මාධ්ය නිවේදන
අරලියගහ මන්දිරය හරහා රොටුන්ඩා වටරවුම දක්වා දිවෙන මාර්ගය
මහජනතාව වෙනුවෙන් විවෘත කෙරේ
කොළඹ කොල්ලුපිටිය පොලිස් බල ප්රදේශයට අයත් ආර් ඒ ඩි මෙල් මාවතේ මයිකල් වටරවුමේ සිට අරලියගහ මන්දිරය හරහා රොටුන්ඩා වටරවුම දක්වා දිවෙන කොටස 2005 වර්ෂයේදී ආරක්ෂක හේතූන් මත වසා තැබීමට කටයුතු කරනු ලැබීය.
මාධ්ය නිවේදනයයි
සිවිල් පුද්ගලයින් හට ආරක්ෂක අමාත්යාංශය මඟින් ජීවිත ආරක්ෂාව සඳහා ලබාදී ඇති සියළුම ගිනි අවි පිළිබඳව සමාලෝචනය කිරීමෙන් පසු නැවත ලබාදීම සලකා බැලීමට යටත්ව තාවකාලික පදනම මත 1916 අංක 33 දරණ තුවක්කු ආඥා පනතේ 6 (1) හා 6 (2) වගන්ති ප්රකාරව ආරක්ෂක ලේකම් වෙත පැවරී ඇති බලතල අනුව රජය වෙත භාර ගැනීමට තීරණය කර ඇත.
ත්රිවිධ හමුදා සාමාජිකයන් හට පෙළබවීමේ දීමනාව හිමි ගැන්වීම සම්බන්ධව
ප්රභූ ආරක්ෂක රාජකාරින් සඳහා යාකර ඇති ත්රිවිධ හමුදා සාමජිකයින් වෙත ලබාදෙනු ලබන පෙළබවීමේ දීමනාව ලබාදීම සම්පුර්ණයෙන්ම නවතා ඇති බවට ඇතැම් මාධ්ය හා සමාජ ජාලා ඔස්සේ කරුණු ප්රචාරණය වී ඇත.
සයිබර් අපරාධ මධ්යස්ථානය වෙත තැනැත්තන් වෙළෙඳාම් කිරීම සම්බන්ධව
තැනැත්තන් වෙළෙඳාමට එරෙහි ජාතික කාර්ය සාධක බළකායේ අනතුරු ඇඟවීම
තැනැත්තන් වෙළෙඳාමට එරෙහි ජාතික කාර්ය සාධක බළකාය විසින් මියන්මාරයේ සයිබර් අපරාධ කඳවුරු වලට විවිධ ආකාරයෙන් මිනිසුන් යොමු කිරීම් හී වැඩිවීමක් පිළිබඳව මහජනතාවට අනතුරු අඟවයි. විදේශයන්හි ආකර්ශණීය වැටුප් ලැබෙන රැකියා අවස්ථා ලබාදෙන බව පවසා තොරතුරු තාක්ෂණ දැනුම ඇති වෘත්තිකයන් ඉලක්ක කර ගනිමින් මිනිස් වෙළෙඳාම් සිදු කරන්නන් විසින් මෙය සිදු කරනු ලබන බවට කරුණු අවධාරණය කෙරේ.
සිවිල් ආරක්ෂක බලකායේ සාමාජිකයන්ට රජයෙන් අත්වැලක්
ආරක්ෂක අමාත්යංශය යටතේ ක්රියාත්මක වන සිවිල් ආරක්ෂක බලකාය පසුගිය තිස් වසරක කුරිරු යුද්ධය අවසන් කිරීමට සුවිශේෂී දායකත්වයක් දැක්වූ වර්තමානයේ මෙරට ක්රියාත්මක කෙරෙන සංවර්ධන ව්යාපෘති සහ සමාජයේ යහ පැවැත්ම උදෙසා අතිශය වැදගත් කාර්යභාරයක් සිදු කරනු ලබයි.
