නවතම පුවත්
මුලතිව් සහ යාපනයේ පවුල් දෙකකට හමුදාව විසින් නිවාස ඉදිකරේ
ශ්‍රී ලංකා යුද හමුදාවේ භට පිරිස් විසින් යාපනය සහ මුලතිව්හි පවුල් දෙකකට ඔවුන්ගේ නිවාස සිහිනය සැබෑ කරමින් තැනූ නව නිවාස දෙකක යතුරු නිවැසියන්ට ලබාදීමේ උත්සව පසුගියදා පවත්වනු ලැබිණි.
නැගෙනහිර මුහුදේ දී ආපදාවට පත් මෙරට බහුදින ධීවර යාත්‍රාවක්
කොඩ්බේ ධීවර වරාය වෙත නිරුපද්‍රිතව ඇදගෙන ඒමට නාවික හමුදා සහාය
ශ්‍රී ලංකා නාවික හමුදා මූලස්ථානයේ ස්ථාපිත කොළඹ, සමුද්‍රීය සෙවීම් සහ මුදවාගැනීම් සම්බන්ධීකරණ මධ්‍යස්ථානයේ (MRCC - Colombo) සම්බන්ධීකරණයෙන්, සිදුකල විශේෂ සෙවීමේ හා මුදවා ගැනීමේ මෙහෙයුමක් මඟින්, ෆවුල් තුඩුවේ සිට නාවික සැතපුම් 54 ක් පමණ (කිලෝ මීටර් 100 ක් පමණ) දුරින්, ශ්‍රී ලංකාවට නැගෙනහිර දෙසින් වූ ගැඹුරු මුහුදේ දී ඇතිවූ කාර්මික දෝෂයක් හේතුවෙන් ආපදාවට පත් මෙරට බහුදින ධීවර යාත්‍රාවක සිටි ධිවරයින් හය දෙනෙක් (06) සමඟ එම බහුදින ධිවර යාත්‍රාව නිරුපද්‍රිතව කොඩ්බේ ධීවර වරාය වෙත ඇදගෙන ඒමට අද දින (2023 මාර්තු 10) නාවික හමුදාව විසින් කටයුතු කෙරිණි.
රෝහල්වල අත්‍යවශ්‍ය සෞඛ්‍ය සේවා පවත්වාගෙන යාමට
ආසේමු - බටහිර භටපිරිස්වල සහයෝගය
රෝහල්වල සුළු සේවකයින්ගේ වෘත්තීය සමිති ක්‍රියාමාර්ග හේතුවෙන් අඩපණවූ අත්‍යවශ්‍ය සෞඛ්‍ය අඛණ්ඩව පවත්වාගැනීම සඳහා රෝහල් බලධාරීන් විසින් කරන ලද ඉල්ලීමකට අනුව, 14 සහ 61 වන පාබල සේනාංකය යටතේ සේවයේ නියුතු යුද්ධ හමුදා භටපිරිස් විසින් ඉකුත් බදාදා (08) දින සහයෝගය ලබාදුන්නේය.
රණවිරු පවුල් දෙකක් සදහා කෑගල්ලෙන් ඉඩම් ලබා දෙයි
ඉඩම් නොමැති රණවිරු පවුල් දෙකක් සඳහා කෑගල්ල දිස්ත්‍රික්කයේ මංගලම ප්‍රදේශයේ පිහිටි පර්චස් 10ට ආසන්න ඉඩම් කැබලි දෙකක් සඳහා ඔප්පු අත්සන් කිරීමේ වැඩසටහනක් රණවිරු සේවා අධිකාරියේ ප්‍රධාන කාර්යාලයේදී අද ( මාර්තු 9) දින පවත්වන ලදී.
ත්‍රිවිධ හමුදා සරඹ උපදේශකයින් යුධ හමුදාපතිගේ ප්‍රශංසාවට
ජාතික ශිෂ්‍යභට බලකායේ පසුගියදා පැවති ජනාධිපති හා බළකා වර්ණ ප්‍රදානෝත්සවයේදී සරඹ උපදේශකවරුන්ගේ විශිෂ්ට දායකත්වය අගයමින් ත්‍රිවිධ හමුදාවේ කොමිෂන් නොලත් නිලධාරීන් පිරිසක් වෙත යුද හමුදාපති ලුතිනන් ජෙනරල් විකුම් ලියනගේ විසින් ඇගයීම් සහතික ප්‍රදානය කිරීම ඊයේ (මාර්තු 08) දින යුද්ධ හමුදා මූලස්ථානයේදී සිදුකරන ලදී.
