PCR පරීක්ෂණ 373,534 ක් අවසන්
ඔක්තෝම්බර් 17, 2020වසංගත රෝග විද්‍යා ඒකකයට අනුව ඊයේ දින වාර්තා වූ ආසාදිතයින් 110 සමඟ රටේ මුළු කොවිඩ් -19 ආසාදිත සංඛ්‍යාව 5,354 දක්වා ඉහළ ගොස් තිබේ.
ඒ අනුව, 1041 ක් මිනුවන්ගොඩ ඇඟලුම් කර්මාන්තශාලා සේවකයන් ලෙස හඳුනාගෙන ඇති අතර 860 ක් වන ඔවුන්ගේ සමීපතමයන් සමගින් මිනුවන්ගොඩ පොකුරේ ආසාදිතයින් සංඛ්‍යාව 1,901දක්වා ඉහළ ගොස් තිබේ.
ඊයේ දින සිදු කළ PCR පරීක්ෂණ 7,675 ක් සමඟ දිවයිනේ මේ වන විට පරීක්ෂණ 373,534 ක් කර ඇති අතර නිරෝධායන මධ්‍යස්ථාන 86 ක් තුළ පුද්ගලයන් 9,415 ක් නිරෝධායනයකට ලක්ව සිටින බව කොවිඩ් - 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.
විදේශයන්හි සිට ආපසු මෙරටට ගෙන්වා ගත් අය අතුරින් කොරෝනා ආසාදිත 05 දෙනෙකු සම්පූර්ණ සුවය ලැබීමෙන් පසු රෝහල් වලින් පිටව ගොස් ඇත.
කොවිඩ් - 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය ට අනුව මේ වන විට පුද්ගලයින් 53,395 ක් නිරෝධායන කාලය සාර්ථකව සම්පූර්ණ කර ඇත.