නවතම පුවත්
රණවිරු දරුවන් පස් දෙනෙකුට අධ්‍යාපන ශිෂ්‍යත්ව
අපොස සාමාන්‍ය පෙළ විභාගයෙන් විශිෂ්ට ලෙස සමත් ව විශිෂ්ට සාමාර්ථ 9ක් ලබා ගත් රණවිරු දරුවන් 5 දෙනෙකු සඳහා අධ්‍යාපනික ශිෂ්‍යත්ව පිරිනැමීමේ විශේෂ වැඩසටහනක් රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්‍රාමික) ආරාධනයෙන් අද දින සිදු කෙරිණි.
ශ්‍රී ලංකා ගුවන් හමුදාව ඇල්ල ප්‍රදේශයේ ගින්න නිවා දමයි
කොළඹ ආපදා කළමනාකරණ මධ්‍යස්ථානයේ ඉල්ලීමකට අනුව ශ්‍රී ලංකා ගුවන් හමුදාව බෙල් 212 හෙලිකොප්ටරයක් යොදා ගනිමින් බම්බි බකට් මෙහෙයුම් සිදුකර බදුල්ල දිස්ත්‍රික්කයේ ඇල්ල ප්‍රදේශයේ ඊයේ (ජුලි 23) ඇති වූ හදිසි ගින්නක් මැඩපවත්වා ඇත.
ජාත්‍යන්තර කඩොලාන සංරක්ෂණ දිනයට සමගාමීව නාවික හමුදාව මඟින්
කඩොලාන රෝපණය කිරීමේ වැඩසටහනක්
ජුලි මස 26 වන දිනට යෙදෙන ජාත්‍යන්තර කඩොලාන සංරක්ෂණ දිනයට සමගාමීව නාවික හමුදාව විසින් පරිසර අමාත්‍යංශය හා එක්ව, කල්පිටිය කප්පලාඩි ප්‍රදේශයේ සහ මල්වතුඔය මෝය ආශ්‍රිත ප්‍රදේශයේ කඩොලාන පැළ රෝපණය කිරීමේ වැඩසටහනක් 2023 ජුලි මස 14 සහ 21 වන දින පැවැත්වීමට කටයුතු කෙරිණි.
ශ්‍රී ලංකා යුද්ධ හමුදා ස්නයිපර් වෙඩික්කරුවන් ‘Sharp Blade-2023’ ජාත්‍යන්තර ස්නයිපර් තරඟාවලියේ හොඳම කණ්ඩායම්
ක්‍රියාකාරකමට හිමි සම්මානය චීනයේ දි දිනාගනි
චීනයේ, උරුම්කි ප්‍රදේශයේ චීන මහජන සන්නද්ධ පොලිස් බලකායේ පුහුණු කඳවුරකදී පැවති ‘Sharp Blade-2023’ ජාත්‍යන්තර ස්නයිපර් තරඟාවලියේදී ශ්‍රී ලංකා යුද්ධ හමුදාවේ ස්නයිපර් වෙඩික්කරුවන් හොඳම කණ්ඩායම් ක්‍රියාකාරකමට හිමි සම්මානය දිනාගත්හ.
ජපාන සමුද්‍රීය ස්වයං ආරක්ෂක බලකායේ නියෝජිත පිරිසක්
වැඩබලන ආරක්ෂක අමාත්‍යවරයා හමුවෙයි
ජපාන සමුද්‍රීය ස්වයං ආරක්ෂක බලකායේ නියෝජිත පිරිසක් පසුගිය සිකුරාදා (ජුලි 21) වැඩබලන ආරක්ෂක අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා කොළඹ පිහිටි ඔහුගේ කාර්යාලයේදී හමුවිය.
තුර්කි තානාපතිනිය වැඩබලන ආරක්ෂක ඇමති හමුවෙයි
ශ්‍රී ලංකාවේ තුර්කි තානාපති අතිගරු R. Demet Sekercioglu මැතිනිය වැඩබලන ආරක්ෂක අමාත්‍ය ගරු. ප්‍රමිත බණ්ඩාර තෙන්නකෝන් මැතිතුමා අද (ජුලි 21) ආරක්ෂක රාජ්‍ය අමාත්‍යාංශයේ දී හමු විය.
