නවතම පුවත්
ශ්‍රී ලංකා නාවික හමුදාව විසින් මන්නාරමේ ඉදිකරන ලද නව ජැටිය විවෘත කෙරේ
ශ්‍රී ලංකා නාවික හමුදාව විසින් මන්නාරම, වෙඩිතලතිව් නාවික හමුදා කඳවුරේ නාවික මෙහෙයුම් කාර්යක්‍ෂමතාව තවදුරටත් පුළුල් කිරීම සඳහා නව ජැටියක් ඉදිකර එය අද (පෙබ 26) විවෘත කරන ලදි.
හමුදා වෛද්‍ය විද්‍යාවේ නව පරිච්ඡේදයක් අරඹන බව ජනපති පවසයි
ලෝකයේ සිදුවන ස්වභාවික ආපදා අවස්ථාවන්හිදී හමුදා සාමාජිකයන් විදේශගත කිරීමේ ඒකකයට අමතරව සෞඛ්‍යය ව්‍යසනයන්හිදී ද හමුදා කණ්ඩායම් විදේශගත කිරීමට වෙනම ඒකකයක් ස්ථාපිත කරන බව ජනාධිපති රනිල් වික්‍රමසිංහ මහතා සඳහන් කළේය.
ඉන්දියාව සහ ශ්‍රී ලංකාව අතර 7 වන වාර්ෂික ආරක්ෂක සංවාදය මෑතකදී පැවැත්විණි
ඉන්දියාව සහ ශ්‍රී ලංකාව අතර 7 වන වාර්ෂික ආරක්ෂක සංවාදය මෑතකදී ඉන්දියාවේ නවදිල්ලියේදී පැවැත්විණි. ආරක්ෂක සංවාදයට ජෙනරල් කමල් ගුණරත්නගේ නායකත්වයෙන් යුත් දූත පිරිසක් සහභාගී වූහ. ඉන්දීය ආරක්ෂක ලේකම් ගිරීර් අර්මන් සහ ජෙනරල් කමල් ගුණරත්න මහතා රැස්වීමේ මුලසුන දැරීය.
නාවික හමුදා මෙහෙයුම් කටයුතු වෙනුවෙන් දේශීයව නිර්මාණය කල
විශේෂ මෝටර් රථ
ශ්‍රී ලංකා නාවික හමුදාවේ මෙහෙයුම් කටයුතු වෙනුවෙන් Ideal Motors සමාගම විසින් දේශීයව නිර්මාණය කර එකලස් කරන ලද විශේෂිත මාදිලයේ මෝටර් රථ 03 ක් (All Terrain Vehicles - ATV) එම සමාගමේ සභාපති නලීන් වෙල්ගම මහතා විසින් නාවික හමුදාධිපති, වයිස් අද්මිරාල් ප්‍රියන්ත පෙරේරා වෙත නිළ වශයෙන් භාරදීම 2023 පෙබරවාරි මස 22 වන දින නාවික හමුදා මූලස්ථානයේදී සිදුකෙරිණි.
‘විරු සිසු ප්‍රදීප’ ව්‍යාපෘතිය යටතේ රණවිරු දරුවන්ට ශිෂ්‍යත්ව
මියගිය සහ තුවාල ලැබූ රණවිරුවන්ගේ සහ යුධ හමුදා පවුල්වල දරුවන්ට අධ්‍යාපනික සහන ලබාදීමේ අරමුණින් යුධ හමුදා සේවා වනිතා ඒකකය විසින් ආරම්භ කරන ලද 'විරු සිසු ප්‍රදීප' ශිෂ්‍යත්ව ව්‍යාපෘතියේ දෙවන අදියර (පෙබ 23) යුධ හමුදා මූලස්ථානයේදී ආරම්භ විය.
ජාතික ආරක්ෂක අධ්‍යයන ආයතන කාර්ය මණ්ඩලය සඳහා
නායකත්ව ගුණාංග වර්ධනය කිරීමේ වැඩසටහනක්
ජාතික ආරක්ෂක අධ්‍යයන ආයතන කාර්ය මණ්ඩල සාමාජිකයින් හට නායකත්ව ගුණාංග ප්‍රගුණ කිරීම සඳහා අවශ්‍ය වන අපේක්ෂිත දැනුම ලබා දීම සඳහා නායකත්ව ගුණාංග වර්ධනය කිරීමේ වැඩසටහනක් (පෙබ 17) වන දින ආරක්ෂක අමාත්‍යාංශයේ අධ්‍යක්‍ෂ මාධ්‍ය හා මාධ්‍ය ප්‍රකාශක කර්නල් එම් බී බී නලින් හේරත් ආර්එස්පී විසින් පවත්වන ලදී. ඔහුගේ දේශනය අතරතුර, චරිතය, කැපවීම, ධෛර්යය, විශ්වාසය සහ සන්නිවේදනය යන ප්‍රධාන නායකත්ව ලක්ෂණ පහක් ඵලදායි නායකත්වයේ පදනම ලෙස සැලකෙන වන බව ඔහු අවධාරණය කළේය.
