ඉන්දීය මහකොමසාරිස් කාර්යාලයේ
ආරක්‍ෂක උපදේශක ආරක්‍ෂක ලේකම් හමුවෙයි
දෙසැම්බර් 09, 2024
ශ්‍රී ලංකාවේ ඉන්දීය මහ කොමසාරිස් කාර්යාලයේ ආරක්‍ෂක උපදේශක කපිතාන් ආනන්ද් මුකුන්දන් අද (දෙසැ 09) ශ්‍රී ජයවර්ධනපුර කෝට්ටේ පිහිටි ආරක්‍ෂක අමාත්‍යාංශයේ දී ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.
එයාර් වයිස් මාර්ෂල් තුයියකොන්තා (විශ්‍රාමික) විසින් ඉන්දීය ආරක්‍ෂක උපදේශකවරයා ඉතා උණුසුම් ලෙස පිළිගත් අතර. අනතුරුව ද්විපාර්ශ්වික වශයෙන් වැදගත් කරුණු කෙරෙහි අවධානය යොමු කරමින් සුහද සාකච්ඡාවක් පැවැත්වීය. මෙම අවස්ථාව සනිටුහන් කරමින් කපිතාන් මුකුන්දන් විසින් ආරක්‍ෂක ලේකම්වරයා වෙත සමරු තිළිණයක් ප්‍රදානය කරන ලදී.
ආරක්‍ෂක අමාත්‍යාංශයේ හමුදා සම්බන්ධතා නිලධාරී එයාර් වයිස් මාර්ෂල් පද්මන් ද කොස්තා ද මෙම අවස්ථාවට සහභාගි විය.
