அமெரிக்க NDU தூதுக்குழு பாதுகாப்பு செயலாளருடன் சந்திப்பு

அட்மிரல் (ஓய்வு) ஹெரி ஹரிஸ் தலைமையிலான அமெரிக்க தேசிய பாதுகாப்பு பல்கலைக்கழக (NDU) தூதுக்குழுவினர் இன்று (நவம்பர் 7) இலங்கை பாதுகாப்பு செயலாளர் எயார் வைஸ் மார்ஷல் சம்பத் தூயகொந்தாவை (ஓய்வு) கோட்டே ஸ்ரீ ஜெயவர்தனபுரவில் உள்ள பாதுகாப்பு அமைச்சில் சந்தித்தனர்.

தூதுக்குழுவினரை அன்புடன் வரவேற்ற பாதுகாப்பு செயலாளர் அவர்களுடன் சுமுகமாக கலந்துரையாடினார். நிகழ்வை நினைவு கூறும் வகையில் நினைவுச் சின்னங்களும் பரிமாறப்பட்டன.

இந்த நிகழ்வில் பாதுகாப்பு அமைச்சின் இராணுவ இணைப்பு அதிகாரி எயார் வைஸ் மார்ஷல் பத்மன் டி கொஸ்தா  மற்றும் அமெரிக்க தூதரகத்தின் பாதுகாப்பு ஆலோசகர் லெப்டினன்ட் கேர்ணல் அந்தனி நெல்சன் ஆகியோர்ரும் கலந்துக் கொண்டனர்.

இதனைத் தொடர்ந்து, அமைச்சின் கேட்போர் கூடத்தில் பிரதி இராணுவ இணைப்பு அதிகாரி பிரிகேடியர் நதீக குலசேகர மற்றும் சிரேஷ்ட உதவிச் செயலாளர் மயூரி பெரேரா ஆகியோருடன் அமெரிக்க NDU தூதுக்குழுவினர் ஒரு தகவல் அமர்வில் பங்குகொண்டனர் என்பது குறிப்பிடத்தக்கது.