මාලි රාජ්‍යයේ සාමසාධක මෙහෙයුම් වල නිරතව සිට අභාවප්‍රාප්ත වූ
රණවිරුවාගේ දේහය මෙරටට රැගෙන එයි
මාලි රාජ්‍යයේ බහුවිධ ඒකාබද්ධ ස්ථායිභාවය ඇති කිරීමේ මෙහෙයුම් මූලස්ථානයේ (MINUSMA) සාමසාධක රාජකාරින්හි නිරතව සිටියදී ඇති වූ හෘදයාබාධයක් හේතුවෙන් අභාවප්‍රාප්ත වූ 6 වන ශ්‍රී ලංකා යුද්ධ හමුදා සේවා බලකායේ ලාන්ස් කෝප්‍රල් එම්.ජී.එල් දේශප්‍රිය (42) ගේ දේහය බදාදා (පෙබරවාරි 22) දින මෙරටට රැගෙන එනු ලැබීය. අනතුරුව දේහය එම රණවිරුවාගේ ඒකකයේ භටපිරිස් විසින් හමුදා ගෞරවාචාර මධ්‍යයේ පිළිගනු ලැබීය.
74 වැනි ජාතික මල්ලවපොර කාන්තා ශූරතාව ගුවන් හමුදා කාන්තා කණ්ඩායම දිනා‍ගනී
කොළඹ ටොරින්ටන්හි ගෘහස්ථ ක්‍රීඩාංගනයේ පසුගියදා පැවති 74 වැනි ජාතික මල්ලවපොර ශූරතාවය දිනා ගැනීමට ශ්‍රී ලංකා ගුවන් හමුදා කාන්තා මල්ලවපොර ක්‍රීඩිකාවන් සමත්වූහ.
එක්සත් ජාතීන්ගේ සාමසාධක හමුදා ගෞරවාචාරය අභාවප්‍රාප්ත
ලාන්ස් කෝප්‍රල් එම්.ජී.එල්. දේශප්‍රියට පිරිනැමේ
මාලි රාජ්‍යයේ බහුවිධ ඒකාබද්ධ ස්ථායිභාවය ඇති කිරීමේ මෙහෙයුම් මූලස්ථානයේ (MINUSMA) සාමසාධක රාජකාරින්හි නිරතව සිටියදී ඇති වූ හෘදයාබාධයක් හේතුවෙන් 6 වන ශ්‍රී ලංකා යුද්ධ හමුදා සේවා බලකායේ ලාන්ස් කෝප්‍රල් එම්.ජී.එල්. දේශප්‍රිය (42) බමාකෝ 3 වන මට්ටමේ රෝහල වෙත ඇතුළත් කිරීමෙන් අනතුරුව 2023 පෙබරවාරි මස 11 දින අභාවප්‍රාප්ත විය. ඔහුගේ දේහයට MINUSMA ප්‍රධාන මෙහෙයුම් මූලස්ථානයේ සාමසාධක හමුදාවෝ හමුදා සම්ප්‍රදායානුකූලව පසුගිය බ්‍රහස්පතින්දා (16) දින ඔහුගේ දේහයට ගෞරවාචාරය දැක්වූහ.
ගැරඬියාඇල්ල ප්‍රදේශයේ අතරමං වූ සංචාරකයින් මුදාගැනීමට
යුද හමුදාවේ සහයෝගය
උඩුදුම්බර, ගැරඬියාඇල්ල කඳුකර ප්‍රදේශයේ අතරමංව සිටි දේශීය සංචාරකයින් පිරිසක් ඉරිදා (පෙබ 19) දින ශ්‍රී ලංකා යුද හමුදා භට පිරිස් විසින් බේරා ගන්නා ලදි.
ශ්‍රී ලංකා නාවික හමුදාව මල්ලවපොර ශූරතාව දිනා ගනී
කොළඹදී පැවැති ජාතික මල්ලවපොර ශූරතාවලියේ අඛණ්ඩව 20 වැනි වරටත් ශූරතාව දිනාගැනීමට ශ්‍රී ලංකා නාවික හමුදා පිරිමි මල්ලවපොර කණ්ඩායම සමත් වූ වූ බව නාවික හමුදා මාධ්‍ය ආරංචි මාර්ග සඳහන් කළේය.
