නවතම පුවත්
ගිණිකොන මුහුදේ දී ආපදාවට පත් ධීවර යාත්‍රාවක සිරවී සිටි ධීවරයෙක් ඇතුළු ධීවරයින් 04ක් නාවික හමුදාව බේරාගනියි
ශ්‍රී ලංකා නාවික හමුදාව සිදුකල විශේෂ සෙවීමේ හා මුදවා ගැනීමේ මෙහෙයුමක් මඟින්, සංගමන්කන්ද තුඩුවේ සිට නාවික සැතපුම් 46ක් පමණ (කිලෝ මීටර් 85ක් පමණ) දුරින්, ශ්‍රී ලංකාවට ගිණිකොන දෙසින් වූ ගැඹුරු මුහුදේ දී අයහපත් කාළගුනික තත්වය හේතුවෙන් පෙරලීමෙන් ආපදාවට පත් ධීවර යාත්‍රාවක දින හතරක් සිරවී සිටි ධීවරයෙකු ඇතුළුව ධිවරයින් සිව් දෙනෙක් (04) නිරුපද්‍රිතව බේරාගැනීමෙන් අනතුරුව, ප්‍රතිකාර සඳහා කල්මුණේ මූලික රෝහල වෙත යොමු කිරීමට අද (2022 දෙසැම්බර් මස 11) කටයුතු කරන ලදී.
ආරක්ෂක සේවා අණ සහ මාණ්ඩලික විද්‍යාලයේ 16 වෙනි උපාධි ප්‍රදානෝත්සවය ජනපති ප්‍රධානත්වයෙන්
ආරක්ෂක සේවා අණ සහ මාණ්ඩලික විද්‍යාලයේ 16 වෙනි උපාධි ප්‍රදානෝත්සවය ජනාධිපති රනිල් වික්‍රමසිංහ මහතාගේ ප්‍රධානත්වයෙන් ඊයේ (08) පස්වරුවේ කොළඹ නෙලුම් පොකුණ රඟහලේදී පැවැත්විණි.
රක්නා ආරක්ෂක ලංකා සමාගමේ ‘සේවා අභිනන්දන’ ප්‍රණාම සහතිකපත්‍ර ප්‍රදානෝත්සවය ආරක්ෂක ලේකම්ගේ ප්‍රදානත්වයෙන්
සීමාසහිත රක්නා ආරක්ෂක ලංකා සමාගමේ ‘සේවා අභිනන්දන’ ප්‍රණාම සහතිකපත්‍ර ප්‍රදානෝත්සවය ආරක්ෂක ලේකම් ජෙනරල් කමල් ගුණරත්නගේ ප්‍රදානත්වයෙන් අද (දෙසැම්බර් 09) බත්තරමුල්ල සුහුරුපායෙදී පැවැත්විණි.
පිලිපීන ආරක්ෂක උපදේශක ආරක්ෂක ලේකම් හමුවෙයි
පිලිපීන තානාපති කාර්යාලයේ ආරක්ෂක උපදේශක කර්නල් රොලන්ඩෝ පී ගෝමස් (Rolando P Gomez) අද (දෙසැම්බර් 09) බත්තරමුල්ල අකුරේගොඩ පිහිටි ආරක්ෂක අමාත්‍යාංශයේදී ආරක්ෂක ලේකම් ජෙනරල් කමල් ගුණරත්න හමුවිය.
විදේශ විනිමය ඉතිරිකිරීමේ අරමුණින් යුද්ධ හමුදාවේ මූලිකත්වයෙන් යුධෝපකරණ නිෂ්පාදනාගාරය වේයන්ගොඩදී යලි ස්ථාපිත වෙයි
‘යුද්ධ හමුදා ඉදිරි උපායමාර්ගික සැලැස්ම 2020 - 2025’ ට සමගාමීව අත්‍යවශ්‍ය යුද උපකරණ නිෂ්පාදනය නව මාවතකට යොමුකිරීම සහ විදේශ විනිමය විශාල ප්‍රමාණයක් ඉතිරි කරගැනීමේ අරමුණින් කෙටි කාලයක් තුළ යුද්ධ හමුදාවේ යුද්ධෝපකරණ අවශ්‍යතාවයන් සපුරාගැනීම සඳහා යලි ස්ථාපිත කරන ලද යුද්ධ හමුදා යුධෝපකරණ කර්මාන්ත ශාලාව වේයන්ගොඩ ප්‍රදේශයේ පිහිටි මධ්‍යම අවි හා පතුරොම් ගබඩා පරිශ්‍රයේදී අද (8) දින විවෘත කරන ලදී.