නෙදර්ලන්ත තානාපතිනිය ආරක්ෂක රාජ්‍ය අමාත්‍යවරයා හමුවෙයි
ශ්‍රී ලංකාවේ නෙදර්ලන්ත තානාපතනිය වන අතිගරු බොනී හොබැච් (Bonnie Horbach) මැතිනිය අද (මාර්තු 07) කොළඹ පිහිටි ආරක්ෂක රාජ්‍ය අමාත්‍යාංශ කාර්යාලයේදී ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා හමුවිය.
ලෙබනනයේ එක්සත් ජාතීන්ගේ අතුරු බලකායේ 14 වැනි මූලස්ථාන ආරක්ෂක භට කණ්ඩායම දිවයිනෙන් පිටත් වේ
ලෙබනනයේ එක්සත් ජාතීන්ගේ අතුරු බලකායෙහි (UNIFIL) සාමසාධක රාජකාරීන් සඳහා ශ්‍රී ලංකා යුද්ධ හමුදා 14 වන මූලස්ථාන ආරක්ෂක භට කණ්ඩායම (SLFPC) බ්‍රහස්පතින්දා (02) දින උදෑසන දිවයිනෙන් පිටත්ව යනු ලැබීය.
කච්චතිවු ශාන්ත අන්තෝනි දේවස්ථානයේ වාර්ෂික දේව මංගල්‍යය නාවික හමුදාවේ දායකත්වයෙන් අති උත්කර්ෂවත්ව පවත්වයි
ඉන්දු - ලංකා මුහුදු සීමාව ආසන්නයේ පිහිටි ශ්‍රී ලංකාවට අයත් කච්චතිව් දූපතේ, ඓතිහාසික ශාන්ත අන්තෝනි මුනිඳුන්ගේ දේවස්ථානයේ වාර්ෂික දේව මංගල්‍යය, කොළඹ සහයක රදගුරු ගරු ඇන්ටන් රන්ජිත් පිල්ලෙනායගම් පියතුමා ගේ මෙහෙයවීමෙන්, යාපනය දිස්ත්‍රික් ලේකම් ඒ. සිවබාලසුන්දරම් මහතා ගේ සහ නාවික හමුදා ක්‍රිස්තියානි සංගමයේ සංවිධායක දායකත්වයෙන්, සහ ශ්‍රී ලාංකික හා ඉන්දියානු බැතිමතුන් විශාල පිරිසකගේ සහභාගීත්වයෙන් 2023 මාර්තු මස 03 සහ අද දින (2023 මාර්තු 04) අති උත්කර්ෂවත් අයුරින් පවත්වන ලද අතර, එහි අවසන් පූජා අවස්ථාව සඳහා නාවික හමුදාධිපති වයිස් අද්මිරාල් ප්‍රියන්ත පෙරේරා නියෝජනය කරමින්, උතුරු නාවික විධානයේ ආඥාපති රියර් අද්මිරාල් අරුණ තෙන්නකෝන් සහභාගී විය.
සර් ජෝන් කොතලාවල ආරක්ෂක විශ්වවිද්‍යාලයේ දක්ෂිණ මණ්ඩපයෙහි උප කුලපති සහ අධ්‍යක්ෂවරුන්ගේ 460 වැනි කමිටු රැස්වීම පවත්වයි
සූරියවැව පිහිටි ජෙනරල් සර් ජෝන් කොතලාවල ආරක්ෂක විශ්වවිද්‍යාලයේ දක්ෂිණ මණ්ඩපයෙහි දී උපකුලපතිවරුන්ගේ සහ අධ්‍යක්ෂවරුන්ගේ 460 වැනි කමිටු රැස්වීම ඊයේ (මාර්තු 04) පැවැත්විණි.
ශ්‍රී ලංකා වෙරළාරක්‍ෂක බලකායට වසර 13ක් සපිරේ
2009 අංක 41 දරන වෙරළාරක්‍ෂක පනත මගින් ආරක්ෂක අමාත්‍යාංශය යටතේ ස්ථාපිත කරන ලද ශ්‍රී ලංකා වෙරළාරක්‍ෂක බලකාය අද (මාර්තු 04) සිය 13 වන සංවත්සරය සමරයි.
‘Dubai Grand Prix 2023 - 14th Fazza’ ජාත්‍යන්තර පැරා මලල ක්‍රීඩා තරඟාවලියේදී රන් පදක්කමක් දිනා ගැනීමට නාවික හමුදා ක්‍රීඩක බලනැවි එස්එම්ඒඑස්එම් සුබසිංහ සමත් වෙයි.
