ඉරාන තානාපති ආරක්‍ෂක ලේකම් හමුවෙයි

ශ්‍රී ලංකාවේ ඉරාන ඉස්ලාමීය ජනරජයේ තානාපති අතිගරු ආචාර්ය Alireza Delkhosh මැතිතුමා  අද (නොවැ 01) ශ්‍රී ජයවර්ධනපුර කෝට්ටේ ආරක්‍ෂක මූලස්ථාන සංකීර්ණයේ පිහිටි ආරක්‍ෂක අමාත්‍යාංශයේදී ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.

උණුසුම් පිළිගැනීමකින් අනතුරුව, ආරක්‍ෂක ලේකම්වරයා ඉරාන තානාපති සමඟ ද්විපාර්ශ්වික වැදගත්කම සහ දෙරට අතර සහයෝගීතාව වර්ධනය කිරීම පිළිබඳ සුහද සාකච්ඡාවක නිරත විය.

මෙම අවස්ථාව සනිටුහන් කරමින් සමරු තිළිණ හුවමාරුවක් සිදුකල අතර, තානාපති Delkhosh මැතිතුමා විසින් සුප්‍රකට කවියෙකු වන Omar Kayyam විසින් රචිත Rubaiyat කෘතියේ සිංහල පරිවර්තනයේ පිටපතක් ද ආරක්‍ෂක ලේකම්වරයා වෙත පිරිනැමීය.

මෙම අවස්ථාවට හමුදා සම්බන්ධතා නිලධාරි එයාර් වයිස් මාර්ෂල් පද්මන් ද කොස්තා සහ ශ්‍රී ලංකාවේ ඉරාන තානාපති කාර්යාලයේ ආරක්‍ෂක උපදේශක කර්නල් Homayoun Aliyari ද සහභාගි වූහ.