නීති විරෝධී මාර්ගවලින් මියන්මාරයේ රැකියා සඳහා යාමෙන් වළකින ලෙස ආරක්ෂක ලේකම්වරයා ශ්රී ලාංකිකයිගෙන් ඉල්ලා සිටී
නීති විරෝධී මාර්ගවලින් මියන්මාරයේ රැකියා සඳහා යාමෙන් වළකින ලෙස ආරක්ෂක ලේකම්වරයා ශ්රී ලාංකිකයිගෙන් ඉල්ලා සිටී
නීති විරෝධී විදෙස් රැකියා ඒජන්තවරුන් මෙන්ම මිනිස් ජාවාරමට සම්බන්ධ පුද්ගලයින් සහ ආයතන හරහා මියන්මාරයේ රැකියා සඳහා අනීතිකව පිටත්ව ඇති ශ්රී ලාංකිකයින් පිරිසක් මියන්මාරයේ ත්රස්තවාදී කණ්ඩායම්වල පාලනය යටතේ පිහිටි සයිබර් අපරාධ ප්රදේශයේ කඳවුරක නීති විරෝධි ක්රියාකාරකම්
සමස්ත රටේම ආරක්ෂාව තහවුරු කරමින් ඉදිරි ජනාධිපතිවරණය බාධාවකින් තොරව පැවැත්වීම සඳහා අවශ්ය සියලු පියවර ගන්න - ආරක්ෂක රාජ්ය අමාත්ය
එළෙඹෙන ජනාධිපතිවරණය මැතිවරණ කොමසාරිස්වරයා විසින් ප්රකාශයට පත් කර ඇති බැවින්, එම කාලය තුල ජනාධිපති අපේක්ෂකයන්ගේ, පුරවැසියන්ගේ මෙන්ම සමස්ත රටේම ආරක්ෂාව උපරිම අයුරින් තහවුරු කිරීමට අවශ්ය සියලු පියවර ගන්නා ලෙස ආරක්ෂක රාජ්ය අමාත්ය ගරු ප්රමිත බණ්ඩාර තෙන්නකෝන් මැතිතුමා අද පාර්ලිමේන්තුවේදී ආරක්ෂක ප්රධානීන්ට උපදෙස් ලබා දුන්නේය.
“2024 වසර තුල ශ්රී ලංකාවේ ආර්ථික ස්ථාවරත්වය - ඉදිරි දැක්ම සහ අවදානම් ඇගයීම” තේමාව යටතේ විශේෂ සාකච්ඡාවක්
“2024 වසර තුල ශ්රී ලංකාවේ ආර්ථික ස්ථාවරත්වය - ඉදිරි දැක්ම සහ අවදානම් ඇගයීම” යන තේමාව යටතේ ඉදිරි කාලය තුළ ශ්රී ලංකාවේ ආර්ථික තත්ත්වය පිලිබඳ ඇගයීම සඳහා වන සාකච්ඡාවක් පසුගිය බ්රහස්පතින්දා (ජුනි 06) සන්ධ්යාවේ ශ්රී ජයවර්ධනපුර කෝට්ටේ ආරක්ෂක අමාත්යාංශයේ නන්දිමිත්ර ශ්රවණාගාරයේදී පවත්වන ලදී. මෙහි ප්රධාන ආරාධිත අමුත්තා ලෙස ආරක්ෂක ලේකම් ජෙනරල් කමල් ගුණරත්න සහභාගි විය.
මාධ්ය නිවේදනය
ජෙනරාල් ශ්රීමත් ජෝන් කොතලාවල ආරක්ෂක විශ්වවිද්යාලීය කලමණාකරණ මණ්ඩලය විසින් අනුමත කල පරිදි, වෛද්යවේදි හා ශල්ය වෛද්යවේදි (MBBS) උපාධි පාඨමාලාව සඳහා අපේක්ෂකයින් තෝරාගැනීමේ සම්මුඛ පරීක්ෂණ මණ්ඩලය, විශ්වවිද්යාලීය කාර්ය මණ්ඩල සාමාජිකයින්ගෙන් සහ නිරික්ෂකයින් ලෙස විශ්වවිද්යාල ප්රතිපාදන කොමිෂන් සභාවේ සහ ශ්රි ලංකා වෛද්ය සභාවේ නියෝජිතයින්ගෙන් සමන්විත විය.
ශ්රී ලාංකික පුරවැසියන් රුසියා - යුක්රේන යුද්ධය සඳහා යෙදවීම සම්බන්ධයෙන්
තොරතුරු ලබාගැනීම වෙනුවෙන් විශේෂ ඒකකයක් පිහිටුවයි
නීති විරෝධී මාර්ග හරහා රුසියා - යුක්රේන යුද්ධය සඳහා ශ්රී ලංකාවේ ත්රිවිධ හමුදා විශ්රාමික සාමාජිකයින් යෙදවීමේ මිනිස් ජාවාරමට සම්බන්ධව තොරතුරු ලබාගැනීම වෙනුවෙන් ආරක්ෂක අමාත්යාංශය විශේෂ අංශයක් පිහිටුවා ඇති බව ආරක්ෂක අමාත්යාංශය නිවේදනය කරයි.
