ආරක්‍ෂක ලේකම්තුමන් වෙත සංකේතාත්මක
පොපි මල් පැළඳවීම ආරක්‍ෂක අමාත්‍යංශයේදී
ඔක්තෝම්බර් 25, 2024
ජාත්‍යන්තර පොපි මල් දිනය සමරමින් අද (ඔක් 25) ශ්‍රී ලංකා සේවාමුක්ත භට සංගමයේ සභාපති ලුතිනන් කර්නල් අජිත් සියඹලාපිටිය (විශ්‍රාමික) විසින් ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) වෙත සංකේතාත්මක පොපි මල් පැළඳවීම සිදුකරන ලදි.
ශ්‍රී ලංකා සේවාමුක්ත භට සංගමයේ නියෝජිතයින් පිරිසක් අද පස්වරුවේ ආරක්‍ෂක අමාත්‍යාංශයේදී ආරක්‍ෂක ලේකම්වරයා හමුවූ අවස්ථාවේ පොපි මල පැළඳවීම සිදු කල අතර ඉන් අනතුරුව ඔවුන් සමඟ සුහද සාකච්ඡාවක ද නිරත විය.
පොපි මල් දිනය යනු පළමු ලෝක සංග්‍රාමය අවසන් වීමෙන් පසු පොදු රාජ්‍ය මණ්ඩලීය රටවල රාජකාරියේ යෙදී සිටියදී මියගිය සන්නද්ධ හමුදා සාමාජිකයන් අනුස්මරණය කිරීම සඳහා යෙදී ඇති ජාත්‍යන්තර සැමරුම් දිනයකි.
