ආරක්‍ෂක ලේකම් ආරක්‍ෂක මූලස්ථාන සංකීර්ණ ව්‍යාපෘතියේ
ඉදිකිරීම් කටයුතු නිරීක්‍ෂණය කරයි
ඔක්තෝම්බර් 26, 2024
ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) අද (ඔක්. 26) දින අකුරේගොඩ පිහිටි ආරක්‍ෂක මූලස්ථාන සංකීර්ණයේ ඉදිකිරීම් කටයුතු නිරීක්‍ෂණ චාරිකාවක නිරත විය.
මෙම අවස්ථාවට ආරක්‍ෂක ලේකම්වරයා සමඟ ව්‍යාපෘතියේ අධ්‍යක්‍ෂවරයා සහ නිලධාරීන් ද, ඉදිකිරීම් ස්ථාන සහ වැඩබිම් නිරීක්‍ෂණයට සහභාගි විය.
මෙහිදී ව්‍යාපෘතියේ අධ්‍යක්‍ෂ එයාර් වයිස් මාර්ෂල් රොහාන් පතිරගේ විසින් ව්‍යාපෘතියේ ප්‍රගතිය පිළිබඳව ලේකම්වරයා දැනුවත් කරන ලදි. ඉන් අනතුරුව ආරක්‍ෂක ලේකම්වරයා විසින් ව්‍යාපෘතිය කඩිනම් කිරීමට අවශ්‍ය උපදෙස් ලබා දෙන ලදි.
අතිරේක ලේකම් (තාක්‍ෂණ) ඉංජිනේරු. ඩබ්ලිව් ආර් එන් ආර් ප්‍රේමචන්ද්‍ර මෙනෙවිය සහ ආරක්‍ෂක අමාත්‍යාංශයේ හමුදා සම්බන්ධතා නිලධාරි මෙන්ම ව්‍යාපෘතිය භාර නිලධාරින් ද, මෙම සංචාරයට එක් වූහ.