JMSDF SAMIDARE (DD-106) නෞකාව කොළඹ වරායට සේන්දු වේ
නිල සංචාරයක් සඳහා කොළඹ වරායට පැමිණි ජපාන සමුද්‍රීය ස්වංආරක්‍ෂක බලකායේ Destroyer SAMIDARE නෞකාව ශ්‍රී ලංකා නාවික හමුදාව විසින් අද (ජූලි 20) නාවික සම්ප්‍රදායානුකූලව පිළිගන්නා ලදි.
යාපනය ජාත්‍යන්තර ගුවන්තොටුපළ පිළිබඳ තර්ජන
තක්සේරු වාර්තාව ඉදිරිපත් කරයි
සිවිල් ගුවන් සේවා තර්ජන තක්සේරු කිරීමේ කමිටුව අද (ජූලි 19) යාපනය ජාත්‍යන්තර ගුවන්තොටුපලේ සිය විස්තීර්ණ තර්ජන තක්සේරු වාර්තාව ජාතික බුද්ධි ප්‍රධානී මේජර් ජෙනරල් රුවන් කුලතුංග වෙත නිල වශයෙන් භාර දෙන ලදී.
ධූරයෙන් නික්ම යන ඉන්දීය නියෝජ්‍ය මහ කොමසාරිස්
ආරක්ෂක රාජ්‍ය අමාත්‍යවරයා හමුවෙයි
කොළඹ ඉන්දීය මහ කොමසාරිස් කාර්යාලයේ නියෝජ්‍ය මහ කොමසාරිස් විනෝද් කුරියන් ජේකබ් මැතිතුමා සිය ධූරකාලය නිම කිරීමෙන් අනතුරුව ඊයේ (ජුලි 18) ආරක්ෂක රාජ්‍ය අමාත්‍ය කාර්යාලයේදී ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා හමුවිය.
ඉරණමඩු ගුවන් හමුදා කඳවුරේ සාමාජිකයින්
සිවිල් වැසියන් වෙනුවෙන්ප්‍රජා සත්කාර වැඩසටහනක්
ශ්‍රී ලංකා ගුවන් හමුදා ඉරණමඩු කඳවුර මගින් ප්‍රදේශයේ අඩු ආදායම්ලාභී පවුල් සඳහා ආධාර ලබාදීමේ වැඩසටහනක් කිලිනොච්චිය කල්මඩුනගර් ප්‍රාථමික විද්‍යාලයේදී පසුගියදා සංවිධානය කර තිබු අතර, එහිදී සිවිල් වැසියන්ට අත්‍යාවශ්‍ය වියළි සලාක මල්ලක් සහ ළමුන් සඳහා පාසල් නිල ඇඳුම් බෙදාදීමක් සිදුකරන ලදි.
ශ්‍රී ලංකා යුද හමුදා සහ නාවික හමුදා ක්‍රීඩක ක්‍රීඩිකාවන්
ආසියානු මලල ක්‍රීඩා ශූරතාවලියේදී දිදුලයි
තායිලන්තයේ බැංකොක් නුවර පැවැත්වෙන ආසියානු මලල ක්‍රීඩා ශූරතාවලිය - 2023 සඳහා සහභාගී වන ශ්‍රී ලංකා යුද හමුදා සහ නාවික හමුදා ක්‍රීඩක ක්‍රීඩිකාවන් රන්, රිදී සහ ලෝකඩ පදක්කම් ඇතුළු පදක්කම් කිහිපයක් දිනා ගැනීමට සමත් විය.
ආරක්ෂක ලේකම් කොළඹ විවෘත දුනු විදීමේ ජාත්‍යන්තර තරඟාවලියට එක්වේ
දියගම මහින්ද රාජපක්‍ෂ ක්‍රීඩාංගණයේදී පැවති කොළඹ විවෘත දුනු විදීමේ ජාත්‍යන්තර තරඟාවලියේ ප්‍රධාන ආරාධිත අමුත්තා ලෙස ආරක්ෂක ලේකම් ජෙනරල් කමල් ගුණරත්න සහභාගී විය.
නව යුද හමුදා මාණ්ඩලික ප්‍රධානී මේජර් ජෙනරල් සංජය වනසිංහ
ශ්‍රී ලංකා යුද හමුදාවේ නව මාණ්ඩලික ප්‍රධානි ලෙස මේජර් ජෙනරල් සංජය වනසිංහ අද (ජූලි 15) දින පත් කරන ලදි.
