නවතම පුවත්
අඩු ආදයම්ලාභී පවුල් වෙනුවෙන් නව නිවසක් ඉදිකිරීමට මුල්ගල තැබේ
ශ්‍රී ලංකා යුධ හමුදා සහයෝගීතා සමාජ වගකීමේ ව්‍යාපෘතිය යටතේ වන්නි ප්‍රදේශයේ අඩු ආදායම්ලාභී දිළිඳු පවුලක් සඳහා නව නිවසක් ඉදිකිරීම සඳහා මුල්ගල තැබීමේ උත්සවයක් පසුගිය බ්‍රහස්පතින්දා (අගෝස්තු 08) වන දින උරාව මහසෙන්පුර ප්‍රදේශයේදී පැවති බව යුධ හමුදා මාධ්‍ය පවසයි.
ගම්පහ ප්‍රදේශයේ සිවිල් ජනතාව වෙනුවෙන් ජීවිතාරක්‍ෂක වැඩමුළුවක්
ජලයෙන් ආරක්‍ෂා වීම, දියේ ගිලීම වැලැක්වීම සහ ප්‍රථමාධාර පිළිබඳව සිවිල් වැසියන් හා විශේෂයෙන්ම ධීවර ප්‍රජාව දැනුවත් කිරීමේ අරමුණින් ශ්‍රී ලංකා වෙරළාරක්‍ෂක ජීවිතාරක්‍ෂක පුහුණු පාසල විසින් ජීවිතාරක්‍ෂක සහ දියේ ගිලී යාම් වැළැක්වීමේ දැනුවත් කිරීමේ වැඩමුළුවක් පවත්වන ලදී.
මුලතිව් පෙර පාසලක් නවීකරණයට යුධ හමුදාවේ සහාය
ශ්‍රී ලංකා යුද්ධ හමුදාවේ 68 වන සේනාංකයේ 681 බලසේනාව යටතේ රාජකාරී කරන 14 වන විජයබාහු පාබල රෙජිමේන්තුවේ භඨ පිරිස් පසුගිය අගහරුවාදා (අගෝස්තු 06) දින මුලතිව් කලෙයිවානෙ අම්පලවාන්පොක්කනෙයි ප්‍රදේශයේ පෙර පාසලක් සඳහා එළිමහන් ක්‍රීඩා පහසුකම් සංවර්ධනය සඳහා එනම් ළමා ක්‍රීඩා පිටියට නව අංගයන් එක් කිරීමට ඔවුන්ගේ පලපුරුද්ද සහ ශ්‍රම දායකත්වය ලබා දෙන ලදී.
හමුදා සම්බන්ධතා නිළධාරී ආරක්ෂක උපදේශකයින්ගේ රැස්වීම මෙහෙයවයි
ආරක්ෂක උපදේශකයින්ගේ අර්ධ වාර්ෂික රැස්වීම බ්‍රහස්පතින්දා (අගෝස්තු 08) දින හමුදා සම්බන්ධතා නිලධාරී බ්‍රිගේඩියර් ටී ජේ කොඩිතුවක්කු මහතා විසින් මුලසුන දැරූ අතර රැස්වීම ආරක්ෂක අමාත්‍යාංශ ශ්‍රවණාගාරයේදී පැවැත්විණි.
ආරක්ෂක ලේකම් නැගෙනහිර සංචාරයක
ආරක්ෂක අමාත්‍යංශයේ ලේකම් ජෙනරාල් එස්.එච්.එස්.කෝට්ටෙගොඩ (විශ්‍රා) ඩබ්ඩබ්වී ආර්ඩබ්පි ආර්එස්පි වීඑස්වී යුඑස්පි එන්ඩිසී මහතා අද (අගෝස්තු 10) දින නැගෙනහිර ප්‍රදේශයේ ආරක්ෂක හමුදා ස්ථානගතවීම සහ වත්මන් තත්වය පිළිබඳව පරීක්ෂා කර බැලීමේ අරමුණින් සංචාරයක නිරත විය. ආරක්ෂක ලේකම් ධුරයට පත්වීමෙන් පසු නැගෙනහිර කලාපයේ සිදු කල පළමු නිල සංචාරයයි.