පොදු සමා කාලයක් ප්රකාශයට පත් කිරීම
නිවාඩු නොමැතිව සේවයට වාර්තා නොකර සිටින ත්රිවිධ හමුදා සාමාජිකයින් වෙත නීත්යානුකූලව සේවයෙන් ඉවත්වීම සඳහා 2024.04.20 දින සිට 2024.05.20 දින දක්වා ප්රකාශයට පත්කරන ලද පොදු සමා කාලය නිවාඩු නොමැතිව සේවයට වාර්තා නොකර සිටින අධිකාරිලත් නිලධාරීන් සඳහා අදාල නොවන බව ආරක්ෂක අමාත්යාංශය නිවේදනය කරයි.
ත්රිවිධ හමුදාවේ නිවාඩු නොමැතිව සේවයට වාර්ථා නොකර සිටින හමුදා පුද්ගලයන් හට සේවයෙන් ඉවත්වීම සඳහා පොදු සමා කාලයක් ප්රකාශයට පත්කිරීම
නිවාඩු නොමැතිව සේවයට වාර්ථා නොකර සිටින ත්රිවිධ හමුදා පුද්ගලයන් වෙත නීත්යානුකූලව සේවයෙන් ඉවත්වීම සඳහා 2024.04.20 දින සිට 2024.05.20 දින දක්වා ආරක්ෂක අමාත්යාංශය විසින් පොදු සමා කාලයක් ප්රකාශයට පත්කිරීම.
පවතින වියළි කාලගුණික තත්වය සහ කැළෑ ගිනි ගැනීම් පිළිබඳව
ආරක්ෂක රාජ්ය අමාත්යවරයා මාධ්ය වෙත අදහස් දක්වයි
රටේ පවතින වියළි කාලගුණ තත්ත්වය හා වර්තමානයේ වැඩි වී ඇති කැලෑ ගිනි ගැනීම් පිළිබඳව මහජනතාව දැනුවත් කිරීමේ අරමුණෙන් ඊයේ (මාර්තු 13) ආරක්ෂක රාජ්ය අමාත්ය ගරු ප්රමිත බණ්ඩාර තෙන්නකෝන් මැතිතුමා මාධ්ය සාකච්ඡාවක් පවත්වන ලදි.
මාධ්ය නිවේදනය
2009.05.19 දිනට පෙර මෙරට පැවති යුද්ධයට සක්රියව දායකත්වය ලබාදී ත්රස්තවාදී ක්රියා හේතුවෙන් ආබාධිතව වෛද්ය හේතූන්මත විශ්රාම ගොස් සිටින ත්රිවිධ හමුදා සාමාජිකයින්, ඔවුන්ගේ වයස අවුරුදු 55 එළඹීමට පෙර මිය ගිය අවස්ථාවක දී, අදාල හමුදා සාමාජිකයාගේ වයස අවුරුදු 55 එළඹෙන දිනය දක්වා ඔවුන්ගේ යැපෙන්නන් වෙත වැටුප් හා දීමනා හිමිගැන්වීම සඳහා අංක අමප/23/2527/603/061 හා 2024.01.24 දිනැතිව අමාත්ය මණ්ඩලයේ අනුමැතිය හිමිව ඇත.
මධ්යම අප්රිකානු ජනරජයේ දී සිදු වූ ගුවන් හමුදා හෙලිකොප්ටර් අනතුර: අල්-ෂබාබ් ප්රාණ
ඇපකාර සබැඳි චෝදනා ආරක්ෂක අමාත්යාංශය ප්රතික්ෂේප කරයි
සෝමාලියාවට හෙලිකොප්ටරයක් කඩා වැටීමෙන් පසු අල්-ෂබාබ් ත්රස්ත කණ්ඩායම විසින් ශ්රී ලාංකිකයන් පිරිසක් ප්රාණ ඇපයට ගත් බවට එල්ල වන චෝදනා සහ අසත්ය ප්රචාර ශ්රී ලංකාවේ ආරක්ෂක අමාත්යාංශය තරයේ ප්රතික්ෂේප කරයි.
