இலங்கை பல நாள் மீன்பிடிக் கப்பலொன்றில் இரகசிய அறைகளில் மறைக்கப்பட்டுள்ள 3250 மில்லியன் ரூபாவுக்கும் அதிக பெறுமதியான 131 கிலோ கிராம் ஹெரோயின் போதைப்பொருளை கடற்படையினர் கைப்பற்றியுள்ளனர்

இலங்கை கடலோரக் காவல்படையினருக்குக் கிடைத்த புலனாய்வுத் தகவலின் அடிப்படையில், இலங்கை கடற்படையினர், தெவுந்தர இருந்து தெற்கு திசைக்கு சுமார் 356 கடல் மைல் (சுமார் 700 கி.மீ) தொலைவில் உள்ள ஆழ்கடல் பகுதியில் இலங்கை கடற்படை கப்பல் பராக்கிரமபாஹு கப்பல் மூலம் மேற்கொண்ட சிறப்பு தேடுதல் நடவடிக்கையின் போது சந்தேகத்திற்கிடமான பல நாள் மீன்பிடி கப்பலுடன் ஆறு (06) சந்தேக நபர்கள் கைது செய்யப்பட்டுள்ளனர், மேலும் காலி துறைமுகத்தில் மேற்படி மீன்பிடி கப்பலை சோதனை செய்த போது குறித்த கப்பலின் கவனமாக தயாரிக்கப்பட்ட பெட்டிகளில் மறைத்து வைக்கப்பட்டிருந்த 3250 மில்லியன் ரூபாவிற்கும் அதிக பெறுமதியான ஹெரோயின் 131 கிலோ 754 கிராம் கைப்பற்றப்பட்டுள்ளது. இதேவேளை, கடற்படைத் தளபதி வைஸ் அட்மிரல் பிரியந்த பெரேரா அவர்கள் 2024 ஜூன் 15 ஆம் திகதி காலி துறைமுகத்தில் குறித்த போதைப்பொருளை பார்வையிட்டார்.

போதைப்பொருளை நாட்டிலிருந்து ஒழிப்பதற்கான தேசிய அபிலாஷையை அடைவதற்காக, கடற்பரப்பை உள்ளடக்கி மிகுந்த கவனத்துடன் செயற்பாடுகளை முன்னெடுத்து வரும் கடற்படையினரும், கரையோரப் பாதுகாப்புத் திணைக்களமும் போதைப்பொருள் கடத்தலைத் தடுக்கும் செயற்பாடுகளை தொடர்ச்சியாக முன்னெடுத்து வருகின்றனர்.

அதன்படி, இலங்கை கடலோர காவல்படை திணைக்களத்திற்கு கிடைத்த இரகசிய தகவலின்படி, இலங்கை கடற்படையினர் பராக்கிரமபாகு என்ற கப்பலை தெவுந்தர இருந்து தெற்கு திசைக்கு சுமார் 356 கடல் மைல் (சுமார் 700 கி.மீ) தொலைவில் உள்ள ஆழ்கடல் பகுதியில் இந்த விசேட தேடுதல் நடவடிக்கையில் ஈடுபடுத்தியுள்ளனர். குறித்த பகுதியில் சந்தேகத்திற்கிடமான வகையில் பயணித்த பல நாள் மீன்பிடி படகொன்று (01) சோதனையிடப்பட்டதுடன் அங்கு, பல நாள் மீன்பிடிக் கப்பலில் சுமார் 30 கிராம் ஹெரோயின் போதைப்பொருள் கண்டுபிடிக்கப்பட்டதையடுத்து, 2024 ஜூன் 06 ஆம் திகதி ஆறு (06) சந்தேக நபர்களுடன் குறித்த பல நாள் மீன்பிடிக் கப்பல் கைது செய்யப்பட்டு, மேலதிக சோதனைக்காக 2024 ஜூன் 14 அன்று காலி துறைமுகத்திற்கு கொண்டு வரப்பட்டது.

காலி துறைமுகத்தில் கடற்படையினர் மேற்கொண்ட முழுமையான சோதனையின் போது, படகின் ஓட்டில் மறைத்து வைக்கப்பட்டிருந்த 130 ஹெரோயின் பொதிகள் கண்டுபிடிக்கப்பட்டுள்ளன. ஹெராயின் பொதிகள் சுமார் 131 கிலோ 754 கிராம் எடை கொண்டுள்ளது.

இந்த நடவடிக்கையின் மூலம் கைப்பற்றப்பட்ட ஹெரோயினின் மொத்த வீதி பெறுமதி 3250 மில்லியன் ரூபாவுக்கும் அதிகமாக இருக்கும் என நம்பப்படுகிறது.

இந்த நடவடிக்கையின் மூலம், கைது செய்யப்பட்ட சந்தேக நபர்கள் 23 முதல் 43 வயதுடைய தேவுந்தர மற்றும் கந்தர பிரதேசங்களில் வசிப்பவர்கள் என அடையாளம் காணப்பட்டதுடன், கைப்பற்றப்பட்ட ஹெரோயின் போதைப்பொருள், ஆறு சந்தேக நபர்கள் (06) மற்றும் பல நாள் மீன்பிடி கப்பல் (01) ஆகியவை மேலதிக சட்ட நடவடிக்கைகளுக்காக பொலிஸ் போதைப்பொருள் பணியகத்திடம் ஒப்படைக்கப்படவுள்ளன.

மேலும், போதைப்பொருள் மற்றும் ஆபத்தான போதைப்பொருட்களை ஒழிப்பதற்காக ஸ்தாபிக்கப்பட்ட ஜனாதிபதி செயலணியின் தலைவரான கடற்படைத் தளபதி வைஸ் அட்மிரல் பிரியந்த பெரேராவின் தலைமை மற்றும் வழிகாட்டலின் கீழ் போதைப்பொருளை நாட்டிலிருந்து ஒழிக்கும் தேசிய அபிலாஷையை அடைவதற்காக 2024 ஆம் ஆண்டில் இதுவரை மேற்கொள்ளப்பட்ட சோதனை நடவடிக்கைகளில் 13210 மில்லியன் ரூபாவிற்கும் அதிக வீதி பெறுமதியான போதைப் பொருட்கள் கைது செய்யப்பட்டு மேலதிக சட்ட நடவடிக்கைகளுக்காக அனுப்பி வைக்கப்பட்டுள்ளன.

மேலும், மீன்பிடி என்ற போர்வையில் போதைப்பொருள் கடத்தலில் ஈடுபடுவோர் மற்றும் அதற்கு ஆதரவான நபர்கள் பற்றிய தகவல்களை கடற்படை மற்றும் நாட்டின் சட்டத்தை அமுல்படுத்தும் நிறுவனங்களுக்கு வழங்கவும், நாட்டின் எதிர்கால சந்ததியினருக்கு ஆதரவளிக்கவும் இலங்கை கடற்படை பொதுமக்களிடம் வலியுறுத்துகிறது.