ජනපති හා කාම්බෝජ අගමැති හමුවෙයි
කාම්බෝජයේ රාජ්‍ය සංචාරයක නිරත ජනාධිපති ගරු මෛත්‍රීපාල සිරිසේන මැතිතුමා සහ කාම්බෝජ අග‍්‍රාමාත්‍ය Samdech Akka Moha Sena Pakdei Techo HUN SEN මහතා අතර හමුව අද (08) පස්වරුවේ සිදුවිය.
කාලගුණ වාර්තා වලට අනුව තද සුළං තත්වයක්
දිවයිනේ ප්‍රදේශ කිහිපයක හදිසි සුළං තත්වයක් ඇතිවිය හැකි බවට කාලගුණ විද්‍යා දෙපාර්තමේන්තුව අණතුරු අඟවා තිබේ. ආපදා කළමනාකරණය මධ්‍යස්ථානය පූර්ව අනතුරු ඇඟවීමේ අවවාධාත්මක රතු අනතුරු ඇඟවීමක්...
අසාධ්‍ය තත්වයේ පසු වූ ධීවරයෙකු වෛද්‍ය ප්‍රථිකාර සඳහා ගොඩබිම වෙත රැගෙන එයි
ඉරණතිව් දුපතේදී නාගයකු දෂ්ඨ කිරීම හේතුවෙන් අසාධ්‍ය තත්ත්වයේ සිටි දේශීය ධීවරයෙකු අඟහරුවාදා (අගෝස්තු 06) දින නාවික හමුදා භටයන් විසින් ප්‍රතිකාර සඳහා ගොඩබිමට රැගෙන එන ලදී.
දිවංගත ෆැස්ලි ලෆීර් අනුස්මරණ දේශණය - ජාතික ආරක්ෂක අධ්‍යයන ආයතනය ශ්‍රී ලංකාව
ජාතික ආරක්ෂක අධ්‍යයන ආයතනය ශ්‍රී ලංකාව (INSSSL) හිදී වාර්ෂික දේශණ මාලාවේ එක් දේශණයක් අද (අගෝස්තු 07) දින බත්තරමුල්ල සුහුරුපාය ශ්‍රවණාගාරයේදී පවත්වන ලදී.
නවසීලන්ත මහ කොමසාරිස්වරිය ආරක්ෂක ලේකම් හමුවෙයි
නවසීලන්ත මහ කොමසාරිස්වරිය වන ජොආනා කෙම්ප්කර්ස් (H E Mrs. Joanna Kempkers) මහත්මිය අද (අගෝස්තු 07) දින ආරක්ෂක අමාත්‍යංශයේ ලේකම් ජෙනරාල් එස්.එච්.එස්.කෝට්ටෙගොඩ (විශ්‍රා) ඩබ්ඩබ්වී ආර්ඩබ්පි ආර්එස්පි වීඑස්වී යුඑස්පි එන්ඩිසී මහතා අමාත්‍යංශ පරිශ්‍රයේ දී හමුවිය.
විශේෂ ආරක්ෂක විධිවිධාන මධ්‍යයේ මහනුවර ඇසල පෙරහැර සාර්ථකව පැවැත්වේ
සඳුදා (අගෝස්තු 05) දින ආරම්භ වූ වාර්ෂික ඇසල පෙරහැර අද (07) වීදි සංචාරය කරන තෙවන දිනයයි. ආරක්ෂක මෙහෙයුම් සඳහා ප්‍රමාණවත් ත්‍රිවිධ හමුදා, පොලිස්, විශේෂ කාර්ය බලකා සහ සිවිල් ආරක්ෂක දෙපාර්තමේන්තු නිලධාරීන් යොදවා ඇති අතර දැඩි ආරක්ෂක විධිවිධානයන් ක්‍රියාත්මක වේ.