ධූරයෙන් නික්ම යන ඉන්දීය නියෝජ්‍ය මහකොමසාරිස්
ආරක්ෂක ලේකම් හමුවෙයි
කොළඹ ඉන්දීය මහ කොමසාරිස් කාර්යාලයේ නියෝජ්‍ය මහකොමසාරිස් විනෝද් කුරියන් ජේකබ් මැතිතුමා සිය ධූරකාලය නිම කිරීමෙන් අනතුරුව අද (ජුලි 13) ආරක්ෂක අමාත්‍යාංශයේදී ආරක්ෂක ලේකම් ජෙනරල් කමල් ගුණරත්න හමුවිය.
තායිලන්තයේ පැවැත්වෙන 25 වන අසියානු මලල ක්‍රීඩා ශූරතාවලියේදී
ශ්‍රී ලංකා නාවික හමුදා ක්‍රීඩිකා ගයන්තිකා අබේරත්න
මිටර් 1500 කාන්තා ධාවන ඉසව්වෙන් ලෝකඩ පදක්කමක් දිනා ගනියි
තායිලන්තයේ බැංකොක් නුවර ජාතික ක්‍රීඩාංගණයේදී පැවැත්වෙන, 25 වන අසියානු මලල ක්‍රීඩා ශූරතාවලිය සඳහා ශ්‍රී ලංකාව නියෝජනය කරමින් අද දින (2023 ජුලි 12) පැවති මිටර් 1500 කාන්තා ධාවන ඉසව්ව සඳහා ඉදිරිපත් වූ ශ්‍රී ලංකා නාවික හමුදාවේ කාන්තා සුළු නිලධාරී ගයන්තිකා අබේරත්න ක්‍රීඩිකාව, එම ඉසව්වේ ලෝකඩ පදක්කම මව්බිමට දිනාදීමට සමත් විය.
කොළඹ ආරක්ෂක සමුළුව 2023 මාර්ගගත ක්‍රමය ඔස්සේ ආරම්භ වේ
දකුණු ඉන්දීය සාගර කලාපයේ අන්තර් සම්බන්ධතාවය සහ ආරක්ෂක සහයෝගීතාවය ශක්තිමත් කිරීම අරමුණු කරගත් 7 වැනි කොළඹ ආරක්ෂක සමුළුව ඊයේ (2023 ජූලි 12) දින පැවැත්විණි.
වවුනියාව වෙළඳ සංගමයේ දෙමහල් පරිපාලන ගොඩනැගිලි සංකීර්ණය යුධ හමුදා භටපිරිස් ශ්‍රම දායකත්වයෙන් ඉදිවේ
ශ්‍රී ලංකා යුද හමුදා භටපිරිස් සිවිල් ජනතාව සහ හමුදා අතර සංහිඳියාව සහ සහයෝගීතාවය වර්ධනය කිරීමේ අරමුණින් වවුනියාව වෙළඳ ප්‍රජාව විසින් කරන ලද ඉල්ලීමකට අනුව දෙමහල් පරිපාලන ගොඩනැගිලි සංකීර්ණයක් පසුගියදා ඉදිකරන ලදි.
දකුණු මුහුදේදී අනතුරක් හේතුවෙන් පිළිස්සුම් තුවාල ලත් ධීවරයෙකු ගොඩබිමට රැගෙනවිත් ප්‍රතිකාර සඳහා යොමු කිරීමට නාවික හමුදා සහය
ගාල්ලේ සිට නාවික සැතපුම් 431ක් පමණ (කිලෝ මීටර් 798 ක් පමණ) ශ්‍රී ලංකාවට නිරිත දෙසින් වූ ගැඹුරු මුහුදු ප්‍රදේශයේ දී අනතුරක් හේතුවෙන් පිළිස්සුම් තුවාල ලත් මෙරට බහුදින ධීවර යාත්‍රාවක සිටි ධීවරයෙකු, කොළඹ සමුද්‍රීය සෙවීම් හා මුදවාගැනීම් සම්බන්ධීකරණ මධ්‍යස්ථානයේ සම්බන්ධීකරණයෙන් ගොඩබිමට රැගෙනවිත්, ප්‍රතිකාර සඳහා කඩිනමින් ගාල්ල කරාපිටිය රෝහල වෙත යොමු කිරිමට නාවික හමුදාව ඊයේ දින (2023 ජුලි 11) කටයුතු කෙරිණි.
.jpg)
ඉන්දීය විදේශ ලේකම් ජනපති හමු වෙයි
නිල සංචාරයක් සඳහා මෙරටට පැමිණි ඉන්දීය විදේශ ලේකම් විනේ මෝහන් ක්වාත්‍රා මහතා සහ ජනාධිපති රනිල් වික්‍රමසිංහ මහතා අතර හමුව අද (11) පෙරවරුවේ ආරක්ෂක අමාත්‍යාංශයේ දී සිදු විය.
