දිවයිනට තද වැසි අපේක්ෂා කෙරේ
මාර්තු 20, 2023- ජාතික ගොඩනැගිලි පර්යේෂණ ආයතනය විසින් බදුල්ල, ගාල්ල සහ මාතලේ දිස්ත්‍රික්කවල ප්‍රදේශ කිහිපයකට නායයෑම් අනතුරු ඇඟවීම් නිකුත් කරයි.
අපරභාගයේදී හෝ රාත්‍රී කාලයේදී දිවයිනේ බොහෝ ප්‍රදේශවල තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.
කාලගුණ විද්‍යා දෙපාර්තමේන්තුව විසින් අද (මාර්තු 20) උදෑසන නිකුත් කරන ලද නවතම කාලගුණ අනාවැකියට අනුව බස්නාහිර සහ සබරගමුව පළාත්වලත් නුවරඑළිය, ගාල්ල සහ මාතර දිස්ත්‍රික්කවලත් උදෑසන කාලයේදීත් වැසි ඇති විය හැක.
බස්නාහිර, සබරගමුව, මධ්‍යම, ඌව, උතුරු-මැද සහ නැගෙනහිර පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවලට මිලිමීටර් 50 ට වැඩි තරමක් තද වැසි ඇති විය හැක.
මේ අතර ජාතික ගොඩනැගිලි පර්යේෂණ ආයතනය බදුල්ල, ගාල්ල සහ මාතලේ දිස්ත්‍රික්කවල ප්‍රදේශ කිහිපයකට නායයාමේ අනතුරු ඇඟවීම් නිකුත් කර තිබේ.
තවද බදුල්ල දිස්ත්‍රික්කයේ හල්දුම්මුල්ල ප්‍රාදේශීය ලේකම් කොට්ඨාශය අවට ප්‍රදේශවලටත් නාගොඩ සහ බද්දේගම ප්‍රාදේශීය ලේකම් කොට්ඨාශ අවට ප්‍රදේශවලටත්, ගාල්ල දිස්ත්‍රික්කයේ ඇල්පිටිය ප්‍රාදේශීය ලේකම් කොට්ඨාශය අවට ප්‍රදේශවලටත්, මාතලේ දිස්ත්‍රික්කයේ උකුවෙල, රත්තොට, විල්ගමුව සහ නාඋල ප්‍රාදේශීය ලේකම් කොට්ඨාශ අවට ප්‍රදේශවලටත් නායයෑම් අනතුරු නිකුත් කර ඇත.