යුද්ධ හමුදාවෙන් අඩු ආදායම්ලාභි පවුලකට නව නිවසක්
ශ්‍රී ලංකා යුද්ධ හමුදාව විසින් ඉදිකරන ලද නව නිවසක් යාපනයේ අඩු ආදායම්ලාභි පවුලකට පරිත්‍යාග කරන ලදී. යුධ හමුදා නිල වෙබ් අඩවියට අනුව පසුගිය සඳුදා (අගෝස්තු 05) දින කොඩිකාමම් හි දී පැවති උත්සවයකදී මෙම නිවස රාජරත්තිරම් ජයකුමාරි මහත්මිය සහ ඇයගේ පවුලේ සාමාජිකයන් වෙත භාර දී තිබේ.
කොළඹ ආරක්ෂක සමුළුව - 2019 අගෝස්තු මස අවසානයේදී
කොළඹ ආරක්ෂක සමුළුව - 2019 මේ මස (අගෝස්තු) අවසානයේ කොළඹදී පැවැත්වීමට නියමිතය. යුද හමුදා නිල වෙබ්අඩවියට අනුව ශ්‍රී ලංකා යුද්ධ හමුදාව විසින් වාර්ෂිකව සංවිධානය කරනු ලබන දෙදින ජාත්‍යන්තර ආරක්ෂක සමුළුව 29 වන දින උදෑසන බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී (BMICH) ආරම්භ වන අතර 30 වන දින සමාප්ති උත්සවය පැවැත්වීමට නියමිතය.
කොතලාවල ආරක්ෂක විශ්වවිද්‍යාලීය දක්‍ෂිණ මණ්ඩපයට නව ශ්‍රවණාගරයක්
ජෙනරාල් ශ්‍රීමත් ජෝන් කොතලාවල ආරක්ෂක විශ්වවිද්‍යාලීය (KDU) දක්‍ෂිණ මණ්ඩපයේ නවතමයෙන් ඉදිකරන ලද ශ්‍රවණාගාරය ඉරිදා (අගෝස්තු 04) දින විවෘත කරන ලදී. නාවික හමුදා මාධ්‍යයට අනුව, මෙම නව ශ්‍රවණාගාරය නාවික හමුදාධිපති වයිස් අද්මිරාල් පියල් ද සිල්වා විසින් විවෘත කර ඇත.
ජෙනරාල් ශ්‍රිමත් ජෝන් කොතලාවල ආරක්ෂක විශ්වවිද්‍යාලයේ 12 වන ජාත්‍යන්තර පර්යේෂණ සමුළුව 2019 සැප්තැම්බර් මාසයේදී
ජෙනරාල් ශ්‍රිමත් ජෝන් කොතලාවල ආරක්ෂක විශ්වවිද්‍යාලය විසින් සංවිධානය කරන 12 වන ජාත්‍යන්තර පර්යේෂණ සමුළුව 2019 සැප්තැම්බර් මස 11 සහ 12 යන දෙදින තුළ පැවැත්වේ. ‘නව තාක්‍ෂණය හමුවේ මානව වර්ගයාට ඇති අභියෝග’ යන තේමාව යටතේ දෙදින සමුළුව පැවැත්වේ.
ශ්‍රී නාගපූසානි අම්මාන් කොවිලේ වාර්ෂික ‘ආදිපුරම් පූජාව’ සදහා නාවික හමුදා සහාය
නයිනතිව් දූපතේ ශ්‍රී නාගපූසානි අම්මාන් කෝවිලේ වාර්ෂික ‘ආදිපූරම් පූජාව’ අගෝස්තු 03 වන දින පැවැත්විණි. නාවික හමුදා මාධ්‍යන්ට අනුව, වාර්ෂිකව පැවැත්වෙන මෙම හින්දු ආගමික උත්සවය සාර්ථක කර ගැනීම සදහා උතුරේ ශ්‍රී ලංකා නාවික හමුදා සාමාජිකයින් විසින් සහාය ලබා දී තිබේ.