2023.12.04 දින ආරක්ෂක සේවා අණ හා මාණ්ඩලික විද්යාලය හා සබැඳිව මාධ්යයන්හි වූ අසත්ය ප්රචාරය පිළිබඳවයි
ආරක්ෂක සේවා අණ හා මාණ්ඩලික විද්යාලයේ කටයුතු පරීක්ෂා කිරීම සඳහා විවිධ අවස්ථාවන්හිදී පැමිණි හමුදා ප්රධානින් පිරිසකට සංග්රහ කිරීම වෙනුවෙන් 2022 වර්ෂයේදී විශාල මුදලක් වැය කර ඇති බවට වැරදි අර්ථකථනයක් ලබාදෙමින් මාධ්යයන්හි ප්රචාරය වූ කරුණුවල කිසිඳු සත්යතාවක් නොමැති බව ආරක්ෂක අමාත්යාංශය අවධාරණය කර සිටී.
පවතින අයහපත් කාලගුණික තත්වය සම්බන්ධයෙන් ගරු ආරක්ෂක රාජ්ය
අමාත්යවරයා විසින් කරන ලද විශේෂ ප්රකාශය
දැනට පවතින අයහපත් කාලගුණික තත්වය ඉදිරි දින කිහිපයටත් මේ ආකාරයෙන්ම පවතින බව සහ ඉදිරි දින කිහිපයේ පළාත් කිහිපයකට මිලි මීටර් 100ට අධික වර්ෂාපතනයක් ලැබෙන බවට කාලගුණ විද්යා දෙපාර්තමේන්තුව පුරෝකථනය කරයි.
මාධ්ය නිවේදනය
ආගමික, රාජ්ය සහ වෙනත් ආයතනවලට අනුයුක්ත කර ඇති සිවිල් ආරක්ෂක සාමාජිකයින් එම රාජකාරීන්වලට පරිබාහිර ක්රියාවන්ට සම්බන්ධ වී ඇතිද යන්න වාර්තාවක් කැඳවයි.
පාර දෙපස කඩා වැටීමේ අවදානමක් ඇති ගස් සම්බන්ධයෙන් කඩිනම් පියවර
ගන්නා ලෙස ආරක්ෂක රාජ්ය අමාත්ය වරයා අදාළ බලධාරීන්ට උපදෙස් දෙයි
පවතින වැසිබර කාලගුණය හේතුවෙන් මාර්ග දෙපස කඩා වැටීමේ අවදානමක් පවතින විශාල ගස් පිළිබඳව වහාම අධ්යයනයක් කර මහජනතාවට තර්ජනයක් විය හැකි සෑම දෙයක්ම ඉවත් කරන ලෙස ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් මැතිතුමා විසින් පරිසර අධිකාරියේ, මාර්ග සංවර්ධන අධිකාරියේ සහ අදාළ පළාත් පාලන ආයතනයන්හි නිලධාරීන් සමඟ සම්බන්ධීකරණයවී අවශ්ය පියවර ගන්නා ලෙස ආපදා කළමනාකරණ මධ්යස්ථානයේ සහ ජාතික ගොඩනැගිලි පර්යේෂණ සංවිධානයේ නිලධාරීන් හට උපදෙස් ලබාදෙන ලදි.
මාතර දිස්ත්රික්කයේ තැන්නපිටහේන කන්ද නාය යයි. ජීවිත හානි නොමැත
මාතර දිස්ත්රික්කයේ අකුරැස්ස දියලපේ ගම්මානයේ පිහිටි තැන්නපිටහේන කන්ද ඊයේ (ඔක්. 05) පස්වරු 5 ට පමණ නාය යෑමට ලක්විය.
ගිනිඅවි බලපත්ර අලුත් කිරීම හා පෞද්ගලික ආරක්ෂක නියෝඡ්යායතන ලියාපදිංචිය අලුත් කිරීම - 2024 වර්ෂය
ගිනි අවි සඳහා බලපත්ර හිමි පුද්ගලයින්/ ආයතන විසින් 2024 වර්ෂය වෙනුවෙන් සිය ගිනිඅවි (තුවක්කු) බලපත්ර අළුත් කිරීම 2023.10.01 දිනෙන් ආරම්භ වී 2023.12.31 දිනෙන් අවසන් කිරීමට තීරණය කර ඇති අතර, මේ පිළිබඳ තොරතුරු හා අයදුම්පත්ර ආරක්ෂක අමාත්යාංශයේ වෙබ් අඩවියෙන් www.defence.lk බාගත හැක. 2023 දෙසැම්බර් මස 31 දිනෙන් පසු 2024 වර්ෂය වෙනුවෙන් ගිනි අවි බලපත්ර අළුත් කිරීම සිදු නොකරන බවට හා තුවක්කු ආඥා පනතේ 22 වන වගන්තියේ විධිවිධාන අනුව වලංගු බලපත්රයක් රහිතව ගිනිඅවියක් සන්තකයේ තබාගැනීම දඬුවම් ලැබිය හැකි වරදක් වේ.
