“නිවාර්” සුළි කුණාටුවේ බලපෑම පිළිබඳව කාලගුණ විද්‍යා දෙපාර්තමේන්තුව අනතුරු අඟවයි

නිරිතදිග බෙංගාල බොක්ක ප්‍රදේශයට ඉහළින් සක්‍රියව ඇති “නිවාර්” සුළි කුණාටුව දරුණු සුළි කුණාටුවක් බවට පත්ව ඇති අතර එය ඊයේ (24) පැය 2330 ට (10.1N, 82.1E) ආසන්නයේ , කන්කසන්තුරය වෙරළට කි.මී. 230 ක් පමණ දුරින් නැගෙනහිර දෙසින් බව කාලගුණ විද්‍යා දෙපාර්තමේන්තුව අද (නොවැ. 24) නිකුත් කළ කාලගුණ වාර්තාවේ සඳහන් වේ.

එය චණ්ඩ සුළි  කුණාටුවක් දක්වා තීව්‍ර වීමට බොහෝ දුරට ඉඩ ඇති අතර ඉදිරි පැය 24 තුළ වයඹ දෙසට ගමන් කර ඉන්දියාවේ තමිල්නාඩු වෙරළ තීරය වෙත ගමන් කරනු ඇතැයි  අපේක්ෂා කෙරේ.

ඒ අනුව නැගෙනහිර, උතුරු සහ උතුරු-මැද පළාත්වල පැයට කිලෝමීටර් 60-80 දක්වා වූ ඉතා තද සුළං අපේක්ෂා කෙරේ. කිලෝමීටර 40-50 ක තද සුළං අනෙක් ප්‍රදේශවල  ද අපේක්‍ෂා කළ හැකිය.

උතුර සහ උතුරු මැද පළාත්වල සහ පුත්තලම දිස්ත්‍රික්කවල ඇතැම් විට වැසි හෝ ගිගුරුම් සහිත වැසි ඇති වේ. මිලිමීටර 75 ට වඩා අධික වර්ෂාපතනය සමහර ස්ථානවල දක්නට ලැබේ.

ඉදිරි දින කිහිපය තුළ 08N-15N, 80E-90E අතර මුහුදු ප්‍රදේශවල වරින් වර වැසි / ගිගුරුම් සහිත වැසි, තද හෝ ඉතා තද සුළං සහ රළු හෝ ඉතා රළු මුහුද අපේක්‍ෂා කළ හැකි බව දෙපාර්තමේන්තුවේ සමුද්‍ර කාලගුණ වාර්තාව පවසයි.

පුත්තලම සිට පොතුවිල් දක්වා මන්නාරම, කන්කසන්තුරෙයි, ත්‍රිකුණාමලය සහ මඩකලපුව හරහා විහිදෙන මුහුදු ප්‍රදේශ විටින් විට ඉතා රළු හෝ ඉහළ මට්ටමක පවතී. නාවික හා ධීවර ප්‍රජාවන්ට මෙම මුහුදු ප්‍රදේශවලට නොයන ලෙස උපදෙස් දී ඇත.

පුත්තලම සිට කොළඹ හරහා හම්බන්තොට දක්වා විහිදෙන මුහුදු ප්‍රදේශ විටින් විට තරමක් රළු වනු ඇත. නාවික හා ධීවර ප්‍රජාවන් මේ සම්බන්ධයෙන් සුපරීක්‍ෂාකාරී වන ලෙස ඉල්ලා සිටී.