යුද හමුදාව තවත් නිරෝධායන මධ්‍යස්ථානයක් යාපනයේ පිහිටුවයි

ශ්‍රී ලංකා යුද හමුදාව මෑතකදී යාපනයේ වාසවිලාන්හි පිහිටි රජයේ ගොඩනැගිලි සංකීර්ණයක් හදිසි ප්‍රතිකාර නිරෝධායන මධ්‍යස්ථානයක් බවට පරිවර්තනය කර තිබේ.

ඇඳන් 500-1000 ක ධාරිතාවයකින් යුත් නව මධ්‍යස්ථානය පිහිටුවීම, යාපනය ආරක්ෂක සේනා ආඥාපතිගේ මඟ පෙන්වීම යටතේ 521 සේනාංකයේ භට පිරිස් විසින් සිදුකරන ලදි.

කොවිඩ්-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී, ආරක්ෂක මාණ්ඩලික ප්‍රධානී සහ යුද හමුදාපති ජෙනරාල් ශවේන්ද්‍ර සිල්වා මහතා ද ඊයේ (ජනවාරි 31) එම ස්ථානය පරීක්ෂා කරන ලදි.

මෙම අවස්ථාවට ශ්‍රී ලංකා යුද හමුදාවේ මාණ්ඩලික ප්‍රධානී, යාපනය ආරක්ෂක සේනා ආඥාපති සහ ජ්‍යෙෂ්ඨ නිලධාරීන් ද සහභාගි විය.