ශ්‍රී ලංකා ගුවන් හමුදා සේවාමුක්ත භට සංගමයේ නියෝජිත පිරිසක්
ආරක්‍ෂක ලේකම් හමුවෙයි
නොවැම්බර් 13, 2024
ශ්‍රී ලංකා ගුවන් හමුදා සේවාමුක්ත භට සංගමයේ විධායක කමිටුවේ නියෝජිත පිරිසක් අද (නොවැ 13) ආරක්‍ෂක අමාත්‍යාංශයේදී ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.
ආරක්‍ෂක ලේකම්වරයා මෙම නියෝජිත පිරිස සමඟ සුහද සාකච්ඡාවක නිරත වූ අතර, එහිදී හිටපු ගුවන් හමුදා සාමාජිකයින්ගේ සුබසාධන සහ පුනරුත්ථාපන කටයුතු ඉහළ නැංවීමට අදාළ කරුණු කිහිපයක් පිලිබදව සාකච්ඡා කෙරිණි.
මෙම අවස්ථාවට ගුවන් හමුදා සේවාමුක්ත භට සංගමයේ සභාපති එයාර් වයිස් මාර්ෂල් එල්මෝ පෙරේරා (විශ්‍රාමික), එයාර් කොමදෝරු අමල් විමලරත්න (විශ්‍රාමික), ෆ්ලයිට් ලුතිනන් සුසත් රාජපක්‍ෂ (විශ්‍රාමික) සහ හිටපු බලලත් නිලධාරි ටී.එම්. සරත් කුමාර යන ගුවන් හමුදා සේවාමුක්ත භට සංගමයේ සාමාජිකයින් පිරිසක්ද, සහභාගි විය.