බදුල්ලේ ගින්න ගුවන් හමුදාව නිවා දමයි
කන්දෙපුහුල්පොල වනාන්තර ප්‍රදේශයේ හටගත් මහා පරිමාණ ලැව්ගින්නක් පසුගියදා මැඩපැවැත්වීමට ශ්‍රී ලංකා ගුවන් හමුදාව සමත් විය.
ඉන්දුනීසියානු නාවික හමුදාවට අයත් නෞකාවක් කොළඹට
ඉන්දුනීසියානු නාවික හමුදාවට අයත් ‘KRI Raden Eddy Martadinata - 331’ නෞකාව නිල සංචාරයක් සඳහා ඊයේ (පෙබ 19) කොළඹ වරායට සේන්දු විය.
රටක අනාගතය භාර ගැනීමට නම් විනයක් සහ කැපවීමක් අවශ්‍යයි
රටක අනාගතය භාර ගැනීමට නම් විනයක් සහ කැපවීමක් අවශ්‍ය බවත් විනය ගරුක සමාජයක් තුළින් ශ්‍රී ලංකාව නව මානයක් කරා ගෙන යාමට ලබන වසරේ සිට සැලසුම් ක්‍රියාත්මක කරන බවත් ජනාධිපති රනිල් වික්‍රමසිංහ මහතා අවධාරණය කළේය.
‘සේනාවිධායකවරුන් සඳහා වූ දකුණු ආසියානු ජාත්‍යන්තර සමුළුව - 2023’ ආරක්ෂක සේවා අණ හා මාණ්ඩලික විද්‍යාලයේදී පැවැත්වෙයි
ආරක්ෂක සේවා අණ හා මාණ්ඩලික විද්‍යාලය සහ එක්සත් රාජධානියේ ආරක්ෂක විද්‍යාලය ඒකාබද්ධව සංවිධානය කරනු ලැබූ වෘත්තීය හමුදා අධ්‍යනයේ වත්මන් සන්දර්භයන් සහ අනාගත අපේක්‍ෂාවන් පිළිබඳ සුවිශේෂී දර්ශනයන්ගෙන් සමන්විත ‘සේනාවිධායකවරුන් සඳහා වූ දෙවන දකුණු ආසියානු ජාත්‍යන්තර සමුළුව - 2023’ පෙබරවාරි මස 14 දින සිට 15 දින දක්වා සපුගස්කන්ද ආරක්ෂක සේවා අණ හා මාණ්ඩලික විද්‍යාලයේදී පැවැත්විණි.
ආරක්ෂක ලේකම් වාර්ෂික ‘CISM DAY’ RUN - 2023 සඳහා සහභාගී වේ
ශ්‍රී ලංකා ගුවන් හමුදාව විසින් මෙම වසරේ සංවිධානය කරන ලද ජාත්‍යන්තර හමුදා ක්‍රීඩා කවුන්සිල දින ධාවනය අද (පෙබ 18) උදෑසන ආරක්ෂක ලේකම් ජෙනරල් කමල් ගුණරත්නගේ ප්‍රධානත්වයෙන් කොළඹ රයිෆල් ග්‍රීන් පිටියේදී පැවැත්විණි.
අගමැති කොතලාවල ආරක්ෂක විශ්වවිද්‍යාලයේ යුද ස්මාරකය විවෘත කරයි
කොතලාවල ආරක්ෂක විශ්වවිද්‍යාලයේ අභිනවයෙන් ඉදිකරන ලද යුද ස්මාරකය ගරු අග්‍රාමාත්‍ය දිනේෂ් ගුණවර්ධන මැතිතුමා විසින් ඊයේ (පෙබ 17) විවෘත කරන ලදි.
ආරක්ෂක ලේකම් රක්නා ආරක්ෂක ලංකා සමාගමේ සංචාරයක
ආරක්ෂක ලේකම් ජෙනරල් කමල් ගුණරත්න අද (පෙබ 17) බත්තරමුල්ල සුහුරුපාය සංකීර්ණයේ පිහිටි රක්නා ආරක්ෂක ලංකා සමාගමෙහි සංචාරයක නිරතව එහි ප්‍රගතිය සමාලෝචනය කළේය.
එක්සත් ජනපද සහකාර ආරක්ෂක ලේකම් ශ්‍රී ලංකා ආරක්ෂක රාජ්‍ය ඇමති
සහ ආරක්ෂක ලේකම් හමුවෙයි
ඉන්දු පැසිෆික් ආරක්ෂක කටයුතු පිළිබඳ එක්සත් ජනපද ප්‍රධාන නියෝජ්‍ය සහකාර ආරක්ෂක ලේකම් ජෙඩිඩිය පී රොයල් (Jedidiah P Royal) ප්‍රමුඛ නියෝජිත පිරිස ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් සහ ආරක්ෂක ලේකම් ජෙනරල් කමල් ගුණරත්න අද (පෙබ. 16) අවස්ථා දෙකකදී හමුවිය.
