පවතින වැසි සහිත කාලගුණය තවදුරටත්

ශ්‍රී ලංකාවට ආසන්න පහළ වායුගෝලයේ දැනට පවතින කැළඹිලි ස්වභාවය හේතුවෙන් ඇති වී ඇති වැසි සහිත කාලගුණ තත්ත්වය තවදුරටත් පවතිනු ඇතැයි අපේක්ෂා කෙරේ.

කාලගුණ විද්‍යා දෙපාර්තමේන්තුව අද (මැයි 14) දහවල් 12.00ට නිකුත් කළ නවතම කාලගුණ අනාවැකියට අනුව දිවයිනේ බොහෝ පළාත්වල සන්ධ්‍යාවේ 1.00 න් පමණ පසුව තැනින් තැන වැසි හෝ ගිගුරුම් සහිත වැසි ඇති විය හැකි බව සඳහන් වේ.

මධ්‍යම, සබරගමුව, ඌව සහ නැගෙනහිර පළාත්වල ඇතැම් ස්ථානවලට මිලිමීටර් 100ක පමණ තද වැසි ඇති විය හැක. බස්නාහිර සහ දකුණු වෙරළබඩ ප්‍රදේශවල උදය කාලයේදී ද වැසි ඇති විය හැක.

ජාතික ගොඩනැගිලි පර්යේෂණ සංවිධානය විසින් මේ වන විට බදුල්ල, මහනුවර, කෑගල්ල, කුරුණෑගල සහ රත්නපුර දිස්ත්‍රික්කවල ඇතැම් ප්‍රදේශවලට පළමු මට්ටමේ (කහ) නායයෑමේ අනතුරු ඇඟවීමක් ද නිකුත් කර තිබේ.

ගත වූ පැය 24 තුළ මිලිමීටර් 90.04ක උපරිම වර්ෂාපතනයක් මොණරාගල දිස්ත්‍රික්කයේ බිබිල ප්‍රදේශයෙන් ද උපරිම උෂ්ණත්වය ලෙස සෙල්සියස් අංශක 35.7°C රත්නපුර ප්‍රදේශයෙන් ද වාර්තා විය.