කිලිනොච්චි යුධ හමුදා සාමාජිකයින්ගෙන් ප්‍රදේශවාසීන්ට ආධාර
කිලිනොච්චි ප්‍රදේශයේ ශ්‍රී ලංකා යුධ හමුදා සාමාජිකයින් සාමාන්‍ය ජනතාවගේ අවශ්‍යතා පිළිබඳව අවධානය යොමුකරමින් ඔවුන්ට පානීය ජලය ගබඩා කිරීම සඳහා අවශ්‍ය ජල ටැංකි ලබා දීමට කටයුතු කර ඇත.
ආරක්ෂක ලේකම් මහනුවර ඇසල පෙරහැර ආරක්ෂක තත්වය සොයා බැලීමේ සංචාරයක
හෙට සිට ඇරඹෙන ඇසල පෙරහැරේ උපරිම ආරක්‍ෂාව සහතික කිරීම සඳහා අවශ්‍ය සියලු පියවර ගෙන ඇති බව ආරක්ෂක ලේකම් ජෙනරාල් එස්.එච්.එස්.කෝට්ටෙගොඩ (විශ්‍රා) ඩබ්ඩබ්වී ආර්ඩබ්පි ආර්එස්පි වීඑස්වී යුඑස්පි එන්ඩිසී මහතා පැවසීය
ශ්‍රී ලංකා වාසී ජනතාවගේ ආරක්‍ෂාව සහතික කර ඇති අතර සංචාරය කිරීම සදහා රට ආරක්‍ෂිත වේ
අවාසනාවන්ත අපේ‍්‍රල් බෝම්බ ප‍්‍රහාරයෙන් පසුව රටේ ආරක්‍ෂාව සහ ජනතාවගේ ආරක්‍ෂාව සහතික කිරීම සඳහා රජය විසින් අවශ්‍ය සියලු ආරක්ෂක විධිවිධාන ගෙන ඇත. පූජනීය ස්ථාන, පොදු ස්ථාන, සංචාරක ස්ථාන, රාජ්‍ය ආයතන, ගුවන්තොටුපල, වරාය, රෝහල් ආදිය සඳහා ආරක්‍ෂාව සැපයීම සඳහා ත්‍රිවිධ හමුදාව, පොලීසිය, බුද්ධි අංශ සහ අනෙකුත් රාජ්‍ය ආරක්ෂක ආයතන සමඟ විශේෂ දිවයින පුරා පූර්ව ආරක්ෂක පියවරයන් ගෙන තිබේ
යුද්ධ හමුදා භටපිරිස් මහනුවර නගරය පිරිසිදු කිරීමේ ව්‍යාපෘතිය සඳහා එක්වෙයි
වාර්ෂික ශ්‍රී දළදා පෙරහැර උත්සවය ආරම්භ කිරීමට පෙර මහනුවර නගරය සහ තදාසන්න ප්‍රදේශය පිරිසිදු කිරීමේ අරමුණින් මධ්‍යම පළාත් කෘෂිකර්ම අමාත්‍යාංශය විසින් පසුගිය ජූලි මස 28 සහ 29 දිනයන්හි දියත් කරනු ලැබූ විශේෂ වැඩසටහනක් සඳහා මධ්‍යම ආරක්ෂක සේනා මූලස්ථානය යටතේ ස්ථාපිත 11 වන සේනාංකයට අනුයුක්තව සේවයේ නියුතු යුද්ධ හමුදා සාමාජිකයින් 94 දෙනෙකු සහභාගි වූහ.
