නවතම පුවත්
ආපදා කළමනාකරණ අංශ නිල වෙබ් අඩවිය එළිදැක්වේ
ආරක්ෂක අමාත්‍යාංශයේ ආපදා කළමනාකරණ අංශ නිල වෙබ් අඩවිය වන “ https://disastermin.gov.lk” ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමාගේ ප්‍රධානත්වයෙන් අද (ජනවාරි 02) කොළඹ පිහිටි රාජ්‍ය අමාත්‍යාංශ පරිශ්‍රයේදී එළිදැක්විය.
මත්ද්‍රව්‍ය ව්‍යාපාරයට එරෙහිව තදබල පහරක් එල්ල කර තිබෙනවා - ආරක්ෂක ලේකම්
මත්ද්‍රව්‍ය ජාවාරමට එරෙහිව ආරක්ෂක අමාත්‍යාංශය සහ ඊට අනුබද්ධ ආයතන ශ්‍රී ලංකා පොලිසිය සමඟ එක්ව ගෙන ඇති ඵලදායී ක්‍රියාමාර්ග මෙරට මත්ද්‍රව්‍ය ජාවාරම්වලට දැඩි පහරක් එල්ල කර ඇති බවත් මෙවැනි වැළැක්වීමේ ක්‍රියාමාර්ග මගින් සමාජයට විශාල බලපෑමක් ඇති කර ඇති බවත් ආරක්ෂක අමාත්‍යාංශ කාර්ය මණ්ඩලය අමතමින් ආරක්ෂක ලේකම් ජෙනරල් කමල් ගුණරත්න පැවසීය.
යුද හමුදාවෙන් කුඹුරුපිඩ්ඩි ගම්මානයට නව ප්‍රතිආශ්‍රැත
ජල පිරිපහදු මධ්‍යස්ථානයක්
නැගෙනහිර ආරක්ෂක සේනා මූලස්ථානයට අයත් 17 වන ශ්‍රී ලංකා ජාතික ආරක්ෂක බළමුළුවේ භටපිරිස් විසින් කුඹුරුපිඩ්ඩි ප්‍රදේශයේ ජනතාවගේ පානීය ජල අවශ්‍යතාවය සඳහා නව ප්‍රතිආශ්‍රැත ජල පිරිපහදු මධ්‍යස්ථානයක් පසුගියදා ඉදිකරන ලදි.
ජනාධිපතිතුමන්ගේ නව අවුරුදු සුබ පැතුම් පණිවුඩය
නව වසරක උදාව යනු නව සිතුම් පැතුම්, අධිෂ්ඨානයන් සමඟ ජීවිතය අලුත් කර ගැනීමට ලැබෙන මහඟු අවස්ථාවකි
අභිනවයෙන් පත් නාවික හමුදාපති ආරක්ෂක රාජ්‍ය අමාත්‍යතුමන් හමුවේ
නව නාවික හමුදාධිපති වයිස් අද්මිරාල් ප්‍රියන්ත පෙරේරා අද (දෙසැම්බර් 30) කොළඹ පිහිටි ආරක්ෂක රාජ්‍ය අමාත්‍යාංශයේ දී ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා හමුවිය.
මාලි රාජ්‍යයේ හි සාම සාධක රාජකාරින් හි නියුතු ශ්‍රී ලාංකික භට පිරිස් ඇගයේ
මාලි රාජ්‍යයේ බහුවිධ ඒකාබද්ධ ස්ථායිභාවය ඇති කිරීමේ මෙහෙයුම් මූලස්ථානයේ එක්සත් ජාතීන්ගේ සාමසාධක රාජකාරීන් සඳහා යොදවා ඇති 4 වන සංග්‍රාමික රථ ආරක්ෂක කණ්ඩයේ යුද හමුදා භට පිරිස් වෙත පසුගියදා ‘හමුදාධිපති ප්‍රශංසා’ සහතිකපත්‍ර ප්‍රදානය කරන ලදී.
