ජනාධිපති පරිසර සම්මාන උළෙල -2019 හි දී ශ්‍රී ලංකා ගුවන් හමුදාව සහ ශ්‍රී ලංකා නාවික හමුදාව ඇගයීමට ලක්වේ
ඔක්තෝම්බර් 30, 2019ජනාධිපති පරිසර සම්මාන උළෙල -2019 අඟහරුවාදා දින ( ඔක්තෝබර් 29) කොළඹ, නෙළුම් පොකුණ රඟහලේදී ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවැත්විණි.
ත්‍රිකුණාමලයේ චීන වරාය ශ්‍රී ලංකා ගුවන් හමුදා ඇකඩමිය වෙත ජනාධිපති පරිසර සම්මාන උළෙලේදී පරිසරය සුරැකීමට දායක වූ රාජ්‍ය අංශයේ හොඳම රාජ්‍ය ආයතනය සඳහා වන රන් සම්මානය ප්‍රදානය කරන ලදී.
ශ්‍රී ලංකා ගුවන් හමුදා මාධ්‍යයට අනුව, ගුවන් හමුදාව පරිසරය සුරැකීම පිළිබඳ සිය ප්‍රතිපත්තීන් ස්ථාපිත කිරීමෙන් පසුව පරිසර ආරක්ෂාව සඳහා ජනාධිපති රන් සම්මානයක් ලබා ගන්නා ලද පළමු අවස්ථාව මෙයයි.
මේ අතර, ශ්‍රී ලංකා නාවික හමුදාවේ “නීල හරිත සංග්‍රාමය” යටතේ නාවික තඨාකාංගණය තුල පිහිටි ත්‍රිකුණාමලය නාවික හා සාගරික විද්‍යාපීඨයේ ක්‍රියාත්මක ව්‍යාපෘතීන්ද ජනාධිපති පරිසර සම්මාන උළෙලේදී ඇගයීමට ලක්විය.
මධ්‍යම පාරිසරික අධිකාරිය විසින් සංවිධානය කරන ලද ජනාධිපති පාරිසරික සම්මාන උළෙල මගින් පරිසර හිතකාමී ආකල්ප ප්‍රදර්ශනය කළ සහ තිරසාර භාවිතයන් තුළින් පරිසර දුෂණයෙන් තොර හිතකාමී පරිසරයක් ගොඩනැගීම සඳහා සැලකිය යුතු ප්‍රයත්නයක් දැරූ රාජ්‍ය අංශයේ සංවිධාන, කර්මාන්ත සහ පුද්ගලයින් ඇගයීමට ලක් කෙරේ.