2023 පෙබරවාරි මස 26 වන දින සිට මාර්තු මස 01 වන දින දක්වා ඩුබායි හි පැවති ‘Dubai Grand Prix 2023 - 14th Fazza’ ජාත්‍යන්තර පැරා මලල ක්‍රීඩා තරඟාවලියේදී, A 47 කාණ්ඩය යටතේ, මීටර් 400 පිරිමි ධාවන ඉසව්ව සඳහා සහභාගී වූ නාවික හමුදා පැරා ක්‍රීඩක බලනැවි එස්එම්ඒඑස්එම් සුබසිංහ එම ඉසව්වේ රන් පදක්කම දිනා ගැනීමට සමත් විය.
ලෙබනනයේ එක්සත් ජාතීන්ගේ අතුරු බලකායේ 14 වැනි මූලස්ථාන ආරක්ෂක භට කණ්ඩායම දිවයිනෙන් පිටත් වේ
ලෙබනනයේ එක්සත් ජාතීන්ගේ අතුරු බලකායෙහි (UNIFIL) සාමසාධක රාජකාරීන් සඳහා ශ්‍රී ලංකා යුද්ධ හමුදා 14 වන මූලස්ථාන ආරක්ෂක භට කණ්ඩායම (SLFPC) බ්‍රහස්පතින්දා (02) දින උදෑසන දිවයිනෙන් පිටත්ව යනු ලැබීය.
2023 ගුවන් හමුදා පාපැදි සවාරිය, දෙවන දිනයට පිවිසෙයි
වාර්ෂිකව පවත්වනු ලබන, ගුවන් හමුදා පාපැදි සවාරිය බදාදා (මාර්තු 03) උදෑසන කොළඹ ගුවන් හමුදා මූලස්ථානය ඉදිරිපිටදී ගුවන් හමුදාපති එයාර් මාර්ෂල් සුදර්ශන පතිරණගේ ආරම්භක සංඥාවෙන් අනතුරුව ආරම්භ විය.
ඩුබායි Grand Prix මළල ක්‍රීඩා තරඟාවලියේ රන් පදක්කමක්
රණවිරු අනිල් ප්‍රසන්න දිනාගනී
රණවිරු සේවා අධිකාරියේ ක්‍රීඩා සංචිතය නියෝජනය කරන බළලත් නිලධාරි II අනිල් ප්‍රසන්න ජයලත් T42 කාණ්ඩය නියෝජනය කරමින් 2023 පෙබරවාරි මස 28 වැනි දින ඩුබායි හිදී පැවැත්වූ Grand Prix මළල ක්‍රීඩා තරඟාවලියේ මීටර් 100 ඉසව්වේ රන් පදක්කම දිනාගැනීමට සමත් විය.
රුසියානු තානාපති ආරක්ෂක ලේකම් හමුවෙයි
ශ්‍රී ලංකාව සඳහා පත් කරන ලද නව රුසියානු තානාපති අතිගරු Levan S. Dzhagaryan මැතිතුමා අද (මාර්තු 01)දින ආරක්ෂක මූලස්ථාන සංකීර්ණයේදී ආරක්ෂක ලේකම් ජෙනරල් කමල් ගුණරත්න හමුවිය.
ඉන්දු-ශාන්තිකර කලාපයට පොදු දැක්මක්
කොළඹ එක්සත් ජනපද තානාපති කාර්යාලය සහ කොතලාවල ආරක්ෂක විශ්වවිද්‍යාලය එක්ව සම්පාදනය කරන ලද “ඉන්දු-ශාන්තිකර කලාපයට පොදු දැක්මක්” ග්‍රන්ථය එළිදැක්වීමේ උත්සවය ඊයේ (පෙබරවාරි 27) කොළඹ සිනමන් ග්‍රෑන්ඩ් හෝටලයේදී පවත්වන ලදි.
පාකිස්ථාන නාවික හමුදා ප්‍රධානී ආරක්ෂක ලේකම් හමුවෙයි
ශ්‍රී ලංකාවේ නිල සංචාරයක් සඳහා පැමිණ සිටින පාකිස්ථාන නාවික හමුදා ප්‍රධානී අද්මිරාල් මුහම්මද් අම්ජාඩ් ඛාන් අද (පෙබ 27) ශ්‍රී ජයවර්ධනපුර ආරක්ෂක මූලස්ථාන සංකීර්ණයේ පිහිටි ආරක්ෂක අමාත්‍යාංශයේදී ආරක්ෂක ලේකම් ජෙනරල් කමල් ගුණරත්න හමුවිය.
