දිවයින පුරා ඊසානදිග මෝසම් තත්වයන් - කාලගුණ විද්‍යා දෙපාර්තමේන්තුව

කාලගුණ විද්‍යා දෙපාර්තමේන්තුව සිය කාලගුණ වාර්තාව අද (දෙසැම්බර් 20) නිකුත් කරමින් ඊසානදිග මෝසම් තත්වයන් ඇතිවිය හැකි බව සදහන් කරයි.

සමහර විට උතුරු, නැගෙනහිර, උතුරු මැද සහ ඌව පළාත්වල සහ මාතලේ, නුවරඑලිය සහ හම්බන්තොට  දිස්ත්‍රික්කවල වැසි හෝ ගිගුරුම් සහිත වැසි ඇති වේ.

සබරගමුව පළාතේ සහ කළුතර, ගාල්ල, මාතර සහ මහනුවර දිස්ත්‍රික්කවල ස්ථාන කිහිපයක ප.ව.2.00 න් පසුව වැසි හෝ ගිගුරුම් සහිත වැසි ඇතිවිය හැකි බව කාලගුණ විද්‍යා දෙපාර්තමේන්තුව තවදුරටත් සදහන් කරයි.  

නැගෙනහිර පළාතේ සහ මාතලේ, නුවරඑලිය සහ පොලොන්නරුව යන දිස්ත්‍රික්කවල සමහර ස්ථානවල  මිලිමීටර 75 ට වඩා තරමක් තද වැසි අපේක්ෂා කළ හැකිය.

මධ්‍යම කඳුකරයේ නැගෙනහිර බෑවුම්වල, උතුර, උතුරු මැද, වයඹ පළාත්වල සහ හම්බන්තොට දිස්ත්‍රික්කයට පැයට කිලෝමීටර 50 ක් දක්වා වූ තරමක් තද සුළං අපේක්ෂා කළ හැකිය.

එබැවින්, ගිගුරුම් සහිත වැසි ඇති වන විට තාවකාලික තද සුළං සහ අකුණු මඟින් සිදුවන හානිය අවම කිරීම සඳහා ප්‍රමාණවත් පියවර ගන්නා ලෙස දෙපාර්තමේන්තුව මහජනතාවගෙන් ඉල්ලා සිටී.

සමුද්‍ර කාලගුණ අනාවැකියට අනුව දිවයින අවට මුහුදු ප්‍රදේශවල ස්ථාන කිහිපයක වැසි හෝ ගිගුරුම් සහිත වැසි ඇති වේ. මුලතිව් සිට හම්බන්තොට හරහා ත්‍රිකුණාමලය සහ පොතුවිල් දක්වා මුහුදු ප්‍රදේශයේ සමහර ස්ථානවල තද වැසි අපේක්ෂා කළ හැකිය.

සුළග දිවයින අවට මුහුදු ප්‍රදේශවලට ඊසාන දෙසින් ගමන් කරන අතර සුළගේ වේගය පැයට කිලෝමීටර 30-40 ක් පමණ වේ.

කොළඹ සිට ගාල්ල හරහා කන්කසන්තුරේ, ත්‍රිකුණාමලය සහ මඩකලපුව දක්වා විහිදෙන මුහුදු ප්‍රදේශ හරහා සුළගේ වේගය පැයට කිලෝමීටර 50-60 දක්වා ඉහළ යා හැකිය.

කොළඹ සිට ගාල්ල හරහා කන්කසන්තුරේ සහ ත්‍රිකුණාමලය දක්වා විහිදෙන මුහුදු ප්‍රදේශ විටින් විට රළු ස්වභාවයක් ගනු ඇත. දිවයින අවට ඇති අනෙකුත් මුහුදු ප්‍රදේශ මධ්‍යස්ථ ස්වභාවයක් ගනු ඇති බව  කාලගුණ විද්‍යා දෙපාර්තමේන්තුව තහවුරු කර ඇත.