නැගෙනහිර, උතුරු සහ උතුරු-මැද පළාත්වල ඉතා තද සුළං පිළිබඳව කාලගුණ විද්‍යා දෙපාර්තමේන්තුව අනතුරු අඟවයි

නිරිතදිග බෙංගාල බොක්ක ආශ්‍රිත දැඩි අව පීඩන තත්වයක් හා  (10.0N, 83.3E) එය කේන්ද්‍රගත වී ඇත්තේ ත්‍රිකුණාමලයේ වෙරළට ඊසාන දෙසින් කි.මී. 280 ක් පමණ දුරින් බව කාලගුණ විද්‍යා දෙපාර්තමේන්තුව අද (නොවැ. 24) නිකුත් කළ කාලගුණ වාර්තාවේ සඳහන් වේ.

එය ඉදිරි පැය 12 තුළ සුළි කුණාටුවක් හා ඉන්පසු  පැය 12 තුළ දරුණු සුළි කුණාටුවක් බවට පත්වීමට බොහෝ දුරට ඉඩ ඇත. ඉදිරි පැය 48 තුළ එය වයඹ දෙසට ගමන් කර තමිල්නාඩු වෙරළ තීරය දක්වා පැතිරෙන බවට අපේක්ෂා කෙරේ.

නැගෙනහිර, උතුරු සහ උතුරු-මැද පළාත්වල පැයට කිලෝමීටර් 60-70 දක්වා වූ ඉතා තද සුළං අපේක්ෂා කෙරේ. කිලෝමීටර 40-50 ක තද සුළං අනෙක් ප්‍රදේශවල අපේක්‍ෂා කළ හැකිය. වලාකුළු සහිත අහස උතුරු, උතුරු-මැද  සහ වයඹ පළාත්වල සහ ත්‍රිකුණාමල දිස්ත්‍රික්කවල අපේක්‍ෂා කළ හැකිය.

උතුර සහ උතුරු මැද පළාත්වල සහ ත්‍රිකුණාමල දිස්ත්‍රික්කවල ඇතැම් විට වැසි හෝ ගිගුරුම් සහිත වැසි ඇති වේ. මිලිමීටර 100 ට වඩා අධික වර්ෂාපතනය සමහර ස්ථානවල දක්නට ලැබේ.

බටහිර, වයඹ සහ සබරගමුව පළාත්වල මද වැසි ඇති වේ.

ගිගුරුම් සහිත වැසි ඇති වන විට තද සුළං සහ අකුණු මඟින් සිදුවන හානිය අවම කිරීම සඳහා අදාල පියවර ගන්නා ලෙස සාමාන්‍ය ජනතාවගෙන් කාරුණිකව ඉල්ලා සිටි.

ඉදිරි දින කිහිපය තුළ 08N-14N, 80E-89E අතර මුහුදු ප්‍රදේශවල වරින් වර වැසි / ගිගුරුම් සහිත වැසි, තද හෝ ඉතා තද සුළං සහ රළු හෝ ඉතා රළු මුහුද අපේක්‍ෂා කළ හැකි බව දෙපාර්තමේන්තුවේ සමුද්‍ර කාලගුණ වාර්තාව පවසයි.

පුත්තලම සිට පොතුවිල් දක්වා මන්නාරම, කන්කසන්තුරේ , ත්‍රිකුණාමලය, මඩකලපුව හරහා විහිදෙන මුහුදු කඩින් කඩ වැසි සහ ගිගුරුම් සහිත වැසි ඇතිවිය හැකිය.  

ඇතැම් විට පුත්තලම සිට පොතුවිල් දක්වා මන්නාරම, කන්කසන්තුරෙයි, ත්‍රිකුණාමලය සහ මඩකලපුව හරහා විහිදෙන මුහුදු ප්‍රදේශය පුරා සුළං උතුරින් හා වයඹ දෙසින් වන අතර සුළං වේගය කි.මී. (80-100) දක්වා ඉහළ යා හැකිය. දිවයින අවට ඇති අනෙකුත් මුහුදු ප්‍රදේශවල සුළං වයඹ හා නිරිත දිගින් වේ.

පුත්තලම් සිට කොළඹ හරහා හම්බන්තොට දක්වා මුහුදු ප්‍රදේශය පුරා සුළං වේගය කිලෝමීටර 50-60 දක්වා ඉහළ යා හැකිය. සුළං වේගය අනෙකුත් මුහුදු ප්‍රදේශවල කිලෝමීටර 30-40 අතර වේ.

පුත්තලම් සිට පොතුවිල් දක්වා මන්නාරම, කන්කසන්තුරෙයි, ත්‍රිකුණාමලය සහ මඩකලපුව හරහා විහිදෙන මුහුදු ප්‍රදේශ විටින් විට ඉතා රළු හෝ ඉහළ මට්ටමක පවතී. නාවික හා ධීවර ප්‍රජාවන්ට මෙම මුහුදු ප්‍රදේශවලට නොයන ලෙස උපදෙස් දී ඇත.

පුත්තලම් සිට කොළඹ හරහා හම්බන්තොට දක්වා විහිදෙන මුහුදු ප්‍රදේශ විටින් විට තරමක් රළු වනු ඇත. නාවික හා ධීවර ප්‍රජාවන් මේ සම්බන්ධයෙන් සුපරීක්‍ෂාකාරී වන ලෙස ඉල්ලා සිටී.