හමුදා නිල ඇඳුම් සහ පතොරම් සමඟ සැකකරුවෙකු පොලීසිය විසින් අත්අඩංගුවට

හමුදා නිල ඇඳුම්, හෙරොයින් ග්‍රෑම් 5 ක්, ජීව උණ්ඩ 2ක්, හිස් මැගසින් හතරක්, නීති විරෝධී කිනිසි තියුණු දෙකක් සහ ත්‍රිරෝද රථයක් සමඟ සැකකරුවෙකු පොලීසිය විසින් අත්අඩංගුවට ගෙන තිබේ.   

ඔහු අද (18) නීතිමය කටයුතු සඳහා කඩුවෙල මහේස්ත්‍රාත් අධිකරණයට ඉදිරිපත් කරන බව පොලිසිය පවසයි.   

39 හැවිරිදි සැකකරු, අතුරුගිරිය අරන්ගල ප්‍රදේශයේ පදිංචිකරුවෙකු වන අතර, ඊයේ ලැබුනු තොරතුරකට අනුව, අතුරුගිරිය පොලිසිය විසින් සිදුකරන ලද විශේෂ වැටලීමකදී අත්අඩංගුවට ගෙන තිබේ.   

සිද්ධිය සම්බන්ධයෙන් වැඩිදුර පරීක්ෂණ අතුරුගිරිය පොලිසි විසින් පවත්වනු ලබයි.