යුද්ධයේදී මියගිය හා ආබාධිත රණවිරුවන්ගේ යැපෙන්නන් හට
වැටුප් හා දීමනා ලබාදීම සබැඳිව
පසුගිය යුධ සමයේ පැවති ත්රස්තවාදී ක්රියා හේතුවෙන් ආබාධිත තත්වයට පත්ව වෛද්ය හේතුන් මත, ත්රිවිධ හමුදා සේවයෙන් ඉවත් වන හමුදා සාමාජිකයින් වෙත ඔවුන්ගේ වයස 55 දක්වා සහ ඔහුට සහ ඔහුගේ වැන්දඹු බිරිදට ජිවිතාන්තය දක්වා එම දීමනා එලෙසම හිමිගැන්වීම සඳහා මෙම අමාත්යාංශය දැනටමත් අවශ්ය විධිවිධාන සලසා ඇත.
ආරක්ෂක අමාත්යාංශය: පාස්කු ඉරිදා ප්රහාරය සම්බන්ධයෙන් Channel 4 හි
අසත්ය චෝදනා නිල වශයෙන් ප්රතික්ෂේප කිරීම
ළමුන් සහ විදේශිකයන් ඇතුළු අහිංසක ජීවිත 270 කට ආසන්න පිරිසකගේ ජීවිත බිලිගත් ලොවම කම්පා කළ 2019 පාස්කු ඉරිදා ප්රහාරය, ශ්රී ලංකාව සහ ජාත්යන්තර ප්රජාව භීතියෙන් බලා සිටියහ. මෙම ව්යසනයෙන් පසුව, ශ්රී ලංකා රජය, නීතිය ක්රියාත්මක කරන ආයතන, ආරක්ෂක අංශ සහ ජාත්යන්තර විමර්ශන ආයතන පුළුල් පරීක්ෂණ දියත් කළේය. වසර ගණනාවක් දේශීය හා ජාත්යන්තර වශයෙන් කරන ලද මෙම පරික්ෂණ තුලින් නිරන්තරයෙන් පෙන්වා දී ඇත්තේ මෙම භයංකර ඛේදවාචකයේ නිර්මාපකයින් සහරාන් හෂීම්ගේ නායකත්වයෙන් යුත් අයිඑස්අයිඑස් හා සම්බන්ධ කණ්ඩායම්වල සාමාජිකයින් බවයි.
යුද්ධයේදී ආබාධිත වෛද්ය හේතුන් මත විශ්රාම ගොස් සිටින ත්රිවිධ හමුදා සාමාජිකයින් සහ මියගිය රණවිරු යැපෙන්නන් වෙත
සංශෝධිත සලාක දිමනා හිමිගැන්වීම සබැඳිවයි
ත්රස්තවාදී ක්රියා හේතුවෙන් ආබාධිත තත්ත්වයට පත්ව දැනට වෛද්ය හේතුන් මත විශ්රාම ගොස් සිටින අයවළුන් සහ යුද්ධයේදී මියගිය රණවිරුවන්ගේ යැපෙන්නන් වෙත සංශෝධිත සලාක දිමනා හිමිගැන්වීමට අවශ්ය කටයුතු මේ වන විටත් සිදුකර ගෙන යන අතර, අදාල දීමනාව නුදුරේදීම ලබාදීමට කටයුතු සම්පාදනය කරමින් පවතී.
වගා ආරක්ෂණය සඳහා ගිනිඅවි බලපත්ර නිකුත් කිරීමට තීරණය කර ඇති බව රාජ්ය ආරක්ෂක අමාත්ය ප්රමිත බණ්ඩාර තෙන්නකෝන් පවසයි.
වගා ආරක්ෂණ කටයුතු සඳහා ගිනිඅවි භාවිතය වෙනුවෙන් පෙර පැවති නීති සංශෝධනය කර ඇති අතර එම බලපත්ර නිකුත් කිරීම සඳහා තිබිය යුතු වගා භූමි ප්රමාණය අක්කර පහක් (05) දක්වා සංශෝධනය කිරීමට තීරණය කර ඇති බව රාජ්ය ආරක්ෂක අමාත්ය ප්රමිත බණ්ඩාර තෙන්නකෝන් මැතිතුමා පවසයි.