එක්සත් ජාතීන්ගේ මෙහෙයුම් සඳහා ප්‍රති ආශ්‍රැති ජල පිරිපහදු ඒකකයක්
නිපදවීමට නාවික හමුදාව ගිවිසුම්ගත වෙයි
එක්සත් ජාතීන්ගේ මෙහෙයුම් සඳහා සහභාගී වන ශ්‍රී ලංකා පොලිස් විශේෂ කාර්ය බළකායේ ප්‍රයෝජනය සඳහා නාවික හමුදා පර්යේෂණ හා සංවර්ධන ඒකකය මඟින් ජංගම ප්‍රති ආශ්‍රැති ජල පිරිපහදු ඒකකයක් නිෂ්පාදනය කිරීම සඳහා ශ්‍රී ලංකා නාවික හමුදාව සහ ශ්‍රී ලංකා පොලිස් විශේෂ කාර්ය බළකාය අතර අවබෝධතා ගිවිසුමක්‍ අත්සන් කිරීම 2022 දෙසැම්බර් මස 29 වන දින නාවික හමුදා මූලස්ථානයේදී සිදු කෙරිණ.
හමුදා පවුල්වල දරුවන් සඳහා අධ්‍යාපන ශිෂ්‍යත්ව
ශ්‍රී ලංකා යුද හමුදාව විසින් උසස් පෙළ විභාගයෙන් දක්‍ෂතා දැක්වූ යුද හමුදා සාමාජිකයින්ගේ දූ දරුවන් පිරිසකට අධ්‍යාපන ශිෂ්‍යත්ව ප්‍රදානය කිරීම පසුගියදා යුද හමුදා මුලස්ථානයේදී පැවැත්විණි.
රුධිර සංචිත නංවාලීම සඳහා හමුදා නිලධාරින් රුධිරය පරිත්‍යාග කරයි
ශ්‍රී ලංකා නාවික හමුදා 72 වන සංවත්සරයට සමගාමීව ඊයේ (දෙසැ 27) වැලිසර නාවික හමුදා මහ රෝහලේදී ලේ දන්දීමේ වැඩසටහනක් සංවිධානය කරන ලදී.
අවහිර වූ ගම්පොළ හෙම්මාතගම මාර්ගය යුද හමුදාව විසින්
යථා තත්ත්වයට පත් කරයි
ධාරානිපාත වර්ෂාව හේතුවෙන් ගම්පොල සහ හෙම්මාතගම මාර්ගයට පස් කන්දක් කඩා වැටීමෙන් පසුගිය ඉරිදා (දෙසැ 25) සවස එහි ගමනාගමනයට බාධා ඇතිවිය.
2004 සුනාමියෙන් විපතට පත්වූවන් සිහි කෙරේ
2004 වසරේදී 35,000කට අධික පිරිසක් මරුමුවට පත් කරමින් මුළු රටම කම්පනයට පත් කළ සුනාමි ව්‍යසනය සිදුවී 18 වැනි වසර සනිටුහන් කරමින් ‘ජාතික සුරක්‍ෂිතා දින’ උත්සවය අද (දෙසැ 26) පෙරවරු 8.45 ට පමණ ගාල්ල තෙල්වත්තේ පැරෑලිය සුනාමි ස්මාරකය අභියස පැවැත්විණි.
ජනාධිපතිතුමන්ගේ නත්තල් දින පණිවිඩය
සියලු මනුෂ්‍යයන් ආලෝකවත් කරවන, රුදුරු අඳුර පරදාලන සත්‍ය ආලෝකයාණන්ගේ පැමිණීම නොහොත් ආගමනය නත්තලයි. එය දිළින්දන්, වහලුන්, පීඩිතයින් මුදාලන විමුක්තිදායක සුපුවතේ රාවය නඟන ආනන්දජනක මංගල්‍යයකි.
ආරක්ෂක ලේකම් ජාතික ශිෂ්‍යභට බලකායේ ප්‍රගතිය සොයා බලයි
ආරක්ෂක ලේකම් ජෙනරල් කමල් ගුණරත්න අද (දෙසැම්බර් 23) පාමංකඩ පිහිටි ජාතික ශිෂ්‍යභට බළකා මූලස්ථානයේ නිරීක්‍ෂණ චාරිකාවක නිරත විය.
කොතලාවල ආරක්ෂක විශ්වවිද්‍යාලයේ නව කුලපති ලෙස ජෙනරාල් කෝට්ටේගොඩ පත් කෙරේ
ගරු ජනාධිපති රනිල් වික්‍රමසිංහ මැතිතුමා විසින් ජෙනරල් ශ්‍රීමත් ජෝන් කොතලාවල ආරක්ෂක විශ්වවිද්‍යාලයේ කුලපති ලෙස ජෙනරල් එස්.එච්.එස් කෝට්ටේගොඩ (විශ්‍රාමික) පත් කර ඇත.