තද සුළං සහ වැසි සහිත කාලගුණ අනාවැකි
කාලගුණ විද්‍යා දෙපාර්තමේන්තුවේ නවතම පුරෝකථනයන්ට අනුව දිවයින පුරා වැසි සහ තද සුළං අපේක්ෂා කෙරේ.
නව යුද හමුදා මාණ්ඩලික ප්‍රධානී ආරක්ෂක ලේකම් හමුවෙයි
ශ්‍රී ලංකා යුද හමුදාවේ නව මාණ්ඩලික ප්‍රධානී මේජර් ජෙනරල් චන්න වීරසූරිය අද (දෙසැම්බර් 08) ආරක්ෂක අමාත්‍යාංශයේ දී ආරක්ෂක ලේකම් ජෙනරල් කමල් ගුණරත්න හමුවිය.
උපකුලපතිවරුන්ගේ සහ අධ්‍යක්ෂවරුන්ගේ සැසිවාරය කොතලාවල ආරක්ෂක විශ්වවිද්‍යාලයේදී
457 වැනි උපකුලපතිවරුන්ගේ සහ අධ්‍යක්ෂවරුන්ගේ කමිටු රැස්වීම දෙසැම්බර් 03 වන දින ජෙනරාල් ශ්‍රීමත් ජෝන් කොතලාවල ආරක්ෂක විශ්වවිද්‍යාලයේදී පැවැත්විණි.
කොතලාවල ආරක්ෂක විශ්වවිද්‍යාලයීය නර්තන සමාජය සහ සංගීත සමාජය ශූරතා දිනා ගනී
පසුගියදා ආසියා පැසිෆික් තොරතුරු තාක්ෂණ ආයතනයේ (APIIT) ශිෂ්‍ය සමාජය විසින් සංවිධානය කරන ලද 'TANTALIZE-2022' අන්තර් විශ්වවිද්‍යාල කුසලතා තරඟාවලියේ කාණ්ඩ තුනක ශූරයන් බවට ජෙනරල් ශ්‍රීමත් ජෝන් කොතලාවල ආරක්ෂක විශ්ව විද්‍යාලයේ නර්තන සමාජය සහ සංගීත සමාජය සමත් විය.
ශ්‍රී ලංකාව සෙනගාල සමඟ ආරක්ෂක සබඳතා වැඩි දියුණු කිරීමට පියවර
සෙනගල් ජනරජයේ යුධ, නාවික සහ ගුවන් උපදේශක Col. Abdoulaya Traore අද (දෙසැ 06) කෝට්ටේ ශ්‍රී ජයවර්ධනපුර ආරක්ෂක අමාත්‍යාංශයේ දී ආරක්ෂක ලේකම් ජෙනරල් කමල් ගුණරත්න හමුවිය.
රුසියානු තානාපති ආරක්ෂක රාජ්‍ය අමාත්‍යවරයා හමුවෙයි
ශ්‍රී ලංකාවේ රුසියානු තානාපති අතිගරු Levan Dzhagaryan මැතිතුමා අද (දෙසැ 05) කොළඹ ආපදා කළමනාකරණ මධ්‍යස්ථාන පරිශ්‍රයේ පිහිටි ආරක්ෂක රාජ්‍ය අමාත්‍යාංශයේ දී ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා හමුවිය.
ඉහළ සුදුසුකම් ඇති, දක්ෂ හා වෘත්තීයමය නිලධාරීන් අපට අවශ්‍යයි - ආරක්ෂක ලේකම්
සටන් බිමේ සාර්ථකත්වය හෝ අසාර්ථකත්වය රඳා පවතින්නේ යුද පසුබිම තේරුම් ගැනීමට තරම් බුද්ධිමත් සහ සාර්ථකත්වය හඹා යාමට තරම් නිර්භීත නායකයා මත බව ආරක්ෂක ලේකම් කමල් ගුණරත්න පැවසීය.
ගුවන් හමුදාවේ 8 වැනි බලඇණිය මධ්‍යම අප්‍රිකානු ජනරජයේ
එක්සත් ජාතීන්ගේ සාම සාධක රාජකාරී සඳහා පිටත් වේ
ගුවන් හමුදාවේ 8 වැනි බලඇණිය මධ්‍යම අප්‍රිකානු ජනරජයේ එක්සත් ජාතීන්ගේ සාම සාධක රාජකාරි සඳහා ඊයේ (දෙසැම්බර් 04) ශ්‍රී ලංකාවෙන් පිටත්ව ගියේය.
