නව යුද හමුදාපති ආරක්‍ෂක ලේකම් හමුවෙයි
ජනවාරී 08, 2025ශ්‍රී ලංකා යුද්ධ හමුදාවේ අභිනව හමුදාපති ලුතිනන් ජෙනරල් ලසන්ත රොද්‍රිගෝ අද (ජන 08) දින ශ්‍රී ජයවර්ධනපුර කෝට්ටේ ආරක්‍ෂක අමාත්‍යාංශයේ දී ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමුවිය.
යුද්ධ හමුදාධිපති වශයෙන් පත්වීම් ලැබීමෙන් පසු ලුතිනන් ජෙනරල් රොද්‍රිගෝ සහ ආරක්‍ෂක ලේකම්වරයා අතර සිදු වූ පළමු නිල හමුව මෙය විය.
මෙම නව පත්වීම සම්බන්ධයෙන් ආරක්‍ෂක ලේකම්වරයා ලුතිනන් ජෙනරල් රොද්‍රිගෝ වෙත සුභාශිංසන පළ කළ අතර, ශ්‍රී ලංකා යුද්ධ හමුදාව අඛණ්ඩව විශිෂ්ඨත්වය කරා ගෙන යාම සඳහා නව යුද්ධ හමුදාපතිවරයාගේ නායකත්වය පිළිබඳව තම විශ්වාසය පළ කළේය.
ලුතිනන් ජෙනරල් රොද්‍රිගෝ 2024 දෙසැම්බර් 31 දින ශ්‍රී ලංකා යුද හමුදාවේ හමුදාපතිවරයා වශයෙන් සිය ධුරයේ වැඩ භාර ගනු ලැබීය.