ඉන්දීය නාවික හමුදාවට අයත් ‘INS Sukanya’ නෞකාව
නිල සංචාරයක් සඳහා කොළඹ වරායට සේන්දු වෙයි
ඉන්දීය නාවික හමුදාවට අයත් ‘INS Sukanya’ නෞකාව නිල සංචාරයක් සඳහා අද දින (2023 පෙබරවාරි 27) උදෑසන කොළඹ වරායට සේන්දු වූ අතර, ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.
යුද හමුදා භට පිරිස් වැලිගම වෙරළ තීරය පිරිසිදු කරයි
ශ්‍රී ලංකා යුද හමුදාවේ බටහිර ආරක්ෂක සේනා මූලස්ථානයේ 613 පාබල බලසේනාව යටතේ ඇති 3 වන ගැමුණු හේවා බළකායේ භටපිරිස් විසින් පසුගියදා වැලිගම වෙරළ තීරය පිරිසිදු කරන ලදි.
මොණරාගල රණවිරුවන් වෙත ආබාධිත සහයක උපකරණ බෙදාදෙයි
මොණරාගල දිස්ත්‍රික්කයේ රණවිරු සංසද නියෝජනය කරන රණක්ෂිතයට පත් රණවිරුවන් වෙත ආබාධිත සහයක උපකරණ ලබා දීමක් රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්‍රාමික) මහතාගේ ප්‍රධානත්වයෙන් පසුගිය දා මොණරාගලදී පැවැත්වීය.
ශ්‍රී ලංකා නාවික හමුදාව විසින් මන්නාරමේ ඉදිකරන ලද නව ජැටිය විවෘත කෙරේ
ශ්‍රී ලංකා නාවික හමුදාව විසින් මන්නාරම, වෙඩිතලතිව් නාවික හමුදා කඳවුරේ නාවික මෙහෙයුම් කාර්යක්‍ෂමතාව තවදුරටත් පුළුල් කිරීම සඳහා නව ජැටියක් ඉදිකර එය අද (පෙබ 26) විවෘත කරන ලදි.
හමුදා වෛද්‍ය විද්‍යාවේ නව පරිච්ඡේදයක් අරඹන බව ජනපති පවසයි
ලෝකයේ සිදුවන ස්වභාවික ආපදා අවස්ථාවන්හිදී හමුදා සාමාජිකයන් විදේශගත කිරීමේ ඒකකයට අමතරව සෞඛ්‍යය ව්‍යසනයන්හිදී ද හමුදා කණ්ඩායම් විදේශගත කිරීමට වෙනම ඒකකයක් ස්ථාපිත කරන බව ජනාධිපති රනිල් වික්‍රමසිංහ මහතා සඳහන් කළේය.
ඉන්දියාව සහ ශ්‍රී ලංකාව අතර 7 වන වාර්ෂික ආරක්ෂක සංවාදය මෑතකදී පැවැත්විණි
ඉන්දියාව සහ ශ්‍රී ලංකාව අතර 7 වන වාර්ෂික ආරක්ෂක සංවාදය මෑතකදී ඉන්දියාවේ නවදිල්ලියේදී පැවැත්විණි. ආරක්ෂක සංවාදයට ජෙනරල් කමල් ගුණරත්නගේ නායකත්වයෙන් යුත් දූත පිරිසක් සහභාගී වූහ. ඉන්දීය ආරක්ෂක ලේකම් ගිරීර් අර්මන් සහ ජෙනරල් කමල් ගුණරත්න මහතා රැස්වීමේ මුලසුන දැරීය.
නාවික හමුදා මෙහෙයුම් කටයුතු වෙනුවෙන් දේශීයව නිර්මාණය කල
විශේෂ මෝටර් රථ
ශ්‍රී ලංකා නාවික හමුදාවේ මෙහෙයුම් කටයුතු වෙනුවෙන් Ideal Motors සමාගම විසින් දේශීයව නිර්මාණය කර එකලස් කරන ලද විශේෂිත මාදිලයේ මෝටර් රථ 03 ක් (All Terrain Vehicles - ATV) එම සමාගමේ සභාපති නලීන් වෙල්ගම මහතා විසින් නාවික හමුදාධිපති, වයිස් අද්මිරාල් ප්‍රියන්ත පෙරේරා වෙත නිළ වශයෙන් භාරදීම 2023 පෙබරවාරි මස 22 වන දින නාවික හමුදා මූලස්ථානයේදී සිදුකෙරිණි.