හොඳම නෞකාව ලෙස නාවික නෞකා සිඳුරළ නම් කෙරේ
ශ්‍රී ලංකා නාවික හමුදාව විසින් වාර්ෂිකව පවත්වනු ලබන හොඳම නෞකා තේරීමේ තරඟයේදී 2022 වසරේ හොඳම නෞකාව ලෙස ශ්‍රී ලංකා නාවික නෞකා ‘සිඳුරළ’ තේරී පත් විය. නාවික හමුදා මාධ්‍ය මූලාශ්‍රවලට අනුව, ශ්‍රී ලංකා නාවික නෞකා සිඳුරළ, ශ්‍රී ලංකා නාවික නෞකා මිහිකත සහ පී 414 යන නෞකාවන් පිළිවෙලින් ප්‍රධාන සහ කුඩා, සහ වේග ප්‍රහාරක යාත්‍රා කාණ්ඩවල ඉහළම දක්‍ෂතා දැක්වූවන් ලෙස නම් කර ඇත.
යාපනයේ තරුණයින් සඳහා වෙරළ වොලිබෝල් පුහුණු සැසියක්
යාපනය ආරක්ෂක සේනා මූලස්ථානයට අයත් යුද හමුදා භට පිරිස් විසින් යාපනය අර්ධද්වීපයේ, නැඟෙනහිර වඩමාරච්චි ප්‍රදේශයේ තරුණ තරුණියන් සඳහා වෙරළ වොලිබෝල් පුහුණු සැසියක් පසුගියදා තලයිඩි වෙරළ තීරයේදී පවත්වන ලදි.
කොළඹ නාවික අභ්‍යාසය - 2023 (CONEX - 23) සාර්ථකව අවසන් වේ
ශ්‍රී ලංකා නාවික හමුදාව විසින් පස්වන වරටත් සංවිධානය කරනු ලැබූ ‘කොළඹ නාවික අභ්‍යාසය - 2023’ (Colombo Naval Exercise - CONEX 23) කොළඹ වරාය පරිශ්‍රයේදී සහ බටහිර නාවික විධානයට අයත් මුහුදු තීරයේදී 2023 පෙබරවාරි මස 06 වන දින සිට 12 වන දක්වා සාර්ථකව පැවැත්වුනු අතර, එහි අවසන් අභ්‍යාසය අධීක්‍ෂණය නාවික හමුදාධිපති වයිස් අද්මිරාල් ප්‍රියන්ත පෙරේරා විසින් ශ්‍රී ලංකා නාවික නෞකා විජයබාහු නෞකාවේ සිට සිදු කෙරිණි.
ගුවන් හමුදාව කටාන ප්‍රදේශයේ ගින්න නිවා දමයි
ශ්‍රී ලංකා ගුවන් හමුදා කටුනායක මුලික කඳවුරේ ගුවන් හමුදා ගිනි නිවන භටයින් විසින් කටාන ප්‍රදේශයේ කර්මාන්ත ශාලාවක ඊයේ (පෙබරවාරි 12) හටගත් ගින්න මැඩපවත්වා ඇත.
නීති විරෝධී මෝර මසුන් සහ වරල් තොගයක් වෙරළාරක්‍ෂක දෙපාර්තමේන්තුවේ අත්අඩංගුවට
නීතිවිරෝධී ලෙස ලබා ගන්නා ලද මෝර මසුන් සහ මෝර වරල් සන්තකයේ තබාගෙන සිටි පුද්ගලයෙකු දික්ඕවිට ධීවර වරායේදී ඊයේ (12) ශ්‍රී ලංකා වෙරළාරක්‍ෂක දෙපාර්තමේන්තුව විසින් අත්අඩංගුවට ගෙන තිබේ.
.jpg)
දිවයින පුරා පිහිටි යුද්ධ හමුදා ගොවිපලවල එළවළු සහ වී අස්වැන්න නෙලීම
ආරම්භ කරයි
රජයේ ආහාර සුරක්ෂිතතා වැඩසටහනට සහය දැක්වීම සඳහා යුද්ධ හමුදාව විසින් පාලනය කරනු ලබන දිවයින පුරා පිහිටි ගොවිපළවල්වල දැනට මාස කිහිපයකට පෙර වගා කරන ලද මහ කන්නයේ වී අස්වැන්න සහ එළවළු ඵළදාව නෙලීමේ කටයුතු ආරම්භ කරන ලදී.