ගංගොඩවිල සමාධි විහාරස්ථාන අභිනව සෑයේ කොත ආරක්ෂක ලේකම් අතින් නිරාවරණය කෙරේ
නුගේගොඩ ගංගොඩවිල සමාධි විහාරස්ථානයේ අභිනවයෙන් ඉදිකරන ලද චෛත්‍ය රාජයාණන් වහන්සේ දෙසැම්බර් 03 වන දා ආරක්ෂක ලේකම් කමල් ගුණරත්න අතින් විවෘත කෙරිණි.
ශ්‍රීමත් ජෝන් කොතලාවල ආරක්ෂක විශ්වවිද්‍යාල රෝහ‍ලේ
ඉදිරි කටයුතු පිළිබඳ සාකච්ඡාවක් ජනපති ප්‍රධානත්වයෙන්
ශ්‍රීමත් ජෝන් කොතලාවල ආරක්ෂක විශ්වවිද්‍යාල රෝහ‍ලේ කටයුතු විධිමත්ව ඉදිරියට පවත්වාගෙන යාම පිළිබඳ සාකච්ඡාවක් ජනාධිපති රනිල් වික්‍රමසිංහ මහතාගේ ප්‍රධානත්වයෙන් අද (30) පෙරවරුවේ ජනාධිපති කාර්යාලයේ දී පැවැත්විණි.
යුද හමුදාවේ නව මාණ්ඩලික ප්‍රධානි වෙත පත්වීම් ලිපිය පිරිනැමේ
යුද හමුදා නියෝජ්‍ය මාණ්ඩලික ප්‍රධානී මේජර් ජෙනරල් චන්න වීරසූරිය 61 වැනි යුද හමුදා මාණ්ඩලික ප්‍රධානී ලෙස යුද හමුදාපති ලුතිනන් ජෙනරල් විකුම් ලියනගේ අතින් ඊයේ (නොවැ 29) දින යුද්ධ හමුදාධිපති කාර්යාලයේදී සිය පත්වීම් ලිපිය ලබාගන්නා ලදි.
නවසීලන්ත මහ කොමසාරිස් ආරක්ෂක ලේකම් හමුවෙයි
ශ්‍රී ලංකාවේ නවසීලන්ත මහ කොමසාරිස් අතිගරු මයිකල් ඇපල්ටන් මැතිතුමා අද (නොවැ 29) බත්තරමුල්ලේ පිහිටි ආරක්ෂක අමාත්‍යාංශයේ දී ආරක්ෂක ලේකම් ජෙනරල් කමල් ගුණරත්න හමුවිය.
නීතිවිරෝධී මෝර වරල් සහිත ධීවර යාත්‍රාවක් වෙරළාරක්ෂක නිලධාරීන්ගේ අත්අඩංගුවට
නීතිවිරෝධී ලෙස ලබා ගත් මෝර වරල් සන්තකයේ තබාගෙන සිටි බහුදින ධීවර යාත්‍රාවක් සහ ධීවරයින් හය දෙනෙකු ශ්‍රී ලංකා වෙරළාරක්ෂක දෙපාර්තමේන්තුව විසින් පසුගිය සෙනසුරාදා (26) අත්අඩංගුවට ගෙන ඇත.
ආරක්ෂක සේනා මූලස්ථාන - යාපනය නිවාස අවශ්‍යතා සහිත පවුලක් වෙත
නව නිවසක්
ආරක්ෂක සේනා මූලස්ථාන - යාපනය විසින් ක්‍රියාත්මක කරනු ලබන නිවාස ඉදිකිරීමේ ප්‍රජා සත්කාරක ව්‍යාපෘතියේ තවත් පියවරක් වශයෙන් 55 වන සේනාංකයේ 551 වන බලසේනාවේ භටපිරිස් විසින් පුලෝලි - බටහිර පේදුරුතුඩුව ප්‍රදේශයේ දැඩි ආර්ථික දුෂ්කරතා මධ්‍යයේ දිවි ගෙවන පවුලක් සඳහා නව නිවසක් ඉදිකර දෙන ලදී. නව නිවස ආරක්ෂක සේනා ආඥාපති - යාපනය මේජර් ජෙනරල් චන්දන විජයසුන්දරගේ ප්‍රධානත්වයෙන් පසුගිය බදාදා (23) පැවති උත්සවයකදී නිවාස ලාභි පවුල වෙත භාර දෙනු ලැබූහ.
