නාවික හමුදාවේ ‘සමුදුර’ නෞකාව අතරමං වූ ධීවර බෝට්ටු ගෙන එයි
මැයි 24, 2020සුළි කුණාටුවට හසු වූ ධීවර යාත්‍රා බේරා ගැනීම සඳහා දැන් ක්‍රියාත්මක වන ශ්‍රී ලංකා නාවික හමුදා ‘සමුදුර’ නෞකාව අතරමං වූ සියලුම ධීවර යාත්‍රා සමඟ ආපසු පැමිණෙමින් සිටී. මෙම ධීවර යාත්‍රා ගමන් කරමින් සිටියදී, ‘අම්පන් ’ සුළි කුණාටුවෙන් පසු ගැඹුරු මුහුදට ගසාගෙන ගොස් තිබිණ.
ශ්‍රී ලංකා නාවික හමුදා ‘සමුදුර’ නෞකාව සමඟ නැවත රට බලා යාත්‍රා කරමින් සිටින මෙම ධීවර බෝට්ටුවලට ඉන්ධන ලබා දී ඇත්තෙද නෞකාව විසින්ම වේ.
ශ්‍රී ලංකා නාවික හමුදාව පවසන්නේ, සදේව්මි 04, සනූ පුතා 01, මධුසංක 01, සයුරි 06, රන් පුතා 09 සහ සප්නා 08 යනාදී ධීවර බෝට්ටුවලට ආපසු පැමිණීමේ පහසුව සඳහා ඉන්ධන සපයන ලද බවත්, ඔවුන් දින 30 කට වැඩි කාලයක් මුහුදේ සිට ඇති බවත්ය.