ආරක්‍ෂක ලේකම්වරයා 2024 වර්ෂයේ වෙළඳසේවා පිහිනුම් ශූරතාවලියේ
ප්‍රධාන ආරාධිත අමුත්තා ලෙස සහභාගී වෙයි

තර්ස්ටන් විද්‍යාලයීය ජල ක්‍රීඩා සමාජය විසින් අඛණ්ඩව 15 වැනි වරටත් සංවිධානය කරන ලද කීර්තිමත් ජනාධිපති අභියෝගතා කුසලාන වෙළඳසේවා පිහිනුම් ශූරතා තරඟාවලිය - 2024 පසුගියදා (දෙසැ. 01) තර්ස්ටන් විද්‍යාලීය පිහිනුම් සංකීර්ණයේදී පැවැත්විණි. ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා එම අවස්ථාවට ප්‍රධාන ආරාධිත අමුත්තා ලෙස සහභාගි විය.

පෞද්ගලික අංශයේ ආයතන රැසක ක්‍රීඩා කණ්ඩායම් බොහොමයක් මෙම ශූරතාවලියට උද්යෝගිමත්ව සහභාගී වූ අතර, එය පිහිනුම් හා ජලාශ්‍රිත ක්‍රීඩා වලින් ජාතික මට්ටමේ කුසලතාවන් ඇති ක්‍රීඩක ක්‍රීඩිකාවන් රැසකගේ උද්වේගකාරී ක්‍රීඩා විලාශයන්ගේ එකතුවක් ලෙස දැක ගත හැකි විය. ආකර්ෂණීය ප්‍රදර්ශනාත්මක කිමිදුම් සංදර්ශණයක් ඇතුළු ඉසව් රැසකින් මෙම තරඟාවලිය සමන්විත විය.

තරඟාවලියේ ත්‍යාග ප්‍රදානෝත්සවයේදී කැපී පෙනෙන දස්කම් දැක්වූ ක්‍රීඩක ක්‍රීඩිකාවන්ගේ විශිෂ්ට කුසලතා ඇගයීමට ලක් විය.