යුද හමුදාවේ මැදිහත්වීමෙන් පුනරීන් සිවිල් වැසියන්ට ඇස් කණ්නාඩි
ශ්‍රී ලංකා යුද හමුදාවේ සම්බන්ධීකරණයෙන් විදේශගත ශ්‍රී ලාංකිකයෙකු වන ඕස්ට්‍රේලියානු ‘නෙත්සරණ’ පදනමේ ලකී ගුණතිලක මහත්මිය විසින් පෙනීමේ දුර්වලතා ඇති සිවිල් වැසියන් 1500 කට අධික පිරිසකට ඇස් කණ්ණාඩි ප්‍රදානය කිරීම පසුගියදා පුනරීන් මධ්‍ය මහා විද්‍යාලයේ සිදු කරන ලදී.
P 627 නෞකාව විජයබාහු නමින් අධිකාරියට පත් කිරීම ජනපති ප්‍රදානත්වයෙන්
සාගර කලාපයේ පොදු සමුද්‍රීය අභියෝග ජය ගැනීම උදෙසා හවුල්කාරිත්වය ශක්තිමත් කිරීමේ සහ වර්ධනය කිරීමේ අරමුණින් ඇමෙරිකා එක්සත් ජනපද වෙරළාරක්ෂක දෙපාර්තමේන්තුව විසින් ශ්‍රීලංකා නාවික හමුදාව වෙත ලබාදුන් P 627 ගැඹුරු මුහුදු ආවේක්ෂණ නෞකාව “නාවික නෞකා විජයබාහු" නමින් අධිකාරියට පත් කිරීමේ උත්සවය ජනාධිපති රනිල් වික්‍රමසිහ මහතාගේ ප්‍රධානත්වයෙන් අද (22) පස්වරුවේ කොළඹ වරාය, නැගෙනහිර පර්යන්තයේ දී සිදු විය.
51 වැනි බංගලාදේශ සන්නද්ධ හමුදා දින උත්සවය ආරක්ෂක ලේකම්ගේ ප්‍රධානත්වයෙන්
ආරක්ෂක ලේකම් ජෙනරල් කමල් ගුණරත්න, ඊයේ (නොවැ 21) සවස කොළඹ ෂැංග්‍රිලා හෝටලයේදී පැවැති 51 වැනි බංගලාදේශ සන්නද්ධ හමුදා දින උත්සවයේ ප්‍රධාන ආරාධිත අමුත්තා වශයෙන් සහභාගී විය.
යුද හමුදාව මඩු ප්‍රදේශයේ ඉදිකරන ලද නව නිවසක් සහ මඩකලපුවේ පාසල් ක්‍රීඩා පිටියක් ජනතා අයිතියට පත් කෙරේ
වන්නි දිස්ත්‍රික් ලේකම් කාර්යාලයේ මූල්‍ය ප්‍රතිපාදන මත යුද හමුදාව විසින් මඩු පෙරියපණ්ඩිවිරිච්චාන් ප්‍රදේශයේ පවුලක් සඳහා නව නිවසක් ඉදිකර පසුගියදා ඔවුන් වෙත එය පවරා දෙන ලදී.
ශ්‍රී ලංකාවට සුනාමි අවදානමක් නැහැ - කාලගුණ විද්‍යා දෙපාර්තමේන්තුව
ඉන්දීය සාගරයේ දකුණු සුමාත්‍රා ප්‍රදේශයේ අද (නොවැ 18) පස්වරු 7.07 ට වාර්තා වූ 6.8 ක ප්‍රබල භූ කම්පනය හේතුවෙන් ශ්‍රි ලංකාවට සුනාමි අවදානමක් නොමැති බව කාලගුණ විද්‍යා දෙපාර්තමේන්තුවේ ජාතික සුනාමි පූර්ව අනතුරු ඇඟවීමේ මධ්‍යස්ථානය ප්‍රකාශ කරන ලදී.
නාවික හමුදාව ශ්‍රී ජයවර්ධනපුර විශ්වවිද්‍යාලයේ දන්ත වෛද්‍ය පීඨයට රසායනාගාර පහසුකම් පිරිනමයි
ආරක්ෂක අමාත්‍යාංශයේ අනුමැතිය මත නාවික හමුදාවේ දන්ත වෛද්‍ය සේවා අධ්‍යක්‍ෂ මණ්ඩලය විසින් ශ්‍රී ජයවර්ධනපුර විශ්වවිද්‍යාලයේ දන්ත වෛද්‍ය පීඨයේ උපාධි අපේක්‍ෂකයින් හුරුකරවීමේ වැඩසටහනක් පසුගියදා කොළඹ නාවික මහ රෝහලේදී පැවැත්විණි.