psc MPhil මහතා වෙතින් අද දින (නොවැම්බර් 20) ආරක්ෂක අමාත්‍යාංශයේදී සිය පත්වීම් ලිපිය ලබාගන්නා ලදි.
මාධ්‍ය නිවේදනය
ආරක්ෂක ලේකම් මේජර් ජෙනරාල් (විශ්‍රාමික) කමල් ගුණරත්න WWV RWP RSP USP ndc psc MPhil විසින් නිකුත් කල මාධ්‍ය නිවේදනය
ආරක්ෂක අමාත්‍යාංශ නව ලේකම්වරයා සිය තනතුරෙහි රාජකාරි ආරම්භ කරයි
ආරක්ෂක අමාත්‍යාංශයේ නව ලේකම් ලෙස පත්වීම් ලද මේජර් ජෙනරාල් (විශ්‍රාමික) කමල් ගුණරත්න WWV RWP RSP USP ndc psc MPhil මහතා අද දින (නොවැම්බර් 20) අමාත්‍යාංශ පරිශ්‍රයේ පැවති උත්සවයකදී සිය තනතුරෙහි රාජකාරි නිල වශයෙන් ආරම්භ කරන ලදි.
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වන විධායක ජනාධිපති ලෙස අතිගරු ගෝඨාභය රාජපක්ෂ මැතිතුමන් දිවුරුම් දෙයි
ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපති ලෙස තේරී පත්වූ අතිගරු ගෝඨාභය රාජපක්ෂ මැතිතුමන් හත්වන විධායක ජනාධිපති ලෙස අගවිනිසුරු ජයන්ත ජයසූරිය මහතා ඉදිරියේදී අද (නොවැම්බර් 18) අනුරාධපුර රුවන්වැලි මහ සෑ මළුවේදී දිවුරුම් දුන්නේය.
අතිගරු ගෝඨාභය රාජපක්ෂ මැතිතුමා ජාතිය අමතා සිදුකළ කතාව
අතිගරු ගෝඨාභය රාජපක්ෂ මැතිතුමා ශ්‍රී ලංකා ප්‍රජාතන්ත්‍රවාදී සමාජවාදී ජනරජයේ හත් වන විධායක ජනාධිපතිවරයා වශයෙන් දිවුරුම් දීමෙන් අනතුරුව ජාතිය අමතා සිදුකළ කතාව
ශ්‍රී ලංකා යුද්ධ හමුදාව
2019 ජනාධිපතිවරණ ඡන්ද විමසීම බාධා වන අයුරින් උතුරු පළාතේ හමුදා මාර්ග බාධක යොදා ඇති බවට ගෙන යන ප්‍රචාරය සම්පුර්ණ අසත්‍ය සහ පදනම් විරහිත ප්‍රචාරයක් බව ශ්‍රි ලංකා යුධ හමුදාව අවධාරණය කරනු ලබයි.
ථෙරවාදී ධර්මායතනයේ නාවික හමුදාව විසින් ස්ථාපිත කරන ලද ජල පිරිපහදු යන්ත්‍රය අතිගරු ජනපතිතුමන් විසින් විවෘත කෙරේ
ශ්‍රී නාවික හමුදාව විසින් ආණමඩුව, කරුවලගස්වැව අන්තර් ජාතික ථෙරවාදී ධර්මායතනයේ ස්ථාපිත කරන ලද ජල පිරිපහදු යන්ත්‍රය අතිගරු ජනපතිතුමන් විසින් සිකුරාදා දින (නොවැම්බර් 15) විවෘත කරන ලදි.
ශ්‍රී ලංකා යුද්ධ හමුදාව මෙවර අපොස සාමාන්‍ය පෙළ විභාගය සඳහා පෙනි සිටින සිසුන් වෙනුවෙන් අධ්‍යාපන සම්මන්ත්‍රණ පවත්වයි
කිලිනොච්චි ආරක්ෂක සේනා මුලස්ථානය විසින් දෙසැම්බර් මස (2019) පැවැත්වෙන අපොස සාමාන්‍ය පෙළ විභාගය සඳහා පෙනී සිටින සිසුන් වෙනුවෙන් අධ්‍යාපන සම්මන්ත්‍රණයන් පවත්වා ඇති බව යුද්ධ හමුදා මාධ්‍ය වාර්තා කරයි.
