அங்கவீனம் ஒரு இயலாமை அல்ல

அன்று நாங்கள், புறக்கணிக்கப்பட்திருத்த 12 வருடங்களுக்கும் குறைவான சேவையைக் கொண்ட  அங்கவீனமுற்ற படை வீரர்கள்  சார்பாக எங்களது கோரிக்கைகளை ஜனாதிபதி செயலகத்திற்கு எழுத்துப்பூர்வமாக ஒப்படைக்க முயன்றோம், ஆனால் மிகுந்த அவமதிப்புடன் நடத்தப்பட்டோம். 2016 ஆம் ஆண்டில், சேவை ஓய்வூதியத்தை செலுத்துமாறு நாங்கள் கோரினோம். “எங்கள் சரியான மற்றும் நியாயமான கோரிக்கைகளைப் பெற நாங்கள் சென்ற வழிமுறை  இதுதான் “ என எதிரிசூரிய தெரிவித்தார்.

எதிரிசூரிய, 1990ஆம் ஆண்டில் தனது 19வது வயதில் இராணுவத்தின் 2வது இலங்கை தேசிய பாதுகாப்புபடையில் (2SLNG) இணைந்தார். 1992ஆம் ஆண்டில், திருகோணமலையில் உள்ள பாலம்போட்டாரில் பாதை சோதனை நடவடிக்கைகளில் ஈடுபட்டிருந்தபோது, கண்ணிவெடி தாக்குதலுக்கு இலக்கானதால் அவருக்கு பலத்த காயம் ஏற்பட்டது. இந்த சம்பவத்தினால்  அவர், அவரது இரு கைகளையும் கண் பார்வையையும் இழந்தார். அப்போதிருந்து அவர் 3 ஆண்டுகளுக்கும் மேலான காலத்தை  இராணுவ மருத்துவமனையிலும், ரகமாவில் அமைந்துள்ள அங்கவீனமுற்ற வீரர்களுக்கான குடியிருப்பு பராமரிப்பகமான  ‘ரணவீரு செவன’விலும் கழித்தார்.

முந்தைய ஆட்சியின் போது  குறித்த பிரச்சினை  தொடர்பாக முன்வைக்கப்பட்டிருந்த  தீர்வுகளில் காணப்பட்ட குறைபாடுகளை நிவர்த்தி செய்து  தற்போதைய அரசாங்கம் 100 நாள் ஆட்சியில் சரியான வழிமுறைகளைக்  கொண்ட புத்திசாதூர்யமான  தீர்வினை முன்வைத்துள்ளதாக மஹிந்த  எதிரிசூரிய தெரிவித்தார்.

2019 ஆம் ஆண்டளவில், அங்கவீனமுற்ற மற்றும் உயிரிழந்த போர் வீரர்களின் ஓய்வூதியக் கொடுப்பனவுக்கான தற்போதைய திட்டத்தில் காணப்பட்ட குறைபாடுகளை கண்டறிந்து, தமது கோரிக்கைகளை ஒன்றுசேர்ந்து தெரிவித்தனர்.