අයහපත් කාලගුණික තත්වය තවදුරටත්

දිවයිනේ බොහෝ ප්‍රදේශවල පවතින අයහපත් කාලගුණික තත්වය තවදුරටත් පවතිනු ඇති බවට කාලගුණ විද්‍යා දෙපාර්තමේන්තුවේ නවතම පුරෝකථනයට අනුව වාර්තා වේ. එම අනාවැකියට අනුව අද (ඔක්තෝබර් 14) උදෑසන වන විට දිවයිනේ ප්‍රදේශ කිහිපයකට තද වැසි ඇති විය හැකි අතර වායුගෝලීය කැළඹීම් දිවයින ආසන්නයේ තවදුරටත් පවතින බැවින් රටේ බොහෝ ප්‍රදේශ වල පවතින අහස වලාකුළු සහිත වනු ඇත.

බස්නාහිර, සබරගමුව, මධ්‍යම, දකුණ සහ වයඹ පළාත් වල විටින් විට වැසි හෝ ගිගුරුම් සහිත වැසි ඇති වේ.

බස්නාහිර, සබරගමුව, මධ්‍යම සහ වයඹ පළාත්වල සහ ගාල්ල සහ මාතර දිස්ත්‍රික්කවල ඇතැම් ස්ථානවලට මිලිමීටර් 100ක පමණ තද වැසි අපේක්ෂා කළ හැක.

අපරභාගයේදී හෝ රාත්‍රී කාලයේදී දිවයිනේ සෙසු ප්‍රදේශවල වැසි හෝ ගිගුරුම් සහිත වැසි ඇති වේ. ඇතැම් ස්ථානවලට මිලිමීටර් 75 ට වැඩි තරමක් තද වැසි බලාපොරොත්තු විය හැක.

නිරිත දෙසින් හමන පැ.කි.මී 25-35 අතර සුළඟ සමග එම මුහුදු ප්‍රදේශවල ද වැසි ඇති විය හැක. වෙරළට ඔබ්බෙන් වන මුහුදු ප්‍රදේශවල සුළගේ වේගය විටින් විට පැ.කි.මී.40-45 දක්වා වැඩි විය හැකි අතර ගාල්ල සිට මාතර සහ හම්බන්තොට හරහා පොතුවිල් දක්වා විහිදේ.

ගාල්ල සිට මාතර සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශ විටෙක රළු වනු ඇත.

ගිගුරුම් සහිත වැසි ඇති වන විට එම ප්‍රදේශවල තාවකාලිකව තද සුළං සහ අකුණු සිදුවන අතර හානි අවම කර ගැනීමට අවශ්‍ය පියවර ගන්නා ලෙස ජනතාවගෙන් ඉල්ලා සිටී.

ඊයේ (ඔක්. 13) වැඩිම වර්ෂාපතනය ලැබී ඇත්තේ කළුතර දිස්ත්‍රික්කයේ ස්ථාන වලට වන අතර හොරණ මිලිමීටර් 159ක වර්ෂාපතනයක් වාර්තා කරයි. ගාල්ල දිස්ත්‍රික්කයේ ඇත්කඳුර ප්‍රදේශයෙන් මිලිමීටර් 128ක වර්ෂාපතනයක් ද ගම්පහ දිස්ත්‍රික්කයේ මිනුවන්ගොඩට මිලිමීටර් 121ක වර්ෂාපතනයක් ද ලැබී ඇත.