රාජ්‍ය බුද්ධි සේවය විසින් නිකුත් කර ඇති බවට සමාජ මාධ්‍ය වල පළ වී තිබෙන වාර්තාවක් ප්‍රතික්‍ෂේප කර සිටීම.
2019.11.05 දිනැතිව රාජ්‍ය බුද්ධි සේවය විසින් "අතිගරු ජනාධිපතිතුමන් වෙත පිළිගන්වන විශේෂ රාජ්‍ය බුද්ධි වාර්තාව" ශීර්ෂය යටතේ වූ සමාජ මාධ්‍ය තුළ සංසරණය වන ලිපියේ අඩංගු කරුණු මූලිකවම අසත්‍ය බව දන්වා සිටිමි.
ආරක්ෂක අමාත්‍යංශ ‘MOD ALERTS’ කෙටි පණිවුඩ සේවාව ආරම්භ කෙරේ
ආරක්ෂක අමාත්‍යාංශය විසින් සිදුකරනු ලබන සේවාවන් තව දුරටත් පුළුල් කරමින් නව සංකල්පයක් ලෙස දිවයිනම ආවරණය වන පරිදි ජාතික ආරක්‍ෂාව හා හදිසි ආපදා කළමනාකරණ තත්වයන් පිළිබඳ සත්‍ය තොරතුරු ඉතා කඩිනමින් මහජනතාව වෙත ලබාදීම සඳහා ආරක්ෂක අමාත්‍යංශය විසින් ‘MOD ALERTS’කෙටි පණිවුඩ සේවාවක් ආරම්භ කෙරේ.
ගුවන් හමුදා විරුවන් වෙත විරවික්‍රම පදක්කමි පිරිනැමිම ජනාධිපති තුමන්ගේ ප්‍රධානත්වයෙන්
දශක තුනක් පුරා ලක් දෙරණ වෙලාගත් කුරිරු ත්‍රස්ත්‍රවාදය මානුෂිය මෙහෙයුමකින් නිමා කරලමින් ලක් මාතාවට සාමය හා සංහිදියාව රුගෙන ඒමට ස්වකිය දිවි පරදුවට තබමින් උත්තම සේවාවක් සිදුකරන්නට ඇප කැපවු ශ්‍රි ලංකා ගුවන් හමුදාවෙහි...
ආරක්ෂක ලේකම් රණවිරු අනුස්මරණ උත්සවය සදහා සහභාගී වේ.
කොළඹ විහාර මහා දේවි උද්‍යානයේ පිහිටි යුධ ස්මාරකය අභියසදී අද (නොවැම්බර් 10) දින ශ්‍රී ලංකා සේවාමුක්ත භට සංගමය (Sri Lanka Ex-Servicemen’s Association - SLESA) මගින් වාර්ෂිකව සංවිධානය කරනු ලබන රණවිරු අනුස්මරණ උත්සවය සහ පොපිමල් දිනය සැමරුම් උත්සවය සදහා ආරක්ෂක අමාත්‍යාංශයේ ලේකම් ජෙනරාල් එස්.එච්.එස්.කොට්ටෙගොඩ (විශ්‍රා) ඩබ්ඩබ්වී ආර්ඩබ්පි ආර්එස්පි වීඑස්වී යුඑස්පි එන්ඩිසී මහතා සහභාගී විය.
ශ්‍රී ජයවර්ධනපුර ඉදිකළ නව යුද්ධ හමුදා මූලස්ථානය අතිගරු ජනාධිපතිතුමන්ගේ සුරතින් යුද්ධ හමුදා අයිතියට පත් කෙරේ
බත්තරමුල්ල ශ්‍රී ජයවර්ධනපුර ඉදිකළ නව යුද්ධ හමුදා මූලස්ථානය අද උදෑසන (නොවැම්බර් 08) පැවති උත්සවයක දී අතිගරු ජනාධිපති මෛත්‍රීපාල සිරිසේන මැතිතුමන් විසින් විවෘත කරන ලදී.
නව යුධ හමුදා මූලස්ථාන සංකීර්ණය හෙට විවෘත කෙරේ
ශ්‍රී ලංකා යුධ හමුදාව ශ්‍රී ජයවර්ධනපුර ඉදිකරන ලද නව මූලස්ථානය වෙත සිකුරාදා (නොවැම්බර් 08) පිවිසීමට නියමිතය. අතිගරු ජනාධිපති මෛත්‍රීපාල සිරිසේන මැතිතුමන්ගේ සුරතින් හෙට උදෑසන නව හමුදා මූලස්ථාන සංකීරණය විවෘත කරනු ඇත.