සති අන්තයේ දී කාලගුණය අයහපත් වන ලකුණු
පවතින වැසි සහ සුළං තත්ත්වය සති අන්තයේ දී (දෙසැම්බර් 24 සහ 25) දිවයිනේ බොහෝ ප්‍රදේශවල වැඩි වීමක් අපේක්‍ෂා කෙරේ.
එක්සත් ජාතීන්ගේ සරණාගතයින් පිළිබඳ මහ කොමසාරිස් කාර්යාල
නියෝජිත පිරිසක් ආරක්ෂක ලේකම් හමුවෙයි
එක්සත් ජාතීන්ගේ සරණාගතයින් පිළිබඳ මහ කොමසාරිස් කාර්යාලයේ ආසියානු පැසිෆික් කලාපීය කාර්යාංශයේ අධ්‍යක්ෂ ඉන්ද්‍රික රත්වත්තේ ප්‍රමුඛ නියෝජිත පිරිසක් අද (දෙසැම්බර් 22) ආරක්ෂක අමාත්‍යාංශයේ දී ආරක්ෂක ලේකම් ජෙනරල් කමල් ගුණරත්න හමුවිය.
ජාතික ශිෂ්‍යභට බලකාය වෙත චීනයෙන් රුපියල් මිලියන 5ක ආධාරයක්
ජාතික ශිෂ්‍යභට බලකායේ සංවර්ධනය කටයුතු සඳහා රුපියල් මිලියන 5ක ආධාරයක් ශ්‍රී ලංකාවේ චීන තානාපති කාර්යාලය විසින් බදාදා (දෙසැම්බර් 21) ආරක්ෂක අමාත්‍යාංශය වෙත ලබාදෙන ලදි.
මහනුවර නිවසක හටගත් ගින්නක් යුද හමුදා සෙබළුන් මැඩපවත්වයි
මධ්‍යම ආරක්ෂක සේනා මුලස්ථානය යටතේ ස්ථාපිත 11 වන සේනාංකයේ 111 බලසේනාවේ යුද හමුදා භට පිරිස් විසින් පසුගියදා මහනුවර ශ්‍රී සංඝරාජ මාවතේ තෙමහල් නිවසක හටගත් ගින්නක් මැඩපැවැත්වීමට කටයුතු කරන ලදී.
ශෝක පණිවිඩය
අයහපත් කාලගුණය හේතුවෙන් රාජකීය තායි නාවික හමුදාවේ HTMS Sukhothai නෞකාවට සිදුවූ ව්‍යසනය පිළිබඳව ශ්‍රී ලංකාවේ ආරක්ෂක අමාත්‍යාංශය සිය ශෝකය ප්‍රකාශ කරයි.
නව නාවික හමුදාපති ආරක්ෂක ලේකම් හමුවෙයි
අභිනවයෙන් පත් වූ නාවික හමුදාපති වයිස් අද්මිරාල් ප්‍රියන්ත පෙරේරා අද (දෙසැම්බර් 19) ශ්‍රී ජයවර්ධනපුර කෝට්ටේහි පිහිටි ආරක්ෂක අමාත්‍යාංශයේ දී ආරක්ෂක ලේකම් ජෙනරල් කමල් ගුණරත්න හමුවිය.
ශ්‍රී ලංකා - ඉන්දීය ප්‍රවීණයන්ගේ විවෘත මළල ක්‍රීඩා උළෙලේ දී සිවිල් ආරක්ෂක දෙපාර්තමේන්තු ක්‍රීඩක දස්කම්
2022 දෙසැම්බර් මස 09 සහ 10 දෙදින ඉන්දියාවේ උඩුපි නගරයේ පැවති ශ්‍රී ලංකා - ඉන්දීය ප්‍රවීණයන්ගේ විවෘත මළල ක්‍රීඩා උළෙල සඳහා ශ්‍රී ලංකා කණ්ඩායම නියෝජනය කරමින් සිවිල් ආරක්ෂක දෙපාර්තමේන්තුවේ ක්‍රීඩක ක්‍රීඩිකාවන් තිදෙනෙකු සහභාගී වූහ.