ශ්‍රී ලංකා ගුවන් හමුදාවේ නව මාණ්ඩලික ප්‍රධානිතුමන් පත් කෙරේ
ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපති ගරු රනිල් වික්‍රමසිංහ මහතා විසින් එයාර් වයිස් මාර්ෂල් ආර් එස් වික්‍රමරත්න මහතා ශ්‍රී ලංකා ගුවන් හමුදා මාණ්ඩලික ප්‍රධානි ලෙස පත් කිරීමට අනුමැතිය ලබා දී ඇති අතර ඒ අනුව 2023 ඡුලි 09 වන දින ගුවන් හමුදාධිපති එයාර් මාර්ෂල් උදේනි රාඡපක්ෂ මහතා විසින් එයාර් වයිස් මාර්ෂල් ආර් එස් වික්‍රමරත්න මහතා වෙත නිල වශයෙන් පත්වීම් ලිපිය ප්‍රදානය කරන ලදි.
මනම්පිටිය, කොටලීය පාලම අසලදී අනතුරට පත් බස් රථයේ මඟින් මුදවාගැනීමට යුද්ධ හමුදා භටපිරිස්හි සහයෝගය
මනම්පිටිය, කොටලීය පාලම අසලදී පසුගිය ඉරිදා (09) දින සන්ධ්‍යාවේ 7.30 ට පමණ කොටලීය ඔයට පෙරලුණු බස් රථයේ මඟින් මුදවාගැනීම සඳහා 12 ගැමුණු හේවා බලකායේ සහ ශ්‍රී ලංකා යුද්ධ පොලිස් හේවා බලකායේ භටපිරිස් කඩිනමින් සිය දායකත්වය දැක්වූහ.
නව ගුවන් හමුදාපති ආරක්ෂක ලේකම් හමුවෙයි
ශ්‍රී ලංකා ගුවන් හමුදාවට අභිනවයෙන් පත් වූ ගුවන් හමුදාපති එයාර් මාර්ෂල් උදේනි රාජපක්‍ෂ සිය ධූරයේ වැඩ භාර ගැනීමෙන් අනතුරුව ඊයේ (ජුලි 06) කෝට්ටේ, ශ්‍රී ජයවර්ධනපුර ආරක්ෂක මූලස්ථාන සංකීර්ණයේ දී ආරක්ෂක ලේකම් ජෙනරල් කමල් ගුණරත්න හමුවිය.
නීති විරෝධී මිනිස් සංක්‍රමණය සහ මත්ද්‍රව්‍ය ජාවාරම් මැඩලීමට දැඩි නීති -
ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන්
ඉන්දියන් සාගරය ඔස්සේ සිදුවන නීති විරෝධී මිනිස් සංක්‍රමණය සහ මත්ද්‍රව්‍ය ජාවාරම් මැඩපැවැත්වීම සඳහා දැඩි නීති ක්‍රියාත්මක කරන බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා පැවසීය.
නව ගුවන් හමුදාපති ආරක්ෂක රාජ්‍ය අමාත්‍යවරයා හමුවෙයි
ශ්‍රී ලංකා ගුවන් හමුදාවට අභිනවයෙන් පත් වූ ගුවන් හමුදාපති එයාර් මාර්ෂල් උදේනි රාජපක්‍ෂ සහ ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් අතර රාජකාරීන් භාර ගැනීමෙන් පසු ප්‍රථම හමුව රාජ්‍ය අමාත්‍ය කාර්යාලයේදී අද (ජුලි 06) සිදුවිය.
නික්ම යන පාකිස්ථාන මහ කොමසාරිස් කාර්යාලයේ ආරක්ෂක උපදේශක
ආරක්ෂක ලේකම් හමුවෙයි
ශ්‍රී ලංකාවේ පාකිස්ථාන මහ කොමසාරිස් කාර්යාලයේ ආරක්ෂක උපදේශක කර්නල් මුහම්මද් සෆ්දාර් ඛාන් සිය ධූරයේ රාජකාරී නිමාවෙන් අනතුරුව අද දින (ජූලි 06) ආරක්ෂක ලේකම්, ජෙනරල් කමල් ගුණරත්න ආරක්ෂක අමාත්‍යංශ පරිශ්‍රයේ දී හමුවිය.