දියේ ගිලීම් වළක්වා ගැනීම පිළිබඳව පාසැල් සිසුන් දැනුවත් කෙරේ
ජනාධිපති මහලේකම් කාර්යාලයේ “රට වෙනුවෙන් එකට සිටිමු” කොළඹ දිස්ත්‍රික්කයේ පැවැත්වෙන වැඩසටහන යටතේ දෙහිවල දෙමළ මහා විද්‍යාලයේ පාසල් ළමුන් වෙනුවෙන් ශ්‍රී ලංකා වෙරළාරක්‍ෂක බලකාය විසින් දියේ ගිලීම් වළක්වා ගැනීම පිළිබඳව දැනුවත් කිරීමේ වැඩසටහනක් මෑතකදී පවත්වා ඇත.
එක්සත් ජාතීන්ගේ සාම සාධක රාජකාරියේ යෙදී සිටියදී මාලි රාජ්‍යයේදී මියගිය හමුදා සාමාජිකයින් දෙදෙනෙකුට වන්දි මුදල් පිරිනැමේ
මේ වසරේ ජනවාරි 25 වන දින මාලි රාජ්‍යයේ බහුවිධ ඒකාබද්ධ ස්ථායිභාවය ඇති කිරීමේ මෙහෙයුම් මූලස්ථානයේ (MINUSMA) රාජකාරියේ යෙදී සිටියදී මියගිය ශ්‍රී ලංකා යුද හමුදා සාම සාධක භටයන් දෙදෙනා වෙනුවෙන් වන්දි මුදල් පිරිනැමීම අඟහරුවාදා දින (නොවැම්බර් 05) යුද හමුදා මූලස්ථානයේදී සිදුකරන ලදි.
ඇෆ්ගනිස්ථාන තානාපති ආරක්ෂක රාජ්‍ය අමාත්‍යතුමන් හමුවෙයි
ඇෆ්ගනිස්ථාන තානාපති අතිගරු එම් අෂ්රෆ් හයිදරි (M Ashraf Haidari) මහතා අද (නොවැම්බර් 05) අමාත්‍යාංශ පරිශ්‍රයේදී ජනමාධ්‍ය සහ රාජ්‍ය ආරක්ෂක අමාත්‍ය ගරු රුවන් විජේවර්ධන මහතා හමුවිය.
පෝලන්ත රාජ්‍ය නියෝජිතයකු ආරක්ෂක ලේකම් හමුවෙයි
අග්‍රාමාත්‍ය විශේෂ සේවා අමාත්‍ය සම්බන්ධීකාරක සහ පෝලන්ත ජනරජයේ අගමැති කාර්යාලයේ ජාත්‍යන්තර මැදිහත්කරුගේ උපදේශක ජේකබ් ග්ලෝවක්සියුස්කි මහතා අද (නොවැම්බර් 05) ආරක්ෂක අමාත්‍යාංශයේ ලේකම් ජෙනරාල් එස්.එච්.එස්.කොට්ටෙගොඩ (විශ්‍රා) ඩබ්ඩබ්වී ආර්ඩබ්පි ආර්එස්පි වීඑස්වී යුඑස්පි එන්ඩිසී මහතා අමාත්‍යංශ පරිශ්‍රයේදී හමුවිය.
පර්යේෂණ හා සංවර්ධන මධ්‍යස්ථානයේ නව සොයාගැනීම් යුද්ධ හමුදාව වෙත භාර දෙයි
ආරක්ෂක අමාත්‍යාංශයේ පර්යේෂණ හා සංවර්ධන මධ්‍යස්ථානය (CRD) විසින් සිදු කරන ලද නව සොයාගැනීම් කිහිපයක් අද (නොවැම්බර් 05) අමාත්‍යංශ පරිශ්‍රයේදී පැවති උත්සවයකදී ශ්‍රී ලංකා යුද්ධ හමුදාව වෙත භාර දෙන ලදී.