වන්නි නවෝත්පාදන ප්‍රදර්ශනය - 2019
ශ්‍රී ලංකා යුද්ධ හමුදාව විසින් සංවිධානය කරනු ලැබූ ‘වන්නි නවෝත්පාදන ප්‍රදර්ශනය - 2019’ පදවිය - පරාක්‍රමපුරහිදී පසුගිය සතියේ පැවැත්විණි. යුධ හමුදා මාධ්‍යයට අනුව මෙම ප්‍රදර්ශනය ජූලි මස 26 සහ 27 දෙදින පුරා විශාල ජනකායකගේ සහභාගිත්වයෙන් පදවිය මහජන ක්‍රීඩාංගනයේදී පැවැත්විණි
කිලිනොච්චියේ දී ‘අංගම්පොර’ සටන් කලා ගම්මානය පිහිටුවයි
වසර 5000 කට අධික ඉතිහාසයකට උරුමකම් කියන ‘අංගම්පොර’ ආදීවාසී ශ්‍රී ලාංකීක සටන් කලාව අඛණ්ඩව පුනර්ජීවනය කිරීම සඳහා ශ්‍රී ලංකා යුද්ධ හමුදාව සිය පුරාවෘත්තය පිළිබඳ දැනුම හා දක්‍ෂතාවය ලබාදෙමින්, එහි තවත් සුවිශේෂි පියවරක් ඉදිරියට තබමින් කිලිනොච්චි ආරක්ෂක සේනා මූලස්ථානයට යාබදව පිහිටි ඉරානමඩු වැව් බැම්ම අසල ස්ථාපිත කරන ලද ‘අංගම්පොර’ සටන් කලා ගම්මානය ඉකුත් සිකුරාදා (26) දින පැවති විධිමත් උත්සවයකදී, චාරිත්‍රානුකූලව විවෘත කරන ලදී.
හමුදා සාකච්ඡා වැඩසටහන - 2019
හමුදා සාකච්ඡා වැඩසටහන - 2019 හි 3 වන සැසිවාරය රත්මලාන ශ්‍රී ලංකා ගුවන් හමුදා කඳවුරේදී පැවැත්විණි. සංහිදියා යාන්ත්‍රණ පිලිබද සම්බන්ධීකරණ ලේකම් කාර්යාලයේ (SCRM) අනුග්‍රහය යටතේ ශ්‍රී ලංකා ගුවන් හමුදාව විසින් සංවිධානය කරන ලද දෙදින සාකච්ඡාව සදුදා (ජුලි 22) දින ආරම්භ වූ බව ගුවන් හමුදා මාධ්‍ය වාර්තා කරයි.
ජපානය සහ ශ්‍රී ලංකාව අතර ආරක්ෂක සහයෝගිතා සහ හුවමාරුව පිළිබද අවබෝධතා ගිවිසුමක්
ආරක්ෂක රාජ්‍ය අමාත්‍ය ගරු රුවන් විජේවර්ධන මහතා සහ ජපාන ආරක්ෂක අමාත්‍ය කෙන්ජි හරදා (Kenji Harada) මහතා අතර ආරක්ෂක සහයෝගිතා සහ හුවමාරුව පිළිබද අවබෝධතා ගිවිසුමක් අද (ජූලි 26) දින අත්සන් තැබුණි.
ශ්‍රී ලංකා සහ පාකිස්ථානු නාවික හමුදාව අතර තෙවන මාණ්ඩලික සාකච්ඡාව කොළඹදී
ශ්‍රී ලංකා නාවික හමුදාව (SLN) සහ පාකිස්ථාන නාවික හමුදාව (PN) අතර තෙවන මාණ්ඩලික සාකච්ඡාව බදාදා (ජූලි 24) දින සාර්ථකව අවසන් විය. නාවික හමුදා මාධ්‍යයට අනුව, දෙදිනක් පුර පැවැත්වූ ‘මාණ්ඩලික සාකච්ඡා’ අඟහරුවාදා (ජූලි 23) දින කොළඹ ලයිට් හවුස් ගැලේ හිදී ආරම්භ විය.