කමාන්ඩෝ රෙජිමේන්තුවේ නව මූලස්ථාන ගොඩනැගිල්ල
ආරක්ෂක ලේකම්ගේ සුරතින් විවෘත කෙරේ
යුද හමුදා කමාන්ඩෝ රෙජිමේන්තුවේ නව මූලස්ථාන ගොඩනැගිල්ල ආරක්ෂක ලේකම් ජෙනරල් කමල් ගුණරත්න විසින් ගණේමුල්ල කමාන්ඩෝ රෙජිමේන්තු මධ්‍යස්ථානයේදී අද (දෙසැම්බර් 19) විවෘත කරන ලදි.
අයිස් සහ හෙරොයින් තොගයක් නාවික හමුදා අත්අඩංගුවට
ශ්‍රී ලංකා නාවික හමුදාව, රාජ්‍ය බුද්ධි සේවාව සහ පොලිස් මත්ද්‍රව්‍ය නාශක කාර්යාංශය එක්ව ශ්‍රී ලංකාවට දකුණෙන් දෙවුන්දර තුඩුවේ සිට නාවික සැතපුම් 229 ක් පමණ (කිලෝමීටර් 424 ක් පමණ) දුරින් වූ ගැඹුරු මුහුදේ සිදුකළ විශේෂ මෙහෙයුමක් මඟින් රුපියල් මිලියන 4586 කට අධික දළ වීථි වටිනාකමකින් යුත් අයිස් මත්ද්‍රව්‍ය (Crystal Methamphetamine) කිලෝ 128 ග්‍රෑම් 327 ක් සහ හෙරොයින් මත්ද්‍රව්‍ය කිලෝ 106 ග්‍රෑම් 474 කට අධික තොගයක් (ඇසුරුම් බර සහිත) රැගත් මෙරට බහුදින ධීවර යාත්‍රාවක් සමඟ සැකකරුවන් අට දෙනෙක් (08) සහ එම යාත්‍රාවට ඉන්ධන ලබාදීමට පැමිණි බවට සැකකෙරෙන තවත් බහුදින ධිවර යාත්‍රාවක් සමඟ සැකකරුවන් හය දෙනෙකු (06) 2022 දෙසැම්බර් මස 14 වන දින ශ්‍රී ලංකා නාවික නෞකා සමුදුර නෞකාව මඟින් අත්අඩංගුවට ගැනීමට කටයුතු කෙරිණි. එම මත්ද්‍රව්‍ය තොගය සහ සැකකරුවන් අද (2022 දෙසැම්බර් 18) උදෑසන කොළඹ වරාය වෙත රැගෙන එන ලද අතර, එම මත්ද්‍රව්‍ය තොගය පරික්‍ෂා කිරීම සඳහා නාවික හමුදාධිපති වයිස් අද්මිරාල් ප්‍රියන්ත පෙරේරා සහභාගි විය.
ආපදාවට පත් මියන්මාර් ජාතිකයින් 104 ක් මුදා ගැනීම සඳහා නාවික හමුදා සහය
මියන්මාරයේ සිට ඉන්දුනීසියාව දක්වා මියන්මාර් ජාතිකයින් 104 ක් ප්‍රවාහනය කරමින් තිබූ මගී ප්‍රවාහන යාත්‍රාවක් එහි ඇති වූ යාන්ත්‍රික දෝෂයක් හේතුවෙන් ආපදාවට පත්වී, වෙත්තලකේනි ප්‍රදේශයට නාවික සැතපුම් 3.5 ක් පමණ උතුරු දෙසින් වූ මෙරට මුහුදු ප්‍රදේශයට 2022 දෙසැම්බර් මස 17 වන දින රාත්‍රියේ අනවසරයෙන් පැමිණ ඇති අතර, එම මගී ප්‍රවාහන යාත්‍රාවේ සිටි මියන්මාර් ජාතිකයන් 104 ක් නිරුපද්‍රිතව මුදාගැනීමට අද (2022 දෙසැම්බර් 18) උදෑසන නාවික හමුදාව විසින් කටයුතු කෙරිණි.
නව නාවික හමුදාපති ලෙස වයිස් අද්මිරාල් ප්‍රියන්ත පෙරේරා පත්වේ
ගරු ජනාධිපති රනිල් වික්‍රමසිංහ මහතා විසින් රියර් අද්මිරාල් ප්‍රියන්ත පෙරේරා වයිස් අද්මිරාල් නිලයට උසස් කර ශ්‍රී ලංකා නාවික හමුදාවේ 25 වැනි නාවික හමුදාපතිවරයා ලෙස අද (18) පත් කර තිබේ.