බණ්ඩාරනායක ජාත්‍යන්තර ගුවන් තොටුපලට මත්ද්‍රව්‍ය සහ පුපුරණ ද්‍රව්‍ය හඳුනාගැනීමේ රොබෝ යන්ත්‍ර දෙකක්
ශ්‍රී ලංකා පොලිස් මත්ද්‍රව්‍ය කාර්යාංශය විසින් ඉතිහාසයේ ප්‍රථම වරට බණ්ඩාරනායක ජාත්‍යන්තර ගුවන් තොටුපල තුල ගමන් මලු සහ අනෙකුත් උපකරණ පරීක්‍ෂා කිරීම සඳහා නව රොබෝ යන්ත්‍ර දෙකක් යෙදවීමට කටයුතු කරන ලදි.
අසරණ පවුලකට ගුවන් හමුදාවෙන් නව නිවසක්
ශ්‍රී ලංකා ගුවන් හමුදාව විසින් අවශ්‍යතා සහිත පවුලක් වෙනුවෙන් ඉදිකරන ලද නව නිවසක් එහි හිමිකරුවන් වෙත පරිත්‍යාග කර ඇත.
යුරෝපා සංගම් මැතිවරණ නිරීක්‍ෂණ නියෝජිතයින් ආරක්ෂක ලේකම් හමුවෙයි
යුරෝපා සංගම් මැතිවරණ නිරීක්‍ෂණ ආරක්ෂක විශේෂඥ මෙහෙයුම් (EU EOM) මැනුවෙල් ඇමරිල්ලා මහතා සහ ආරක්ෂක අමාත්‍යංශයේ ලේකම් ජෙනරාල් එස්.එච්.එස්. කොට්ටෙගොඩ (විශ්‍රා) ඩබ්ඩබ්වී ආර්ඩබ්පී ආර්එස්පී වීඑස්වී යුඑස්පී එන්ඩිසී මහතා අතර අමාත්‍යාංශ පරිශ්‍රයේදී අද (නොවැම්බර් 01) දින සාකච්ඡාවක් පැවැත්විණි.
ලාහුගල වනාන්තරයට ගුවන් හමුදාව බීජ ගුවන් මගින් ඉසියි
ශ්‍රී ලංකා ගුවන් හමුදාව විසින් ශ්‍රී ලංකා වන සංරක්‍ෂණ දෙපාර්තමේන්තුව, මාස් හෝල්ඩින්ග්ස් සහ පේරාදෙණිය විශ්ව විද්‍යාලය සමඟ එක්ව ශ්‍රී ලංකාවේ වන ඝනත්වය ඉහළ නැංවීම වෙනුවෙන් දෙවන බීජ ගුවන් මගින් ඉසීමේ වැඩසටහන අම්පාර ලාහුගල වනාන්තරයේදී මෙම සතිය ආරම්භයේදී දියත් කරන ලදී.
උතුරු පළාතේ අවශ්‍යතා සහිත වුවන් වෙනුවෙන් කෘතීම අත්පා බෙදාදීමේ වැඩසටහනක්
ශ්‍රී ලංකා යුද්ධ හමුදාව විසින් උතුරු පළාතේ තෝරාගත් අඩු ආදායම්ලාභී ආබාධිත සිවිල් වැසියන් වෙනුවෙන් බ්‍රහස්පතින්දා දින (ඔක්තෝබර් 30) කෘතීම අත්පා බෙදාදීමේ වැඩසටහනක් සිදුකරන ලදී.
ශ්‍රී ලංකා යුද හමුදා බිම්වෙඩි හඳුනාගැනීමේ සුනඛයා සහ හසුරුවන්නා හොඳම මානුෂවාදී බිම්වෙඩි ඉවත් කිරිමේ සුනඛ කණ්ඩය බවට පත්වේ
ශ්‍රී ලංකා යුද්ධ හමුදාවේ බිම් වෙඩි හඳුනාගැනීමේ සුනඛයා ‘සැමී’ සහ හසුරුවන්නා වන 5 වන ක්‍ෂේත්‍ර ඉංජිනේරු රෙජිමේන්තුවේ ලාන්ස් කෝප්‍රල් පී.ජී නිශාන්ත බංඩාර වොෂිංටන්හි මාෂල් ලෙගසි ආයතනය විසින් ‘2019 වසරේ හොඳම කණ්ඩායම’ ලෙස තෝරාගෙන ඇත.